一休(居食屋)日本料理 (38廣場)

營業中

休息中

行完朗豪坊就去旺角開餐🙌🏾可能時間尚早，並不太多人，店舖有不少空位。店內整齊，燈飾擺設好有和風感！環境舒適。一看menu，7:30pm 前order 仲有不同優惠-天天不同大割引，感覺又幾抵woo……一休海鮮沙律＄38呢個沙律雖然係大割引的，但大大份！有甜蝦、蟹柳絲、青瓜絲、番茄仔同三文魚等加埋一齊，絕對有驚喜。刺身新鮮，沙拉菜清新！正鹽燒秋刀魚＄52如圖所見，2條魚大大件，仲要岩岩燒完送上枱、熱辣辣，一D濃都冇，魚外皮香、內裡肉質嫩滑，加埋檸檬汁食，味道更正看到有三文魚刺身只要HKD39.9，當然要試一試三文魚丶玻璃蝦剌身＄39．9 &＄38三文魚刺身十片只是39.9，激抵,雖沒有厚切，但爽甜沒有筋！！玻璃蝦還算爽甜槍燒鰻魚飯＄52鰻魚有五六片左右，份量不算多，薄薄的，與配上的燒汁食用，味道不錯⋯⋯平價食日本料理！

同朋友食補祝生日飯，壽星女話要食日本菜又想平啲，經努力下揾到呢間日本料理鰻魚串燒，一口落口就有入口即溶既感覺好正個汁好好味唔會太咸而且唔會蓋過鰻魚既味~厚切牛舌 都有好濃既牛味迷你帆立貝 呢個就有點咸只要超過100蚊就可以以39.9嗌既三文魚刺身，質素都唔太差厚度適中火炙和牛壽司，薄薄既一片牛肉都已經好夠牛味！地獄拉麵 一般辣度對我黎講😂不過就淨係得個辣冇乜味呢個一休炸雞球正呀！大大舊大過手指公既雞配埋個沙律醬汁非常惹味大阪燒 呢個就一般般芝士吉列豪卷 中間既唔知咩菜太多而且好難咬開又冇乜芝士味燒汁魷魚筒 正常質素玉子燒 燒得太熟了冇蛋汁流出不過甜甜的都幾好食👌🏼4個人埋單都只不過係5xx 雖然冇得好似放題咁喪食刺身，不過咁平既價錢黎講真係好抵食！可以一戰

今日去左旺角開餐, 炎炎夏日熱辣辣於是朋友就帶左我地食日本菜, 入面環境都寬敞舒服, 抵贊。每日都有廚師精選添。葱呑拿魚腩手卷 - 呑拿魚腩入口即溶, 加埋芝麻令到口感更有層次, 壽司米唔會凈係得醋味, 又唔會一夾就散。由於我真係太愛䓤呑拿魚腩系列, 我地仲追加左個軍艦添。一休海鮮沙律 - 有三文魚、蟹子、刺身蝦同各式沙律菜。最正就係隨左配料多之外, 個特制沙律汁更係令人食指大動。大板燒 - 味道夠濃, 醬汁多, 亦都有木魚絲, 稍略嫌厚粉。鱆紅魚刺身薄切 - 魚身切得雖薄, 但肉質非常新鮮肥美, 加點䓤花沾上特制刺身汁令人感覺猶如置身於黑門市場食緊新鮮刺身甘。鹽燒秋刀魚 - 唔會燒得老, 肉質都算鮮味, 魚皮用埋鹽燒更加甘香。燒佃權魷魚餅 - 店家標榜係築地直送的, 魷魚餠唔會un, 而且好入味, 醬汁調教得幾濃幾惹味。照燒鰻魚串 - 鰻魚燒得非入味, 食得出肉料新鮮, 鰻魚汁非常濃郁同惹味。

​ 兔兔不是常常去食放題，有時都喜歡去一些特色單點的居酒屋。 大阪燒日本風@＄38 裏面有一些蔬菜粟米，外面那層皮比較脆身，有少少似食緊章魚小丸子，而且上面一些木魚非常香口，整體味道不錯。 忌廉芝士餅@＄28 這個反而比較普通，雖然裏面有拉得出來的芝士絲不過味道沒有什麼特色，都是鹹鹹甜甜的。外皮也沒有特別的感覺。 雜錦牛肉鍋@＄50 味道同吉野家的有很大分別，都幾吸引的。除了牛肉之外都有其他金菇雜菜，吸晒湯底的濃郁味道，夠香！ 岩石燒牛肉粒鍋飯@＄68 牛柳粒比較鬆軟但是又不失口感。每一粒米飯都沾滿了醬汁，鹹鹹的。 番茄海鮮手打烏冬@＄60 蕃茄湯底的確有不少番茄蓉，酸酸甜甜非常開胃，海鮮也有很多，有青口、魷魚、蜆肉等等，還算新鮮，反而手打烏冬普普通通。 厚切三文魚壽司@＄9 這個三文魚的確是很厚，起碼有1cm , 而且油香十足，鮮味爆棚！ 醬油七味火炙左口魚邊壽司@＄9 燒完之後有點香氣，跟平日吃的差不多，質素也不錯。 這間居酒屋環境較為闊落，跟朋友傾計也不會覺得不好意思了。 $297@2位, 人均$149

有單據：今日喺朗豪坊附近行完街好熱，淨係諗起想食日本野！抬頭一望，見到KFC樓上有呢間一休！諗都唔諗就上去！地方原來都大，環境乾乾淨淨座位分明，唔會枱貼枱,我地都坐左喺玻璃窗旁既四人枱～～望住人來人往既朗豪坊大街，自己卻慢慢悠閒地享用晚餐，係嘆既～枱頭又望到呢個餐牌，又幾抵喎!仲有原來每日7.30pm前落單仲有優惠，每日都有唔同既「大割引」，可惜我8pm先落單～鰻魚串 $58/2串鰻魚有肉地，表面帶微脆，燒得好香口；醬汁沒有過多，岩岩好唔會覺得膩。2串有點唔夠喉～燒佃權魷魚餅$58 （築地直送）見到築地直送4隻字就無考慮就叫左，結果都無失望。魷魚餅有魷魚粒，味道唔會太咸，份量都多。鹽燒秋刀魚 $382條都算大條，燒得岩岩好，完全無燶，點上檸檬汁食味道更佳。鱆紅魚薄切 （一客）$98用魚生盤上枱。色澤新鮮，切得薄身但有肉地，入口鮮甜。呢個價錢抵食。大阪燒 $38可能我食開既比較多椰菜，所以我覺得呢個大阪燒比較厚粉同無菜。好在佢份量唔多。所以幾個人分嚟食就唔會飽滯。特盛海鮮丼 $68呢個價錢以海鮮丼嚟講算ok, 都有齊基本魚生同蝦，而且肉都厚。但刺身既筋亦比想像中少。一休海鮮沙律 $55呢

今天星期六中午下班後，我和男友去這間日本餐廳吃午餐，我們2個都叫了一休炸雞定食（沙律醬，甜醬另上）。炸雞定食包括炸雞一碟，白飯，麵豉湯，加$2送熱飲，$3送凍飲。炸雞味道方面，炸雞有6-7件，份量都幾多，而且每件都大大件的。炸雞是即炸的，皮是脆的，吃下去時有肉汁，而且肉質鮮嫩，味道不錯。白飯方面，白飯是珍珠米，軟硬度適中。麵豉湯味道和吉野家的差不多，咸咸地。飲品我叫了熱檸茶，都有2-3片檸檬，味道都ok。價錢方面，炸雞定食$46，熱飲加$2，凍飲加$3，餐廳午市不用加一，2人總共$97。總結來說，這間餐廳的午餐算便宜的了，一定便宜過隔離的朗豪坊，而且坐得舒服，是抵吃之選。

 - １搭ＬＩＦＴ上到去，　１開門就見到大大個招牌，氣勢十足～。。。 - 環境方面；一圖可以望到全相～　望落去都幾整齊而且井然有序，可能木櫈未必個個岩坐，不過整體上都唔錯！另外燈光以暖色為主，雖然冇咩特別，但都令人幾舒服～。。。 - 非常有趣既ＭＥＮＵ，好少見張圖大到咁，可以睇清楚食物既細節先決定落唔落單～價錢同菜名都十分清晰，唔錯！。。。 - 明太子芝士餃子 ; 賣相非常吸引，餃子外層已能夠見到很濃的芝士和明太子。口感惹口和味道很濃烈，不過食太多的話可能會感到脷。總括而言值得一試和味道不錯。。。。 -  香芒乳酪松葉蟹卷；上面放住一塊甜芒果同埋少量乳酪，仲有蟹籽食落去都幾清新，乳酪同芒果都夾得幾好。中間係蟹柳，又有肉感又有水果，又好味又健康～　ＮＩＣＥ！。。。  - 一休炸雞球；店主推薦既果然特別好味！賣相已經非常高質～　香脆可口已經不在話下，咬落去仲會有少量肉汁，　配合沙律醬燒汁令佢更加好味！順帶一提，可以話冇咩油味，仲食唔出冰鮮雞既味道，唔錯！　。。。 - 黑松露帶子炒飯；份量極多！　足以食飽２個人ＨＡＨＡ，而且溫度十分好，送上黎仲出緊煙架！帶子比較細粒同少，唔算太食得出～　而且

路過見到街上有banner寫住 【三文魚刺身】HK$39.9, 對於一個三文魚腔既我, 點都要一試! 果然平價未必係質素差!------------------------------【厚切三文魚壽司】HK$9@1 呢個厚切三文魚岩哂我呢個三文魚腔, 果然係好厚, 一咬落去都feel到件三文魚好飽滿, 味道爽甜!【三文魚刺身】HK$39.9 全單滿HK$100, 就可以加HK$39.9 order 十片三文魚刺身, 激抵!!雖然冇厚切三文魚既爽甜質素, 但依然略帶爽口~ 【特盛海鮮飯】HK$68 想食唔同既海鮮刺身, 當然要食呢個特盛海鮮飯啦! 當中仲有好多蟹子, 極滿足口感!!【槍燒鰻魚飯】HK$52 鰻魚唔係好厚, 有鰻魚汁撈飯, d汁都幾多, 令成個飯都甜甜地...【唐揚墨魚咀】HK$39 encorn呢間餐廳, 我係必定order呢款墨魚咀!唔係好油,炸皮薄, 每粒都好爽口, 點埋沙律醬食, 係一個勁正既炸物!!【鐵板帶子牛油燒】HK$58 鐵板冇燒過既熱, d汁冇係板上滾滾下, 帶子比檸檬味搶左...

今日喺呢頭做完野~搵個地方急急醫肚~! 本身冇乜心水~喺到遊盪中…唔覺意經過呢到,有位小姐递張廣告比我,望下望下心諗好似好耐冇試日本菜,所以上去試下.相信係時間尚早,所以唔係好多客人,服務員帶左我坐底後,我就漫漫揀食物始終得一個人唔可以挑戰太多美食,所以要好精選先得!最後點了几款有興趣的食品.上枱唔算好快,可能係要慢工出細貨啦~先黎辣蝦沙律 - 沙律菜係美式雜錦沙律生菜,有乜日式風味,生蝦亂放一通,睇落一D都唔靚,食入口有乜鮮味,有點難過…再點D 附蝦沙律附上的辣椒漿,冇錯..我確係見到辣椒漿,乜唔係點魚露同青檸?! 加左調味就係易入口少少….總算試過了…厚燒玉子 – 聲稱要等10-15分鐘,唔夠5分鐘就到了,仲快過D壽司,我最中意食蛋的,所以期望好高…希望唔好令我失望..玉子一食入口就知唔係即整, 唔熱兼且硬DOG DOG的蛋皮,相信係整左一段日子,放左入雪櫃,再拎出黎灯返熱…總算試過了海胆壽司 – 滿心歡喜地點左呢個唔係特價的款式,相信係要等埋其他壽司一齊上枱,所以令到入口時D紫菜已經淋晒, 紫菜包住9成的壽司飯,一成的青瓜絲.. 海胆就輕輕放在青瓜絲上面..入口唔甜唔鮮..差在

遲左添⋯⋯琴晚放完工打算待自己好啲⋯⋯所以決定放任食個夜霄先😎😎環境：一般日本餐廳啦食物：啲刺身值得試丫，海膽新鮮、三文魚都夠肥美，最好食係三文魚頭，juicy 又唔肥正丫定價：三文魚剌身38大元10件，當然要食滿100大元先有啦海膽68元，其實都算底食既備註：開到零晨2:00岩曬夜鬼既我丫最後加個抹茶雪條作完結一餐，真一流丫⋯⋯

又到糧尾今晚去左旺角捉寵物小精靈,來間抵食的日本餐廳最後就去左山東街一休食。呢間日本餐廳係樓上，好多卡位都幾大，寬敞好坐，方便吹水刺身先黎有三文魚刺身份量唔算少，三文魚爽口新鮮肥美切得幾厚身吓，食落鮮甜甜蝦爽口， 好味道~我地散叫左啲壽司醬皇燒皇帝蟹捧壽司 $15火炙左口魚邊壽司 $9 一件醬皇燒皇帝蟹棒壽司咸甜適度火炙後很香又惹味, 蟹棒配著蛋黃醬惹味。黑松露帶子壽司厚肉又甜 但可以燒得再香啲就好了 黑松露味唔係好重 所以普通帆立貝應該已經夠好味都幾多款式。壽司算抵食，鰻魚卷 $42鰻魚多肉多汁燒得好香，啲飯握得啱啱好，入面嘅料似加州卷

自從男友開動減肥計劃後，每次出外用餐都去日本餐廳（佢話食生野無禁易肥），今餐也不例外，但日本餐廳價錢大多較貴，所以朋友介紹我們到男友工作就近的一休用餐，說又便宜又好吃可能平日關係不要等位，餐廳環境較暗，坐位好寬闊，坐得舒適餐廳每天有不同款式的優惠，加上某幾款壽司同時做緊$9優惠，叫滿$100元 ，三文魚刺身可以半價，優惠重重，見到餐牌已覺非常抵食！三文魚刺身（半價後 $40）擺位幾有心思，厚切，三文魚夠肥美新鮮壽司$9非常抵食，不會因便宜而馬虎，質素不俗特別推介和牛壽司和厚切三文魚腩壽司三文魚腩壽司真材實料，份量十足，肥美爽口，估唔到比一般大型連鎖店平之餘還要好吃和牛壽司同男朋友吃完一件後忍唔住再追加和牛薄切輕輕燒過，牛非常嫩，入口即溶，又香又惹味！一休炸雞球 （$46）-我的最愛份量多，連和風醬汁同沙拉醬份量都絕無手軟，雞皮脆卜卜，炸粉唔會好厚，雞肉嫩夠多汁，真係食唔停口汁燒魷魚（$58）較為普通，醬汁味道扁咸，但魷魚口感彈牙！一口牛柳粒 （星期四優惠價$38）呢個係男友最愛，蒜香味濃，連洋蔥一起爆香，牛粒香口嫩腍，連同蒜片進食非常惹味！整體環境舒適，價錢便宜，食物質素中上，多了一間

一休星期四特一口和牛68元減至38元來一客喜見大量蒜片+洋蔥絲也喜愛肥胖和牛但太多關係竟看不完今天亦可來一套魚生5款，連海胆侍應聲明今天沒加拿大海胆我想即是大連的，也應一試劍魚海胆小板味道幾鮮情有獨鍾梅酒正日本來的明智之選最後想看看餐牌終於叫了自己心頭好fatty tuna幸而做了50元一件fatty tuna 壽司沒有錯誤定價因為材料鮮美飯也精緻神來之筆！90分

旺角雖然食肆多，但每逢需要選擇，確是一種煩惱呢。既然都是找個地方傾計食飯，眼見樓下廣告賣相吸引，就與友人一齊試試。樓上店最大好處就是環境較舒適及寧靜，相比樓下的鬧市，確是很大對比。刺身三點盛 ($68)三文魚腩肥美，每口都充滿魚油香味。油甘魚很鮮味，肉質彈牙，口感不錯。甜蝦大大隻，新鮮欠奉，有腥味的。我們點了五款食店的特價壽司，雖然特價，但份量和質素都可接受的。厚切三文魚壽司 ($9/件)特厚的三文魚，像” 綿胎” 一樣，看不見底下的飯，味道與三文魚腩接近，值得一試。A5和牛壽司 ($9/件)輕輕燒過的和牛，不會過熟，肉質軟滑，但芝麻份量過多，蓋過了和牛的味道呢。醬油七味火灸左口魚邊壽司 ($9/件)左口魚邊香滑，入口即化，整體口味配搭，值得一試。鰻魚加州卷 ($9/件)鰻魚入口軟綿綿，味道香濃，以這個價錢來說很吸引。日式吉列牛扒 ($125)日式吉列牛扒確是少見，加上餐牌的圖片和描述，另我們點了來試試。可以用一個 “伏” 字來形容，牛扒與茶餐廳的吉列牛扒沒有大分別，分別應該是價錢，炸粉皮鬆散且厚，口感奇差，有待改善。鰻魚串燒 ($58)吃過鰻魚加州卷，覺得味道不錯，所以過了鰻魚串燒滿

放工同同事搵飯食，熱辣辣好想食日本野，又到糧尾，夜晚要係旺角搵唔迫又坐得舒服的平價日本餐廳真係幾難，上星期終於搵到呢間~呢間日本餐廳係樓上，都幾大，好多卡位，我同同事係晚飯時間都唔使點等位，就有窗邊卡位坐，寬敞好坐，無限制用餐時間，可同同事吹水 勁鍾意食軟骨的我叫左個軟骨餃子棒，32蚊都幾平，怎料餃子好有水準！食落啖啖都有軟骨粒，好有嚼頭，薄餃子皮炸到脆口，我差啲自己食哂成碟 我地散叫左啲壽司，都幾多款式。壽司算抵食，無失水準。值得讚的係海膽壽司，42蚊兩件，海膽夠凍，無怪味，密舖成件壽司，食落好滿足，唯紫菜不夠脆。磯煮的帆立貝好大件，醬汁惹味，28蚊兩件，抵食！芒果乳酪松葉蟹卷都落足料，天時熱好岩食，微酸芒果乳酪幾醒胃。不得不提鰻魚炒飯超大碟！我同同事兩個一齊食都食唔哂，幾多鰻魚粒，炒飯醬汁香濃。總括來講，呢間日本餐廳用餐環境良好，服務不俗，座位舒適。食物抵食，質素不俗。