六本木日本料理

營業中

休息中

每次黎到深水埗六本木 我一定會叫鰻魚飯定食 因為係我的最愛😋 以前六本目喺荔枝角嘅時候 佢嘅鰻魚飯係用盒裝 鰻魚飯端上來的時候 打開盒蓋 有一股熱氣隨着盒蓋打開 騰騰的煙霧，隨即升起起來 蔓延的香味也跟着飄進鼻入面 真心好正😊 不過自從搬到去深水埗之後 就改變了鰻魚飯的賣相 不再用盒裝上 是改用四方型的木碟 鰻魚放在碟上 雖然size沒有變 都係一樣咁大條🤣 不過就沒有了熱騰騰嗰份滿足及期待感 其實兩樣真係有分別的 我真係比較喜歡以前用盒裝住 熱騰騰的端上枱面 現在的不是不好 只係不再熱騰騰 隨之香味 都冇咁濃烈😅 但係亦都不減我對佢嘅喜愛 因為我係忠實鰻魚飯擁躉而且六本木的出品 都係有信心嘅😊😊意猶未盡 見到有新鮮生蠔返到 又忍唔住叫咗兩隻 真係超級大滿足的一日

準備連放三日假期，今晚就來個Happy Thursday 位於深水埗的居酒屋，外牆以木系裝修，門口掛滿紅色大燈籠，内面樓底高，牆身四處貼滿日式貼紙，酒身貼紙，海報等等……猶如身處於日本的居酒屋朋友二次到訪，所以全程交由他發辦😊當然沒有失望～基本上每道菜即叫即整，所以會慢慢上菜，確保新鮮，真係越食越有驚喜!魷魚軟骨🐙雞軟骨食得多，魷魚軟骨真係第一次食🫢來自沖繩的雞軟骨，爽口美味可配以三款不同口味的調味（柚子 香辣，蒜蓉），店員建議可以配合青瓜絲一齊食😊刺身盛🐟🐠擺盆好吸睛，仲有煙霧離漫的效果~油甘魚，赤沙，自家製禾稈草煙燻鰹魚，生蠔～款款肥美鮮甜，生蠔🦪仲帶有海水味柚子胡椒魷魚鐵板燒🦑熱騰騰鐵板鐵上～柚子酸酸甜甜更加帶出魷魚的鮮味，仲有洋蔥，胡椒配搭，非常惹味玉子燒芝士 $68 🧀鐵板上確保溫度～厚厚滑溜玉子，仲有流心芝士漿~簡直係Perfect Match必食推介鰻魚飯$168🍱原條鰻魚😍好厚肉，鰻魚汁另上，可以伴飯!飯粒係珍珠米，軟硬適中～物超所值白啤 $59櫻花可樂 $35💓全部即叫即整，新鮮熱辣辣💓店舖員工好主動，有禮貌，感受對工作的熱誠💓老闆係台灣人，非常熱情好客，帶動全場氣氛

啱啱去完日本，又心郁郁想再戰居酒屋🇯🇵位於深水埗嘅「六本木日本料理」，除咗提供親民價格日本料理外，仲有駐場唎酒師🍶飲返杯無難度😎.甫入店內，就如置身於日本居酒屋🏮深木系裝潢，周圍牆身貼上清酒label，勁有feel🤟🏻.🍴刺身盛一上檯立即煙霧離漫，賣相非常吸睛🤩日本兵庫縣室津生蠔勁肥美，肉質鮮嫩又creamy，蠔味十足🦪禾稈草煙燻鰹魚表面烤得微焦，內裡半生熟，入口煙熏味及鮮味配合得天衣無縫🤤赤身魚油香十足，鯛魚肉質紮實爽口😋.🍴北海道赤蝦BB💰$68送酒一流小食🍶 北海道赤蝦BB炸得超香脆，連殼食都得😋少少鹽調味已經好夠，蝦鹹香好突出🦐.🍴六本木秘製牛肉💰$198食之前店員會先點火，熊熊烈火下將牛肉油脂進一步逼出🔥牛肉外層焦香，內裡粉嫩，約五成熟左右🥩入口油香四溢，一啲都唔韌，肉汁豐富💦配搭沙律更可解解膩😌.🍴玉子燒明太子💰$88綿滑雞蛋內包裹著鮮美明太子🍳玉子燒柔軟口感，加上明太子獨特嘅鹹香，令人愛上嘅組合❤️.🍴鰻魚飯💰$168超超超大條鰻魚😍饅魚肉質鮮嫩，油香豐富😚佐以甜甜饅魚汁，一口鰻魚一口白飯，大滿足🥰.🥤綠茶汽水💰$35.鍾意飲清酒嘅，呢度仲有駐場唎酒師，細心推介唔同嘅酒款俾

誤打誤撞walkin嚟到呢間居酒屋🍶🍤🍣🍢好彩仲有張吧枱坐😁全場滿座呢度老闆係非常之熱情招待，同每枱客都有傾有講😄好親切👍我地食到差唔多時，老闆請每枱顧客飲清酒🍶仲主動同每枱客飲酒，最精彩環節原來9點有唱歌環節🎤🎵開始係老闆唱🎵之後老闆叫每枱客都唱吓😆唱完再送酒再送甜品炸🍦👏全場都興高彩烈🍾氣氛好好👍可惜限聚令去到10點🤭唔係大家唔願走繼續飲🍶繼續唱🎤🎵都要介绍吓我地點了😋前菜係海膽豆腐,海膽新鲜，豆腐好滑入口即溶味淋雞泡魚乾🐟熱辣辣好咬口一d都唔硬👍送酒一流牛舌🐂燒得惹味，夠厚，肉質煙靱鰻魚飯👍原條大大鰻魚厚肉味道香濃六本木秘製牛肉🦬口味好重，肉質好嫩👍不用點鹽都野味雞皮餃子🐔雞皮夠肥厚但不會油腻又香口😋海老雲丹天婦羅🍤外脆內裡啖啖蝦肉，入面包了紫蘇葉👍同海膽非常夾蟹肉忌廉餅🦀新鲜炸起外脆內creamy😋柚子炸雪糕🍦呢個係老闆全場都會送😋外皮炸到好香脆，內裡雪糕好fresh好濃柚子味總括來講非常好氣氛😍店員老闆非常友善👍食物都新鲜同價錢都合理👍會再來幫襯

疫情關係冇得去旅行，好回味日本野食，唯有係香港止痕先。係繁榮鬧市深水埗中有一間日本餐廳，以全木材裝修充滿日式居酒屋感覺，店內氣氛熱鬧，晚上七點已經座無虛席，建議必定要訂位。食物選擇多元化，亦有提供不少酒類選擇。《鰻魚飯》用上原條鰻魚，份量十足，鰻魚肉非常軟腍，入口即化，也帶點膠質，沒有碎骨，非常入味，米飯也粒粒分明。《六本木秘製牛肉》店員會用點火燒熱牛肉先，韓牛中間帶點粉紅，牛味重又夠軟淋而且肉汁豐富。《拖羅蓉軍艦》雖然價錢有點貴，但新鮮好食。《芝士年糕》入口軟滑，內裏是流心芝士，滋味沒法擋。《雞中翼串燒》一串有兩隻，但感覺燒得比較乾身，普通！

放工來居酒屋relax下，帶大家來看看六本木居酒屋的菜色差不多七點左右到，餐廳內已高朋滿座坐下後，侍應立刻端上熱熱的茶玉子燒芝士玉子燒放在鐵盤盛上，一切開便可看到滿滿的cheese流出，好好味鰻魚飯鰻魚很大一條，鰻魚外皮烤的略焦香味四溢，飯微微偏乾硬，但整體表現還不錯加州卷荔枝豚肉串豚肉不會過爲乾硬，配上微微帶甜的荔枝，搭配的恰到好處，喜歡😍豚肉蘆筍卷/清酒煮蜆豚肉蘆筍是居酒屋常見的烤物，味道好另外值得一提，餐廳老闆非常熱情好客，會主動請客人喝酒，請客人喝後也完全不會Hard sell，試喝的清酒也很好喝當天平日晚上，餐廳幾乎滿座，建議要來的朋友要事先訂檯。餐廳環境以居酒屋來看算很不錯，道道食物都算具水準，價格在深水埗區算中高價位，但味道不錯，值得一試

又係搵食朋友帶我黎我先識黎的一間隱世小店，聽說老闆的Sake超級精彩，可惜今晚老闆不在所以無得向佢請教。今晚點了四樣食物，分別有燒牛脷、燒飯團、鰻魚飯同埋香芒軟殼蟹卷。四樣之中我覺得最好食係個鰻魚飯，除咗件鰻魚好Juicy之外，個賣照仲要好正好震撼。另外其實三樣都唔錯，個燒牛脷火候控制得好好，唔會太硬煙韌。燒飯團的味道還可以，如果唔係非食不可呢個可以Skip。香芒軟殼蟹卷好味，芒果的炸軟殼蟹好夾，就算食多件都唔會好滯。

真心好食，呢款吞拿魚係赤身，仍然好好味！🤤無筋，夠腍，夠厚，魚生同飯既比例岩岩好！飯都握得好實，師傅有料👍🏻海膽既份量都多，幾新鮮中拖羅都好肥美，而且唔會孤寒，都切得幾厚😋😋鰻魚飯直情係驚喜！🥳一揭蓋勁香，鰻魚鋪滿成個飯盒，有鰻魚汁既飯加埋蛋絲真係絕配🥰鰻魚又夠肥美，好食!!!!壽司唔洗點豉油已經好得，有鮮味服務好，有禮貌又成日幫手加茶（連茶都好飲），坐得舒服，黎完真係想再黎!!!!!!!!

今日去到深水埗呢邊同朋友慶祝，行左陣揾到呢間居酒屋。餐廳入面既裝潢都幾有日本既風格，牆身放滿左唔同既日本清酒同埋貼滿左一啲好有日本風味既poster。野食方面，我地自己叫左兩款壽司，兩款串燒，一個芝士酒盜，一個鰻魚飯同埋一個日式炒烏冬。另外，老闆娘亦都推介左我哋試下呢個餐廳招牌既燒呑拿魚下顎。個人其實幾期待芝士酒盜同埋燒吞拿魚下顎，因為小弟之前係未食過呢兩樣野的。首先嚟咗嘅係三文魚壽司同埋油甘魚壽司。壽司飯嘅軟硬控制得好好，帶微温。先食左味道相對較清既油甘魚，油甘魚壽司油脂豐富，入口清中帶油香。之後食咗三文魚，三文魚壽司都好肥美。串燒方面叫左一個豚腩串同一個雞軟骨串。豚腩串脂肪同肉層次分明，脂肪燒完好香，食落啖啖肉，好正！雞軟骨串燒得好脆好香口，配啤酒一流。餸酒小食我地叫左個芝士酒盜，芝士酒盜最底係餅乾，上面有cream cheese同埋bonito liver，配上碎葱同埋木魚乾，層次口感分明。一入口就品嚐到濃烈既cream cheese味，然後bonito liver既味道再開始深透其中。木魚乾、餅乾、同埋碎葱則為芝士酒盜增加左口感上嘅層次。呢種咸香既小吃配上啤酒係絕配。鰻魚飯方面

100分嘅一餐😋 裝修有feel又企理，老闆同員工玩得又好nice，最緊要食物好味道😍佢哋每日都有新鮮嘅飛機刺身，我哋一班朋友係外行人，就問店員意見。店員問我哋鐘唔鐘意食魚味重同硬身嘅魚，最後就幫我哋揀咗😋但我唔記得佢嗰名食刺魚最緊要就係新鮮😍我好嘴刁，成日覺得魚有腥味，呢條一啲都無，無介紹錯！第一次食雞泡魚乾，本身以為一定好乾好硬，但點知超級驚喜😍😍😍好鬆化，勁好味！個人覺得唔點醬仲好味❤️一人一串豚肉荔枝串，驚喜到不得了😍豚肉好嫩再包住荔枝，一啖咬落去微微嘅甜勁夾！秘製牛骨肉果然名不虛傳👍🏻嫩滑鯛魚烏冬，一上枱嘅時候石鍋湯仲係滾。一放烏冬落去十秒就要撈起✔️第一次食咁嫩滑嘅烏冬😍魚湯好鮮美！每枱都必點😋鰻魚玉子燒，好味🍳👍🏻鰻魚飯就相對嚟失望少少，唔夠熱。

搭車經過幾次見到此店，外觀裝修好吸睛，好日式，終於今日約了個好友去試試行到入去，簡直以為自己置身日本的居酒屋中香芒蟹籽沙律 - 芒果超甜配合清爽的青瓜沙律同金黃色的蟹籽食，有多重口感，好正軟骨雞肉棒 - 軟骨雞肉棒整成有點像肉餅般，用燒的方式煮到剛剛熟，充滿肉汁，而且內裡有雞軟骨碎，有口感，再配的醬汁是醬油加蛋黃，令味道層次更多，更鮮明荔枝豚肉串 - 頗有特色的一道菜，豚肉荔枝來燒，熟得剛剛好，豚肉肉汁流入荔枝，令層次感更多，而荔枝果汁流出豚肉，則可去掉豚肉油膩感，相得益彰芝士玉子燒 - 玉子燒中夾著大量芝士，中間切開，芝士已自動流出，一層層蛋卷再配合芝士，口感非常豐富鰻魚飯 - 鰻魚好厚身，油份夾雜鰻魚汁與珍珠米香，鰻魚飯中嘅極品日式炒烏冬 - 用雜菌、雞柳配合有點關西風味嘅醬汁一起炒嘅烏冬，師父好有水準，烏冬充分吸收食材嘅鮮味北海道炸赤蝦BB - 赤蝦BB由北海道飛機直送來港，非常新鮮味美，本身殼又軟又薄，炸至脆身，整隻連頭連殻食也可，送酒一流老闆好好客，好有人情味，全場請客人飲酒，也有過來請我哋飲兩杯，雖然不勝酒量，但也淺嚐他手中的清酒-作，好易入口，入口時有唚清甜嘅果味，好順喉

經常看到網媒的深水埗美食簡介，今晚就過來尋寶。微雨下，在對面馬路看到這家「六本木日本料理」，如同鬧巿中出現的海巿蜃樓。就這樣被餐廳吸引著，便和友人入來探索。想不到內裡裝潢如此漂亮，活生生把日本當地的居酒屋展現眼前。筆者向來對有水果入饌的食品不太感興趣，今次本著一試無妨的心態放入口。豚肉燒得惹味香口，包著清甜荔枝肉，感覺又幾新鮮。友人所點的香芒軟殼蟹卷，大件足料。芒果香甜，配合脆身軟殼蟹，起了美味的化學作用。豆腐外脆內嫩滑，輕輕浸在天婦羅汁中，伴以白蘿蔔蓉和葱花。清淡天然的豆腐味道，中和了炸物的膩感。天婦羅即叫即炸，新鮮上碟。入口十分脆身，完全沒有油膱味，看來「六本木」並沒有使用萬年油翻炸。脆皮內是煙韌的雞泡魚乾，兩者反差口感相映成趣。這個是最吸睛的，上枱時店員點起了火，熊熊烈火燒著鮑魚，立刻拿出手機打卡。熱烘烘的鮑魚預先已切開了4份，入口是淡淡清酒香，反而沒有火燒過的焦味。打開飯盒蓋後，一大股鰻魚香味撲鼻而來。鰻魚飯盒有點淺，飯量不算多；粒粒分明的珍珠飯伴了鰻魚汁後更加滋味。鰻魚鮮甜肥美，入口juicy，燒汁塗得不多，不會蓋去鰻魚本來的味美。

前幾日又放底亞女比老公同朋友去居酒屋食飯傾計。一聽個店名都好日式，入到店都係日式風格，掛左d燈籠，同用左清酒樽作擺設。香芒軟殻蟹卷（$98）賣相都幾靚，一set有6件，一片片既芒果係面，而軟殻蟹炸得脆不油。明太子玉子燒（$88）玉子燒用鐵板上枱，都幾熱辣辣，放左一陣都keep到溫度，厚身蛋味香濃，冇過老，如果再滑d就緊好，中間夾了明太子，微微辣。荔枝豚肉串（$30/串）牛舌串（$48/串）荔枝豚肉串都幾得意配搭，荔枝新鮮又爽甜多汁。牛舌每片唔薄，燒得嫩唔乾有肉汁。鰻魚飯（$148）鰻魚燒到微微濃，雖然切開一半，其實係原條鰻魚，唔算肥美但冇骨，燒汁甜度適中，但就覺得唔夠多汁，飯量適合女仔食軟骨雞肉串（$46）比一般見到的大份，仲加左軟骨，緊有口感，本身好夠味，所以唔駛點佢比既醬汁。但其實我想講個醬汁係由醬油+生蛋黃，好好味，撈白飯一流🤣🤣🤣.

妹妹放工經常經過長沙灣，留意到有一間裝修豐日本味道的餐廳，這夜相約放工一試。餐廳不論是室外還是室內的裝修都富有濃厚日本味道，晚上7:30到達人流不算很多。打開餐牌會發現食物選擇不算少，最後選了五款菜式一同分享。香芒軟殼蟹卷（$98）Mango & Soft Shell Crab Roll軟殼蟹炸得香脆不油膩🦀，上面加有一片薄薄的芒果🥭，賣相吸引之餘整體亦很好吃。明太子玉子燒（$88）Mentaiko Egg Roll玉子燒厚身鬆軟但未夠嫰滑🐣，中間夾有鹹香的明太子，屬正常水準。鰻魚班戟（$68）Eel Pancake微甜的班戟皮內包有肥美的鰻魚、香甜的芒果🥭和青瓜絲🥒，表面再加上美乃滋醬，味道新奇不錯啊👍🏻。磯煮和風鮑魚（$68）Simmered Abalone with Japanese Sauce 鮑魚軟嫰，味道鮮甜好吃。鰻魚飯（$148）Grilled Eel Rice鰻魚肥美入味，有兩大片🐟，下面鋪有加上鰻魚汁的白飯🍚，飯量不算多，多吃幾口會覺得鰻魚汁有點鹹，但整體上味道仍然不錯😋。食物味道不錯，服務員的態度亦很好，看見老闆當晚也會主動跟顧客閒談，感覺友善🥰，在深水埗區而言食物

今日行完深水埗，同女朋友想食下日本菜，之後就上網睇到黎間野都唔錯，所以就膽粗粗試一試佢。行到去門口，發現間店都幾神秘，完全望唔到餐廳入面既環境。不過一入去間鋪到真係好似去左日本d居酒屋到睇得出裝修係花左好多心思。因為唔係好多地方有得食安康魚肝，所以點左嚟試一試，真係好好味，安康魚肝配上酸酸嘅醬汁，食完好開胃。清酒煮蜆，蜆的體積比較大，但是沒有什麼鮮味，主要食到清酒的味道。雞泡魚干天婦羅，雞泡魚干甜甜的，外層的粉漿不會太厚。燒牛舌，厚度十足食落有口感，當然味道也很好別的。最後不得不讚一下這個鰻魚飯，這是一個有誠意的鰻魚飯，吃得出鰻魚是有燒過的，愛層脆脆，內層軟綿綿。可惜鰻魚汁偏小，我是很喜歡用汁醬送飯的，所以如果可以多番啲鰻魚汁就唔錯了。總結，值得一讚的是服務很好，經理會主動詢問食客的意見。食物質素很好，但是價錢偏貴一些，我和女朋友兩個人埋單大概$500，人均價錢大約$200至$250，如果飲埋酒就會更貴。