一品滷水專門店

營業中

休息中

當我在行人路上走近這間店舖，一陣濃香的鹵水味吸引着我停下來，看著廚窗内的各種鹵水食品，不禁令我垂涎三尺😂😂。（其實係自己為食🤤）。走進去才發現這是一間三代傳承的鹵水店，在香港現在已經買少見少，真的希望這些香港店舖可以繼續生存下去。這間鹵水店面不算太大，買外賣回家一邊吃，一邊喝酒真是一件樂事呢！最抵食的必然是它們的鹵水鵝拼盤了，一大盒可以享受不只是鵝肉，還有鵝翼、豆腐、雞蛋、鹅腎、鵝肝、紅腸、墨魚。。。店內購買還有9折優惠，真正抵食大大份。食落感覺鵝肉入口肉香質嫩，鵝肝入口鬆化，墨魚爽脆，各種各樣都浸沉在濃香的鹵水汁中，非常入味，可口味美。下次一定會再去幫襯其他鹵水食品🤤🤤。

今天買滷水料去奶奶家加餸，途經這家一品滷水店，一陣香噴噴的滷水香味撲鼻而來，吸引了走入鋪內，幫襯了一個滷水拼盤，內有鵝片，鵝翼，墨魚，鵝腸等等，相當豐富。和老闆閒聊兩句，原來三代都做滷味，子承父業，做得純熟。鵝片爽口，墨魚彈牙，鵝腸香脆，每份都充滿滷水甘鮮不苦的香味。奶奶一家讚不絕口，吃的不單是味道，還有一家因此和諧開心的氣氛。

去朋友屋企晚飯，想起食過這間滷水專門店的滷水拼盤超好味，一定要買一盒上去加餸！一如以往，門外有不少街坊幫襯，和老闆有說有笑，聽得出一定係熟客仔。我買的滷水拼盤，一盒裏面有滷水鵝、鵝肝、鵝腎、豬耳、豬大腸、紅腸、墨魚、豆腐、雞蛋等，當中鵝肉香而不腥，鵝肝滑順濃郁，鵝腎口感緊致。豬耳豬大腸彈牙，紅腸帶甜，墨魚咬口實在，豆腐軟滑，滷水蛋亦都好入味，附上酸汁同滷水汁，朋友都讚好味，仲有全日優惠，大盒夾抵食！

「一品滷水」真係有料到，靜靜雞開喺北角英皇道，聽講好多老街坊幫襯開。師傅落刀好爽手，啲滷味切得又薄又勻稱，重點係樣樣都夠晒入味！今次試完，即刻明點解咁多熟客。心水滷味4款：招牌滷水鵝： 鵝肉夠嫩唔嚡，滷汁嘅香味真係入晒骨。師傅會按部位切，我嗰份鵝片切得幾大塊，最驚喜係墊底嘅滷水豆腐，吸盡精華好正。滷水墨魚： 師傅將墨魚片切到透光咁薄，上盒前再淋多浸滷水汁，食落爽口得嚟完全唔韌，點少少佢哋嘅辣椒油，味道即刻升呢。滷水鵝肝： 呢個有驚喜！鵝肝滷到剛剛好粉嫩，入口好甘香，質感滑溜近似鵝肝醬，配碗白飯真係一絕。滷水豬手： 炆得夠晒火候，豬皮食落黏糯有膠質，連骨筒嘅髓都好入味，鍾意食濃味同口感嘅朋友要試。環境同貼心位：鋪面係典型街坊小店格局，座位唔多，建議外賣返屋企慢慢歎更自在。買嘅時候阿姐會細心問你要肥啲定瘦啲滷水汁另上 呢點好重要！返到屋企自己淋，唔怕浸淋啲肉同墨魚溫馨提示：晚市7點後熱門部位（如鵝肝、鵝片）好快賣晒，想食要早少少總結： 佢哋嘅滷水真係做得幾好，唔係得個鹹字，八角、桂皮呢啲香料嘅層次食得出，行到街口轉彎位已經聞到陣滷水香！最難得係食完完全唔口渴，證明冇落太多味精。如果你喺北角

今日行經北角，被這間滷水店吸引住，它窗明几淨，有別於一般油淋淋的滷水舖。原來以前是灣仔老字號潮洲滷，三代滷水膽了。今晚一於外賣午餐、加餸晚餐。滷水飯片飯：鵝片厚薄適中，肉質厚實嫩滑多汁啖啖肉，鹹香適宜，食到停不下來。鵝肝：厚薄均勻，色澤粉嫩，豐腴綿密細膩，滷香濃厚，入口即化。滷水蛋：不要看顏色較淡，以為冇味，實則雞蛋吸收了滷水香料精華，非常入味，鹹淡適中。滷水豆腐：嫩滑軟熟，鹹香入味。滷水鵝掌：鵝皮爽滑彈牙，富有膠質，越吮越香。附送的酸辣菜不但爽口好味，也中和滷水鵝的油膩，令人食慾大增。一品滷水專門店 (北角)北角英皇道301-319號麗宮大廈地下5號舖

開心星期五決定要加餸🤩於是乎就去一品 買個滷水拼盤大大份超抵食，同埋老闆好好人會額外加啲唔同野比你滷水鵝拼盤招牌滷水鵝、鵝肝、鵝腎、豬耳、豬大膠、墨魚、豆腐、紅腸、雞蛋老闆加送：鵝腸、鴨舌滷水汁底好濃好味，唔係死咸👍🏻👍🏻拼盤款式多、同埋份量足！價錢亦唔貴每款料都處理得好刀功又切得好最愛鵝片，厚薄剛好，又唔會太肥另外鵝肝都唔係間間有得賣架🫶🏻買滷水我只幫襯呢間😝😝唔叫拼盤都可以叫飯，認真抵食的🤫

這家潮州滷水，由灣仔老店吃到他擇址重開，落戶北角，現在對我來說更方便了，因為現在就在附近返工😁，所以常常過來買滷水回家加料。他們家滷水膽傳承3代人，口味是甜口的，不像其他家越吃越咸，雖然我們家不是潮州人，也是很合口味的，而且他們家所以食品都是全日9折。這次買了他們家新推出的滷水鵝拼盤，甚麼都有，絕對可以滿足我們一家大細😋😋。🪿滷水鵝拼盤 $188九折後$169✴️拼盤食品包括招牌滷水鵝、鵝肝、鵝腎、豬耳、豬大腸、墨魚、豆腐、紅腸、雞蛋食種類非常多，個人口味，除了墨魚之外，其他都好好食。滷水鵝皮爽肉嫩，鵝肝是最好吃的，應該給的粉肝，入口即化，令人回味無窮😋😋😋😋😋😍😍，其他部位也是入味又好吃。總結，一想吃滷水鵝，這家是我家的首先，沒有之一，真的好好吃，家格也好合理，長期9折怎麼可以放過。

懶煮飯嘅日子想加餸？最近試咗北角呢間「一品滷水專門店」，佢哋嘅油雞同滷水鴨真係掂到癲啊！👏🏻 半隻油雞🐔👉🏻 一打開盒就聞到陣豉油香！雞皮薄得嚟脆卜卜，咬落仲有啲蜜糖嘅甜味，雞肉滑到似啫喱，連平時唔食雞胸嘅我都清晒～ 半隻滷水鴨🦆👉🏻 滷水汁完全浸入晒鴨肉！鴨肉唔會「鞋烚烚」，反而嫩得嚟有咬口，滷水香料味好足但又唔會鹹到飲水，鴨皮仲帶少少煙韌感，送飯一流！ 最正係佢哋個滷汁真係靈魂所在💯 聽講每日新鮮調製，唔怪之得食完成日都心思思～ 外賣返屋企仲熱辣辣，阿媽都大讚今餐加餸加得啱！ 📍 一品滷水專門店 北角英皇道301-319號麗宮大廈地下5號舖 #北角掃街 #滷水控必試 #外賣加餸指南 #油雞皮脆肉嫩 #街坊私藏名單 食完真係心滿意足，仲想encore！👅 下次試埋佢哋啲滷水墨魚先～

🔥 北角滷水之王 | 充滿人情味嘅滷水店 師傅刀工了得 鵝肝滷到入口即化「一品滷水」藏身北角英皇道，老街坊食過都讚好！師傅手起刀落，滷味切到件件均勻，仲要夠晒入味，即刻睇吓有咩必食～ 🦢 **必試滷味TOP 4** ✅ **招牌滷水鵝** 鵝肉嫩滑唔鞋口，滷汁香到入骨，師傅會按部位切件，我片切到大大塊，最正係底層吸盡精華嘅滷水豆腐！ ✅ **滷水墨魚** 墨魚片切到透光咁薄，入盒前再浸多次滷水汁，爽口得嚟唔韌，蘸少少辣椒油食更惹味🌶️ ✅ **滷水鵝肝** 鵝肝滷到粉嫩，一咬爆油香💥 質感似鵝肝醬咁滑，配碗白飯簡直無敵～ ✅ **滷水豬手** 炆到骨膠原滿瀉，豬皮黏嘴👄 骨筒仲有髓可以啜，養顏之選！ 🏠 **環境與服務** - 街坊小店格局，建議外賣返屋企慢慢歎 - 阿姐會問你要肥定瘦，滷水汁另上唔怕浸淋 - 晚市7點後熱門部位易賣晒 呢間滷水唔係得死鹹，香料層次分明，由街口轉彎已經聞到香味，食完唔口渴。老闆仲好關心社會照顧弱勢社群，耐唔耐會有派飯活動。收工買返屋企加餸，連阿媽都讚會encore！ 😋👌

滷水鵝的確係經典粵菜。呢度掛起左好多大隻既滷水鵝，見到都想食，店家提供鵝片、鵝肉、鵝肝、鵝掌、鵝腎等多種部位，皆以滷水精心烹製，仲有其他白切雞，沙薑雞等食物。滷水既香氣滲透鵝肉，鹹香適中，滷水鵝既香味令人回味無窮。無論是鵝肝既豐腴、鵝片既嫩滑，定係鵝肉既紮實、鵝腎既爽脆，都各有特色。細細品嚐，鵝肝濃郁香氣於口中慢慢化開。滷水鹹香巧妙地襯托出鵝肝獨特風味。入口即化的口感，而且價錢貼地。鵝肉鮮美與滷汁的醇厚完美融合。

## 滷水三寶：鵝腸、墨魚、豬耳今日嚟到一間街坊小店，試咗佢哋嘅滷水三寶：鵝腸、墨魚同豬耳。 **滷水鵝腸** 真係一絕！鵝腸處理得非常乾淨，冇任何異味，咬落去 **爽口彈牙**，滷水汁完全滲入鵝腸，鹹香入味，令人食唔停口！**滷水墨魚** 亦都唔輸蝕，墨魚 **新鮮爽脆**，完全唔會韌，滷水汁帶出墨魚嘅鮮味，但又唔會蓋過墨魚本身嘅味道，兩者平衡得啱啱好。**滷水豬耳** 就比較驚喜，平時食開嘅豬耳都比較肥膩，但呢度嘅豬耳 **肥膏唔多**，食落去 **爽脆有嚼勁**，滷水味香濃，但又唔會太鹹，非常適合作為下酒菜。最令人驚喜嘅係，咁高質素嘅滷水三寶， **價錢竟然非常親民**，絕對係街坊價錢，高質享受！ 總括而言，呢間小店嘅滷水三寶絕對值得一試，尤其係鍾意食滷水嘅朋友，一定會愛上！

每次經過北角，都會見到依間好多人排隊的滷水店。趁今日有機會就去幫襯吓今晚加餸😌價錢方面經濟實惠，而家仲要有九折優惠，見到師傅不停係咁斬😳 唔怪得知咁多人排隊😎🍚 滷水飯：可以選擇單拼甚至三拼，原價價錢大概是$41-58不等。 我就簡左雙拼：紅腸和滷水鴨。 聽聞這家滷水鴨是10分受歡迎，排隊的時候見到幾乎每個人都會買。到手的時候不得不說是滿滿的一盒🤯😱不是說笑🤯 看到師傅斬完後會加上酸菜同秘製滷水汁。味道方面，滷水味道比一百分👅 鴨肉相當肥美，肥瘦適宜，怪不得係招牌菜。紅腸淋左滷水汁，更加入味和香口👅仲可以簡湯或飲品🐔 沙薑雞： 買左半隻$50， 價錢合理，料都係滿滿一大兜， 有合理懷疑老闆唔理成本旨在要養肥客人😱🥹雞肉嫩口香滑，配埋薑蔥更加入味。🍽️ 滷水豆腐： $10一舊， 我買左2舊。 而我沒有想到會咁大舊🤯 切開放盒又是滿滿一大兜🤣豆腐外脆內軟， 滷水味醃到入哂味😋🥜 鹽焗花生： 花生香口，當零食一流🫢🫢

今日路經位於一品滷水專門店 ，想加餸買回家和家人分享，在排隊購買時，已聽到不少街坊言談之間應該是老顧客，知道他們常常來買呢。🔸滷水鵝片：鵝肉厚實而不柴，滷汁滲透得恰到好處，入口即化，濃鬱的醬香與鮮嫩的肉質完美融合，真的不錯。🔸鵝腸：爽脆彈牙，鹵味汁恰到好處地掛在腸壁上，呢碟餸家人最欣賞。🔸鴨舌:滷得入味又不失本真，肉質緊實卻不難嚼，鹹甜適中，家人忍不住一口接一口。整體而言，這幾道滷味各具特色，難怪咁多老街坊常來幫襯。

一般野餐都係麵包、糕點、生果，好少少嘅會有雞翼、壽司，不過我對朋友咁好，俾人叫左去北角一間滷水名店買嘢，買佢野餐嘅好處就係呢度本身係#外賣店 ，無堂食位，買返屋企又太遠啦，近近地食，就有比較新鮮嘅狀態！所以對朋友好少少，除左零食之外，食呢間啦！依家有個優惠，就係全部九折，以下嘅價錢都係九折後嘅價錢。招牌滷水鵝 $120通常叫鵝片，都會加價。不過呢度老細好好，鵝片都係同價，下面都會留返啲骨，以示無呃秤，超級欣賞。呢度已經有1/4，鵝肉好滑好大塊，本身好入味，其實唔需要點任何嘢，如果點左蒜蓉醋，就可以解膩。豆腐墊底 原價$9雖然係墊底，但本身都好正。外層有滷水味，但裡面白色部分都好入味，雖然好軟，但容易夾。呢個就建議點少少滷水汁。滷水豬手（燻蹄） $60九折後半斤係$68，呢度有半隻。老闆會將成隻豬手起片，每件都切得好厚，雖然有少少骨，但啖啖都好滿足。呢度豬手嘅豬皮入味，但唔會太漿口，肉仍然爽滑，同泰式完全去骨，又煲到似煲湯肉嘅食法完全唔同，依家呢種比較符合廣東人口味。紅腸 $25半條$23，呢度切得幾厚，同埋好似有少少胡椒味，幾香滷水雞蛋 $5朋友爭住食，證明唔錯。總數：$233

每天最煩惱就是想晚上做什麼吃，很多時候直接買外賣便算了，剛好經過北角見到有一間滷水店舖，現在還有九折😲那些滷水鵝看上去十分吸引，便買了¼隻回家，再加上一隻乳鴿🤭老闆人很好，還給我送了滷水蛋❤️❤️❤️回家輕微翻熱一下便能吃了，滷水鵝色澤誘人，肉質鮮嫩，滷汁香濃入味，口感滑順🤤滷水乳鴿香氣撲鼻，肉質細膩且鮮嫩，滷汁入味卻不過於鹹。外皮光滑，色澤誘人。雖説只有¼隻鵝，加一隻乳鴿，但其實份量也不少，四個人吃也挺飽的👍🏻下次經過可以再買來吃😋😋😋