Aedes Wine & Pasta Bar

朋友極力推介，老遠都要過來一試這裡的手工意粉。好耐無搭電車了，終於有機會搭下，係幾浪漫的。餐廳環境昏暗而富有情調，菜單雖然只有兩頁，但店員會主動介紹各類意粉，感覺非常專業。這裡的手工意粉確實出色，朋友無介紹錯。Ham Croquettes with Garlic Mayonnaise $88可樂餅外層酥脆，內裡滿滿奶油煙肉碎，口感creamy，鹹香美味。Homemade Malloreddus Melanzana $148意粉呈筍螺狀，由薯仔和麵粉混合而成，口感煙韌有嚼勁。番茄醬的酸甜底味搭配濃郁的Burrata cheese，提升了creamy度。配有茄子和鮮茄，整體口感豐富，素食者也一定會喜愛。Homemade Pappardelle Bolognese $168闊條麵相當厚身，口感類似千層麵，彈牙且富有蛋香，特別好掛汁。肉醬由豬肉和安格斯牛肉混合，牛味濃郁，令人驚喜，番茄醬的酸甜味道也十分平衡，加上巴馬臣芝士的鹹香，讓人難以忘懷，非常美味。Homemade Basque Cheesecake $108巴斯克芝士蛋糕表面焦黑，內裡芝士半溶濕潤，口感綿密且芝味濃郁，實在好好食，千萬不要錯過！…查看更多

跑馬地的「Aedes Wine & Pasta Bar」被譽為手工意粉愛好者的朝聖地。餐廳主打「自家新鮮手工意粉」，以Chef-driven，結合Wine Bar 的路線。Aedes 的服務被多數食客評價「專業又有親切感」。一入座，店員會先端上一盒 Pasta Box，逐款逐粒介紹不同手工意粉的外形、原料與烹調方式。每款手工意粉都會在上桌前即煮，力求「Al dente」口感，保證每一口都有彈性與蛋香。🧀 Burrata Cheese (Datterino Tomato, Fresh Basil)前菜Burrata Cheese 是Aedes人氣招牌。外層柔軟光滑，切開瞬間奶香如瀑流般溢出，口感綿密順滑，搭配意大利Datterino小番茄，每一顆都甜美多汁，回味無窮。🍝 Homemade Pappardelle BologneseHomemade Pappardelle Bolognese(牛肉豬肉番茄寬條肉醬意粉)絕對是Aedes的鎮店之寶。手工寬意大利粉帶厚度與彈性，蛋香突出且掛汁力強，每一口都能吸附濃郁的肉醬精華。整體有點像傳統意大利牛肉lasagna，卻比一般餐廳版本更見手工獨特筋性，超高水平。🍝 Homemade Malloreddus MelanzanaMalloreddus 是薩丁島小貝殼狀意粉，加用了薯仔同麵粉製成，口感特別煙韌Q彈，比寬條麵更有嚼勁。醬汁以清新番茄、香煎茄子、鮮蕃茄燉煮。每一顆小貝殼意粉都吸滿蕃茄茄子濃縮的精華，拌入Burrata Cheese，霎時化身成超Creamy口感。即使是全素配方，味道依舊豐厚、層次細膩，非常適合素食愛好者。🥮 Homemade Basque Cheesecake巴斯克表面烤至焦糖深棕色，切開後內芯柔滑綿密、濕潤度極佳，入口是「輕盈卻又不失濃郁」的cheese感，不像紐約芝士蛋糕紮實，卻比日式芝士蛋糕多一點細緻。與三五知己share 就最開心。☕️ Cappuccino食完後，Cappuccino與巴斯克蛋糕最為匹配，為整體味覺更為昇華。Aedes 絕對是香港手工意粉最值得推介的小館之一，建議要提早預訂座位。…查看更多

「曾嘗盡料理，未會忘記，瀰漫甜香的跑馬地」🍽️放工搭叮叮去跑馬地🚃同朋友食晚飯，地點係當區一間人氣Wine & Pasta Bar🍝店員會逐一介紹每款Pasta，將Pasta呈現喺食客面前，以實物了解每款嘅特性，好實際👍🏼當中有六款Homemade，誠意滿滿。因應餐廳限定澳洲黑松露季，店員另外介紹黑松露可配Homemade Tagliolini，由於黑松露太迷人太吸引，決定一試！Homemade Tagliolini $90(+ 7 grams Black Truffle) $28/gram————————————Tagliolini偏向幼身，蛋香較濃，食得出Homemade嘅心思，麵質偏彈牙。Tagliolini配Truffle都係常見嘅組合，黑松露陣陣嘅香氣可以喺呢個配搭中鋒芒畢露。黑松露本身就好似一粒迷人嘅黑色大寶石💎香氣非常獨特。$28/gram都非常抵，店員會為一大粒Black Truffle磅重，我哋點咗7grams，店員刨完再為剩餘嘅Truffle磅重，冇呃秤嘅空間，非常均真。磅重時，我諗起某港產片經典一幕，「攞走個磅佢呀」🤣Spaghetti Chitarra $128————————————有「意」思🤌🏻煮出Al dente感，每條Chitarra都係外軟而麵芯半熟不生。加上Amalfi檸檬🍋Caper Leaf🌿感受到南意嘅夏日風情，酸酸地非常開胃。Parmesan芝士嘅濃度相對大眾化🧀整個配搭都合我同朋友嘅口味。Ham Croquettes with Garlic Mayonnaise $88————————————我會形容佢係「炸火腿波波」😋外層非常酥脆，炸得金黃唔厚粉，內裡係火腿碎混合薯蓉嘅質感，點埋Garlic Mayonnaise更有層次，一口一炸波波，好享受😋Homemade Basque Cheesecake $108————————————不單止鹹食出色，甜品亦係不容小覷🍰一整個Basque Cheesecake啖啖綿密又軟滑，蛋糕皮有少許Burnt感，越近蛋糕芯越有半熟Feel🍰 好有份量！抵食！Sangiovese Blend $110————————————喺汽泡酒同紅白酒中，我揀咗紅酒🍷Sangiovese Blend頗易入口，昇華咗意式晚餐嘅儀式感。…查看更多

Burrata Cheese$148Homemade Pappardelle Bolognese $168Homemade Malloreddus Melanzana$148Homemade Basque Cheesecake$108好味指數：😋😋😋😋😋抵食指數：💲💲💲💲💲環境舒適：😌😌😌😌環境衛生：🧹🧹🧹🧹🧹服務質素：💁🏼‍♀️ 💁🏼‍♀️ 💁🏼‍♀️ 💁🏼‍♀️2024年年尾有來過，覺得handmade 意粉🍝口感非常好，一直念念不忘。知道轉了新menu，所以又再來用餐。今次點了一份頭盤、兩碟意粉及1款甜品。Burrata Cheese 外層半軟，質地綿密。切開就流出非常順滑的cheese，充滿奶味，香味濃郁。車厘茄每粒都好鮮甜。意大利黑醋甜酸味適中。Pappardelle麵身又闊又厚，彈牙又掛汁，所以跟濃郁味道的肉醬非常襯。肉醬不會好乾身，夠juicy 又順滑，味道香濃，帶點黑椒味。加了薯仔🥔造的Malloreddus Melanzana 口感口煙韌。此碟意粉是素食。每粒意粉都吸滿茄汁🥫及茄子🍆味。加了Burrata Cheese，令整體更creamy。Basque Cheesecake 夠濕潤。不會像New York cheesecake 那麼實，也不會像日式芝士蛋糕那麼軟，口感是2者之間，有點綿密、柔軟。Cheesecake 表面烤得富焦香味。…查看更多

入座首先介紹自家製8款signatures意粉，每款都好特別，今次揀左一紅一白，一份前菜，最後配芝士蛋糕收結😋♡ Ham Croquettes with Garlic Mayonnaise $88必點蛋黃醬波波！炸完再焗，外脆內軟，個醬好惹味，一粒接一粒食唔停♡ Linguine alle Vongole Clams, Anchovies, Garlic, Sake $188 首先食左較淡味嘅清酒煮蜆扁意粉，蜆又多又清甜，個sauce 加左牛油超好飲，意粉好夾好好味♡ Homemade Pappardelle Bolognese Beef and Pork Meat Tomato, Paesan Cheese $168之後食最signature 芝士肉醬寬意粉，平時食寬意粉好易煮唔熟偏硬，但呢間煮得岩岩好，大塊得黎又掛汁，而且個醬唔會太咸，比例perfect!♡ Homemade Basque Cheesecake $108一整個巴斯克芝士蛋糕，芝士味濃郁幼滑…查看更多

Again手工意粉😳❤️終於試到跑馬地呢間人氣手工意粉餐館～呢間餐館特別在於店員會先同大家介紹唔同類型既意粉🍝聽完佢講真係長知識了😌-🎈Fresh Focaccia with Chive and Sour Cream $40包體外脆好鬆軟！配埋sour cream醬一齊食好惹味🤤-🎈Zucchini Croquettes with Garlic Mayonnaise $68好有驚喜😍😍呢個前菜係意大利節瓜同薯仔炸成既波波～再配埋蒜香蛋黃醬沾埋一齊食！真係好好味！外層炸得香脆，內餡係有啲翠肉瓜粒mix薯蓉咁🤭-🎈Homemade Pappardelle Bolognese $168自家製既肉醬手工意粉🍝肉醬係混合左豬肉同牛肉，配搭埋蕃茄同巴馬臣芝士🧀味道濃郁，口感好豐富！記住要襯熱食喔🥰每塊手工寬帶麵都超掛汁，好有嚼勁，果然手工意粉食落真係唔同啲既😳但略嫌份量有啲少喔🥹-🎈Linguine alle Vongole $188蒜蓉蜆肉意粉🙌🏻每一條意粉都包裹住哂啲醬汁，有埋蜆肉既鮮甜，令到成個味道好有層次！而呢款意粉都係好彈牙，好鍾意❤️-🎈Homemade Basque Cheesecake $108都幾大個巴斯克芝士蛋糕🍰兩個人食真係有啲多😳😳口感軟滑輕盈，芝士味好rich但食落又唔會覺得好heavy😝-🔸Aedes Wine & Pasta Bar📍跑馬地源遠街14號地舖…查看更多

🩵 朋友生日，今次同佢嚟跑馬地呢間主打手工意粉嘅酒吧餐廳食生日飯；未上菜之前，店員會詳細介紹每種意粉，儀式感滿滿🧆 Zucchini Croquettes with Garlic Mayonnaise ($68)平時食可樂餅就食得多，但可樂餅配上翠玉瓜呢個配搭都係第一次食；可樂餅炸得金黃香脆而唔油膩，餡料好creamy仲帶淡淡瓜嘅鮮甜味，配埋Garlic Mayonnaise味道就更突出🍴 Linguine alle Vongole（$188）蜆嘅份量好多，無沙之餘粒粒有肉，鮮味好重；意粉係用左dried pasta，比較爽口；醬汁用咗香蒜、白汁，味道相比 Pappardelle Bolognese比較清淡🍽️ Homemade Pappardelle Bolognese（$168）自家製嘅闊條麵配上用蕃茄汁炒牛肉同豬肉；闊條麵有咬口同非常掛汁，肉醬嘅蕃茄味濃郁之餘亦唔會搶左牛肉、豬肉同Parmesan Cheese嘅味道🎂 Homemade Basque Cheesecake （$108）巴斯克芝士蛋糕份量適中，兩個人share都唔會食唔晒；蛋糕表面焗得焦香，口感軟滑細膩之餘食完唔會有普通芝士蛋糕嘅膩，作為飯後甜品非常圓滿🥂 Glera （$95）佢係果香比較重嘅氣泡酒，氣泡比較細膩持久，就算我比較少飲酒都覺得容易入口🍸White Peach Nectar ($95)佢比我地平時飲開嘅果汁質地更加濃厚，因為有桃肉泥系入面；桃味重之餘甜度適中✨PS: 餐廳座位有限，記得來之前要訂枱喔…查看更多

這間位於跑馬地主打手工意粉的酒吧餐廳🥂由擁有十多年烹飪經驗的前五星廚師主理 每日新鮮製作多款意大利地道風味的手工意粉🍝餐廳裝修得溫馨有格調又坐得舒適 座位不多要先預約啊📞✨Fresh Focaccia with Chive and Sour Cream 這款佛卡夏麵包新鮮焗起熱辣辣🍞外皮酥脆內裡好鬆軟帶空氣感 😋搭配香蔥及酸奶油 味道清新不油膩✨Zucchini Croquettes with Garlic Mayonnaise脆炸櫛瓜球炸得外皮金黃酥脆 內有流心餡料🧆蘸上蒜蓉蛋黃醬味道更香濃✨Homemade Pappardelle Bolognese 自家製的寬麵非常煙靭有口感好特別🍝搭配牛肉及豬肉製成的肉醬🍅加上酸甜的蕃茄和帕馬森芝士🧀味道濃郁厚實👍🏻✨Penne alle Puttanesca 長通粉表面光滑內裏略有嚼勁 可以包裹着滿滿醬汁 以黑橄欖🫒酸豆 鯷魚及牛至為主要材料😍味道鹹香濃郁帶有一絲辛辣✨Homemade Basque Cheesecake巴斯克芝士蛋糕一大個適合分享🍰焗得表面焦香 內裡軟滑口感細膩 甜度適中帶鹹香 好有驚喜💕✨飲品有無限refill的冰凍sparkling water 加入檸檬片味道更清新解膩🍋📍Aedes Wine & Pasta Bar (跑馬地)跑馬地源遠街14號地舖…查看更多

餐廳位於跑馬地，座位唔多屬於小店，但裝修同燈光氣氛一啲都唔馬虎，用餐好享受。餐廳主食係各種意大利麵，特色係有多款自家製意大利麵，服務員會將各款意大利麵放入木盒內在你面前詳細介紹，好貼心，小編最後揀咗其中一款自家製麵。◇ Fresh Green Salad - Mushrooms, Cherry Tomato, Parmesan, Lemon Dressing這款沙律，配料唔多，有香菇、車厘茄、芝士脆餅，少少酸味做底，不過不失◇ Homemade Malloreddus Melanzana - Tomato Sauce, Eggplant, Fresh Tomato, Burrata Cheese這款叫malloreddus嘅意大利麵，外型似小貝殼，小編亦覺得有啲似蟲蛹，不過不用被外表嚇親，它口感比較煙韌，好有咬口，唔係嚟自意大利，而係好有心自家製，主要配料係茄子，唔會見到一件件，但味道已經完全溶入醬汁，比一般蕃茄加芝士嚟做嘅醬更吸引◇ Linguine alle Vongole - Clams, Anchovies, Garlic, Sake這款係白酒蜆肉意粉，喺，意大利非常出名亦常見嘅菜式，這道蜆肉份量夠多，肉質飽滿之餘亦有香濃蒜香白酒味，之前那碟醬汁比較重味，這碟加入胡椒提味仍會比較清淡，但反而有很好平衡◇ Homemade Basque Cheesecake巴斯克芝士蛋糕，發源於西班牙城市多若斯迪亞，特色係冇撻皮直接在高溫下烘烤，這會令邊緣變焦變硬但中心保持湖狀，口感綿滑之餘濃郁芝士味在少少鹹味襯托下，滋味無窮…查看更多

XO仔兩個豬朋狗友要補請食生日飯，地點由狗兄決定一試社交評台上勁多靚相嘅「Aedes Wine & Pasta Bar」。小店位於跑馬地橫街頂上，鐵色外牆拼玻璃窗門嘅設計簡單時尚。樓底高高嘅用餐大堂一眼睇哂，最近門口有張高櫈六人枱。左邊拍牆有幾張二至多人半梳化合拼式散座。最入位置則為水吧。地方都好乾淨企理。每位席上都擺有齊備嘅自用西式餐具及餐巾。底面兩頁嘅晚市餐牌只有英文版。當晚三口子都唔洗揸車，深知續杯叫唔化算，所以就攞咗個酒牌睇吓有乜汽酒飲。細心翻閱時，發現厚本酒牌第一頁中嘅第二段明明寫出開瓶費詳情，但第三段卻又話酒吧餐廳完全唔可以帶酒，咁即係。。。最尾嗰段則道出為何氣泡水、冇氣水、熱水會一率收$20/位。慶生當然係要飲汽酒啦，做大嘅一定會錫住啲𡃁嘅荷包嘅，結果就叫咗枝最平嘅意大利汽酒。點菜時，服務生先展示出餐牌上嘅意大利粉款式，並告知意粉均由隔壁姊妹店「LOCANDA」自家製及煮出。Zucchini Croquettes with Garlic Mayonnaise（$68）：熱辣辣嘅炸波波外表金黃，咬落皮層都好鬆同乾身，無奈薯蓉餡心勁粉同嚡，而且仲冇乜青瓜味又唔見有青瓜嘅痕跡，反而配角個蒜味調味醬惹味得多。Homemade Cavatelli Melanzana（$148）：小肥出咗名係食肉獸，咁齋嘅野明顯係兩個細佬所揀，大佬當然係唔會同啲細嘅爭食啦，呵呵呵！Homemade Tagliatelle Amatriciana（$158）：如相所示，貌似河粉嘅意粉較為厚身，而且質感硬實，感覺好似未煮得夠熟咁，加上配料唔夠，唔對應返張餐牌真係食唔出入面有煙肉嘅成份囉！Homemade Pappardelle Bolognese（$168）：超闊超大塊嘅pappardelle同tagliatelle一樣厚，但食落卻軟腍有彈性得多，相信同多汁有關，混入咗安格斯牛肉碎及豬肉碎製出嘅肉醬香濃潤甜，唯一個人都仲係嫌唔夠肉。Linguine alle Vongole（$188）：最幼身嘅linguine看似光滑油潤，不過同之前幾款意粉一樣烹調時間掌握得唔係咁好，麵條偏硬，蜆隻仲要有陣腥味，明顯唔新鮮，棄選白酒而改用日本清酒炮製未能一解腥氣，不吃也吧！Homemade Basque Cheesecake（$108）：三人同意芝士蛋糕夠鬆潤軟綿，如果嗰面可以再焗燶啲啲，效果應該會更焦香。Tiramisu（$158）：用大杯上嘅提拉米蘇嘅蛋糕層尚算鬆軟，芝士層都好潤滑，咖啡味芬芳輕巧，只係當中略欠酒香。講真甜品賣相唔突出，又冇金箔啲花巧野，完全唔明貴在乜，真心唔值$158！跑馬地酒吧餐廳「Aedes Wine & Pasta Bar」環境簡約企理，服務生斟添酒水效率高，弊在來自隔離屋嘅意粉質量偏低，貴夾唔飽，市內當真有太多更好嘅選擇！…查看更多

早排細朋友食飯嚟咗跑馬地，呢度嘅意粉絕對係我近期食過最高質嘅🍝😍 坐低冇耐店員就會逐一介紹意粉嘅選擇，有接近成10款意粉，仲有啲係出面完全冇見過嘅款式，真係超級特別！🍅Homemade Malloreddus Melanzana ($148) 呢款意粉質地係特別彈牙煙靭，我勁鍾意呢個口感😆 意粉醬用上新鮮番茄、茄子同burrata，蕃茄嘅酸甜加上burrata嘅奶香真係好夾😋🍝Homemade Pappardelle Bolognese ($168) 寬條麵真係勁闊，帶淡淡蛋香，上面掛滿肉醬，食落好開胃～🍞Fresh Focaccia ($40) 係勁有水準，麵包好鬆軟，配上Chive and Sour Cream，味道即刻更昇華👍🏻🧀Homemade Basque Cheesecake ($108) 口感綿密順滑，帶淡淡芝士味，好啱同朋友share🙌🏻🍹Merlot Red Grape Juice ($95) 好特別係用Merlot提子釀製而成，飲落就好似飲緊一杯好濃嘅提子汁🍇呢度嘅意粉真係好有水準，而且價錢非常合👍🏻 餐廳唔算好多座位，有興趣嘅話一定要預先訂位啊🙌🏻…查看更多

節日慶祝去1d平時少去嘅地方, 跑馬地會唔會係大家嘅心水呢💜 夜晚搭叮叮黎到呢邊搵食, 由鬧市駛入寧靜嘅社區, 同好友相聚/bb慶祝就好似係自己嘅世界咁👫 走到小橫街斜路盡頭轉角位有間附閣樓嘅pasta bar, 得5-6張枱加吧枱, 細細間但充滿情調🍸一開始Italian antipasti先黎cold cut selection🇮🇹 三款火腿有最滑口嘅mortadella、鹹香味嘅parma ham，以及味道最豐富嘅coppa ham🍖 除咗取材部位唔同之外, parma ham同coppa ham最大嘅分別就係前者只係用海鹽風乾, 後者就會加葡萄酒🍷|nutmeg|garlic|pepper|herbs等調味再風乾熟成6個月, 味道有層次 加埋olive黎食就更有風味🫒一坐低waitress即刻捧住個木箱黎介紹唔同品種嘅意粉勁講究🍝 menu上有5款係homemade手工製新鮮pasta, 黎到當然要試下 Pappardelle係超闊嘅闊條麵, 超有蛋香同掛汁配極濃郁嘅angus beef肉醬🥩唔怪得知係本店signatureScialatielli賣相好似烏冬, 食落超煙韌 Pecorino cheese sauce加Italian sausage夠哂惹味🧀最後原來連甜品都係全homemade勁有心思Basque cheesecake有面頭嘅焦香但唔太燶, 蛋糕體好滑溜綿密又夠rich🧀 Gelato比平時嘅雪糕用更多奶, 所以會滑口d🥛, 夾埋脆口cornflakes食層次豐富d. 朱古力口味嘅甜澀平衡得好好, 香濃可可味唔會太甜膩🍫總括而言, 呢度真係一個唔錯嘅慶祝好地方, 遠離塵囂一下with artisan food尤其是pasta係comfort food, homemade pasta更加暖心 食佢地嘅手工都值得, 仲有幾款手工意粉未試添, 下次唔駛返工可以開埋酒仲更有情調! …查看更多

🔔New Restaurant Alert 🔔 Sister shop of Locanda dell’ Angelo now open One of Happy Valley’s all time favourites Locanda dell’ Angelo now has a sister shop right next door, sharing their very own kitchen, serving quality pastas for a fraction of their prices. I personally found the starters zucchini croquettes and mixed mushroom and potato soup particularly memorable. The croquettes were fresh out of the fryer with the right amount of crunch. For pastas, we ordered the Homemade Scialatielli with Italian Sausage, Black Pepper, Pecorino Cheese and Linguine alle Vongole. The scialatielli was a tad chewy for my taste and the vongole (clams) were not exactly fresh. That said, the overall quality of the dishes were high at their price points. Recommend it to anyone looking for a quality pasta fix by a Bombana alumni.The number of seating is however limited and advance booking is only limited to 2 tables per session, so you may need to try your luck by walking in. The night of our visit I waited for a table for about 30 minutes. Not too bad for a Sunday evening.…查看更多