Vision 8

營業中

休息中

這間餐廳原來開了11年，老闆和員工很親切，和客人都會說笑，所以感覺良好。先來餐前麵包配黑松露牛油黑松露味道濃郁，黑松露牛油滑溜，有3款麵包。餐湯（蕃茄忌廉湯）濃郁的蕃茄味道，甜甜酸酸的，有少少芝士粉和麵包粒點綴，令人很開胃。V8田園沙律材料包括有羅馬菜、紅椰菜，令人喜出望外還有無花果、牛油果和橙色的蕃茄，用上日本醋好消化腸胃。鹹豬手配酸椰菜豬手好大隻，豬手皮都幾脆口，還有酸椰菜和沙律菜配搭就不怕肥膩。煙三文魚配千島醬pizzaPizza餅底薄脆而芝士十分之多，拉起來起哂絲，芝士拉到很長而不斷，我把火箭菜夾在pizza一起吃中和三文魚的味道，十分滋味。埋單兩個人七百幾蚊價錢我認為是合理的。🫶

朋友介紹呢間超好食，於是就同佢番嚟encore，當我哋order完侍應已經好快就送上餐包，餐包一共有3款，絕對唔係普普通通是但交貨，配埋黑松露牛油醬真係要好正#V8田園沙律沙律上到嚟個賣相好吸引，色彩繽紛咁，配埋個醬汁味道好清爽，令人好開胃#白酒忌廉煮法國藍青口配薄多士呢味菜式無論係作為前菜定主菜都非常出色，新鮮嘅藍青口經過白酒同忌廉慢煮之後簡直鮮味十足，最重要嘅係藍青口嘅肉質非常鮮嫩，超級驚艷，過嚟一定要試！！！#煙三文魚千島醬薄餅Pizza底薄脆，配搭香濃嘅千島醬，再加埋啖啖肉嘅煙三文魚，整體嘅口感同埋味道都好豐富#蘋果木燒西班牙黑毛豬鞍扒蘋果木燒西班牙黑毛豬鞍扒真係一道令人驚艷嘅菜！用蘋果木燒烤，令肉質多咗一種淡淡嘅果香，口感仲非常嫩滑，咬落去肉汁豐富，食落真係好滿足，以80蚊可以食到咁高質素嘅豬鞍扒真係抵到爛

本身知道荃灣有好多嘢食，今次去explore就發現到呢一間西餐，見個menu都幾吸引就去試吓。餐廳嘅裝修簡約有型，兩邊牆上有整齊嘅手寫menu，當中更加畫上公仔點綴，頗有心思其中一幅牆貼咗好多即影即有，似乎係好多人嘅會選擇嚟慶祝嘅地方，增加咗我對呢間餐廳嘅信心。我哋試咗V8 田園沙律、香煎比目魚配菠菜忌廉汁燴天使麵、燒豬手、蘋果金寶配雲呢拿雪糕，樣樣都唔錯👍🏻餐前麵包麵包有三款，每款都好鬆化。佢自家製嘅truffle牛油勁香，配麵包食真係心花怒放。V8 田園沙律沙律入面有mixed vegetables，蕃茄仔同埋大大粒牛油果，佢嘅汁有柑桔香，解到牛油果嘅膩，食落好refreshing。香煎比目魚配菠菜忌廉汁燴天使麵極力推薦呢款菜。一上菜就香氣撲鼻，即刻feel到啲口水標出嚟雖然佢望落好多汁，但一啲都唔膩，食到停唔到，好快清晒成碟。個魚煎得幾好，皮脆肉嫩，咬落去一啲都唔乾。蜜汁烤豬手餐廳會將最後一步燒脆個皮嘅步驟放喺你面前。一上菜就先淋上酒精，然後點火。當佢燒緊個皮嘅時候，睇住啲豬皮sizzling會隱約聞到淡淡嘅燒烤香。燒完之後餐廳侍應會幫你切件，肉質鬆化，部份嘅皮燒得非常香趣。份量

對於千色匯附近、荃灣街市街鄰近兆和街的認識，緣於當時疫期行山風正吹得熾熱，而要去其一行山熱點川龍，就須乘此道路之綠色小巴。而掠過足浴店、茶餐廳等，竟隱隱有一精緻西餐廳。生怕假期末段還是人多，提前黃昏到達，成為該舖晚市首枱客。揭開序幕的是「麵包三吃」（姑且如是稱呼）：切片麵包薄脆（鬆化）、墨西哥包（軟糯）、法包（煙靭），開了三種口感，再配黑松露牛油，不油不膩不經意不費吹灰力就開了胃。「V8田園沙律」$138大抵是見慣的車厘茄、紫椰菜等沙律菜之流，牛油果大概是大種，切粒大顆。比較驚喜的是加入紫無花果，比一般黃無花果清甜不黏膩，和沙律菜的薄身黑醋匹配。坊間的薄餅厚到軟墊模樣，本就鍾情這種名副其實的「薄餅」。點了餐牌右圖放大的「煙三文魚千島醬薄餅」$158，千島醬輕輕帶過點綴，煙三文魚沒常見的過鹹現象，而由馬蘇里拉、巴馬臣及車打芝士組成的三重奏，具備三款的鹹膻香，絕對拉絲而不藕斷絲連能輕易切斷，加上餅底薄脆幾乎沒多餘油份。是日廚師推介：「蘋果木燒牛肋骨」$328，過足眼球癮是侍者在上菜時倒些榛子酒，點火，不消一分鐘即有榛子酒香縈繞桌邊，火燒歷時一分鐘，火滅，輕刀切開是紅彤彤的肉質，但絕非四五成

荃灣呢間Vision 8喺網上有好多好評，我一直想試好耐，今次終於有機會試下係咪真係堅好食餐廳望落唔算大，但都容納到好多枱客，果日去食都見好幾枱人係去慶祝生日或者紀念日，而隔離枱仲不斷讚啲野食好食我同朋友叫咗個沙律，兩個主菜，再加錢轉套餐試埋餐湯，最尾試埋甜品，夠哂豐富🌟餐包配黑松露醬有3款餐包，薄麵包烘得好脆，而另外兩款外脆內軟，配黑松露醬黎食特別香🌟V8田園沙律田園沙律配上柚子醋，食落帶有酸甜味，而沙律菜好新鮮，仲有車厘茄、牛油果，仲有好鮮甜嘅無花果🌟野菌黑松露忌廉湯野菌攪碎混入忌廉湯，飲落啖啖香濃嘅菇味，而黑松露味唔算濃，不過咁樣反而唔會搶咗野菌味個忌廉湯就幾creamy，但飲完唔會好飽滯🌟鮮菇 蜆 茄醬燴意大利麵呢碟一上枱就好香蕃茄味，意粉充滿茄醬，軟硬度煮得啱啱好，菇同蜆肉份量多，蜆肉仲好新鮮同完全冇沙🌟烤美國極佳級肩胛牛扒跟職員建議揀咗5成熟，因為過熟口感會冇咁好，而呢塊牛扒牛味好重，幾chewy，點黑椒汁都係唔錯嘅選擇薯蓉除咗有整溶哂嘅薯仔，仲有啲係切到一片片，比較少見呢種做法，而且食落仲有啲奶香味，而伴碟嘅紅蘿蔔都有驚喜，炆得好淋好清甜🌟蘋果金寶配雲呢拿雪糕見每枱都or

臨近情人節 總係有種要食西餐嘅氛圍 呢晚就嚟咗呢間西式餐廳食返個有情調嘅晚餐🍽️餐前麵包有香脆薄片 法包 牛油軟包各一件🍞 新鮮熱辣嘅麵包配埋蒜蓉牛油🧈 各款麵包都有特色 我就最鍾意牛油軟包啦 夠晒軟熟😊V8田園沙律柚子醋配新鮮沙律🥗入面有新鮮無花果 好甜好驚喜呀🙈 仲有牛油果添🥑 好清新同健康 營養十足 係個好好嘅前菜香煎比目魚配菠菜忌廉汁燴天使麵一上碟已經聞到好香嘅魚味🐟 菠菜忌廉汁味道唔會好鹹 配埋魚扒嘅鹹鮮味就啱啱好 綠色嘅菠菜汁望落好健康🥰 比目魚油香十足 魚肉嫩滑 真係忍唔住一啖接住一啖咁食🍝 天使麵份量都幾多蘋果木燒西班牙黑毛豬鞍扒有幾款醬汁可以選擇 我地揀咗黑椒汁 不過我覺得就咁食個豬鞍已經好好食🐷 呢塊豬鞍好厚肉 餐廳用蘋果木燒 令個豬味更香 呢個方法仲可以鎖住肉汁 好Juicy呀 而且豬嘅口感好有質感 唔會係太乾 太柴皮 好硬嘅豬扒😗Apple Crumble唔係間間餐廳都有呢款甜品 所以一有都會好想試吓🍎 杯嘅底係有好多玉桂味嘅蘋果 面頭就有啲脆脆 隔離仲配咗球雲呢拿雪糕 我覺得三樣嘢夾埋一齊食就最合適😝 冰凍嘅雪糕配埋啱啱新鮮出爐嘅Apple crumble 半融

今日專登帶老公黎食威靈頓牛柳，老公讚口不絕，話質素媲美酒店級。個浸酥皮又香又酥脆，中間仲有餐廳最拿手嘅黑松露醬，同餐包跟嘅牛油一樣，加左香濃嘅黑松露，裡面嘅牛柳鮮嫩肉汁豐富，伴菜有呢度出名嘅薯寶，薯仔切片一塊塊有芝士白汁味，真心好食！都話呢間餐廳食材好，田園沙律有新鮮無花果，好多車厘茄、羅馬生菜，新鮮～risotto亦係呢度較好味嘅菜色，今次叫左個特別嘅海膽risotto配小元貝西蘭花忌廉汁。比起其他餐廳，我覺得呢個飯無咁滯膩，白汁帶點芝士香，少少海膽配飯，一啖入口層次豐富～

⭐️對比起大型連鎖店既西餐食物質素更高。加上店員親切，服務也很好，值得嚟食！👌🏻環境:小店環境樓底高所以空間感大，唔會有壓迫嘅感覺，記住多多留意牆身，白板會寫咗好多廚師推薦菜式！👍🏻服務雖然係小店模式，但服務拍得住大酒店西餐，會先上前菜，等你食完先再上主菜，一道一道慢慢上，享受高級西餐服務。👍🏻食物👍🏻V8田園沙律 $128食前要攪拌！醬汁係柚子醋+蜂蜜，酸酸甜甜既醬汁做開胃菜一流，蔬菜同水果都好新鮮，適合素食者，一個人食一碟都好夠飽，大推！👍🏻酥炸魷魚圈 $68炸到金黃色卜卜脆，魷魚好彈牙又易咬，配口感清爽微酸的他他醬，油膩感大大減低。👍🏻香草田螺配意式香草醬忌廉汁燴意大利粉 lunch time$78望落去好似好少，但其實份量好多一碟都夠曬飽，唔好以為忌廉會好膩，配搭洋蔥同少少蒜中和翻。加上青醬係咁多意粉中最低卡路里放心食！👍🏻黑松露威靈頓牛柳 $328酥皮焗得金黃酥脆，蘑菇茸菌香濃郁，再加淡淡的黑松露，牛柳肉質軟腍，生熟度恰好，非常惹味，不需要另外點醬。

荃灣區呢個「堅離地城」又有蠟筆小新出沒😍，作為瘋狂粉絲嘅我當然要跟到入嚟。與此同時，我哋亦喺呢頭覓食，朋友想食西餐，上網見到「Vision 8」好似唔錯，就一於喺度開餐啦。小店面積唔大，一眼睇晒，但都算幾骨子，裝修行工業風，並掛上粉筆畫寫上菜式✏️。另一邊廂，餐牌設計亦都幾靚，大大本，圖文並茂。喺上菜前，店員先為我哋送上麵包籃🥖，第一感覺良好，起碼啲麵包夠軟熟、微暖，而且款式亦較其他餐廳特別，有薄脆多士同意大利軟包。酥炸小食拼盤($98)，炸物拼盤好大兜🍗，內容包括有魚手指、芝麻雞翼、魷魚圈同薯條等。佢哋全部都炸到金黃香脆，但又唔會油。其中魚手指同魷魚圈最正🦑，第一次食呢類炸物真係食得出海鮮味。V8田園沙律($128)，🥗招牌沙律好大碟，顏色鮮艷，賣相幾靚。沙律菜配上牛油果🥑、車厘茄同埋無花果，醬汁用上蜜糖柚子醋，甜甜哋，唔係一味靠酸嚟刺激味蕾。蘋果木燒西班牙黑毛豬鞍扒($238)，豬鞍扒非常出色，值得用長啲篇幅介紹👍。首先，豬鞍扒勁大塊，厚度更超過一吋，份量十足，適合一班人分享食。同時，豬鞍扒散發出木燒香氣，簡單啲講係色香味俱全😋。豬鞍扒經切開後，肉身呈嫩色🐷，質感有咬口得嚟唔柴。有返

挑剔的處女座又生日了😒 去咗間連佢都approve 嘅餐廳慶祝🥂 座位唔多但係坐得舒服，幾有空間感。落單嗰陣店員問我哋飲唔飲酒，原來九月生日送紅酒/白酒一支，cheers🤪 先送上餐前麵包，好鬆軟而且配搭黑松露牛油超級香😍！餐湯係紅綠豆忌廉湯，聽到嗰陣有嚇親但turned out 味道OK 奉行健康生活嘅我哋嗌咗V8田園沙律($128)，驚喜發現有唔少無花果同牛油果，dressing 份量啱啱好，清新得嚟唔太漏🥳Mains 方面birthday boy 話一定要食煙三文魚配千島醬薄餅($138)，好慷慨地每一塊都有煙三文魚，餅底又做得夠薄😍重頭戲係威靈頓牛柳($328)，店員好nice 地上菜先俾我哋影相再幫我哋切，粉紅色嘅牛柳加上濃郁嘅松露蓉固然冇得彈，驚喜嘅係連酥皮都乾爽俐落，切開冇甩皮甩骨，仲食得出好香牛油味😋 不過呢個要等比較耐，想食嘅話最好一坐低就叫定🤫

店員推介紅白酒買一送一優惠，我們先點兩杯白酒，味道較清，酒香不濃但很清新，正好讓我們準備享受一頓精緻西餐🥂😍V8田園沙律非常開胃，新鮮爽脆的沙律菜配搭綠油油的牛油果份外清新，還有甚少吃到的無花果，帶點清脆的口感很特別，令整個沙律生色不少。餐包有三款，有一款薄薄的麵包脆片，好像吃薯片般香脆~ 塗上黑松露牛油更香口。餐湯是椰菜花湯，香滑濃郁。香煎帶子配牛肝菌忌廉汁燴意大利麵，厚肉帶子有金黃色香脆的外層，意大利麵非常掛汁，每條麵條都品嚐到醬汁獨有的風味。蘋果木燒西班牙黑毛豬鞍扒 肉質厚實但非常幼嫩，外皮焦香，散發著陣陣果木香，肉汁豐富，熟得恰到好處。

去開荃灣搵食，今次決定去食西餐。雖然店面小小，老闆同店員都非常親善好客。我地一座好店員就會跟我地了解有冇食物敏感性等的事。店內很多食材都是自家製作，份量亦都非常足夠。我們點了「威靈頓牛柳」、「香煎比目魚配菠菜忌廉汁燴天使麵」、「田園沙律」還點了「心太軟」。前菜點了「田園沙律」，無花果的清甜剛剛好。食完之後非常開胃。「香煎比目魚配菠菜忌廉汁燴天使麵」比目魚煎得香脆肉嫩滑。因為麵條幼身的天使麵，每條麵都沾上醬汁味道！「威靈頓牛柳」呢個真係非常好味，佢地係用咗黑松露配上酥皮包住牛柳一齊食。絕對係一試愛上既配搭。「心太軟」非常好開心，一切開就係濃濃巴朱古力瀑布。配上雪糕味道剛剛好。非常滿足的一餐。