Burgeroom (Fashion Walk)

新年快樂！新一年祝大家身體健康，心想事成，笑口常開，大吃四方！大年初三不怕赤口，如往年一樣到朋友家拜年。經過銅鑼灣發覺今年新春期間很多餐廳都有繼續營業。今天跟朋友就選擇了間想吃很久的漢堡店試試！餐廳位於銅鑼灣Fashion walk商場地下，港鐵站步行五分鐘左右就到，非常方便。餐廳環境闊落，用餐時間係平日晚上七點，餐廳大約八成滿。眼見客人源源不絕，如果想食早點訂位較好。- 鵝肝牛肉漢堡¹⁶⁸鵝肝油脂豐盈，入口即溶。牛肉肉質細嫩多汁，味道濃郁帶油脂香。半融化的芝士細膩濃滑，加上新鮮爽口的沙律菜及蕃茄中和油膩感，一個人吃完都不覺飽滯。而麵包被半煎香，熱辣辣夠鬆軟，大推！- 黑松露芝士薯條⁷⁰薯條炸得金黃香脆，份量十足！配上香氣撲鼻的黑松露芝士醬，佐酒小食必選！- 炸魷魚⁷⁰魷魚外層炸得金黃酥脆，魷魚肉質爽口彈牙。經過酥炸過程仍保留魷魚水潤的肉汁，值得一讚！- 蜜桃冰茶³⁸蜜桃冰茶味道清甜，茶味濃郁，解渴必選！總結餐廳無論食物質素價錢份量，服務態度，環境評價都好高。係一間好值得推介嘅漢堡餐廳。…查看更多

今日去到銅鑼灣區繼續尋找聖誕禮物，行到咁上下要食晚餐，又想食burger，於是揀咗呢間Burgeroom! 位於名店坊嘅Burgeroom有室內室外位置進食, 室外其實有feel啲嘅，但我都係prefer 坐室內多啲😉店員唔使我哋講已經自動將包分咗一半，但你唔好以為分咗一半就好容易食，因為burger 實在太大個啦🫣基本上好難一啖可以咬到個包😝大烤菇芝士牛肉漢堡 - $115朋友點，牛肉100% ，煮得啱啱好，唔會太鞋，但又唔會好生喎, 因為我識嗰啲burger中間係紅色,依家個顏色係全熟, 但唔會硬/過乾身，keep 到鬆軟👍🏻配埋生菜蕃茄唔會好漏，唔錯軟殼蟹漢堡 - $115一上碟，我真係嚇親，我自問鍾意食軟殼蟹亦都食過唔少餐廳嘅軟殼蟹，但都未食過一隻咁大嘅原隻軟殼蟹🙈好鬼滿足，又大隻又厚身，炸得好脆，熱辣辣又keep 到juicy ，我一路食一路滴汁🫣配埋他他醬，真係好食👍🏻👍🏻仲有漢堡包嘅包好鬆軟，亦都係有烘底，外微脆內鬆軟，製作絕無馬虎黑松露芝士薯條 - $68粗薯條唔似係炸到好勁，亦無好重油益味，反而我覺得有焗嘅感覺，黑松露芝士幾香，幾濃芝士味，7-8成嘅薯條都掛上汁，但食到最尾有啲漏，所以我配返蕃茄醬，咁先可以食得晒😆可樂一罐 - $20普通一罐可樂, 食burger點都要配汽水啦, 係咪？總結，我有少少掛住個軟殼蟹👉🏻👈🏻揾日要再食，下次唔同人share ，自己食哂一整個🤓咁先夠爽🤪…查看更多

突然間好想食burger 🍔‼️但係又想試下食啲特別既 果斷選擇左burger room-不過銅鑼灣分店既位置有少少偏 -一坐低即刻叫左個黑松露芝士薯條try try佢$68可接受 芝士味好濃郁薯條全部即炸 好脆唯一缺點係黑松露味唔夠出 唔係好食得出有黑松露味-4個人每人叫左4款唔同既burger佢落單有個好處係可以自行DIY咁除左走醬走洋蔥個啲基本操作之外 中意食菠蘿既可以另加想試鵝肝既都可以加 醬都可以另外加-1. 大烤菇芝士牛肉漢堡+菠蘿 醬另上菇🍄雖然好夠味 不過唔算大塊加左菠蘿即刻覺得fresh左 可以試試手打牛肉好厚實好juicy-2. 鵝肝牛肉漢堡一上碟就覺得好吸引一咬落去 鵝肝醬+牛肉汁出哂黎超級juicy 係食落少少麻煩姐隔離仲有少少沙律🥗比你食完鵝肝岩岩好可以一試-3. 黑松露芝士大烤菇煙肉牛肉漢堡煙肉有少少硬黑松露都係唔夠濃 靜係食到少少黑松露味係牛肉同大烤菇啲味夠出 都好多汁-4. 軟殼蟹漢堡呢碟一上黎我真係嚇親會唔會太澎湃😂😂😂 要咬哂側邊啲蟹腳先可以開始咬個burger軟殼蟹好脆 但係又唔會好油呢個真係要襯熱食 我食完一半休息左一陣先食另一邊 搞到另一邊咬落變得好乾身 即刻變到冇咁好食意外既位係隻軟殼蟹好大仲要有蟹膏另外再加左蜜糖芥末醬咬落啖啖蟹肉啖啖醬 好正可以一試…查看更多

今晚去左銅鑼灣食飯，想去啲chill 少少嘅地方，所以去左fashion walk 依頭。鍾意食burger嘅我見到burgeroom 就二話不說揀左依度😋餐廳外面有啲室外座位，放工黎happy hour 應該好relaxing，不過怕熱嘅我地就揀左室內🤣我地叫左香脆鱈魚柳漢堡、黑松露芝士薯條同雞肉沙律。鱈魚柳漢堡舊魚好厚身，魚肉好滑，配埋蕃茄同生菜好fresh😋Burger質素有保證，但冇諗過連沙律都有驚喜！依個雞肉沙律有生菜、火箭菜、蕃茄同生洋蔥，淋上酸酸嘅汁非常之開胃👍🏻仲有大大塊雞扒，又有肉又有菜，令到依餐冇咁heavy😆即炸薯條配上黑松露芝士汁，食到lam lam 脷😋下次等冇咁熱可以試下坐室外chill 下…查看更多

趁住sogo thankful week去銅鑼灣shopping，今次入去比較少來嘅Fashion Walk食街。其實呢條街嘅環境好正，天氣好嘅日子坐outdoor應該好舒服。🍔🍔作為burger控嘅太太，今次揀咗Burgeroom，點咗「特量芝士漢堡」同「軟殼蟹漢堡」各一，加埋「黑松露芝士薯條」一份。🧀🧀芝士漢堡勁多芝士，漢堡肉質juicy ，味道唔錯。軟殼蟹漢堡質素都好好，軟殼蟹勁大，炸得鬆脆，仲有蟹膏出沒🦀🦀。🍟🍟最後嚟到極之邪惡嘅黑松露芝士薯條，黑松露及芝士味道濃郁，配上熱辣辣嘅薯條，真係食到唔停口。餐廳環境都坐得舒服，好啱幾個朋友食吓飯吹吓水。…查看更多

朋友話一直好想試下依到既Burger收工就一齊去左試!!去到1930左右餐廳都幾full不過佢地室外都有餐桌，有帳篷同冷風機所以都可以坐到幾多人！唔洗等位都有得入座嗌左軟殻蟹漢堡大烤菇芝士牛肉漢堡黑松露芝士薯條軟殻蟹漢堡一般蟹還蟹，漢堡還漢堡~沒有一體感大烤菇芝士牛肉漢堡幾不錯菇咬落去幾juice，啖啖都爆汁burger個Size大到女仔一啖係放唔曬入口~~可以壓扁少少再放落口菇加芝士牛肉食落去真係好多層次既享受おすすめです♪黑松露薯條都係一般醬汁係淋左上去先果種唔快d食薯條就會淋曬，同埋薯條本身都唔夠香脆自己比較喜歡自己點醬既truffle薯條多d…查看更多

行街行到六點幾，又係要搵野食既時間😋😋朋友發現原來有間Burgeroom喺Fashion Walk，話食過之前舊舖嗰間都幾好味，一於試試佢🙈六點幾室外位置已經坐滿晒happyhour既客人，仲見到有d帶埋寵物添。咁鬼怕熱既我，當然係入去搵個冷氣位坐啦😛餐廳裝修充滿工業風色彩，位同位之間都有距離同埋隔板。自助形式喺櫃檯點食物，之後就會有人送餐。📍大烤菇芝士牛肉漢堡 $110我地揀咗有廚師推介既大烤菇芝士牛肉漢堡。餐廳安排好細心，上枱前已經將漢堡切半，方便我地食。平時次次自己切都切到個包散晒🙈🙈個漢堡真係超級大個，真係好慶幸我地冇一人叫一個，否則食唔到其他野之餘，應該連一個包都冇辦法食晒🙊一打開個漢堡就已經見到半溶嘅芝士流出，順序有大啡菇、芝士、漢堡扒、蕃茄最後係生菜🍔個大啡菇真係好好味，好重菇味又香👍🏻👍🏻中間果塊漢堡扒又非常厚實，啱晒食肉大胃王😛📍Mozzarella芝士條 $58呢樣野係我最推介既食物，炸到香脆既芝士條，上枱一定要趁熱食😋我一路拉絲一路影相，簡直係挑戰高難度動作🤣🤣📍黑松露芝士薯條 $68一時冇注意個芝士條同漢堡都充滿着邪惡既芝士，再食呢個黑松露芝士薯條都真係有少少滯😅不過佢熱辣辣嘅時候都幾好食😋📍蜜味辣雞翼 $60我就覺得呢個雞翼唔夠蜜糖味，反而係個辣味做得幾香😛➿➿➿➿➿➿➿➿➿💰晚餐人均 $185📍銅鑼灣Fashion Walk食街地下D舖📍尖沙咀美麗華廣場一期2 樓 207 號舖➿➿➿➿➿➿➿➿➿#YummyLifeKat…查看更多

大烤菇芝士牛肉漢堡🍔芝士味道濃郁🧀，漢堡牛肉多汁，又係夠香烤肉味。蘑菇香味十足。漢堡包咬落去，牛肉汁同埋芝士會bit出嚟💦! 漢堡包，上邊同下邊都烤過，脆脆地。中間嘅着嘅新鮮蕃茄蔬菜，適度調節。如果經過名店坊，真係不妨試一試下這個漢堡包🍔黑松露芝士醬薯條🧀🍟 個人非常推介嘅食物。薯仔香味新鮮可口，方角狀薯條炸得香脆，粗幼度適中，有卜卜趣嘅口感，入邊軟林林薯仔肉。成堆嘅美國芝士，一擁而上，淋落所有薯條。黑松露味雖然唔係好重，但係有香濃芝士先係主打，絕對唔馬虎。配合啤酒食用乃是佳品！六隻單骨炸雞翼炸得香脆可口，而且單骨雞翼啖啖肉，非常正。Orion 啤酒日本出名名牌啤酒，沖繩出品！仲有淡淡的麥芽香，味道清淡，清新爽快，苦味不明顯，適合任何人士享用！本土釀製啤酒 🍻雷公！⚡️大家盡量支持一下本地製作嘅啤酒！雷公呢個係系列入邊來講嘅啤酒係比較清淡，好爽口，新鮮清爽，水準拍得其他大牌子嘅淡啤。除咗響噹噹嘅醒目名字之外，仲有婀娜多姿嘅玻璃杯襯托，記得要試吓！…查看更多

來到了星期4，放工後去了銅鑼灣食burger今日叫了2個大burger, 加一份薯條，Burger份量之大，佢既足料，實在令人相當大滿足，最後再整一杯冰茶，十分十分爽。 一個係煙肉菠蘿牛肉漢堡，Burger 既份量都相當之大，中間既牛肉，非常juicy ,由於係即叫即做，熱辣辣，肉汁鎖曬係裡面，每口都充滿牛肉味，而外表也煎得好香口，配菠蘿仲有燒烤醬，變得相當之清新，一個burger有唔同層次，十分好食。 另一份係軟穀蟹漢堡，首先被佢既足料嚇到，軟穀蟹份量係如此之大，而且新鮮炸起，每一口都食到蟹肉鮮味，所以大家都食得十分享受。 配上黑松露芝士薯條Cheese份量真係好夠，幾乎每一條都可以沾上濃濃既cheese大家share真係一流。 食漢堡最重要配上飲品,今日既蜜桃冰茶就係好好既配搭,爽!加上啖啖既蜜桃味，令人十分享受這一餐burger。…查看更多

同朋友行行下街又心思思想食burger，咁岩身處喺銅鑼灣，就黎burgeroom食下先！其實佢係有啲outdoor位既，但我太怕熱所以都係入去食算😂佢呢度鵝肝牛肉burger同軟殼蟹burger都好出名～諗左諗都係想食鵝肝🤤個包超級大個！！鵝肝煎得唔錯，外面唔會話煎太少好淋一pat咁，而入面又好嫩，用條脷輕輕壓一壓已經滲出好大陣油香🤤🤤牛肉亦都非常juicy好有牛味🤤🤤🤤呢個黑松露芝士薯條一上枱既時候脆卜卜熱辣辣，配埋個芝士醬真係好好食🤤芝士醬有淡淡黑松露香味🤤🤤真係好鬼死奢侈既組合😂但記得一上枱要趁熱食，唔係啲芝士醬就會凝固左影響口感😏最後配返支蘋果酒簡直係一絕！飲完真係gur晒！如果喺銅鑼灣好想食快餐又想有水準既話，burgeroom真係我既不二之選😋😋…查看更多

我一直都相信，要真正享受一個漢堡包，必需豪無保留地把臉蛋潛入漢堡中，然後一口把所有的材料品嚐，才是正確的食法。也許這樣會令你滿口髒髒的，但這樣食感覺才爽快！Burger Room 的漢堡包一向以體積和份量取勝。特量芝士漢堡中更有共八十克的車打芝士。芝士味濃郁得來為漢堡包帶來香滑的口感，漢堡排厚度大概都有半吋，肉味和肉汁也足夠。相信大家也知道鵝肝和牛肉是絕配的組合，既然要享受油香的味道那當然要試雙鵝肝牛肉漢堡！兩塊焦香鵝肝放左牛肉漢堡上，看似非常重口味，但因為有番茄和生菜一同進食，所以鵝油香而不膩。不要忘記試試他們的黑松露芝士薯條。用來配搭啤酒簡直一流，或者薑味汽水也是一個有品味的選擇呢。…查看更多

今晚去銅鑼灣搵食，百德新街實在太多選擇，行過Burgeroom就被佢既香味吸引住，店舖唔算太大，有室內和室外座位，店員會先安排座位，而點餐就是自助的，選好後到櫃檯點餐付款，然後侍應會將食物送上。特量芝士牛肉漢堡芝士處於半溶狀態，食既時候芝士汁會流出來，牛肉亦非常juicy，漢堡包鬆軟。由於漢堡實在太大太厚，店員會貼心地將漢堡包切開一半先上檯，而且每邊都有竹籤固定，方便進食。黑松露芝士薯條 薯條炸得非常乾身唔油，黑松露加芝士醬簡直係絕配，非常香脆。…查看更多

收工約咗男朋友喺銅鑼灣食burger，呢次👦🏻帶我嚟到LadyM斜對面嘅burgeroom，諗住食咗🍔再食🍰。點知呢到嘅burger真係勁量size，我地食到捧住個肚走，已經再食唔到其他嘢😂🍟Truffle Cheese Fries 黑松露芝士薯條 HKD$62粗薯條炸得非常香脆，外表乾身唔油👍🏻芝士醬味濃得嚟唔會漏，黑松露入口濃郁芳香🤤🐟Fish Fingers with Tartar Sauce 鱈魚手指配他他醬 HKD$48鱈魚手指炸得好脆，食落魚味無窮，冇雪味，啖啖肉。點埋他他醬好開胃😋🍔Pineapple Bacon Burger 菠蘿煙肉牛肉漢堡 HKD$92漢堡包鬆軟，菠蘿甜甜地好juicy，煙肉香脆唔會太乾，牛肉肉汁爆棚，肉質鬆化。🍔Guacamole Chicken Burger 牛油果醬芝士雞柳漢堡 HKD$92好厚嘅牛油果醬，又香又滑又creamy👍🏻仲食到粒粒牛油果肉增強多重口感，雞柳烤得啱啱好，嫩滑juicy，包身烘得外脆內軟，配埋新鮮沙律菜，好味🤤——————————————📝呢到最貼心係漢堡包已預先切開一半先上枱，每邊仲有支竹籤篤住，以固定形狀同方便進食。由於個漢堡其實真係有番相當嘅份量，進食時好易食到一手都係🙆🏻😂好彩有室內廁方便洗手👍🏻…查看更多

「Burgeroom 」聽就聽得多，終於都黎了，一黎到門口已經有一條小人龍在排隊落單中😱呢度係要自己去cashier order 既，然後侍應每枱送上食物的🤩返左一日工，同朋友有大量苦水要吐既關係，決定要叫杯生啤，啤一啤佢先🤤我們分別點了Asahi & 1664🍻Asahi就比較苦澀，麥味比較重🍻1664就偏向重果味，果味會多一點🍑 🌟黑松露芝士薯條 $62🌟芝士味好重，可能因為咁相比松露味少左啲 薯條我自己幾鍾意食脆既，fd 就相反，所以我覺得幾好😋🌟特量芝士牛肉漢堡 $118 🌟我們既重頭戲來了，名符其實的「特量漢堡」，好巨型的漢堡😵食半個已經好飽了我們還額外加了最愛的酸瓜😋🌟蜜糖芥末大烤菇煙肉牛肉漢堡 $115🌟這個牛肉比上面的特量芝士牛肉漢堡更彈牙juicy👍🏻個口冇咁大呢 成口都菇😂要分開一層層咁食，先食得曬🙈🌟香辣單骨雞翼配蜜糖芥末醬 $60🌟最愛的炸雞翼，食極都唔會厭😍配埋個蜜糖芥末醬更正👍🏻🌟蜜糖辣雞翼 $50🌟帶點好輕微既辣味蜜糖雞翼，烤得又剛剛好，好味道🤤…查看更多

又係特別日子唔知食乜好係銅鑼灣搵野食那個時候 男朋友話食過呢間啲burger幾高質 所以帶咗我黎😋店舖細 都幾多人排隊 好彩等咗十五分鐘就有位今次嗌咗五樣野~~.大烤菇芝士牛肉漢堡 $108 真係好大個菇 熱辣辣 唔乾好juicy 牛肉又好juicy 又有啲菜中和下 個包搽咗牛油 好香😍.雙鵝肝牛肉漢堡$245 鵝肝肥美帶香 牛肉juicy 加埋芝士根本無敵 但一個人食會好滯 建議同人share~黑松露芝士薯條 $62 黑松露+芝士+薯條 又係無敵既組合 好多芝士 正.香脆單骨雞翼配蜜糖芥末醬$60 炸得夠乾身 唔油 好脆好好味 有啲似m記脆香雞翼隻味😂😂😂個醬都唔錯 .焦糖朱古力 $44 不過不失.呢餐真係食到勁飽 食唔曬 burger份量大 加埋小食 真係會滯 人少建議share burger再嗌小食😋真係好好味 對得住價錢！會再黎❤️…查看更多