Nara Thai Cuisine (港威商場)

營業中

休息中

如果係尖沙咀海港城入面要數數有幾多間泰國餐廳，其實都真係有好多間，但其中一間近港威商場既泰國餐廳，都好值得推廣出去！首先每枱上黎都會提供小食：炸蝦片 $15，香脆可口餐前小食真係會不斷食完再食！然後可以QR code自己落單，價格鮮明顯示埋加一價格同其他消費，佢既落單App都真係好唔錯！#黃咖喱軟殼蟹 $228不得不讚賞餐廳嘅黃咖哩非常之多香料，香蔥辣椒等等配料都非常充滿，而且咖喱比較澀身，保留口感口味！然後兩隻炸軟殼蟹都炸得香脆有層次，剛好放上黃咖喱簡直一流。#蟹肉炒飯 $118一座山的形狀，山頂放滿蟹籽、蟹肉，山底滿滿金黃色炒飯，內裡仲藏著幾隻蝦仁，滿滿海鮮感都比人一種飽滿感！#泰式炒通菜 $88總感覺嚟到泰國餐廳一定要食 餐廳嘅炒通菜，滿滿蒜粒同辣椒條一齊炒，再食得出每口通菜都有爽爽咬口，感覺真不錯！餐廳仲有機械人送上菜，以及千秋打卡位，如果幸運或者有訂位嘅話，仲有機會可以坐窗邊睇出海港城嘅海景，感覺都唔錯！

黎過食Nara Thai幾次，餐廳係泰國過江龍，坐近窗邊可以對個靚海景，如果白光時間黎影相就更正!😍 餐廳分咗兩邊，一邊粉色做主調係Lady Nara，仲有幾張藤椅同其他打卡位，岩晒同班朋友黎食野!先黎小食蝦片都幾香脆，蝦味重，食唔停口~👍🏻👍🏻🔸燒豬頸肉配青木瓜沙律 $148 豬頸肉燒到幾香口，肉質嫩同幾彈牙，配青木瓜沙律，一齊點埋酸辣醬汁幾開胃~🔹黃咖喱軟殼蟹 $228 軟殼蟹份量好多同幾大隻，入面仲有蟹肉蟹膏，好香口！黃咖喱唔會好辣，蛋黃混入咖喱汁好香!🔸印度薄餅 $40 特別點咗印度薄餅，可以點埋黃咖喱黎食，薄餅咬落幾煙韌，外層脆身👍🏻🔹泰式炒金邊粉 $148 金邊粉用蛋包住，份量多，唔會太濕或太乾，有蕃茄嘅香甜味，配埋大大隻蝦同爽口芽菜、花生碎粒等，口感幾有層次!👍🏻📍Nara Thai Cuisine - 地址：尖沙咀廣東道3-27號海港城港威商場3樓3303號舖

記得之前同朋友去泰國專程去當地好出名、大排長龍嘅nara thai食野，難得係香港都食到，當然要去下！如果早book位嘅話，仲可以book海邊位chill住食。如果想打卡嘅話，可以去旁邊姐妹餐廳 – lady nara，粉紅色deco，少女心出曬來！個人最推介nara thai嘅黃咖喱軟殼蟹.🦀️黃咖喱軟殼蟹$228-軟殼蟹大大隻而且入面多肉多膏，好香口！不過黃咖喱先係精華所在，黃咖喱香得來唔辣，入面係滿滿蛋粒，啖啖滋味。-另外order左個印度薄餅（$40）,用來點咖喱一流！🍢黃薑豬肉沙嗲$98-豬肉串厚厚的，外層有黃薑香味，肉質軟嫩，配埋惹味沙爹，幾有水準。🌟泰式雜菜炒金邊粉$128-份量都幾多，金邊粉炒得好爽，除左有好多蝦之外，仲有多款配菜如芽菜、花生、蛋等，令口感更豐富！下次要來食lady nara!

呢間泰國餐廳之前已經bookmark咗想試今次趁住同事收工喺附近買嘢 買完就決定去試吓😝未入餐廳之前都覺得個裝修幾靚幾有feel *留意到仲有個打卡位 餐廳嘅燈光&裝修 都好適合打卡影相📸️配色方面特別適合女仔😍夢幻嘅感覺泰國菜 不外乎都係金邊粉咖喱嗰啲😌😌😌呢間餐廳除咗上菜快之外！！食物嘅賣相同埋味道方面都好好👍🏻金邊粉🤩🤩🤩以大蝦做主要配料 蝦肉口感都唔錯😌至於個粉食落唔會覺得太濕/太酸(個人唔鍾意食太淋&太濕嘅粉 呢一間就做到啱啱好符合我心目中嘅感覺🤣) 味道方面都唔會係單一嘅酸味或者鹹味 味道啱啱好😋鹹蛋黃薯條🤩🤩🤩識落好香口 每條薯條都沾滿鹹蛋黃😍絕對係誠意之作 喺其他地方未食過呢個水準Thai Tea🤩🤩🤩呢個唔使多講啦👍🏻雞肉串燒🤩🤩🤩呢個好抵食 份量🈵雞肉嫩滑食落唔鞋 配埋個辣醬好match😙仲有值得一讚嘅係 店舖嘅店員服務好好&有禮貌👍🏻

一坐低就一碟炸蝦片小食，非常非常鬆脆美味，同朋友食到停唔到口，一次過清晒。東北小食拼盤 : 一般泰式小食拼盤特就食得多，今次特別點了東北小食拼盤，小食款式同平時的春卷、炸蝦餅唔同，東北小食係炸肉丸、泰式臘腸、魚餅，再加埋香葉肉碎生菜包，份量十足而且幾有新意。黃咖喱軟殼蟹 : 軟殼蟹鬆脆香口，沾上蛋黃黃咖喱汁一齊食，味道十分好!菠蘿肉鬆海鮮炒飯 : 好多配料，蝦、魷魚、肉鬆、腰果等等，炒飯粒粒金黃，味道唔錯!另外再點了一個泰式炒通菜，炒得夠鑊氣，水準唔錯!

📸Nara Thai Cuisine一路都好想試Lady Nara去到門口先知Lady Nara= Nara Thai🤣兩邊裝修風格都幾唔同Lady Nara係粉粉嫩嫩既公主風仲有韆鞦可以打卡🥰 為食妹都唔執輸Nara Thai就比較幹練踏實就算係黎食Business Lunch都唔失禮咁啱坐咗係窗邊 望住閃閃發光既海真係有種渡假既感覺💛🍴黃咖哩軟殼蟹 $198💛8/10咖哩香而不辣 仲有甜甜既椰奶味軟殼蟹炸得香脆可口份量仲幾多 大大啖咬落去仲有肉汁為食妹無加到薄餅 反而用咗蝦片沾醬亦都非常惹味 食唔停口🤤🍴蟹肉長通粉 $168💛8/10蟹肉份量都算多 仲有蟹籽添架忌廉醬唔會過稠過膩 啱啱好掛到汁長通粉煮得啱啱好 煙煙韌韌🍴泰奶Tiramisu $88💛9/10 必食推介為食妹本身已經好中意食tiramisu見有人推介呢款啱打卡估唔到竟然好好食忌廉芝士非常香濃細滑加上浸滿泰奶既蛋糕直頭想一個人食曬成杯🍴凍蝶豆花茶 $38💛8.5/10一上枱係紫藍色倒入另附既檸檬汁 變成咗粉紅色💕飲落酸酸甜甜 非常開胃🍴玫瑰泰奶 $48💛8/10玫瑰味濃 杯面仲鋪上玫瑰花瓣同埋奶蓋下次有機會要試埋Tea

冇寫食評一段時間，最近一位相識20多年嘅朋友下星期要移民英國，於是約出嚟臨別一聚，咁重要嘅時刻，當然要記錄底啦！疫情之前，我哋一放假就會成日飛去泰國嘆世界，今次一於揀返間每次遊泰🇹🇭必會去幫襯嘅名牌泰國餐廳NARA THAI懷緬一下啦！餐廳位於海港城港威商場3樓，呢度最正嘅係長長嘅走廊，每張枱都面向海邊，我哋6:00入座坐低，餐廳以為每張枱準備咗一籃泰式蝦片，用餐前可以同朋友一邊傾下偈食下小食，一邊欣賞海旁黃昏日落嘅醉人美景，完全係五星級餐廳嘅享受！😎泰式蝦餅相當脆口！日落後，我哋開始開飯啦！先來一個大蝦柚子沙律，啲蝦又大隻，又彈牙，配大大粒柚子，既Flash又健康！泰式椰子大蜆煲，蜆肉鮮甜肥美，配襯椰子清湯，非常鮮甜，湯底仲有一條條嘅椰子肉架！黃咖喱軟殼蟹，d軟殼蟹勁大隻又多蟹肉！食咖喱點少得配埋印度薄餅呢！椰子雞湯，因為唔太辣，所以更突顯椰子雞嘅鮮味!黃薑豬肉沙嗲串，識食記得點沙嗲醬汁呀！夏天消暑必備：鮮菠蘿薑汁沙冰同椰子沙冰正因為餐廳d枱夠大張，叫咗咁多食物都可以放得落，證明咗餐廳環境幾咁寬敞呢！

蝦片($15)，係餐前小食，蝦片加入左黑椒帶少少微辣，味道唔錯，而且好脆口，食唔停口食完一片又一片。香脆蝦餅($58)，共三件，這價錢合理，蝦餅係一整個圓形，有別於坊間切開半圓形，口感方面蝦餅外層炸得酥脆，蝦肉新鮮彈牙，醬汁係店家自家調製味道帶甜。花膠海鮮冬蔭功($228)，這菜式無論食材或配料都用料好足，配料方面用左泰國多種香料去熬製，聞落已經好香，辣辣地好香口，而且有個爐不斷煮keep住溫度，食材方面有花膠、大蝦、青口、魚塊、魷魚、帶子，大大片花膠充滿骨膠原好爽口，吸埋冬蔭功既味道更惹味。黃咖喱軟殼蟹($198)，鐘意食軟殼蟹既好處就係可以成隻連殼食，配咖喱永遠都係絕配，好入味，這咖喱汁係店鋪用左乾咖喱調製，唔辣的怕辣既人都唔使驚。印度薄餅($35)，有咖喱汁當然唔少得配埋薄餅，伴汁一齊食先夠正，一定要趁熱食口感先至會軟熟，涼左就慢慢會變硬。

記得幾年前去泰國旅行時，最難忘的是去nara thai食的一餐飯，最念念不忙嘅係黃咖哩。所以之前見到海港城有呢間過江龍，就話一定要去！原來餐廳有2個位置，一邊是比較fancy的lady nara ，另一邊才是nara thai，但是連在一起的，而且裝修都比泰國別緻（可能要迎合鍾意打卡嘅人，例如係我～🦀️一坐低已急不及待去點了黃咖喱軟殼蟹，個人覺得這是來到必吃的菜式，有85%相似泰國吃到的！（在泰國nara thai可以說是最好味的餐廳之一）他們的整法好特別，是在黃咖哩內加了蛋粒，所以其實成個黃色底都可以食！香濃的蛋滲著咖哩香，單是蛋都食得好滋味。上面有2隻軟殼蟹，新鮮炸起好香脆，而且多肉多膏😋😋😋🍍菠蘿肉鬆海鮮炒飯好足料，有好多帶子粒、洋蔥、八爪魚等，還有甜甜的菠蘿粒，配上青檸撈飯好香好refreshing。上面的🦐還是新鮮的，好香蝦味～椰青都好清甜多汁😋真係食泰菜必飲如果早d book位應該可以坐近海的海景位，不過其實其他位都坐得好舒服。

尖沙咀呢間Nara長期都好多人係門口等位 好彩今日早收工 就專登趕過嚟試🤤🤤 等左一陣位就入得～ 溫馨一提 餐廳依家都要scan安心出行先可以入 不接受填紙仔喔～ Nara Thai 同Lady Nara 係隔離，Nara Thai 相對上滿場d🇹🇭🌴 Waiter 好好幫我地安排近窗位 可以睇到海景😍靚景配泰菜！一入座 檯面已經放咗炸蝦片係到 雖然熱氣但忍唔住食晒！好脆口 好易就一塊接一塊🙈 最後係一塊都冇留～叫左泰式生蝦（$138）一碟都有成8隻蝦 份量好足！配埋椰子沙冰 成件事好夾～～～～全晚亮點係黃咖喱軟殼蟹（$198）同蜆煲（$198）！ 個咖喱加左蛋白入去 第一次食！意外地好味 又易送飯！我地今次就無叫飯，反而叫咗薄餅！好味到最後食晒啲咖喱🤤🤤 亦都有～有4舊軟殼蟹！ 另一個推介係泰式椰子🥥蜆煲！個湯頭好清甜 飲得出有香茅味 成個煲都有好聊足料既蜆！好味到又成碗飲晒🥰🙈 不過碟炒通菜就稍微辣左dd

今日放工去左尖沙咀，忽然想食泰國野，拿拿聲上網搵下有咩餐廳，見到依間評價唔錯就所以決定黎依度試下。去到門口見到好多人，餐廳分左泰式同西式，我地就揀左泰式。一入到餐廳，見到Ｄ裝潢好靚，好多打卡位。餐廳入面有個好靚嘅鞦韆，打卡一流！不過因為我地太肚餓，所以只係想快Ｄ食野所以冇打到卡。職員安排我地坐喺窗邊嘅位置，無敵大海景，好好FEEL!餐廳提供好多唔同嘅菜式，本MENU都好厚，有選擇困難症嘅我地要睇晒成本再去揀食咩，真係需要Ｄ時間。好彩每張檯都會預先準備左一碟蝦片，唔太油膩，我地可以一邊食一邊揀下食咩，差少少清晒成碟！香脆芝麻豬頸肉平時食泰國野多數會叫炭燒豬頸肉，今次試下新煮法又唔錯喎！半煎炸嘅豬頸肉加上芝麻，好香口！點醬汁食會降低油膩感！黃咖喱軟殼蟹平時好少見到依個配搭，軟殼蟹炸嘅時間剛好，唔好乾身，仲係有JUICY嘅感覺。黃咖喱汁應該係加左D蛋，所以會比較杰身。依個咖喱啱晒唔食得辣嘅我地！印度薄餅落單時職員推薦咖喱可以搭配一份薄餅，我地平時都好鐘意食，所以二話不說就叫左！薄餅唔會好油，點上咖喱真係一個完美嘅配搭！泰式炒金邊粉金邊粉用蛋包住上碟，旁邊仲跟左青檸，花生碎，糖，辣椒，可以自行

之前去曼谷已經食過非常出名既Nara Thai Cuisine, 覺得好好味，難得開到黎香港，當然要去食下啦餐廳係海港城既優勢就係方便同望到海景，餐牌上都好多款唔同既選擇，由前菜，沙律，海鮮，肉類，飲品，甜品，都應有盡有，即使我地平時食泰國都會指定選某幾樣，黎到Nara Thai Cuisine 都花左唔少時間研究餐牌先落單～一路食住餐前小食蝦片一路揀食物，就唔怕餓住等～值得一讚係廚房效率非常之高，落單後唔洗等得耐就好快上菜呢晚我地都叫左好幾樣食物，全部都好滿意呀～無論賣相定味道，都係一流雖然已經十月，但仍然熱辣辣，所以我地都叫左凍飲解下渴先，我地各點左鮮椰子沙冰同泰式奶茶，兩款感覺都係好地道既泰式飲品，椰子沙冰既椰香甜味好重，而泰式奶茶就好香滑同有濃郁既茶味。等左陣燒豬頸肉配青木瓜沙律就上枱喇，本身好鍾意食青木瓜沙律既我唔敢揀單點沙律，怕兩個人食份量太多喇，所以有呢個配搭可以選真係非常好，就可以食多幾款食物～豬頸肉燒到非常香口，表層有少少焦香同脆脆地，同係其他餐廳食既偏軟身口感完全唔同，我就傾向鍾情於Nara Thai 整既外脆內軟喇～青木瓜沙律甜中帶酸，好清新開胃～黃咖喱軟殼蟹上枱

同友人好耐冇見，收工就相約左係尖沙咀海港城Nara Thai Cuisine 食飯，好彩係平日夜晚，要等位都唔需要等太耐。Nara Thai Cuisine 同Lady Nara 係同一個空間共營，兩邊座位都闊落，而我地二人入座時被安排坐係海景位既四人枱，我地好滿意😆坐低之後就有水同小食供應，服務幾好👍🏻一大本多頁數既Menu 裡面有大量食物好選擇，我地都睇左一陣先揀到食咩好。最後決定每個類別都揀一款，咁就可以食到唔同種類出名既菜式😚✨ 黃咖喱軟殼蟹 $98✨ 印度薄餅 $35呢晚我最欣賞係黃咖喱軟殼蟹🦀咖喱汁非常濃郁好味！軟殼蟹有兩大隻，每人一隻啱啱好😚軟殼蟹同黃咖喱呢個組合幾好，咖喱提昇左軟殼蟹既味道，咖喱內既蛋絲令到咖喱入口有種軟綿感🤩當然唔少得用薄餅配咖喱黎食，薄餅索晒d 咖喱汁真係太惹味🤤✨ 黃薑雞肉沙嗲 $88味道都唔錯，🐔雞肉上既黃薑唔會太搶味，令雞肉保留住原有既味道，肉質硬度都適中，沙嗲汁鹹中有少少甜香，仲有花生粒🥜，幾有誠意👍🏻✨ 燒豬頸肉配青木瓜沙律 $128同朋友都好欣賞，豬頸肉🐷唔會太肥膩，而且燒到好香口，點埋泰式汁就更惹味，食下肉之餘食下清新既沙律，就可以ba

之前同事介紹我海港城有一間泰國餐廳好正，今日同咗好耐無見嘅朋友仔去試下佢。嚟到門口已經見到好多人等緊位。(呢張相係走嚟時候影嘅)侍應帶我哋去嘅位置好正，望正海景，非常有情調！同埋同隔離枱之間都有一定距離，可以放心！呢度都有好多泰國嘅特色飲品，我哋就每人叫咗一杯沙冰，一杯鮮椰子沙冰($48)同鮮芒果沙冰($48)，我飲咗芒果個杯，飲落去芒果味濃，唔會話太甜，正！冬蔭公($118)，嚟食泰國嘢又點可以唔叫冬蔭公呢，嚟到已經係有火開住保持個溫度，飲落去味道好濃烈，又正宗，唔會太辣，入面嘅料都好足，有成五隻蝦！黃咖喱軟殼蟹($188)，好開心有我最鐘意嘅軟殼蟹，入面有四隻，每一隻都超大隻，咖喱味道偏甜，好好食。落單時職員仲提埋我哋可以叫薄餅點咖喱嚟食，我哋都有叫埋，連埋一齊食啱啱好！燒豬頸肉配青木瓜沙律($128)，食咁多肉點都叫返個沙律(雖然豬頸肉先係重點)，豬頸肉好軟，係我鐘意食嘅口味，個汁就辣辣地，加埋一齊食好match！芒果軟殼蟹米紙卷($98)，雖然已經叫咗咖喱軟殼蟹，但軟殼蟹唔嫌多啦！而米紙卷又係朋友嘅飛佛，所以點都一定要叫呀！又係舊舊都好大舊，加埋個酸酸甜甜嘅汁又係好正。我哋嗌到