一休(居食屋)日本料理 (38廣場)

營業中

休息中

旺角有好多餐廳，但總無一間能令人留下深刻印象，每當同朋友到旺角食飯諗唔到時，就會選擇一休。其實幫襯左一休好耐，一直保持到水準，性價比極高，難怪會成為我地旺角食堂。今次來到山東街分別揀左個window seat，望住以下繁忙旺角街道好有忙裡偷閒的感覺。晚市promotion menu，感覺幾抵不過揀唔岩。所以都係點番一直會點的$39.9三文魚，比起大連銷店還要厚切，還要鮮甜  壽司仲點左鵝肝及帆立貝，配埋ASAHI啤酒，真係爽呀！熱食方面點左個蕃茄烏冬，湯底好味呀！可能夜嘅關係，侍應比較少人，不過一叫到仆埋黎幫手，加分  又是滿足的一餐！

行完朗豪坊， 拿著一袋二袋， 還與媽媽及囡囡同行， 要找一家坐得舒服的日本料理，去到一休日本料理居食屋。竹刺身拼盤， 以乾冰代替碎冰好有效果；不知是燈光問題還是怎樣，刺身色澤有點啞色， 沒甚麼魚油， 但口感是鮮美爽口的。點了幾件熟的壽司， 囡囡也可以吃嘛~醬皇燒皇帝蟹棒壽司， 蟹棒實淨帶有少少火燒味；玉子卷，甜甜的不鞋口， 如果濕少少會更好味；特厚切三文魚肥美爽口；甜蝦一般沒特別， 如果每件有3隻甜蝦就好了。汁燒原隻魷魚，魷魚身軟身，估計魷魚筒內更因過濕， 而有那像腍身"豬潤"的口感，不過，魷魚鬚就做得好不錯， 夠爽身又香口。日式炸雞，非常大碟的炸雞， 即叫即炸不厚粉，非常鬆化，本身味道足夠，再加上面層的沙律與蔥花， 味道更加突出。

今次再次來到一休上次就跟朋友嘗試過下午茶其實不差今晚就跟媽媽試一試這裡的晚餐這裡勝在收得夜岩哂ot 一族首先點來一休刺身沙律份量很大新鮮的刺身伴上爽口的生菜然後點了一個秋刀魚兩食有刺身及壽司秋刀魚本身味道較啖配上酸酸的壽司飯味道一流芝士餃子皮薄肉又夠鮮甜香甜的醬汁在爽口魷魚上燒得惹味最後都點了天婦羅及牛肉粒天婦羅炸得十分乾身炸粉都不算太厚這樣算是平靚正宵夜晚餐必到之地

今晚一支公，係mk搵間樓上日本餐廳，靜靜地食餐飯先Mk既日本餐廳，其實唔太期望，呢間乾淨，價錢同質素成正比，算係交到貨叫左個辛辣泡菜三文魚飯，同埋一客10件既三文魚辛辣泡菜三文魚飯，都係俾三文魚頭頭尾尾既位，雖然有唔少係有筋，不過個辣味撈得幾好既，三文魚份量都唔少七點半前叫一客10件既三文魚有半價，40蚊，但好新鮮，無筋，每件都鮮甜，令我有啲喜出望外既總括黎講，算係唔錯啦

今天和朋友到旺角學油畫, 相約好學後一起吃日本料理!  找到畫室附近的這間{一休日本料理}, 決定一試!乘升降機上樓, 機門打開後大大塊的玻璃屏風式招牌映入眼簾。 店員安排了卡位給我們, 坐下後環顧一下店內環境。相較旺角大部分的日本料理店, 這裡的面積算蠻寬敞的, 座位和走道都有足夠的空間距離。  沙發座位的背板較高, 讓人感覺有私隱度, 也更能放寬心與朋友聊天。 這裡使用了柔和的黃光燈, 桌椅也是以米白粉色為主, 感覺舒適。店家在牆上貼了一些海報, 也在牆櫃上放置了一些日本酒瓶, 裝潢雖簡單卻不失和風感。 看了以<一休僧>作封面的餐牌, 點好食物, 大約十分鐘食物便陸續登場!  第一道是來到日本料理店不可不點的「刺身」!  我們選了三文魚和油廿魚兩款刺身。說真的這裡的刺身讓我有點喜出望外, 在旺角區吃刺身的經驗可不少, 抱著期望不大的心情吃下一片三文魚刺身, 發現它厚厚一片卻非常嫩滑和軟綿, 新鮮肥美有著三文魚油脂, 喜歡!  一向討厭腥味的我原本擔心油廿魚會腥, 不過吃後發現不但沒有腥味, 而且味道甘甜鮮香。與朋友一口接一口地很快就

" 巴巴閉閉 巴巴閉閉一休僧 辯駁最流利 、巴巴閉閉 巴巴閉閉一休僧 真聰明 "  .... 不知道, 大家會否還記得 " 機靈小和尚 " 這套卡通？ 小時候的我就極度鍾意睇呀 ~某一日, 同太太行過 旺角 山東街 的時候 .... 發現對面街掛有一個 " 一休 (居食屋) 日本料理 " 的大招牌 ~ 我一見到 " 一休 " 兩個字, 頓感興奮, 二話不說, 我們立即撲上去……這一間日式餐廳的裝修實在比較一般, 而且環境嘈雜Menu~豪華刺身拼盤有幾豪華?  劍魚刺身、油甘魚刺身、三文魚刺身、帶子壽司、蟹膏軍艦, 件件都是厚切, 口感新鮮嫩滑, 魚味濃鮮、肥美~ 唐揚炸雞份量十足! 油份少且外酥內嫩, 味道強悍濃烈又獨特, 重口味醃料卻令雞肉的好滋味難以忘懷, 很惹味~凍檸茶大熱天時最好不過~本篇完~

晚飯時間，第一次黎食，點了一個三文魚魚生飯，朋友點了豬軟骨石鍋飯。石鍋飯沒什麼特別，味道淡淡的。但我的三文魚魚生飯出事了。上菜的時候，侍應小姐的一隻大拇指勾入碗內遞過來，手指像是觸碰到魚生了...  三文魚是最普通的貨色也算了，最不能忍受的是醋飯非常乾硬。飯裡的醋都蒸發掉了，究竟是放了多久才端出來的？醋飯像擦字膠一樣的口感，是刺身飯的大忌 簡單的說，争鮮的魚生飯更好食。

來到快樂的星期二，下班後，決定出旺角逛逛，順道為朋友買生日禮物，希望今次不要又再重蹈覆轍，買了不合友人心水的物品吧！見時間尚早，先約埋在附近上班的老公一起去開餐，一於飯後才「他他條條」去行街 shopping。醒起山東街 38 廣場有間口碑不俗的日式燒肉店，本打算到那裡吃頓晚飯，不過老公感冒初癒，不想吃烤物，反而被同一座食廈另一間日本料理店《一休》的廣告水牌吸引著。啊，明白，原來 7:30pm 前埋單有八五折，果然夠曬精打細算。餐廳位於山東街 38 廣場一樓，地方非常寬敞，而且座位亦頗闊落，比同區大部份地舖餐廳的迫狹情況要舒服得多。至於裝潢方面，全店用上米白色為主調，設計雖然簡約，但亦不失和風色彩，配合店裡柔和的燈光，再加上門口的植物作點綴，令環境添上生氣，置身其中，感覺特別輕鬆 relax。翻開以機靈小和尚《一休僧》做封面的餐牌，發現菜式選擇勁豐富，而且款式又多又夠花巧，由刺身、壽司、卷物、燒物、沙律、小食、揚物、鍋類，以至飯、麵、烏冬等都應有盡有，加上價錢平易近人，難怪這類日式料理店近年大受年輕一族追捧。馬上開餐，先點三款壽司試試，包括有醬皇燒皇帝蟹棒壽司、和牛壽司及帶子壽司。三款

埋單笑呵呵@一休日本料理山東街38號38廣場1樓坐地鐵上下班旺角是轉車站, 為方便九龍上班的友人,旺角區好自然就成了ELAINE BEE會友之地。投資損手爛腳失去近4個月人工, 要節衣縮食了,找來百來元人均消費的餐廳。要有力氣同蟹貨鬥長命，刺身沙律，甜蝦及魚生粒，再灑上橙紅色蟹子,芝士碎及蟹柳絲，而沙律醬是羅馬沙律牆，即cesear salad那酸酸帶醋味的醬汁三文魚油甘魚刺身吃到夠，肉嫩而嚼感一流，刺身保持水份。因為是切得厚厚的，看到多動人，蘸上豉油數一二三開動。吉列蠔卷，層次分明的壽司卷，炸完的蠔外脆內綿, 其實還卷了青瓜絲營造了爽口感覺也中和了炸物的油膩。醋米飯上加片輕輕炙燒的芝士，魚子更豐富了味道，入口微暖。南蠻風炸雞，略炸非超脆身輕輕過油就是了，雞肉水嫩不會有炸過的乾身感，淋上大阪燒的醬汁，濃郁醬汁為炸雞添上不小分數。吃飽飽放下百來元，有可以去吃雪糕呢。

上星期約左好耐無見既舊同事食飯, 本身諗住係朗豪坊搵間食就算, 但間間都好多人, 唔走既話起碼要等成個鐘以上, 係無辦法之下就行左出朗豪坊開始搵食, 由於都唔知食咩好, 所以都行左好耐吓, 終於都係附近搵到間大家都OK啱食既一休. 行入內眼見一半坐位都係卡位, 我同朋友一行三人就坐係近窗位置, 感覺都舒適, 侍應隨即就好有禮貌咁遞上菜單, 打開睇吓, 選擇都頗多, 之後我地就點左海鮮沙律、蒜片牛柳、黑松露醬汁薯條、鯛魚刺身等等…先講吓個海鮮沙律, 首先俾想像中既份量多, 除左好新鮮既沙律菜外, 仲有甜蝦、三文魚、帶子同唔知咩魚既刺身係入面, 加埋特製醬汁一齊食, 口感都好鮮甜, 作為前菜黎講都算唔錯.緊接黎既就係鯛魚刺身, 個樣真係幾得, 片片都切得厚薄適中, 味道都好新鮮, 比想像中好, 真係有d意外 跟住就係我最鍾意食既蒜片牛柳, 一口咬落去就覺得好嫩滑, 唔會太鹹之餘仲好鬼香, 完全同我期望一樣咁好食, 攪到我食完仲想叫多碟~而唔知點解會叫左既黑松露醬汁薯條就好脆口, 但個醬汁就唔太特別, 都算ok喇!總括黎講呢個價錢同食物水平都係可以接受, 位多唔會好嘈, 幾個朋友一齊食吓野吹

早前大陸姨生女來香港旅遊，身為她的姑媽要照顧下她,她在香港期間由我同阿女招待她 ，我同她去了不同地方，上星期就和她去了旺角,阿女揀了一休吃飯，一休位於旺角旺區,十分容易找到,我就點了幾個食物，三文魚刺身味道十分新鮮，價錢又不貴，番茄烏冬十分好味 ，番茄味好濃郁，烏冬又好看彈牙 ，和牛味道又不錯，價錢夠平又好味,環境都幾好,服務亦都好好,店員服務主動，給人不錯印象

上個星期同朋友相約到朗豪坊搵蛋黃哥去之前就在附近搵嘢食喺38廣場見到這間不錯的一休日本料理而且價錢又唔貴，就食呢間啦叫了兩款刺身，分別是三文魚及鱆紅魚魚非常新鮮，雪味不重，肉質彈牙軟綿 還叫了少有的和牛壽司，和牛肉質入口即溶口感像在吃吞拿魚腩般，不會有腥味 另外活赤貝壽司很爽口新鮮 一休炸雞球想不到比想像中出色炸得皮脆香口，肉質雖然乾咗啲，但都不會很鞋加上沙律醬及有機菜，中和了烤雞的油膩感 最後叫了個岩石燒醬油蝦球高菜炒飯熱辣辣的岩石鍋，飯有飯焦，蝦球彈牙每粒飯都沾有油光，加上高菜令味道更濃 

近排出外出吃飯次數好多，今個月有一半時間在外面吃晚餐，徐了同朋友之外，亦應該陪下屋企人,呢2日有大陸表妹來香港玩7日，我決定帶她去旺角見識一下街頭熱鬧，既然來到旺角，順便吃下晚餐，屋企人知道我最近成日出外吃飯，搵下食店由我負責去揾,我同屋企人好愛吃日本料理，就上來OR看下有咩日本料理，我在OR上發現—間以日本卡通為主角作為食店名字，就是我的童年回憶，這間叫一休,一休位於雅蘭中心附近，好容易找到38号廣場，我們上到店鋪時候，店内不算太多客人，店員好快安排我們坐窗口位置，店員話今個月做緊優惠，我們大約叫了4個,店員正在做大優惠，就送了一碟餃子，三文魚又做40元/10件,三文魚夠肥美，吃下去時候覺得鮮味不錯,餃子亦都好好味,皮薄肉多汁，燒汁魷魚稍為咸咗些小，一休的服務亦幾好,環境就一般,一休整體平靚正，價錢又不貴,我覺得一休亦不是其他食家講得太差,我覺得一休在我來講幾好吃

最近旺角有蛋黃哥的大型擺設，身為蛋黃哥的fans，當然要約我既好姐妹一齊去影相順便吃個晚飯聚聚舊。而我們都愛吃日本料理，所以就決定試試網上評價不錯的一休日本料理。吃日本菜必吃刺身，刺身上檯時會有真冰及乾冰墊底，讓刺身保持新鮮。厚切三文魚吃起來完全沒有腥味及雪味，油脂平均，肉質嫩滑非常新鮮。壽司方面我們點了和牛壽司及活赤貝壽司。和牛壽司油分豐富甘香，肉好質細嫩，壽司上已放有葱花，只需點少許醬油已很美味。而活赤貝壽司亦很鮮味，咬下去好爽口鮮甜。一休炸雞球，份量十足，我們兩個女生員吃了一半就飽了，無骨炸雞炸得好酥脆香口，雞內保持嫩滑又Juicy。炸雞上有燒汁及沙律醬調味，好惹味!大口咬下去會有種莫名的爽快。 最後點了岩石燒醬油蝦球高菜炒飯，石窩上熱辣辣香氣十足。很大一窩每人可以分到兩碗，蝦球肉質很彈牙，米飯粒粒分明，吃起來有微微油膩感。

牛肉鍋定食$39 鰻魚炒飯$38 燒魷魚$48 串燒拼盤$48 (好食指數:7/10) 抱住佢咁平應該麻麻，不過岀乎意外。 牛肉鍋味道同湯袋啱啱，包左一大碗飯，啱唒肚餓既你。 炒飯略嫌太濕，未炒得乾身，鰻魚份量好小，不過味道還好。 最意外既係魷魚，加上燒汁好惹味，又唔會燒得咁un，啱啱半生熟。 $48串燒拼盤亦有好多串，最欣賞係雞腎同雞肉串。 總括係又平質素又ok既日本餐廳!