明閣 (香港康得思酒店)

今次初嘗明閣去😋試了一下秋令·鮮旬蟹饌，服務員服務有禮勤快，但不知是否多人點蟹饌餐，上菜一與旁邊餐桌一起上的關係，變相上菜有點急，未食完一道，另外一道就上了，感覺有點似食快餐😵‍💫，希望如果下次再去食時能跟返顧客的速度上菜。 £單點£龍皇披金甲：一道以石斑魚塊、蝦膠及蝦整成的菜式，中間為石斑魚塊釀蝦膠後再油炸，口感香口，魚有魚味，蝦有蝦味，兩者暫時未見有加成。魚塊亦過火喉肉質變老影響了口味。菜式加入了薯蓉在蝦頭及蝦身部位造就立體效果。 原隻脆皮妙齡鴿：妙齡關係比較細隻，味道正常。 £秋令·鮮旬蟹饌£皮蛋紫薑豆腐以黑醋汁調味，紫薑皮蛋香口，再絆香滑豆腐。 蟹粉小籠包：蟹粉蟹肉味道正常，size比一般小籠包大，皮薄較易夾穿，器皿以碗上這道菜講真難夾到唔穿😵‍💫。 蟹粉金菇脆卷：以炸金菇脆卷面頭加上蟹粉，味道可以，加成效果不大。 至尊蜜汁叉燒：鮮嫰多汁，肥瘦均勻。 黑醋珍珠蟹粉蟹肉燕窩羹：一個非常足料的菜式，每一匙羹都有蟹粉蟹肉加上燕窩，每口都鮮味感及咬感。 玫瑰虎蝦球：蝦肉肉質爽脆，口感有點似玻璃蝦。 清蒸大閘蟹：五両重的雄蟹，含膏量雖然未到爆膏，但份量是令人滿意的。 蟹粉扒時令有機菜苗：蟹粉芡以蟹肉蟹黃碎薑整成，絆以鮮嫰爽口的豆苗，由於較多薑偏微辛。 生炒臘味糯米飯：糯米飯煙韌，內裡有冬菇及蠟腸香口。 桂花薑茶紫薯水晶湯丸：桂花清香，薑茶汁偏向辛口什至有點嗆口。…Read More

康得思酒店staycation既晚餐其實都係因為想用呢一餐當係餞行所以先book間貴房就可以拎credit黎食飯咁book左七點三食飯接埋屋企人入房坐左陣就搭lift落六樓因為我地五個人係官網就book唔到既都係send個email搵酒店幫手book檯其實見到官網寫餐廳開放到十點半都知道咩事去到門口因為我地要去C區所以只可以用到安心回家餐廳分左右兩邊左邊係我地坐既C區我估右邊既大廳係B區掛明閣米芝蓮一星餐廳曾經由曾超敬同曾超烈兩位師傅前後帶領餐廳升至米芝蓮二星而後者係19已經離開人世餐廳而家既總廚李悅發師傅係17年上任官網寫話李師傅已經係明閣工作左十幾年一直協助兩位曾師傅帶領團隊酒店其中有個package就係房食米芝蓮大餐就係由李師傅上門親自炮製不過就要住另一間有廚房既雙房行政套房都期待左一段時間但入到去見到張檯就已經有少少失望即係平時我同女朋友兩個人去食米芝蓮中菜無論係唐閣天龍軒嘉麟樓或者夏宮都好其實張檯都係咁上下大細而家要坐C區用埋安心回家五個人都係得張咁既檯我覺得真係好迫問過都話無第二張檯即係落完單之後就算拎走左個轉盤開埋壺茶同水都係無咩位淨第一次帶屋企食呢種級數既中菜仲要係餞行感覺就真係好麻麻而C區就要所有職員都打針落單果位侍應就應該係第二度調過黎唔係好識咁我其實覺得無問題最緊要係態度都仲算OK只不過落單果時佢有野唔識要問後面果位類似經理既人果位師兄就企係度大聲答感覺就仲差唔知以為去左街邊酒樓咁環境呢其實都唔錯既雖然坐門口位但坐唔滿都幾清靜牆身擺左好多茶壺類製品頭頂有中式吊燈咁因為減埋頭先食既自助餐同聽日食既alibi仲有三千幾credit要用再加上老母食齋所以都叫左好多野覺得呢張檯真係無可能擺得到同埋亦都無其他中菜廳有既三色醬或者合桃結果呢開始既餸菜就變左逐道慢慢上唯獨係呢方面我覺得幾好第一道係金箔千層豆腐純粹見佢係齋又位上就叫左好精緻雖然就無乜特別呢份叫唔叫都無所謂然後上既係第一次係中菜廳叫既片皮鴨半隻二食炒鴨絲之後先上之前食開既餐廳就算我覺得服務唔算好既夏宮都會擺上檯比客人影下相今次講左句野就拎走左去切片一樣都係擺得幾靚仔片有少少脆肉唔算嫩無預期中好食真係食晒片皮鴨先上既下一道蟹蓋叫左兩份同香宮一樣都係用左呢款蟹碟入面同樣都好足蟹肉完全係一樣既感覺之後就開始加速燒味雙拼話係可以係餐牌揀是但兩樣我必點既一定係叉燒而另一樣就揀左價錢最貴既乳豬就唔知係心理作用定點硬係覺得如果餐牌上面無寫係西班牙黑毛豬或者其他地名既叉燒我都會覺得係差咁d食落真係無咁淋唔知雙拼同單點既會唔會有唔同呢另外份乳豬都唔錯既頭先二食既炒鴨絲香口但好咸為左老母叫既豆腐煲我自己黎食既話一定唔會叫明閣既招牌得獎菜色龍皇披金甲蝦膠連埋龍躉肉一齊炸最後砌番個蝦型出黎精緻度係滿分既但個蝦頭同蝦尾唔識玩呢度菜有得揀位上或者一例咁叫一例有六件老母唔食其實早知叫四份位上仲好雖然幾彈牙好食但而家真係太飽食唔晒另外兩份為老母位上叫既齋菜綠野仙蹤同埋彩虹仙子打開入面全部都係菇其實唔上網search過淨係睇過名真係唔知會係乜黎最後上既和牛窩燒飯又係講左句就拎走左去分最後一共只分得四碗即係我就已經好飽無咩所謂但係之前食過既中菜廳全部都至少可以分到五六碗呢度分得碗就真係細份另外叫左個白飯比老母最後呢係食唔晒既尤其係我食完buffet再上lounge食野真係食唔落咁多有時dining credit太多都未必係好事本身仲想叫埋個幾出名既甜品甜夢仙境但都太飽叫唔到了洗手間係餐廳外面普通問埋可唔可以用dining credit買月餅等左好耐個類似經理又彈出黎串串咁話而家已經折左點點點叫左9樣菜食左足足兩個鐘好飽茶位30蚊位埋單3454平均大約690一位如果呢餐拎去食正價dinner buffet就應該仲貴過呢個數所以都係食番中菜比較化算食物同環境我都覺得唔錯既只係果個類似經理既係完全令人反感除左佢之外其他侍應服務都OK既唔需要自己手動斟茶但就係業餘級數完全無一星水準整體都同同集團既三星唐閣差好遠唔知佢以前係點樣拎得到兩星…Read More

在《米芝蓮2021香港澳門指南》公布沒幾天的日子發一則有關米芝蓮星級中菜廳，上周才去用餐完🍴的食評吧這家屢獲殊榮的中菜廳就是「明閣」，他們自米芝蓮港澳指南出現後連續十幾年（2009-2021）都穩摘一星⭐️或兩星⭐️⭐️，位於Cordis Hong Kong🏨內，用餐區域裝潢典雅，餐廳提供各款精美佳餚，包括水準卓越的自製點心。雖然餐廳位處旺角的黃金地段，但自己不常在旺角朗豪坊一帶活動，難得相隔十載後再訪，這次除了叫了幾個點心外，也要了兩道精選的得獎名菜。先說一下他們著名的即焗鮑魚雞粒穌，擺盤精緻，用上原隻乾鮑即制，再配以解膩的普洱茶，是誠意十足之作。我們也點了上素羊肚菌春卷和養生三色餃，其中三色餃的外皮色彩繽紛，三種顏色分別有不同的餡料，綠色的是牛肝菌榆耳菠菜餃，橘色的是杞子鮮蝦蟹肉甘筍餃 ，紅色的則是帶子羊肚菌紅菜頭餃，味道不錯。至於得獎名菜就選了「如意三弄」及「龍皇披金甲」兩道，都是十分有創意的菜品，特別是「如意三弄」裡的話梅帶子凍，最初很難想像話梅果凍裡配一粒帶子是怎樣的一回事，不過入口後的感覺還是挺搭的，酸甜中帶有一點鮮，挺有趣的。本來想再嚐燕晶凝的名點，但侍應表示當日沒有供應，所以最後叫了「流沙楊梅」作甜點結尾，香脆的紅菜頭糯米外層內配以山渣草莓醬，令人食指大動。整體而言我對「明閣」的用餐體驗表示滿意，他們菜品走的是新派粵菜風格，具創意的同時也不會跟傳統粵菜產生違和感，雖然用餐當日在我的觀察中感覺到餐廳的人手有點緊湊，但服務人員還是專業勤快，態度友善。…Read More

早前係康得思買左個staystaion優惠，終於一試米之蓮級既中菜-明閣，好懶宜家先打食評，見到d相又想再去食龍皇3弄尼味菜要由最淡味開始食先(圖:右起)，每隻蝦都好大隻，爽口彈牙，用料新鮮鮮蝦濃湯脆米:個湯好清甜，有冬菇粒，但唔知係咪個湯比較清淡，隻蝦唔係好入味，但會食到蝦既鮮甜，而米通浸左湯之後好食啲蔥爆虎蝦球:好香既蒜味，調個果汁都好好食，濃味之選，因為前一味係清淡，一食尼個有個衝激感花雕粉絲蒸虎蝦:未食已經聞到好香既花雕酒味，食落甜甜地，意外地好食，而且粉絲都索左好多酒味，正龍皇披金甲金甲係龍躉肉，披係蝦膠到，之後炸到金黃色，食落好香口，蝦膠超彈牙，魚肉炸得岩岩好唔會嚡。上碟造型扮番隻蝦，睇落好似好細舊，但咬開係好足料。酥炸釀鮮蟹蓋Book位個陣已經預訂左尼個蟹蓋，驚黎到先叫無得食。蟹蓋有兩款煮法，酥炸同芝士，我地點左酥炸，想食番最基本同埋怕芝士會蓋左蟹肉既鮮味。上菜既時候用左蟹形既碟裝番個蟹蓋，望住個蟹蓋上面閃閃發光，就知道係新鮮炸起。切開一睇，不得了，滿滿的蟹肉，蟹肉混合左芝士，每啖都有淡淡既芝士味，口感好creamy。蘋果醋香豬黑毛豬上碟個陣聞到好香，食落酸酸甜甜，好開胃，而且炸得岩岩好，脆口，炸粉簿，所以啖啖肉，睇相會見到黑毛豬仲係粉嫩既顏色，咬落唔會韌。燒味3重奏明閣最出名就係叉燒，點可以唔試。燒味3重奏係可以自選3樣，我地就叫左燒腩仔、乳豬、叉燒。燒腩仔肥瘦均衡，個皮好脆，入口即溶；乳豬個皮簿帶小許乳豬肉，個皮非常脆，燒既火候岩岩好；叉燒望落好似係瘦叉，但食落自發現係半肥瘦，配埋個叉燒汁，食完會想追加叉燒加個飯。欖角鹹檸M9和牛炒飯睇相好似好普通，但因為落左欖角同鹹檸，個飯食落會有啲甘甘澀澀既味，係好特別既味。和牛粒好足料，雖然切左做粒裝，但每食一啖都會有和牛，下次會想淨叫個M9和牛!…Read More

打算在老公生日到這裡享用晚餐，提前一週才能訂到位，果然是熱門米芝連餐廳。餐厅在地鐵旺角站C3出口朗豪坊對面的康得思酒店6樓。門口有人帶位，報上姓氏已知道我訂的位置，非常高效。這次做凖備功夫，上各大食評找了一下熱門菜式，但始終两個人，食量有限，所以只點了一份燒味三重奏、半份龍皇披金甲、半隻炸子雞和一個芝士焗蟹盖，另叫了两份花膠雞絲羹。先上了燒味三重奏，份量不大。叉燒半肥瘦，又不會太甜，味道恰到好處；燒豬皮脆肉嫩；海蛰比平時吃的更肥更嫩。第二道菜是花膠雞絲羹。雞湯味道十分濃郁，花膠絲的膠質令羹更粘稠，正😋另配了一小碗薄脆，倒入羹中一起食便唔會太熱氣。飲完湯已9成飽。第三道是蟹盖，反而令人略感失望，芝士味十足，但與所釀入蟹盖內的食材的契合度一般，沒有驚喜。第四道是好評如潮的得獎菜式龍皇披金甲。侍應見我們祇有两位便提議點半例。聽從建議後發現一例真的是吃不完。将蝦肉打成蝦膏釀在龍躉魚上再用慢火炸，好費功夫的菜式，吃起來也確實很够火候，炸得剛好，鎖住了海鮮的鮮嫩。炸子雞相對於上一道菜來講，難度略小，自然也不會失手，雞皮非常脆薄，雞肉嫩而多汁👍🏼两個人一共1600+，物有所值。…Read More

俗語有云「美酒配佳餚」，在吃好東西之時，怎能不配上一杯絕佳美酒，讓美食提升到另一層次？連續 8年榮獲米芝蓮星級名譽的「明閣」，多款得奬名菜色香味俱全，令人齒頰留香不在話下，原來旁邊的「明酒窖」珍藏 400款來自 20個不同國家的佳釀，佳餚與美酒自然來得相得益彰！最近 「food allee HOME」安排了「明閣」與意大利酒廠，攜手打造米芝蓮星級佳餚與意大利美酒宴 (MICHELIN STARRED ITALY WINE AND DINE)，限時供應，每位 $1,680。包括可享九道名菜與及六杯「KETTMEIR」和「Lamole Di Lamole」等獨特酒莊的佳釀，佳釀與「明閣」菜式互相輝映，品味出耳目一新的體驗。供六人用的筵席先由明閣小碟打響頭炮。當中的至尊蜜汁叉燒挑選梅頭中最優質的10%，難怪叉燒口感軟腍過人；中間的是人手燒製的化皮乳豬，最佳享受絕對是品嚐其香脆而不膩的乳豬皮；而脆皮牛腩片則選用牛坑腩，除去油脂後烤製，入口外脆內軟，透出滷汁的誘人滋味，墊底的凍蘿蔔更是酸香醒胃！隨後是巴馬火腿芝士焗釀蟹蓋。釀蟹蓋常予人膩意，但這巴馬火腿芝士焗釀蟹蓋卻讓人有著舊菜新嘗的喜悅。立體的銀蟹盤不單活潑可愛，就連蟹蓋的餡料也來得跳脫過人，將生洋蔥和炒香洋蔥兩者共融，隨著芝香的醬汁夾雜爽軟的洋蔥和甜香的蟹肉，口感輕快而不滯，且溢出點點火腿鹹香。除了菜式製法特別，「明閣」也特別講究用料。其中選用享負盛名的日本關東遼參，釀入純正白花蝦蝦膠，取其蝦味濃厚，加上豐美的鮑汁伴碟，這道鮑汁百花釀遼參每一個步驟也非常考功夫。之後再嚐曾於2009年度榮獲香港旅遊發展局美食之最大賞銀獎的龍皇披金甲，金黃的色澤份外吸睛，而經泡油後蝦身金黃香脆，摻合龍躉腩的鮮嫩、蝦與墨魚膠的爽彈，龍皇披金甲的精髓活靈活現。繼龍皇披金甲後，松露金縷衣是2010年度香港旅遊發展局美食之最大賞金獎名菜。將雞肉剁碎釀入馬蹄粒，鋪上雞皮煎香，再以黑松露回鑊，香氣逼人。旁邊一炸一蒸南瓜更承托幼細富嚼感的雞肉，雞的菜式也來得別樹一格。接著是清新怡人的杞子竹笙浸豆苗。仿是簡單的蔬菜，但在配搭和上湯的味道均可見其心思。爽口的竹笙與幼嫩的豆苗和香菇，爽軟交雜、口感鮮明；上湯配合圓大的杞子，味道不造作，更洋溢著鮮香細膩。個人很喜歡這道清怡平衡的蔬菜！來到此階段，肚子已甚為充實，不過又怎可錯過香氣四溢的羅勒珍果和牛粒。羅勒珍果和牛粒集香濃、爽脆肥美及軟腍的多重口感於一身，再來一口餐酒，顯得份外惹味！鑊氣十足、乾爽馥香的鵝肝叉燒蔥花炒飯，女士只能輕嚐箇中美味，相信胃納較大的男生卻可來過大滿足！仿如一箭雙鵰的嘉餚旨酒夜，試問誰不饞涎欲滴！…Read More

有時獲冠以2星的光環，也未必是好事，主要原因係客人會用較高的expectation來幫襯，間接令客人失望的機會率大大提升。明閣好明顯俾米芝蓮抬高了，食物水準不穩定，service有好又有不好，是令PJ失望的2星餐廳。這裡的環境非常優雅華麗，環境這一項是攞滿分的。可惜的是receptionist真的令人有些少掃興，她並不是沒有禮貌，只是沒有高級酒店員工應有的禮儀吧了。另外要讚這裡的醬芥，XO醬的瑤柱味超香，素食麵筋醬味道濃郁，連醬芥都有細心為素食者準備，抵讚。片皮鴨(半隻)索價$408，如果好食咪唔貴lor；好可惜...真係一啲都唔好食。皮一啲都唔脆，肉不嫩但也不致於鞋口。薄餅好型咁用蒸爐保温，一開蓋其實都係好快凍哂。薄餅不夠濕潤，無麵粉香，是十分普通的貨式。吃罷好掛住沙田18。片皮鴨是兩食的，我們選了生菜炒鴨崧。鴨崧加了松子，口感不錯，非常濃味。無特別好又無特別唔好，即係都係好普通。生菜好矝貴，每人分得一塊，剩下好多鴨崧要空口吃。終於輪到好評，明閣八小碟好好食，8樣小食中，首推叉燒，又腍又香，鹵水豬脚仔亦十分出色。冰鎮白靈菇口感又滑又爽，幾得意；黑椒牛脷大家都喜歡，牛脷煮到好腍。較失色的是青瓜，青瓜皮好老好鞋。得獎菜"龍皇披金甲"的蝦膠魚肉獲一致好評，蝦膠的鮮跟魚肉的滑十分匹配。美中不足係啲蝦頭處理得不好。爸爸跟老闆級的人來吃飯時，這炸蝦頭明明炸得非常脆，能整隻像在吃薯片般吃完，但是晚的處理得很差，炸得不透，阿P話食此蝦頭好危險，個口隨時會損，吃不下嚥。鳳舞香羅即係普羅大眾的雞煲，上枱時香噴噴熱辣辣，急不及待將一件雞放入口，oops...就連脾肉都一點也不滑，胸位就更強差人意了。食到呢度，飯痴阿P當然要叫番碗白飯啦，落單後等了8分鐘都無飯食，於是便叫侍應跟進，再等多5分鐘，都係無，於是再叫另一位侍應跟進。多等2分鐘，阿P終於等到佢碗白飯，前後總共等了15分鐘，所有餸都嚟齊哂兼凍埋.......2星米芝蓮...以下這味餸的主角分別有兩位：南瓜及和牛。和牛不錯，有肉味又夠嫩滑。南瓜有啲嚇親，質地爽口如甘筍，無嚟味道因為煮得太生，根本未煮入味，和我expect的又甜又軟熟的南瓜有好大的出入。蔬菜通常是為點而點的，明閣的鮮魚湯浸娃娃菜，我們認為比其他得獎菜也毫不輸蝕。究竟係棵娃娃菜堅出色，定係今晚的主菜太普通?.......甜品要了桂花糕，心形的，幾靚。當我地係度諗緊桂花的英文是什麽的時候，有一位侍應走過來告訢我們，說是Osmanthus。他的態度友善，很appreciate他的服務態度。大家都覺得個環保袋好靚，是今晚的亮點。食物價錢貴，如非得獎菜，味道好普通。大部份waiter服務都好，少部份太高傲，有點懶巴閉。爸爸係埋單的時候，經理好似知道我地有啲意見，於是便誠懇地問有什麽意見可以給他們，奈何非三言兩語可盡訴，只希望明閣可穩定水準。爸爸是member，他吃過很高水準的明閣，所以他今晚挺失望的，尤其是個蝦頭！！！都是米芝蓮惹的禍......…Read More

爸爸的生日飯。一早訂左檯去明閣慶祝，順道試一下菜 。明閣內裏的裝修不錯，空間很闊落。坐得很舒服。菜單一早就找人寫好，所以一坐低就有得食。講一下xo醬，不太辣，但絕對好食，一定要試。另外還有個啫啫通菜煲，沒有影相。但小菜才最考廚師功夫，偏咸，但這本來就是這個菜的特色，絕對好味 。好了，閒話少說，看圖開飯 。…Read More

踏進九月，除了是暑假完結開學之時，更是步入每一年的飯聚高峰期。打響頭炮的就是「無野謝」的生日飯，甜心們一早準備好在明閣與他賀壽，順道一試米芝蓮二星的多道得獎菜和名物。先上來酥炸釀蟹蓋 ($128/一份)，以蟹形小碟盛載，蟹蓋體積如預想的大。蟹蓋表面是薄薄一層的脆衣，蓋著了絲絲粉軟的蟹肉。蟹肉鮮味，忌廉似的濕潤細滑，水準很令人滿意。2013年度香港國際美食大獎至高榮譽金獎名菜羅勒珍果和牛粒($438)，和牛粒大大的一顆，嚼勁十足，跟洋蔥、羅勒葉、腰果和燈籠椒等配料一起煮得入味。另加入了鵝肝粒，豐腴且跟甜甜的醬汁亦合拍。可是餐廳宜在菜單上列明此道菜式有鵝肝在內，因我們在座有數位不吃鵝肝的朋友便差點把鵝肝誤當成和牛。砂窩炒桂花蟹肉瑤柱 ($188)，定價比大部分菜式要低，別看它顏色淺薄，蟹肉和瑤柱味道甚足。只是略嫌弄得乾身了點，比炒飯更要粒粒分明，大家都沒有很愛。黑松露什菌豆腐，什菌和豆腐本來都是清淡的素材，但加入了黑松露醬後，便如青春少艾豔抹濃妝，香是香，美是美，但卻有點累贅，多此一舉。雖不至教人倒胃，但大家一致認為此菜下手重了點，味道濃了點。明閣鮑魚蛋白炒飯 ($268)，這個就若它外表一般，輕描淡寫的，亦無特別之處。填飽過肚子，霎眼便把味道忘得一乾二淨，記憶中再無痕跡。紅酒火燄黑豚肉 ($288)，上來時是燃著誘人的火燄，為整道菜的外觀加分不少。紅酒味突出而又不過份，片片黑豚肉混在什菌中，煮得恰到好處，夠熟又不難嚼，佳。2009年度香港旅遊發展局美食之最大賞銀獎名菜龍皇披金甲($438)，中間的炸蝦頭和小棠菜擺盤精細，賣相先聲奪人。連皮龍躉肉釀上以海蝦打成的蝦膠再炸，咬下鮮味、爽彈和柔韌合成一體。可是略嫌不夠熱(是我們拍照之過？)，而且對比前人照片，別人的炸過後仍可清楚看到那龍躉肉的模樣，我們這碟卻看不出什麼來，不知食味可有分別？鹹食壓軸的便是我最喜歡的黑魚籽海生蝦炒蛋白 ($368，圖為兩份)，同樣擺上了炸蝦頭，中間是加入了海蝦仁細嫩滑溜的炒蛋白，上面撒了一把黑魚籽點綴，更添鹹鮮及高雅感，連旁邊圍的一圈炸川椒葉最後也吃個清光。甜點除了自備的蛋糕，我們還訂了流沙包。流沙包流心不在話下，流沙餡幼細，味道鹹甜平衡，還淌著橙黃蛋黃油，包皮薄且分佈平均。雖較膩，但為極邪惡的上品也。生日怎能少了壽包？拳頭般大的蟠桃大壽包 ($45/一個)新鮮熱軟，中間蓮蓉餡清甜不混濁，再加一整粒淌油鹹蛋黃，實叫人滿足不已，比流沙包更討我歡心。服務方面除了起初有點混亂出錯，大致叫人滿意。食物固然都在水準之上，只是有某些菜式調味和油都下得重手了點，注重健康的朋友要稍為注意。定價不便宜，但亦算物有所值，一定會再來飲茶試試它的點心及其他美食。…Read More

近排開心事特別多，繼續俾自己good excuses去不斷食好野！Anyway，是日七點未到去已經去到朗豪酒店六樓既中菜廳，但係已經餐廳已經差唔多半滿！從lift lobby往中菜廳必須要經過一條長長既酒廊，就好似一個小小的buffer將煩囂既鬧市分隔開，為衝忙的一天帶來一個少少的小天地去relax relax！作為米芝蓮兩星餐廳，硬件方面當然唔會差得去邊。枱與枱之間既距離雖然唔算好闊，但係可以接受，附近既人就算講野比較大聲都唔雖要擔心俾人聽到佢地講乜。樓底方面非常高，空間感非常足夠，完全善用五星級酒店既硬件。鮑汁四喜烤麩 ($88)作為餐前小碟既appetizer，整體感覺非常惹味，令胃口大開。由於被鮑汁撈過，麵筋、冬菇等等本來平平無奇既材料變得十分香口，令平時唔太鍾意「食齋」既自己都忍唔到口食過不停！濃湯鮮竹花膠絲浸時蔬 ($208)清清淡淡的一味菜反而更加帶出食材的鮮味。花膠絲煙煙韌韌、口感非常特別，同菠菜一齊喺上湯裏面可以話係一軟一硬既「最佳拍檔」！鮮竹方面，由於「索」晒上湯入去鮮竹裏面，口感黎講相對偏腍，個人黎講唔太鍾意，不過呢個絕對因人而異！海生蝦炒蛋白 ($228)非常有特式的誠意之作。雖然「海生蝦」只係大頭蝦既蝦頭，似係點綴多於實際用途，但係主角蛋白卻非常令我喜出望外。滑到幾乎從嘴唇邊跌出黎不特止，當佢同埋蝦膠撈埋一齊食落肚果種感覺真係非常之正。由於夾雜左脆bok bok既香葉，果種爽得黎卻帶點煙韌同埋清新既口感真係超正！龍皇披金甲 ($398)作為2009年度既得奬菜式，絕對係「不可不試」之選。白鱔裏面釀左蝦膠，再落鑊油炸雖然看似簡單，但絕對係考功夫之作，火喉控制既技巧絕對唔容易。師傅唔單止做到色、香、味俱全，炸既火喉亦都剛剛好，金黃色、脆脆既鱔片裏面包住左仍然係熱辣辣既爽滑蝦膠，真係正到痺呀！紅酒火燄黑豚肉 ($258)在座大部份人可能因為被隔離既乾柴烈火吸引左，每枱幾乎都有order到呢個dish。不可不提既係佢既烹調手法十分特別，先將菜式煮到差唔多熟，然後用錫紙包住，下面再放D好似快餐店打邊爐用既燃料再用石鍋上枱，等一至兩分鐘後燃料耗盡先至拆錫紙分菜，十分特別！由於個醬汁用左紅酒調味，食落口感覺非常濃烈。豚肉片撈埋冬菇、草菇同埋蘿白等等既材料雖然十分惹味，但就唔係太啱鍾意清淡既我。不過，如果係用黎招呼愛好濃味既北方人或者西人既話，我相信呢個絕對係不二之選！蝦子雜菌燒玉子豆腐 ($168)坦白講，overall整體既質素勉強只可以叫做比average好少少。醬汁雖然惹味，但感覺同上面既飽汁大同小異，應該係出自同一個recipe的手筆。玉子豆腐做得唔錯，師傅喺控制時間方面非常到家，玉子表面整得十分出色、炸得剛剛好之餘，裏面卻能keep到好似蒸水蛋咁滑既口感，超正！雖然完全食唔到蝦子，但雜菌唔會因為咁而無左惹味既感覺。由於用既食材非常新鮮，喺「less is more」之情況下反而食出蔬菜既鮮味同埋田園氣息，感覺好好！Overall餐廳比我既感覺係相對一般酒店中菜廳更加「平易近人」。酒店既staff唔會將隻眼生喺額頭到不特止，佢地亦都唔會一味只係recommend D貴野俾你，反而着重唔同餸菜既配合，務求令你可以唔同既野都可以試少少，唔會過份側重喺某一方面。消費方面更加非常「豐儉由人」，當然你可以食鮑心翅肚或者$500幾蚊一位既米芝蓮tasting menu，但係一般家常便飯都只係3幾百蚊一個人，以酒店黎講絕對係合理之選！…Read More

又到了八月的飯聚群組生日飯, 這個月, 出席的朋友一共有十六名, 那當然要找一個舒適一點的地方, 能夠容納到我們十六人同坐一張大檯, 大家討論一輪之後, 最後選擇了明閣. 也好, 真的很久沒有來明閣晚飯了. 這家連續四年取得米芝蓮二星的店子, 怎也是信心的保證吧.這裡環境舒適, 擺位闊落, 我們十六人坐在一張大檯, 也不會覺得擠逼. 裝修帶點型格, 但當中仍保持中國風, 作為五星酒店的二星店子, 在環境一項, 是沒有甚麼挑剔的地方了. 大部份朋友也不是第一次來了, 既然如此, 不如多點一些新菜式, 另外, 店子的經典菜式當然也是少不了的.蜜味叉燒 $188 x 2: 7分, 來到酒店中菜廳, 大家總愛來一客叉燒吧, 是晚Oli提議來一客叉燒, 那當然無問題. 一客$188, 算是偏貴的價位, 不過就勝在份量比較多. 賣相看上去是幾吸引的, 但肉質就似乎比較實, 不夠鬆化. 我是比較喜歡吃蜜味重一點的叉燒, 這裡的, 就不太有蜜味了. 以這個價位及這裡的級數, 是有點小失望了.紅酒火焰黑豚 $258: 8分, 接下來的就是明閣的signature dish, 在明閣精選菜餚中揀選出來的菜式. 紅酒火焰黑豚這道菜賣相吸引, 上檯後店員才點起火來, 一時間火光熊熊. 打開錫紙看看, 入面是放了不少黑豚肉, 就算沒有加大也足夠我們享用. 黑豚肉質嫩滑, 用紅酒燒過後是更為惹味, 帶點點酒香, 配上雜菌同吃, 是令人滿意的.龍皇披金甲 $398 x 2: 9分, 下一道菜式就是美食之最大賞的得獎菜式, 於2009年度得到銀獎的名菜龍皇披金甲. 既然是得獎菜式, 又是賣相已經先聲奪人. 中間放上了小棠菜及蝦頭, 而龍皇披金甲就放在四周. 龍皇披金甲是用海斑再加上釀蝦膠去炸, 海斑肉鮮味十足, 蝦膠質感爽甜, 加上炸得不會太油, 兩種食材的配合是相當匹配, 有水準. 當然, 蝦頭是炸得相當香脆的, 而旁邊的小棠菜就正好起了中和的作用.海生蝦炒蛋白 $228 x 2: 9分, 繼續是明閣精選菜餚中的菜式, 說的就是海生蝦炒蛋白, 相信大家也很熟悉了, 不過來到這裡, 怎也要再次試試這經典菜式. 果然是水準依舊, 又是賣相很靚的出品, 中間是炒蛋白, 兩邊放著的是蝦頭, 另外還有炸川椒葉作伴碟. 海生蝦炒蛋白當然是主角的部份, 蛋白炒得相當香滑, 有蛋香, 配上海生蝦去同炒, 蝦肉帶點鮮味, 跟蛋白的組合是相當合襯的. 至於旁邊的炸川椒葉炸得夠脆身, 香口, 也是不能錯過的呢.豆腐探戈 $208 x 8: 8分, 下一道菜式就是2013香港國際美食大獎得到銅獎的菜式, 豆腐探戈. 由於是以位上的, 就要了八客, 每兩個人分吃一客, 也相當足夠. 其實每客豆腐探戈也包括了四個菜式, 分別是金箔松露千層豆腐, 松露素燴福袋, 雲丹豆腐卷以及芝味豆腐蟹鉗. 賣相是相當精緻, 特別之處在於用上了豆腐作主角, 每個菜式中也有豆腐的蹤影, 有四種不同的層次.我們就由淡到濃的去吃四款菜式, 當中的金箔松露千層豆腐, 用上松露去配千層豆腐, 豆腐是幾香滑的, 松露味道香濃, 再配上面頭的金箔, 令到賣相是更加吸引. 接下來的是松露素燴福袋, 繼續用上松露醬, 其實感覺上有點重覆了. 不過福袋是比較清新的選擇, 也算不俗.到了雲丹豆腐卷, 就是把海膽跟豆腐結合而成的菜式, 在中菜來講, 是幾特別的配對. 豆腐卷炸得香脆, 海膽味道鮮甜, 跟豆腐同吃是相當匹配的. 最後的就是芝味豆腐蟹鉗, 蟹鉗吃得多, 但加入了芝士及豆腐的, 相信大家就比較少見了. 芝士味道香濃, 令到這道菜式是最濃烈的一道, 這個配搭, 又真的是創新而有水準的.蝦籽鮮菌素千層 $188: 7分, 到了吃菜蔬的時間, 先來一客明閣精選菜餚中的菜式, 就是蝦籽鮮菌素千層. 這客素菜, 是濃烈版本的素菜, 想吃得輕宜一點的朋友, 就不要點選了. 材料包括有蝦籽, 鮮菌以及腐皮等等, 是幾惹味的. 特別喜歡加入了不少蝦籽, 鹹香的味道為這道菜式加添了層次.海味上湯素菜窩 $198: 8分, 相比之下, 另外一道菜蔬海味上湯素菜窩會是更加適合大家吃的, 用上了不少時蔬, 令到大家都有菜落肚. 配上海味同吃, 也令到這客素菜窩不會那麼寡. 而上湯亦幾清新, 實是這晚的輕宜之選.窩燒滋補竹絲雞炒飯 $238: 8分, 是晚的上菜是有點混亂, 主菜還未上完就先來單尾, 以這裡的級數來講, 是有點令人意外. 先來的澱粉質項目是窩燒滋補竹絲雞炒飯, 也是美食之最大賞的得獎菜式. 這道2011年度的金獎名菜, 特別加入了不少紹酒, 令到這客菜式是帶點酒香. 不過因為大部份的酒精已經蒸發出來, 就算平日不愛喝酒的朋友也不會抗拒. 炒飯的火候控制得很好, 飯粒分明, 夠乾身, 配料用上了竹絲雞, 自然是更加的滋補. 不過有個問題是這客飯的味道實在偏淡, 是因為要遷就大家吃得越來越健康之故?脆皮乳豬炒飯 $238: 7分, 接下來的也是炒飯, 就是店方的另外一道明閣精選菜餚. 面頭的乳豬跟上次吃到的水準相若, 也是不太香脆, 有點名不符實的感覺, 還好的是乳豬肉是幾嫩滑的. 至於炒飯方面, 加入了茄汁及提子乾, 基本上就是一客西炒飯. 當然, 這客炒飯跟窩燒滋補竹絲雞炒飯一樣是炒得相當有水準, 是功力的表現.鳳凰藏珍 $288 x 2: 9分, 吃完單尾, 這客鳳凰藏珍才上檯, 還要趨單, 真是始料不及. 這客是2013香港國際美食大獎金獎菜式, 就是以松露百花雞配上鵝肝醬雞丁. 其實兩款都是以釀入蝦膠的雞脾肉為主角, 松露百花雞就是用上了南瓜作配襯, 南瓜味道香甜, 正好中和了松露的味道. 至於鵝肝醬雞丁, 底下就加入了窩巴, 質感香脆, 配上鵝肝醬同吃, 當然是很美味的組合. 這客鳳凰藏珍, 無論是賣相, 創意, 配搭, 味道也令人滿意, 怪不得能成為金獎菜式.濃湯鮮竹花膠絲浸時蔬 $208: 8分, 姍姍來遲來的是另外一道菜蔬的菜式, 就是濃湯鮮竹花膠絲浸時蔬. 吃完比較濃烈的鳳凰藏珍, 再吃時蔬, 就當作清新一下味蕾吧. 用上了花膠絲, 自然受女孩子歡迎. 另外還加入了鮮竹, 質感爽滑. 至於湯底味道夠鮮濃, 多喝兩口也無妨.蟠桃大壽包 $45 x 15: 8分, 到了甜品的部份, 先來的就是令到大家最感興奮的時間, 就是吃蟠桃大壽包. 十五個大壽包上檯, 每個份量十足, 相當壯觀. 咸蛋黃大大粒, 相當香甜, 而蓮蓉亦夠香滑, 實在是相當動人. 不過包身就未算太鬆軟, 有點點小失望吧. 另外, 一個大壽包的價位是$45, 委實是不便宜呢.豆腐芝麻凍布甸 $52 x 2: 9分, 其他甜品方面, 就好像不太受大家注意了, 畢竟單單要清掉個大壽包也實在不容易. 這客豆腐芝麻凍布甸其實是相當有水準的, 豆腐布甸質感夠香滑, 配上香濃的芝麻同吃, 是相當匹配的組合.炸杏片香芒卷 $48: 7分, 原價是$48, 一客三件, 我們要了八件, 就是$16 x 8, 店方也能作彈性的安排. 雖然是店方的推介, 不過芒果是不夠香甜, 還好的是炸杏片是幾香口的, 質感還算不俗. 除非是很愛吃芒果甜品, 否則這客甜品就不是必吃之選了.燕晶凝 $118: 8分, 原價是$118, 一客五件, 我們要了八件, 就變成$24 x 16, 加了價. 還記得從前這客招牌甜品是用魚翅來製作的, 現在變成燕窩, 環保得多, 值得一讚. 當然, 一上檯的時候就是煙霧瀰漫, 效果一流, 底下的乾冰還成為院長的玩意呢. 而燕窩配上芒果, 其實味道是比魚翅更加匹配, 一場來到這裡, 這客燕晶凝, 還是值得一試的.一口氣試了店方的十五道菜式, 當中大部份的還是水準之作, 不過有部份就尚有改進的空間. 服務方面, 整晚的上菜是相當混亂, 等待時間又很長, 店員態度也只是一般. 價位方面, 計及信用卡折扣, 埋單每人$390, 已經能夠吃到這裡的一系列招牌菜及得獎菜, 還算是合理的價位.不知道14年版的米芝蓮, 這裡的成績又會是如何呢?…Read More

久仰明閣大名，想品嚐這間品嚐屢獲殊榮的米芝蓮二星中菜已多年，想不到可以於這個生日實現願望，開心之餘，真的十分感激大家!　來到酒店六樓，通往用餐區的路上，已經舖滿了日月字樣的標誌，別致得來而氣派不凡；標誌更一直延伸至店內，裡面亦同樣氣派不凡，座位更是寬落非常，當晚我們16大1小也坐得十分舒適。是的，當晚寶寶也成為坐上客了，而且要讚明閣的BB餐具非常可愛，寶寶與媽媽都喜歡極了! BB椅又夠實淨，幾適合帶著寶寶一同用餐的。　以$22/位，頗有質素的香片茶喚醒味蕾後，接著的食物自然又是CEO打點，自然又點了不少得獎名菜，不過首先講明並不是每款均如預期中驚艷。來到中菜廳大家都喜歡來試試燒味水準，首先是蜜味叉燒($188例x2)，成品肉質不算鬆化，蜜味亦略嫌不足，美味程度並不及早前喜双逢的出品呢!接著的紅酒火焰黑豚($258)雖沒名堂，質素還算不錯，燃燒著上檯的黑豚除有睇頭，經酒燒過也特別味香肉嫩，個人更特別喜歡同上的雜菌，爽口又滋味!然後是2009年度銀獎名菜----龍皇披金甲($398 x2)，真是好一個充滿氣派的名字! 其實龍皇就是大海斑，金甲就是免治蝦肉，兩者加在一起，自然倍添鮮美，加上小棠菜的伴碟，構圖也挺美的；不過老實講，名貴斑塊其實留不下很深刻的美味印象，反是中間的炸蝦頭，香脆可口更加吸引。其實我更喜歡接著的海生蝦炒蛋白($228 x2)，雖然成品有點油，但蛋白真的很香又滑，也分了一些給寶寶送粥仔，為食豬超喜歡呢! 除了主角蛋白令人滿意，香脆蝦頭，以及伴碟的炸紫蘇葉又是極香口吸引。接著是2013最新銅獎菜式，矜貴非常的豆腐探戈($208/位)，大廚前後以松露醬、鮮甜的海膽，以及濃郁的芝士，來帶出豆腐由淡至濃的味道，務求令食客齒頰留香。當晚是二人分享一份，我就當然與老公共享了，然而懞老公將次序倒轉來吃了，我亦傻氣照跟，所以經歷不到層次轉換，只覺得最美味是炸海膽豆腐，以及芝士豆腐條。所以會覺得有點誇大其辭，以及貴!接著更有2013年金獎菜式---鳳凰藏珍($288 x2)，店方以兩種不同的烹调手法炮製釀入蝦膠的雞上脾肉，並分別配以香脆的窩巴及香甜幼滑的南瓜拌上，以求令食客體驗豐富口感。個人會較愛蝦膠雞脾肉襯以窩巴的食法，因出品香脆可口多了，而且兩款製法的調味亦有所不同，窩巴那款味帶輕甜，亦更將蝦膠的鮮襯托出來；當然另一款同時有著雞鮮及南瓜甜，也不差的。吃過多道名菜，也是時間來幾味青菜清清腸胃，先有濃湯鮮竹花膠絲浸時蔬($208)。營養豐富深綠色蔬菜是孕媽媽的至愛，加上名貴花膠，鮮味濃湯，再加上爽滑美味的鮮竹，我很喜歡的!蝦籽鮮菌素千層($188例)則是一款較濃惹的小菜，相對好感較低，少試一兩件再挾件西蘭花，就夠了! 另一款海味上湯素菜窩($198)也是適合孕媽媽的清爽菜蔬，除挾了很一大碗自己享用，也給為食寶寶吃了一些粉絲，他也很喜歡呢。CEO真是名菜王，押尾又點了2011年度金獎名菜---窩燒滋補竹絲雞炒飯($238)。加了紹興酒關係，此飯上檯時香得非常過份，誘人極了；不過吃落味道其實稍淡，連口味日漸變淡的孕媽媽，也忍不住加了點XO醬，才覺好吃!另一份是脆皮乳豬炒飯($238例)，面層超級誘人的乳豬皮原來並不香脆，令人有點失望呢；而炒飯則帶點蕃茄酸味，其實有點似西炒飯! 不過要講這裡的兩款炒飯均是粒粒分明又夠鑊氣，水準不差的。完成主菜後，雖然當晚一早準備了壽包及蛋糕（又要多謝大家!），但甜品也點了幾款，首先是燕晶凝($24 x16)。由燕窩及香芒布甸組成的甜品騰雲駕霧，一上檯即煙霧瀰漫，效果十分奪人，而清甜口味相比也是其次了。　　　又有炸杏片香芒卷($16 x8)，中間的芒果醬是流心的，可口味沒太特別，不吃也不是損失。至於豆腐芝麻凍布甸($52 x2)就真心覺得好吃，除了布甸超級細滑，中間又加了不少香濃芝麻餡更添滋味，寶寶也適合享用；不過與此同上還有超級吸引的壽包，馬上被比下去，變得乏人注意了!　沒錯，全晚最為期待的蟠桃大壽包($45 x15)也上場了，讓人超興奮啊! 單看照片或者不覺，當壽包拿上手，才知它大得幾乎無法掌握，份量超巨! 而且中芯有大大粒靚咸蛋黃，帶適量油潤的蓮蓉餡芯超香甜、超滑溜，味道超超讚，真的非常美味令人難忘! 但也要講臨尾來獨吞如此巨大的一個包，真的很飽很飽呢，特別孕期最後我胃口變淺了，吃到一半已經很滯，雖然最後也因美味關係，盡最大努力完成清光!然而最後還有個2磅的大蛋糕，太驚喜了! 一直叫大家不要花費買蛋糕／付切餅費，不過原來經朗豪訂蛋糕頗抵，這個兩磅裝的Mango Mille-feuille才賣$260，賣相還非常精美，未食先有好感! 經過開心又甜蜜的大合照，以及寶寶的搶先吹蠟燭（已經習慣了，哈哈!），又到切餅及分享時間! 雖然拿破侖的酥皮遠不及前一天Fine Food出品的鬆化香脆，但吉士夾心也算甜美，而且很喜成品夾有大量清甜美味生果，很適合孕媽媽胃口呢!豐盛又愉快的一頓，當然所費也不菲，還好花旗信用卡散點有88折，真的感激每一位出席的食友! 而再下一次人齊吃飯，應該我同牙醫媽媽也都誕下寶寶了，真的很期待呢~…Read More

這年的其中一頓母親節晚飯，選址在明閣，這家米芝蓮二星的中菜廳很久以前就想吃，不過在沒錢沒朋友的情況下，一直就拖到現在。那晚餐廳很多地方都間成了不同的私人飯局，大廳的樓面不算大，我們的桌就在走廊旁，還好侍應的節奏不急，沒有那種「隨時有碟餸o係你後面成碟倒瀉」的情況。小吃要了一碟五香燒腩肉，五花腩肥瘦相間，相當香口，而且最底層的瘦肉質感也很軟，外皮酥脆而不硬身，配上少許芥末吃很滋味！濃湯花膠雞絲羹，試了數口，花膠下得大方，用的也是頗厚身的好貨色，但老實說上湯的味道不夠濃，令花膠沒甚麼味道，下了點旁邊的薄脆，感覺又有點像在吃蛇羹 (？)，總的來說是這晚的一個小小的美中不足呀。朗豪炸子雞，雞皮薄脆，雞油的香氣甫放入口中便滲出來，而且也炸得不乾身，即使是雞胸位也沒有柴皮感覺，雞味也比一般的炸子雞來得好 (當然，我平時吃開的炸子雞是普通酒樓的 level，不應該用它們來和這裏來比較…)，但整道菜的亮點，在於伴碟的炸蓮藕！蓮藕切成約 1mm 的薄片，炸得乾身，入口像薯片般香脆，但又滲出蓮藕本身的清甜味道，很有驚喜！XO 醬軟煸羊柳條，下了大量的四季豆，XO 醬不是死辣，吃得出鮮味有層次，而且分量也適中。值得一讚的是四季豆每一條都相當嫩，入口爽甜無渣；羊柳的肉質軟滑，不是下了鬆肉粉那種，也許是部位問題，假如羶味再濃一點的話就更對自己口味了。香蜜橙花黑豚肉 (…有點 out fo)，黑豚肉肉質鬆軟，帶少許肥脂，吃下口更覺甘香；香蜜橙花汁調得沒有過甜，吃下口還吃到少許天然橙汁味，跟肉類很配！聽上去很普通的一道菜，但吃起來就會知道功夫手勢。龍皇披金甲，整晚最期待的一道菜！光看賣相就很有看頭，將蝦膠釀在龍躉球上再炸，龍躉本身帶爽口，配上同樣爽口的蝦膠，讓口感變得更有層次，而且調味不過濃，吃得到材料本身的味道，魚味甚鮮，蝦也爽甜，沒有搶去大家的風頭，配合得相當好，果然是招牌菜，最窩心的是連蝦頭一起上，炸得香脆，忍不住吃了一個，入口滿是蝦膏香氣，令人滿足得不得了。一碟八件，這晚七人吃飯，結果走過一巡，最後一塊也被我吃掉了，好好吃！另外 (竟然) 沒有拍照的是蝦籽鮮菌素千層，蝦籽下得很慷慨，素千層就是一千塊腐皮疊起來 (？) 再切成小塊的物體，很吸湯汁，吃起來只覺濃濃的蝦籽鮮味，鮮菌也炒得有鑊氣，用油又不多，整道菜絲毫不寡，是師傅的手勢呀。沒有要白飯，所以就要了兩道主吃，這個鴻圖窩伊麵，蟹肉的分量很多，伊麵個人覺得灼得稍軟了一點，不過湯底鮮甜，三扒兩撥也吃個清光。另外要了明閣鮑魚粒炒飯，真材實料，鮑魚 (螺片？) 的分量不少，而且入口還真有鮮甜味。炒飯也有水準，乾身又粒粒分明，飯粒有咬口，好吃。這晚的侍應稍少，不過他們已盡量做到殷勤 (有時加茶不夠頻密)，價錢不知曉，謝謝表哥 & 他女友請客！…Read More

難得係 MK Zone 內會有間高級食府 ﹗食飽飯仲可以落樓下酒吧聽 live jass 又或者去樓上戲院睇戲，真方便。今晚同女友、uncle 及 auntie 食飯，當然一早要訂定位啦。明閣豆板醬同 XO 醬可供購買，送禮自用都好。今晚一行四人黎臨嘆返個靚晚飯先 ﹗埋單多謝 HKD2100，不錯不錯 ﹗仲有幾十款得奬明菜仲未試呀 ﹗上湯花膠瑤柱雞絲羹，一分錢一分貨，多謝每碗 HKD160，主菜前唔飲個湯都要每人整個羹先啦。非常清甜既上湯，夾雜住花膠同瑤柱既海味鮮味，雞絲切得幼如粉絲，雞味濃而質感嫩滑。依個羹既味道同口感都非常豐富，厚薄恰到好處，花膠又滑又膠、瑤柱嚥靭有趙口，太美味 ﹗攞奬真係實致名歸 ﹗伴碟有炸卜卜脆，同平時坊間食開既完全唔同，特別香、特別濃、特別脆 ﹗龍皇披金甲，每次都會 order，太好味喇 ﹗蝦膠釀龍躉球，炸得非常香口，外脆內嫩，口感特別又豐富 ﹗蝦膠鮮甜彈牙夾雜住深海龍躉肉既實淨鮮味，加埋龍躉皮既嚥靭膠口，非常美味又得意 ﹗但始終係油炸食品，食多會有點膩，可以食點伴碟青菜平衡一下再食過 ﹗蝦頭炸到通透脆卜卜，蝦膏甘香非常，正呀 ﹗脆皮燒腩仔，一啲都唔平 ﹗百六蚊有十二小塊，每次幫襯都必食 ﹗但今次有點失手喎，比起以往較肥好多呢 ﹗雖然仍保持都五層高難度，但真係肥左啲。撇開略肥既問題，其實皮脆肉嫩，甘香美味，好食 ﹗炸子雞，其中一味招牌菜，每次都忍唔住一定要叫黎食 ﹗全隻要 HKD380，即叫即炸。因今晚主角係脆皮北京填鴨一大隻，所以半隻雞夠喇，怕食唔晒。貴係貴啲，但當然有佢既原因啦 ﹗皮脆肉嫩、即叫即炸熱辣辣 ﹗雞味濃、肉汁豐富、質感滑溜 ﹗啖啖肉又機乎無肥膏，只有香脆雞皮配上薄薄一層油脂 ﹗無得彈 ﹗不得不提既炸藕片，香脆非常，好特別。今晚既主角將近出場喇 ﹗要一天前預訂既脆皮北京填鴨，多謝 HKD600。鴨醬、青瓜、京蔥同麵粉皮都準備好喇。有兩款做法選擇，港式淨片皮，鴨架再斬件做小炒，一味兩食。另一做法，京式片皮帶肉，鴨架斬件比食客帶走。我揀京式食法，原汁原味又好食好多 ﹗脆皮北京填鴨，侍應哥哥即場片比您睇，以示新鮮即做無取巧，先片半隻上枱食住先。放係碟正中既係背脊位淨脆皮，真係非常緊緻香脆，好多年無食都如此脆既片皮鴨喇 ﹗靚鴨身材勁 fit，肥瘦適中，肉質超嫩滑，並無多餘脂肪，見皮下只有薄薄一層油脂 ﹗正呀 ﹗坊間酒樓一般都做到鴨皮油淋淋又巢又腍，隻鴨又勁多肥膏，皮厚又多油，癡肥咁濟 ﹗明閣收 HKD600 烤全鴨，以質量同價錢取勝 ﹗抵食啦 ﹗翅晶凝，得奬甜品 ﹗上次居然賣晒，無緣，今次補數。頂層係由魚翅湯凝固而成，下面係芒果 mos，好香芒果味，不太甜，幾好。賣相當然一流啦，騰雲駕霧咁 ﹗…Read More

早半年前已同朋友試過，今次特別同屋企人一齊再食，當到門外發現食堂內已有七成滿，更有不少外籍客人，侍應生服務相當不錯。先點了兩款釀蟹蓋，酥炸釀蟹蓋食落雖然美味但較油膩，而芝士釀焗蟹蓋食落蟹肉較軟滑味道較特出，相對較美味。龍皇披金甲依然美味，蝦膠加上魚肉美味得，連我本身唔食魚既我都食咗件半，讚！紅酒火焰黑豚野味非常，加上肥美既黑豚肉同美味既菇菌，正！松露海生蝦豆腐煲味道清淡少少，令味覺有時間休息吓，但由於有松露同海蝦加入，同時豆腐又相當軟滑，所以都相當美味。松露金縷衣味較重，上面雞肉食落有Ｄ似煎魚餅，而南瓜以中間炸過的較美味，整體可以不過無驚喜。唯一呢道菜較霸道，當上菜時其香味蓋過之前幾道菜，令食其他菜式時未能全面感受其食、香、味。當上海生蝦炒蛋白時我以為我點錯菜，因為望落表面非常有光澤同平滑好似沙律，食落蛋白雖然不算非常柔滑，但非常美味感覺有Ｄ似賽螃蟹，三個讚！！特色乳豬炒飯味較濃有少少辣幾野味，整體OK。最後點咗麻香金絲蛋散同訂位時留咗既流沙包(要訂)，蛋散食落味道唔錯但不夠鬆化，而流沙包食時要小心爆油，包皮香甜加上流沙餡既咸蛋黃咸香，非常美味！兩個讚！論價錢同食物質素、股務、環境，其實算幾抵食。…Read More