米走雞Deluxe

哩次係我地第一次食米走雞🐓🐓，一個唔小心嗌到成台餸🤫🤫，飽到上心口🤰🏻🤰🏻🤰🏻。（如果兩個人食，可以半份半份咁嗌）🧀黃金芝士雞煲🐔 （小）（$178）雞煲有兩款：芝士🧀、麻辣🌶。我地就嗌左芝士雞煲，雞煲用左兩種芝士：應該係車打同mozzarella👀👀，仲有得揀濃度添。食@之前店員特別提醒唔好攪均芝士🤚🏻，要直接夾🥢🥢🥢起黎食先最好味。果然食到超濃芝士味，而雞肉全部都係用雞脾肉🤓，食落啖啖肉口感又滑，超滿足。～👧🏻：食到後面都有少少漏🤔食完雞煲之後緊係要加水打邊鍋，不過加左水，味道淡左好多…🤭配料：👉🏻🦐🦐蝦滑（$88）非常出色嘅蝦滑，食到材料好新鮮，有鮮味仲又滑又彈牙👅👅👅。👉🏻💡鮮炸響鈴（$52）即叫即炸，超脆超大舊點湯食一流🌞。👉🏻🐄🐄特級雪花肥牛（小 $158）& 🥬生菜（一份 $44）正常發揮啦，肥牛大大塊，菜都新鮮爽口。👉🏻❄️蜂巢冰豆腐（半份$24）同樣地都係好大舊而且好吸湯，如果個湯可以再濃味啲就好了。👉🏻🍠紅薯粉（$16）份量比想像中多，口感彈牙，唔洗淨係食餸咁單調🤪🤪。飲品：🎍竹蔗矛根🎋（壺 $68）非常清甜🧃，啱哂食熱氣野飲同解膩，十分推介🌟…查看更多

之前食過觀塘米走雞，印象唔錯所以一直好想同另外一個芝士控朋友去食芝士雞煲😛😛 今次約喺港島一於就試試銅鑼灣嘅米走雞！首先叫個芝士雞煲先～我哋揀咗一個芝士要激量🔥🔥🔥超級邪惡呀！呢個選項！佢有三種唔同嘅芝士搞埋一齊 芝士味超級濃郁 至於雞肉，比想像中滑 大大件👍🏼👍🏼配合埋好多新鮮嘅洋蔥，同埋芫荽，成件事冇咁膩～(加芝士湯後嘅賣相都仲係好芝士呀🤤🤤🤤）雞煲份量十分之足夠兩個人食細食d都未必食得晒 ☝🏼湯底揀咗芝士湯如果想食清淡d, 就建議要清湯😌😌因為本身芝士雞煲好夠味再加芝士湯就有機會會越煮越濃郁/味道偏鹹哈哈蝦中寶 一次過咬好多蝦&蟹子口感爽wor😋好足料，唔錯唔錯另外，仲叫左粟米同埋辛辣麵依兩樣野都充分索晒啲芝士湯好好味😋 環境方面空間都闊落店內枱唔算太多 唔太迫成個食飯過程都幾舒服～下次再嚟過😎…查看更多

約咗朋友gathering，揀咗去銅鑼灣搵食本來book咗間餐廳，因為趕唔切，所以唯有搵過第二間🤔搵附近餐廳嘅時候，發現咗呢間「米走雞Deluxe」而咁啱我同朋友都未食過雞煲咁就決定食呢間喇！上到去可能太早，唔算好多人，而且一入去就有位。呢度有2款雞煲可以揀，其餘就係普通打邊爐湯底另外有張點菜紙就有打邊爐料可以揀。因為朋友唔食得辣，所以就揀咗芝士雞煲身為芝士怪嘅我就揀咗激量🙈揀完之後，店員就拎咗醬料籃過嚟，都係平時打邊爐有嘅醬料，例如蔥，生蒜，乾蒜，紅辣椒之類過咗一陣，個雞煲就上枱喇個雞煲係要按店員指示先可以打開蓋同埋食嘅時候係唔可以攪啲芝士，如果唔係，啲芝士喺煲底係會燶嘅。由於太多芝士，所以食食下啲雞變得好咸，我地就叫咗一渣竹蔗茅根水，食雞煲食到尾聲，店員會主動加清湯俾你打邊爐，亦可以加芝士，我地當然揀咗加清湯。見到枱枱都叫咗響鈴，所以我地都叫咗一客響鈴用嚟打邊爐，響鈴每條都勁大條，一籃有6條。兩個人賣單大概400蚊度後記：其實食完雞煲，已經有啲飽。所以如果2個人食，唔太大食嘅話，就唔好叫咁多嘢喇，咪做大嘥鬼😜另外，就算你用唔用醬料，都要俾醬料費架，同埋平時對芝士無咩熱愛嘅人可以揀返普通…查看更多

之前試過位於觀塘The Wave既米走雞Live，有正雞煲食之餘又有live聽，令我對呢間野既印象相當好！所以今次朋友話想食雞煲，我都即刻諗起米走雞，不過今次我地就去左銅鑼灣既分店。位於渣甸街既渣甸中心，地鐵站F1出口一出黎再直行就到，位於一個相當便利既位置～ 一入到去就覺得舖面好大，擺到好多張枱，仲有好大既卡位添。唯一美中不足既就係 佢係每兩張二人檯拍埋一齊，中間淨係有少少隙，方便做四人座位。所以我地同隔離兩位顧客距離好近，聽到曬對方講野:(坐低左，侍應就會比個調味盤你，仲可以叫左個煲底先，之後先再慢慢揀野食～黃金芝士雞煲（小）（$178）想食雞煲又唔食得辣既朋友可以叫呢個芝士雞煲～仲可以揀配料既配搭同芝士既分量添！我地貪得意叫左激量，真係好多除左枱上面有張紙教點食之外，店員上煲既時候都會提你點食先最好～就係首先以大火煮滾，調至保溫，食雞，之後再加湯淥其他野食～成個雞煲係超足料！除左芝士好多之外，雞件都好多，食極都仲有！而且雞配上芝士一齊食都幾夾！我自己中意食雞肉多過骨既，所以呢煲大部分都係肉就岩曬我心水喇！食到咁上下，我地就遞單嗌火鍋料喇。我地亦都有跟住枱上面果張紙，叫啲同芝士配搭既餸。建議大家唔好一黎就遞叫餸張紙，食到咁上下先好叫，因為啲雞都未食曬而啲餸又啲黎曬既話棧擺，況且張枱又唔係話太大～西班牙黑豚肉（$198）成枱最貴就係呢碟肉喇～每塊肉都要差唔多十蚊架～不過物有所值，真係好好食！肥瘦、厚薄適中，淥完唔會韌唔會老，好有肉味。食到我哋每食一塊都感嘆一次「好好味」鮮炸響鈴（$52）首先個響鈴好大條，浸幾秒湯攞出嚟仲食到有少少脆，再配埋個芝士湯，真係超正不過不過，食一條都已經好飽😂😂雜菇拼盤（$44）呢個雜菇拼盤入面有好多種菇，包括鮮冬菇、雞髀菇、秀珍菇、金菇。鮮巢冰豆腐（$24）除咗響鈴同雜菇拼盤之外，呢個鮮巢冰豆腐都係餐廳介紹可以配芝士鍋嘅餸～同平時嘅豆腐唔同，佢入面有一個個小孔，淥完之後就吸收晒湯底嘅味道～生菜（半份）（$24）粟米（半份）（$20）蔬菜都好新鮮～半份都好夠嚕～我哋兩個人，叫咁多真係食到好飽，如果多咁一個人一齊食就應該啱啱好喇米走雞未有令我失望過～下次再想食雞煲都會諗返起佢！…查看更多

說到芝士雞煲，相信各位為食鬼(包括我)都會想起米走雞。它愈開愈多分店，水準有下降嗎？沒有(我有去過兩三間分店啊～)。媽媽想試好久，今晚就帶她來吃。在銅鑼灣這家是deluxe~拉門進去，就看到好多幅畫，環境頗美的。這裡主打黃金芝士雞煲和火焰麻辣雞煲，不想這樣吃的話，選其他火鍋湯底直接打邊爐也可以。黃金芝士雞煲一上來就只看到滿滿的芝士！白色芝士是增量的，這是小量，我想像不到一年前的我是怎樣吃激量芝士的每一塊雞都好大件，夾起來全被芝士溶緊緊包裹，每一日都是香軟芝士和啖啖嫩滑的雞肉~就這樣挑芝士來吃更邪惡。鍋內還有大量洋蔥和紫洋蔥，這樣的配搭也不錯。吃完雞件可選加芝士湯或清湯，由於我們還有大量芝士蓉，所以清湯就好。火鍋先吃肉類~ 澳洲牛舌又紅又薄，跟平常吃的偏啡和粉紅的不同。熟後質感激爽口，我們都意想不到呢，好好咬口的~媽喜歡吃魚就點了份白鱔片，都算頗多片又厚身。白中帶紅的魚肉看起來頗新鮮呢！魚肉質地滑溜，啖啖肉但始終有小骨，吃時要小心啊！丸類是店家自己鮮打的，所以形狀不一呢。墨魚丸爽口彈牙，很好咬口，味道鮮甜，比想像中好吃吃到這裡都頗飽了，不過想試試紅薯粉就點了~ 放湯後麵身變透明，入口順滑又煙靭，飽都抵~其實兩個人吃芝士雞煲有點太多了，只吃雞和芝士那部份已經飽了一半，最好四個人一起分享~…查看更多

今日朋友生日，朋友想嘗試芝士雞煲，於是我就帶了朋友去米走雞deluxe。地點不算難找，也在地鐵站出口，行5分鐘左右就到。餐廳以啡色木為主，2人座位枱面較寬，吃得也舒服一點。我跟友人點了一個半隻黃金芝士雞、手切新鮮牛頸脊、黑松露蟹子魚面同生菜。首先上黃金芝士雞，勁多芝士在雞面，好興奮，因為我跟朋友也是芝士狂。雞肉嫩滑，配上煮溶了的芝士，好惹味。吃完雞加清湯就可以火鍋。手切新鮮牛頸脊好有牛味，口感腍滑，而且不肥膩，非常好味。黑松露蟹子魚面口感彈牙，而且有蟹子豐富了口感，好特別。總括而之，食物質素高，價錢不算貴。…查看更多

芝士火鍋食得多，想試很久的黃金芝士雞煲今天終於同朋友試了，位於銅鑼灣的米走雞deluxe 裝修很清新，舒適，有很多梳化位，不錯。門口像路牌價錢抵食激量既芝士碎，芝士醬味道濃郁，又惹味又香的雞煲，最喜歡入面的洋蔥，好甜，雞件非常滑。值得一讚既係手切特級霜降和牛，切很很薄，用湯淥完仍然保持到牛味，而且肉質鮮美，脂肪分佈平均。翡翠苗鮮爽，吸收了芝士味，更加特別解喝之選非常值得推介，喜歡芝士的你不能錯過哦！…查看更多

近日去左一間食雞煲既專門店，餐廳位置於渣甸中心樓上，地理位置優越。餐廳裝潢以Deluxe為目標，座位間不會太迫促，卡位闊落舒適，整潔美觀，有別於一般的雞煲店，環境佈局都以西式為主。🏡今次點選了：「黃金芝士雞煲(小)$198」、「牛柏葉$38」、「虎蝦$98/6隻」、「手切特級霜降和牛(小)$288」、「手打五寶丸拼盤$88/5款10粒」、「凍檸茶(少甜)$28/杯」。🧀🍲🐔🍤🥓🍡🍹「黃金芝士雞煲(小)$198」黃金芝士雞煲雞煲內有洋蔥、芹菜等配料，表面上鋪滿芝士碎，芝士味香濃，混和雞件伴食，味道豐富十足，食落不膩。雞肉全是雞肶部分但分量不算多，食落肉質嫩滑。🧀🍲🐔「牛柏葉$38」份量適中，入口爽口彈牙。😋「虎蝦$98/6隻」虎蝦大隻，食落鮮味爽口，沾少少醬汁已經好夠味道。🍤「手切特級霜降和牛(小)$288」脂肪唔算多而且分佈平均，肉質鮮味，浸在煲內烚熟一陣就可以即食，牛肉味不錯。🥓「手打五寶丸拼盤$88/5款10粒」五寶丸有: 蝦丸、墨魚粒、鯪魚丸、牛丸、豬肉丸。味道不錯，爽口彈牙，粒粒足料新鮮。🍡「凍檸茶(少甜)$28/杯」以鐵杯盛載，茶味不錯，甜甜酸酸，雞煲至夾。🍹「醬油費$8/位」餐廳會收取每位$8的醬油費的。但醬油有6款選擇(蔥粒、芫茜、炸蒜、辣椒粒、辣椒醬、沙嗲醬)，有辣有唔辣，任君選擇。🥄「餐牌」我已經影左上載至openrice既「餐牌」入面啦，方便大家查閱相關菜式。📋…查看更多

情人節同男朋友出街食飯慶祝，一早已經協定左唔食西餐set dinner，而且凍冰冰想食火鍋。於是諗起之前食過米走雞的雞煲火鍋，一search之下先知原來開左deluxe版！Deluxe坐位較舒服闊落，menu上的野食高級啲，情人節就豪一豪！Gillardeau生蠔 ($88)先黎個蠔華的頭盤！見$88有4隻法國即開生蠔，平均$22隻，都幾抵食！呢款生蠔有咸咸的海水味，肉質爽脆。佢比左兩款醬汁，一款係茄汁，另一款係我喜歡的青檸汁，除左比左新鮮檸檬我地，淋埋青檸汁更加清新！Floris Mango;  Floris Passion  Fruit ($48)打邊爐唔少得冰凍啤酒，呢度竟然有依家好hit既手工啤！Floris啤入口較淡，好香鮮果味，比較適合女士！個人覺得熱情果味比芒果香。黃金芝士雞煲(小) ($158)個雞煲有超多芹菜、乾蔥同最重要既--芝士碎！雞件啖啖肉，每一啖都食得好芝味，因為啲芝士汁都掛曬係啲肉上。呢度個芝士汁唔似平時中式酒樓既芝士龍蝦個汁咁杰咁膩，但依然好香好滑。美國桶蠔 (148)食完生蠔都未夠喉，要食多幾隻桶蠔先滿足。桶蠔有手掌咁大隻，又好厚肉，烚完之後都無咩點縮水，保留到海水味而且非常軟滑，每人食三隻非常滿足！:)蒙古羊肉片 ($138)上碟時砌成左個花型，疊起好多塊，食起上黎唔算太膻，不過有啲根。特級霜降和牛粒 ($188)肥牛片食得多，而且淥肥牛要好快就拎起，所以點左和牛粒，可以擺係個煲到淥耐啲。和牛粒油脂均勻，一咬落口啲油係嘴裏溶化，芝士和牛粒都係第一次食。蟹子鮮蝦滑 ($88)食到蝦滑裏面既蝦一粒粒，真材實料，加上蟹子脆卜卜，口感幾得意。竹笙 ($42)竹笙索曬所有海鮮同芝士濃湯，超好味！魚皮餃 (半份) ($20)食到最後，意猶未盡，叫多半份魚皮餃送公仔麵。點知半份都有6-7粒，魚皮餃彈牙唔油。出前一丁加芝士 ($26)最邪惡的食物，留返係最後食！將成個出前一丁墊芝士濃湯，食個時再放芝士，啲芝士溶係熱湯中，變成終極芝味一丁，係形容不了的滋味！呢個情人節火鍋好滿足，雖然豪食左好多野，但鐘意呢度野食夠乾淨企理、又大碟，價錢合理。…查看更多

前兩晚同同事去左呢間芝士雞煲餐廳，之前因爲其他分店係太子，唔太就腳，遲遲未有起行。最近係銅鑼灣開左分店，仲要叫自己叫Deluxe,就睇下係咪尊貴地食雞煲。上到去時間尚早，但我地一檯客，全層3樓都係呢間餐廳。無可否應，餐廳佈置的確比起其他打邊爐地方寬敞舒適，而且唔會話好逼。菜單有唔少選擇，分別有肉類、海鮮類、蔬菜類、飲品類等等。另外，佢有生蠔提供而且選擇不少。特級雪花牛肉（小）雖然唔係最高級嗰隻牛肉，但係攞上嚟嗰陣都覺得好新鮮切得好薄。牛肉嘅花紋都幾靚，每一塊牛肉嘅脂肪均勻分布。西班牙黑豚肉外表我就冇乜特別，但係見返紋理就非常之靚。刀工幾好，切得幾薄。因為切到好薄關係,好快熟唔un。講返個芝士雞煲，一擺出嚟就全部芝士粒粒鋪面，啲芝士都幾杰身。店員一呈上，便定做要先煮幾分鐘先可以開蓋食用。雞件件大件冇任何雞翼尖或者雞頸。雞煲加左水之後，湯底呈現奶黃色狀態，味道不錯。湯底加左水都有頗濃芝士味。新鮮響鈴響鈴極為新鮮，每日新鮮炸起，響鈴顏色唔會話好深色好似用啲萬年油炸咁樣，一盤六件，件件份量十足，沒有任何油益味。左手邊嘅係黑松露蟹子魚面，滾熟左之後，濃郁黑松露味同魚子好夾，唔使點黑松露同蟹子都已經夠味！👍🏻鮮製四式餃分別係雲吞、水餃、韭菜餃及牛肉餃。比較特別嘅會係牛肉餃，因為真係好似喺酒樓食到嘅山竹牛肉一樣，整粒牛肉用餃皮包好，味道十足。最後，最常個會係蜂巢凍豆腐，上枱嘅時候係急凍咗嘅，一份有五片，一放落鍋入面滾兩滾即刻變返做豆腐，非常吸味，就好似響零一樣滋味無窮。…查看更多

最近天氣漸涼，引起了我吃火鍋的慾望。而之前有位識飲識食的朋友力推【米走雞】的火鍋，我已有意來試一試，適逢我這個鄉民（家住元朗）剛好要出銅鑼灣辦事，那就順道去【米走雞】走一趟吧！【米走雞】站立於銅鑼灣渣甸街的渣甸中心3樓，我由銅鑼灣地鐵站F1出口走了大概3分鐘就到。中心大大隻字寫著「Jardine」，不難找到。不過這個大樓只有兩部升降機，人多的時候就要排一陣隊。由於「米走雞」只在大樓的3樓，建議走樓梯比較快。去到3樓見到大大隻字寫住【米走雞】，那一定就沒錯了吧！基於這裡的火鍋名氣之大，我好有先見之明一早就已經打電話預留了位置。所以抵達時就可立即入座。職員好有禮貌領我們入內就座，隨即端上點餐紙。點餐紙上基本上有齊所有平時打邊鍋會食的火鍋配料，所有海鮮、肉類、丸類、蔬菜，應有盡有。而更出色的是這裡的牛肉種類特別多，有霜降和牛、雪花肥牛、鮮牛肉、牛肉粒等等⋯⋯作為一個牛肉痴，這真令我欣喜若狂。好快地看了一篇點餐紙後，我大概已經有「心水」，立即手起筆落劃了想要的食物就把紙交給職員。黃金芝士雞煲 （小）＄148來【米走雞】食雞是必然的了。我見到這裡有一個挺特別而又在其他地方沒見過的鍋－【黃金芝士雞鍋】，二話不說就要了個。基本上有兩個份量選擇，有大有細，大的＄188，據職員說大的足夠4人享用;細的$148，夠2-3人享用。我點了細的，基本上真的好大的一鍋，裡面有十幾件雞件，全部大大件。雞鍋上枱的時候香氣四溢，濃濃的芝士香非常誘人。黃色的芝士佈滿每一吋雞件，上有洋蔥粒提味，既能消去芝士雞的油膩，又能帶來清新的洋蔥香，不錯的配搭。鍋底下有蔬菜，那食的時候就不會滯。有好多人都會擔心芝士鍋的芝士太鹹，但這個就不用憂心，因為芝士的味度適中，香濃的芝士不會太鹹，帶有少少甜，食落好開胃。看那每一件雞都均勻地佈滿了誘人的芝士，有多吸引！咬一口，那肉質嫩滑無比，粉嫩的雞肉入口即化，想必已經煮了一段時間，因為那芝士香已經滲入了雞肉，每一口都十分惹味。當我們都吃完雞之後，職員就為我們加入雞湯，那濃郁的雞湯加上芝士，在鍋中呈現迷人的黃金色。湯頭盡是雞的精華，想像大半隻雞煮製而成的湯，會是有多濃郁。我淺嚐了一口，那雞的鮮味在口中爆發。特級雪花肥牛（小）＄108打邊爐怎少得了牛肉，先來一客細的特級雪花肥牛。那肥美的肥牛肥脂分佈均勻，鮮紅色的牛肉上可以清楚見到脂肪的紋路。一碟肥牛有六至八大磈，每一磈都非常厚切且簡直大磈如手掌，長如手臂。立即滾兩磈肥牛來醫肚，看每片都大到佔了鍋一大片範圍。滾到八九成熟熟就要夾起讓餘温完成之後的熟成。吃一片肥牛，那鮮嫩的肉質，牛味充足，雖則未到入口即化的地步，但也絕對會令人食上癮。鮮炸響鈴 ＄48響鈴也是打邊爐不可缺少的配料，所以我們都點了一盤。它標榜是鮮炸，那我就看它究竟龍與鳳。一盤有7-8大件響鈴，真的好大件，每件有我前手臂粗，而且看來外表香脆，脆而不會油光氾濫，一看也知是上佳的響鈴。㚒起一卷響鈴，放入滾湯數三秒拿上來，立即放入口中，那種香脆非筆墨可以形容，既有鮮炸的腐竹香，又吃到雞湯的鮮香，出奇的是完全不油膩，果然鮮炸的響鈐就是不同凡響。不過份量之多，兩人真的食不完8卷響鈴。魚片頭（半）＄18半份的魚片頭大約6件，放湯煮一下就可以食。魚片頭好彈牙，完全沒有腥味，質素非常高，跟平時在街市買到的不一樣，這裡的要好吃多。除彈牙外，它的外皮都有少少韌勁，十分意外。芝心丸（半）＄20脹卜卜的芝心丸，半份也是有在5-6粒。在雞湯中滾到浮起夾上來咬一口，那裡面熔溶的芝士流出來，芝士控大愛。引著人一粒接一粒的把丸放入口中，感受那澎湃的芝士在口中爆發。魚皮餃（半）＄18魚皮餃裡面的肉非常新鮮，入口甜美，魚皮餃的外皮有咬勁，煮多久都不會爛掉，可以餃的質素之高。那美味的餃我一口氣就消減掉。以半份來說也是有他6粒左右。手打鮮墨丸 ＄68我看它一碟八大粒的墨魚丸有夠吸引的呢，那雪白的丸身，圓滾滾的每顆都如乒乓波般大。煮熟浮面就可以食。那丸身十分彈牙爽口！令我想起周星馳的【食神】中的瀨尿牛丸。用此比擬絕無誇長，五香鮮牛肉 ＄88我是一個牛肉控，一碟肥牛當然不夠，來多碟鮮牛肉吧！那刀功細膩，把牛肉切得厚薄均勻。看見也鮮紅肉色就知絕非等閒之輩。那牛味比起之前那碟雪花肥牛更濃，但不同的是鮮牛比較有咬勁，每一口都好實在。不論是肥牛還是鮮牛，我都會給個一百份，真的十分令人滿意。黑松露蟹籽魚麵 ＄138再來一個黑松露蟹籽魚麵，聽名都知道矜貴。一大包魚蓉已經放入一個三角形膠袋容器中，還伴有一碟黑松露蟹籽。看那甘看的黑松露和蟹籽有多吸引，淨是香氣都令人垂涎慾滴。要使勁把魚蓉擠出膠袋，它自會形成麵條的形狀，我來也挺好玩的呢，我也試了擠一下。大概滾幾分鐘，魚麵就熟透可以夾起食肉。記住要伴少少黑松露蟹籽一起吃，這是精華所在。魚麵彈牙到不得了，用筷子夾都不會斷，配上鮮香味十足的黑松露，和蟹籽本身的鹹香，簡直是人間美食。此刻我終於明白松露的矜貴之處。食完肉類，來點齋中和一下。我最愛金菇，生菜作為打邊爐的菜。食到最尾當然要吃點澱粉質，粉絲都是我大愛。生根（半）＄15生根在打邊爐中都不可劃缺，它的吸水力特佳，當它吸收了湯之後食，真的好滋味。金菇 （半）＄28這裡的金菇十分新鮮，菇身雪白，而且清洗得非常乾淨，一點泥巴都看不到，比起許多其他火鍋店，【米走雞】的清潔程度真的十分令人滿意。生菜（半） ＄18生菜同樣十分新鮮，葉身翠綠，清洗得十分乾淨！加多寶 ＄12打邊爐飲涼茶可以下一下火，加多寶就最適合不過了。平時飲的都是汽水，這裡有加多寶我還是很欣喜呢！咸檸7 ＆檸7 ＄ ＄14打邊爐食到中途真的會非常口渴的，飲杯鹹檸7或是檸7去消消滯，既清涼又解渴。我只是訝意每杯只需＄14， 因為平時茶餐廳都要廿幾蚊。其實這裡的環境好舒適，比較一般火鍋店，這裡是非常光猛清潔，加上座位又非常的寬敞，用餐途中見到不少家庭扶老攜幼的前來，看來整潔的環境真的好適合一家大細。而最值得讚的是上菜速度十分快，點了十幾樣東西完全沒有漏單，職員又笑容滿面，客人享用食物時更加愉快。最後兩人共花了八百元，我們都撐著肚子離開。其實食物質素是好高，份量又大，這錢是花得值呢！…查看更多

朋友生日應承左帶佢食好野, 見佢甘鍾意食雞煲, 就帶左佢黎我最鍾意既米走雞食, 銅鑼灣分店比太子分店還要靚, Deluxe 果然係唔同d呀!! 牆上仲掛滿左好多既油畫, 每張枱都有獨立既電磁爐, 而且每個坐位都好闊落, 食都食得舒服d~~選擇應有盡有, 除基本既火鍋料, 仲有d坊間罕有既食材, 絕對滿足晒我地所有既要求~~嘩~ 二人前真係有d過份, 但朋友生日就比籍口自己食盡d佢啦!! 減肥既事永遠都係明天既事!! 黃金芝士雞煲(小)       HK$138點解鍾情呢度既雞煲, 因為只有呢度既雞煲先會全選用雞肶肉, 每件都好大件, 肉質又特別滑, 食落啖啖肉, 出面個d, 每次食都淨返d雞既下欄部位無人食的, 而且呢度既芝士雞煲絕對吸引, 芝士味極濃, 配埋洋蔥既香, 絕對係真材實料, 加也是加芝士湯底, 真係好食到無朋友呀~~手切特級霜降和牛(小)   HK$288呢度既和牛切得夠薄, 脂肪份佈平均, 肉味香濃, 肉質又夠鮮嫩, 份量又啱啱好~~ 花膠                  HK$88女人堅係想吸收多d骨膠源, 無論花膠有定無功效, 係女人眼中總係覺得有, 哈哈!! 所以都係點左, 口感勁滑, 又夠軟身同腍, 好似食左好多膠源BB落肚甘, 哈哈~~美國桶蠔   HK$148好好好大隻呀!! D蠔好鮮甜同好滑, 大到要分開幾啖黎食, 堅正~~黑松露蟹子魚面    HK$138呢個黑松露蟹子魚面又有得玩又有得食, 唧個刻的確幾得意! 呢個面堅彈牙, 又香黑松露味, 配埋個黑松露蟹子醬, 真係食到停唔到口, 必叫的~~白鱔片    HK$88鱔片夠新鮮同爽脆, 又無骨, 火煱料魚類最正都係鱔片~~虎蝦    HK$88虎蝦都超大隻, 有成隻手掌甘長, 肉質新鮮同彈牙, 以呢個價黎講都算優惠呀~~竹笙    HK$38超爽, 吸收埋芝士既咩, 食落更滋味~~ 山藥    HK$38爽得黎腍, 腍得黎又粉粉地, 口感好特別~~ 雜菇併盤    HK$38一兜入面有齊晒冬菇, 金菇, 雞肶菇等, 唔洗分開叫, 每樣食少少, 真心堅滿足, 讚~~咸檸七    HK$14大大杯透心涼既咸檸七, 只賣$14蚊, 加配七喜都係10蚊罐, 火鍋同咸檸七都算Friend底, 都幾夾ga~~呢餐朋友食到反晒艇, 講左多謝超過三次, 話我真係無介紹錯, 同時講左好食超過十次之多, 哈哈~~…查看更多