一品滷水專門店

營業中

休息中

去北角匯食完野喺附近行下原來附近新開咗間滷水專門店玻璃櫥窗掛著嘅滷水鵝大隻又光澤除咗有自選配搭嘅滷水飯其他滷味都好吸引外賣返屋企加餸嘅最佳選擇揀咗幾樣返去試試✨滷水鵝啖啖肉嘅滷水鵝． 多汁且帶有豐富脂肪份量充足．滷得入味✨鵝腸爽口彈牙嘅鵝腸係必食之選✨滷水鴨舌向來都好鍾意食鴨舌一隻接一隻停唔到口當小食 / 伴酒就最啱✨滷水豆腐豆腐口感夠厚實沾上附送嘅醬汁，有另一番味道✨豬大腸大腸表層充滿滷汁加上彈牙嘅筋結食起來口感軟嫩

一品鹵水專門店小店剛剛進駐於北角英皇道301至319號麗宮大廈地下,小店主打潮州鹵水,主理人有多年潮州鹵水經驗,精選高質食材和配料,店內有多款鹵水菜式供客人選擇,,有自選飯餐供應送紙包飲品或例湯,飯盒都送紙盒飲品,小店新開張優惠全單八折,價錢已性價比高,再八折更加經濟抵食,買外賣加送值得推介。鹵水鵝片鹵水鵝片鹵得夠入味,鵝肉食落夠嫩,味甘香,食到滿口有香濃的鹵水味。鹵水鵝翼鹵水鵝翼食落嫩滑,鵝翼鹵味齒頰留香。鹵水豆腐豆腐外皮食落有口感,中間嘅豆腐夠嫩滑。鹵水蛋鹵水蛋鹵得夠入味,食落蛋黃口感粉綿,蛋白有口感彈牙。

今晚要斬料加餸，見舖頭新開張，仲全場8折，抵！由廚窗外望，有好多選擇，唔知揀乜好，最後要咗半隻滷水鴨、滷水鴨舌、滷水中鵝翼、滷水雞蛋和滷水豆腐，超豐富！滷水鴨 （$75/半隻，未8折）好有份量。師傅刀功了得，每件大小差唔多。鴨脾上一件好香嫩，鴨皮下有少少肥膏，甘香油潤，唔會太肥膩，岩我心水。淨肉就啖啖肉，點啲滷水汁，味道更濃更鹹香；配啲酸汁就酸咪咪，另一番美味。滷水鴨舌（$60/4両，未8折）好肥美，皮滑內爽，色澤深濃，滷得好夠味，唔駛點任何醬汁都好好味，用來送啤酒一流，就馬上開返罐！滷水中鵝翼（$50/3隻，未8折）都好大隻，同樣滷得非常入味，一啖啤酒一啖佢，滋味！滷水雞蛋（$6/隻，未8折）蛋白好有彈性，蛋黃就粉綿，整得好入味，滷水香和蛋香都有，正！大滷水豆腐（$10/件，未8折）外皮柔韌，內裏腍嫩，淡淡嘅滷水味，亦有豆香。