集眾菜館

2023.6.23 星期五 8:30pm星期五晚飯時間，好多人聚會，幸好在門口等一兩分鐘就有兩個位。••••••••••••••••••••| 鮮菠蘿拔絲咕嚕肉 | $158🔥🐖🍍🫑拔絲甜得來也很脆，吃到尾都可以保持脆度。咕嚕肉大塊有咬口又夠腍，菠蘿好新鮮，三色椒炒得夠爽。酸甜度調教得恰到好處，好開胃，讓人吃不停口。| 蝦乾蒜蓉蒸勝瓜 | $98🦐🥒🧄這道菜是來清清喉嚨的。擺盤好看，勝瓜蒸得好腍，入口融化，基本是沒有什麼味道的，但有大大隻又鹹香的乾蝦，點了豉油，完全提升了美味度。| 金沙鮮魷魚 | $148🔥🦑🥚外層佈滿鹹蛋黃碎，炒得好均勻，炸衣鬆脆，有少許油膩。魷魚新鮮，也算不錯。吃金沙鹹蛋黃為主，好邪惡的一道菜。前菜 $10白飯 $12••••••••••••••••••••食物有質素，味道和賣相都很好😋冷氣夠涼，夠氣氛，適合聚會。店舖職員都是一家人，好忙好趕，不過反應很快👍🏻…查看更多

🌈這間餐廳位於地理位置方便的太子區，餐廳面積不算太大，桌與桌之間的空間感不大，但衞生情況還好，更表現出香港小炒店的地道感覺。食物方面，最令人眼前一亮的就是熱騰騰的‘’紅燒乳鴿‘’，皮脆肉嫩，更保留到乳鴿的肉汁，配上一杯冰涼的啤酒，更顯出小炒店的風味。另外‘’金薯蜜餞牛柳粒‘’都令人一試難忘，金薯炸得很酥脆，牛柳粒也炒得剛剛好，再配上甜甜的蜜餞醬汁，真的非常好吃，對我來說，比起牛柳粒我更喜歡吃金薯。除此之外，‘’拔絲咕嚕肉‘’也是必叫的菜式之一，本身咕嚕肉的豬肉質素很好，有肉汁，再將炸得香脆的咕嚕肉配上甜甜酸酸的醬汁，可謂香港特色之一的美食！不逐一介紹了，總括而言，其餘的菜式全部都很高水準，是一間力推的小炒店。 …查看更多

很多外地遊客會問香港人，有什麼食物是香港獨有的或者必食。阿薯覺得港式大牌檔是其中一樣能代表香港的食物，也是很值得推介比更多人認識。📚📚📚港式大牌檔的演變和香港的發展有密不可分的關係。大牌檔最初出現是因為十九世紀，香港經濟發展相當落後，有很多貧苦的低下階層。當時的政府設立小販發牌制度，讓低下階層可以靠着擺賣做些小生意謀生。大牌檔也因而興盛起來，多提供價格低廉的食物，並且種類繁多。後來，香港經濟好了，市民對衞生清潔的要求也高了，街上的大牌檔慢慢被取締了。不過有些選擇了走進室內，這些大牌檔小菜也有了變化，迎合時代的轉變。💁🏻‍♀️💁🏻‍♀️💁🏻‍♀️太子的集眾菜館提供不大牌檔小炒，可以讓我們回味昔日風味。太子的集眾菜館非常受歡迎，當日等了20分鐘才能入內。小小的菜館內坐滿人，很難先有侍應幫忙下單、拿碗筷和結帳等等，也反應出人手不足。說真的，對整晚的用餐體驗有點負面影響。不過，菜館內氣氛很好，熱鬧非常，好有舊日大牌檔的感覺。當晚的鮮菠蘿拔絲咕嚕肉(圖1️⃣)，聽說是集眾的名菜。味道的確不錯，比一般店的更脆卜卜，不會油膩。但阿薯更加欣賞的是黃金豆腐粒(圖2️⃣)，外脆內軟，熱辣辣的，讓人不禁一口接一口地吃下去。地道粉絲煲(圖3️⃣)入味而且份量多，是飽肚之選。總括而言，集眾菜館的小菜是較精緻的大牌檔小菜，是用心之作，阿薯認為是值得一試。📜🥢鮮菠蘿拔絲咕嚕肉$168🥢黃金豆腐粒$88🥢地道粉絲煲$88🍺德國麥啤(500ml)$28**無需加一…查看更多

星期六同成班朋友約埋一齊食小菜,主要係為左試佢個識拉絲概鮮菠蘿拔絲咕嚕肉同唔洗搣殼概避風塘瀨尿蝦肉,提醒大家記得訂台唔係’翠翠’地都要等返半個鐘全部份量都唔多,走概係小量精品類型, 5個人點左9個菜先夠飽 人均$300,不過都係好概可以試多幾款菜,每碟一人1-2嚿~ 鮮菠蘿拔絲咕嚕肉$138一夾落去堅係拉到絲,外層脆卜卜入面鬆軟,值得推薦為必點菜式紅燒妙齡乳鴿$204外皮香脆，乳鴿肉夠嫩口 一D都唔乾脆皮炸大腸$118呢味菜好考功力,一過唔小心炸過龍塊炸大腸就可以硬到用黎劈柴,今次好好彩外皮脆入面大腸嫩,十分滿意金沙鮮魷魚$128鹹香的鹹蛋黃醬配爽脆彈牙的魷魚，再加一杯啤酒，一個字正！冰火魷魚$88呢碟條狀魷魚,條條爽口加埋上面概XO醬送酒一流!豉椒炒鵝腸$148條鵝腸都夠肥美,個汁鹹左小小,係全台份量最大碟概小菜避風塘瀨尿蝦肉$268唔洗搣殼 純瀨尿蝦肉上已經嬴哂 瀨尿蝦肉完整 夠大隻 避風塘味道配瀨尿蝦肉絕配~如果唔收開瓶費會開心D!總結:精品小菜,樣樣好味,價錢小貴~集眾菜館地址 :太子柏樹街13號地舖電話號碼:84812583…查看更多

超人氣小菜店, 去到全場爆滿, 雖然有訂枱, 但都係要等前面交枱鮮菠蘿拔絲咕嚕肉 - 價錢比其他菜式或者大排檔稍貴, 但物有所值, 夾起拉媽, 炸到酥脆, 酸甜調味得宜, 絕對係必食之選 金薯蜜椒安格斯牛粒 - 薯仔跟咕嚕肉用同樣粉漿炸到非常酥脆, 蜜糖加上黑椒非常惹味, 牛肉粒都比下去古法羊腩煲 - 訂枱已經預留, 份量較少稍貴但係全煲都用上軟腍羊腩, 味道偏藥材唔會太鹹, 唔算好膻可以一試另外有再加料要牛肉, 不過味道平平鎮店小炒皇 - 大大條蝦乾加埋炸芋絲, 香口下酒菜鐵板珍菌生啫田雞 - D菇吸哂田雞鮮味好味, 只係田雞唔夠大隻, 肉較少鐵板生啫雞什 - 鐵板上枱熱辣辣幾好送酒, 不過略油每枱都會有花生, 飲個啤酒食小菜係爽嘅, 會再叫咕嚕肉試埋其他小炒…查看更多

好耐無嚟食集眾，襯而家晚市可以食耐啲，又可以一大班朋友嚟食佢嘅世一咕嚕肉喇～ 訂枱嘅時候仲留左個羊腩煲，佢仲有好多同其他餐廳唔同嘅特色小菜，一於食返餐勁嘅！ 集眾嘅「鮮菠蘿拔絲咕嚕肉」係真係不得了， 拔絲、好肉、香口，講真佢唔算係果種傳統被稱為「頂級」果種「大甜大酸」嘅咕嚕肉，但真係好多朋友食完都係為佢回頭。 古法羊腩煲，佢係真係羊腩，唔係羊肉，以差唔多 $500 嘅價錢嚟講佢唔算好大份，但係用料好好亦都好夠味，個汁底少咸但好夠腍，我地人多食之後仲叫左幾碟菜車落去撈晒佢個汁食。 鐵板生啫雞什，另一個我地幾乎每次都叫嘅小菜，鐵板上潤腎腸乜都有喇，熱辣辣送酒一流呀鎮店小炒皇，另一個驚喜小菜，特別係有啲炸芋絲，令到成碟野好食左勁多先。 金薯蜜椒安格斯牛粒，呢個都係出色野，啲薯仔炸到外脆內軟 加埋蜜糖，呢碟野薯仔搶手過牛粒呀鐵板珍菌生啫田雞，呢個第一次食，味道同鐵板生啫雞什近似，略嫌田雞肉少骨多，食落就無咁豪快～其實仲有好多小菜想試，但係已經飽到好飽，唯有下次再戰。…查看更多

今次黎食系老細試過好味 所以帶全班同事一齊去食入到去 感覺系室內大排檔 地方都寬敞 無咩裝潢我地叫左以下菜式：芥蘭都爽口 但小辣 惹味呢個泡飯 六個人分 吾太夠分 但整體味道吾錯 不過對比其他菜式味道會相對清淡啲粉絲好入味 蟹肉都爽口佢拔絲個層好脆 感覺好似冰糖葫蘆面頭個塊糖咁 🤣 吾知系咪用左同樣方法泡制。但份量有啲少乳鴿正正常常 無咩特別魚腸咁大個人第一次食 雖然食左一kai 但應該吾會翻dou 吾系我中意食既 但同事就喜歡💕話佢處理得好 如果處理得吾好 會好苦 然後預先落左好重胡椒辟味 系有心機做既菜式 老細話吾系次次有得叫 今次好彩先留到雞腳 豬肺都好味 平時吾食豬肺既我 都食左幾舊 中意佢湯味濃蓋過左我吾中意既豬肺味破天荒飯左兩碗😂😂…查看更多

這間小菜館有常見的小炒菜式但亦特別多鐵板惹味菜(有魚春魚標, 雞什, 豬腸鵝腸)特別啱重口味人士碟頭頗大價錢合理 免加一茶錢 記得預先book位!鮮菠蘿拔絲咕嚕肉$118脆漿是與別不同的鬆化香脆 但脆漿比例太多咕嚕汁有拉絲但酸度及甜度都唔夠可能期望過高 所以少少失望鐵板生啫鮮雞什$98鐵板上熱辣辣吱吱聲 特別香噴噴大量乾蔥大蔥蒜頭香芹芫茜勁香又惹味雞腸、雞腎都好爽脆 雞心就睇下邊個好彩搵到就有得食雞肝索哂汁的精華最入味 加上本身潤味濃 重口味之選 好好食枝竹火腩扣大鱔煲$218大鱔肉爽份量足 枝竹同菇索哂蔥蒜惹味醬汁超正原籠甜梅菜芯蒸芥蘭遠$98啫啫煲或者炒菜通常比較油膩今次食個蒸菜用原個大大蒸籠新鮮蒸出芥蘭遠爽脆唔過腍 大量甜梅菜增味梅菜有先處理過 唔會死鹹 味道平衡得來依然惹味…查看更多

朋友介紹住左九龍西咁耐，都未試過唻呢間，最近朋友介紹要食呢間小菜店，話個廚師好厲害，就唻試吓。一入到去，有一個要訂枱的磁場，因為我見門口係無接待員拉客的，反而見到有個老闆娘滿場飛招呼客人。我當然係無預先訂枱，但好彩都有最後一張二人枱。我同老公點左朋友介紹推薦的3個菜式，餸菜個名聽落好簡單，但炒左出唻係一點都唔簡單！各位觀眾！鮮菠蘿🍍拔絲咕嚕肉幾乎每枱都叫，當然呢碟只係呢嘅入門版，無叫果啲，睇得出都係熟客，職員都認得出了，這份人情味我最愛。呢個拔絲😋😋😋，佢個皮係脆的，佢唔係平時食到果啲粉，而係香口但唔痴牙的俐落，你以為佢裡面舊肉無驚喜，佢裡面舊肉先係精粹，完全唔老，好似乳豬咁滑，搞到我要等登咬開佢，睇吓係咩肉唻🤨係仲有少少粉紅的豬肉，太神奇，咕嚕肉，外面脆但入口即溶的感覺真係好味到喊第二碟係小炒王，心諗有咩咁巴閉？平時小炒王，啖啖韮菜，炒得最好食，頂多係香啲，味道大同小異。呢碟，佢一放低我已經呆左大大隻蝦干加埋脆炸芋絲做左主角，呢碟都係好有心思，韮菜佢處理得好好，完全係好易入口，唔會咬到牙都崩，無多餘的油，味道緊係好食到唔停口。最後我哋揀左椒鹽焗魚雲，魚雲食材都好新鮮，不得不提佢啲炸份真係好脆口，加埋椒鹽，令到整碟餸香脆可口，我最後連跌乙山唻果啲炸粉都夾埋唻食。另外，牆上掛滿特色小菜，例如係避風塘瀨尿蝦，佢啲瀨尿蝦係拆-晒-骨的！！！下次再唻一定會試。睇得出佢哋嘅食物性價比高在，唔怕處理時間長，好食為本…查看更多

之前睇過報導介紹呢間食店嘅咕嚕肉非常出名, 碟碟都係老闆親自炒, 如果炒得唔好仲會掉咗再炒過。今晚訂咗枱同一個非常鍾意咕嚕肉嘅朋友嚟試吓。到達時老闆娘俾咗一張周圍都擺哂貨嘅枱我哋, 我哋寧願等下一張枱, 喺附近行吓, 老闆娘好好人, 差唔多時間打電話俾我哋! 鮮菠蘿拔絲咕嚕肉雖然有期望, 但咕嚕肉果然名不虛傳, 外脆內軟。豬肉全部係瘦肉, 但一啲都唔韌。不過菠蘿有啲酸。避風塘尿蝦肉賴尿蝦已經剝好肉, 方便易食。鐵板薑蔥桶蠔啲蠔都算肥美。…查看更多

🍍鮮菠蘿拔絲咕嚕肉 $98全港最出色咕嚕肉！平時食嘅拔絲咕嚕肉一係太硬一係勁痴牙😖但集眾既拔絲甜度剛剛好！夠薄夠脆，而咕嚕肉肉質都好嫩！仲要係用新鮮菠蘿～～💯全枱人食完第一個字都係：哇！😍😍😍😍🍤避風塘尿蝦肉 $198好鍾意食賴尿蝦但係真係好怕好怕拆肉😅所以呢道菜食個手工都抵！賴尿蝦咁少肉佢都可以拆到條條咁多蝦肉😍而且係好 新 鮮～～～～炸粉又薄脆配埋勁多炸蒜，勁香口！🥬金銀多菠菜苗 $88食咗咁多香口野，要點返個菜，超大碟！😂好抵食，菜都新鮮～吾會太咸👍🏻😋😋😋餐牌：…查看更多

上月於菜館開張不久,經朋友介紹食過一次之後，回味無窮。特別係鮮菠蘿拔絲咕噜肉，一試難忘｡終於等到另一半boxing day有空撑枱脚，一定要帶佢去食一次｡因為得兩個人,食唔倒幾多野。除咗必叫咕嚕肉之外,老闆娘介紹甘薯甜椒牛柳粒,雞油炒豆胚，最後我地再叫多一個頭抽炒麵｡飽到上心口｡每道菜都feel到廚師好用心煮,唔喺hea做｡菜館生意非常好,大家去之前最好打電話去訂位,好彩我地食"早"飯,走嘅時候,全菜館滿座，門口仲有6、7個人在等位｡在現今社會氣氛,菜館又位於高危地區，算唔錯喇｡已與另一半約定，要試晒"必食推介"菜單上的每一道菜。…查看更多

早前經過太子, 見到有間新既小菜館新開(試業中), 所以同屋企人過黎試下菜, 開頭以為新開冇咩人黎食, 但係坐低冇耐, 就差唔多全場爆滿!  鮮菠蘿拔絲咕嚕肉, 呢個堅正, 一路食, 一路覺得個汁咁得意, 成日一條條絲咁, 睇返餐牌原來個名係"拔絲"咕嚕肉, 另外, 後尾偷聽到侍應向隔離枱介紹, D咕嚕肉係新鮮豬肉整, 唔怪得食落特別好食啦!鐵板薑蔥桶蠔, 桶蠔整得唔好, 好鬼腥, 個鐵板上菜時滋滋聲都知係好野!!!外脆內軟~~~避風塘炒蟹, 平時好少叫呢味餸, 因為覺得得個碟大, 但又冇乜肉, 但係見到個侍應拎左隻新鮮蟹推介俾隔離枱, 新鮮生猛, 又大件頭, 所以唔執損都叫返隻試下, 一試, 新鮮蟹真係果然係唔同D.上湯芥蘭, 老媽子食唔到硬野, 但又想食芥蘭, 落單個時吩咐煮淋D, 以為最終出黎會黃甘甘, 點知又OK喎, 翠綠又淋身!古法蝦子柚皮, 柚皮呢家野, 唔係度度有得食, 老媽子話試下, OK喎, 以為有d澀澀地既味, 又唔係喎, 有種清新口感, 個汁食落同個柚皮好夾!金薯蜜椒安格斯牛柳粒,  金薯香口, 牛柳粒份量足又大粒, 正!…查看更多