秋田鐵板燒刺身專門店

營業中

休息中

好耐之前食過哩間秋田鐵板燒，當時第一次嘗試鐵板燒，除左野食好味，又同時睇到師傅烹調，都幾過癮架。今日相約朋友在附近想食餐好，我就諗返秋田，希望可以食返當時的美味。事先講明，好多時佢只係接受訂位，記住要book位先呀。餐選擇唔多，我同朋友分別揀左櫻 （自選兩款海鮮）同楓（自選一款海鮮+一款牛）前菜田園沙律—一般，冇特別影低鮮三文魚籽蒸原殼蛋—蒸蛋蛋身夠滑，加左三文魚籽，立時衝擊味蕾，係好味的starter海鮮我地分別叫左原隻大虎蝦、脆蒜片青蔥美國牛肉薄燒卷、香煎頂級鵝肝同埋北海道鮮活帶子原隻大虎蝦—煎得有少少過左火，蝦身唔夠彈，味道可以脆蒜片青蔥美國牛肉薄燒卷—脆蒜片有少少蓋過牛肉本身的味道，可能放得太耐，唔夠脆身所以要咬多幾口，就會容易變成咁。調味都可以既香煎頂級鵝肝—鵝肝好味，夠肥，而朋友將一小舊鵝肝放入蒸蛋，反而係一個不錯的配搭北海道鮮活帶子—大粒厚身，經師傅煎香後淋上牛油蒜片，主菜中最好味之後重有幾樣野：秋田特式炒飯—哩樣係幾有驚喜，煙肉同櫻花蝦好夾，香口好味炒野菜—唔知會唔會都有人同我一樣，係好鍾意日式雜菜隻調味，簡單又好味！紅豆銅鑼燒—唔會太甜，正常味總結，整體食物味道都可以

平時Lunch都不會食得太貴，無論如何都在一百元內，今天心血來潮食貴d，享受下先！餐具已準備好，靜待師傅前來～今次食的set lunch名為"梅"UME ($158+10%)，由前菜到甜品/飲品包齊～我不客氣啦！-田園沙律大愛芝麻醬！作為前菜已經討得歡心，細細一碗，沙律材料都幾新鮮，吃落爽口，完全開了胃。鮮三文魚籽蒸原殼蛋賣相好吸引啊，師傅會將蛋放在器皿上，再放到鐵板上燒，並用蓋蓋上，不一會兒就熟了，再放上魚籽們便奉到面前。一入口同時感覺到卜卜脆跟滑溜溜的口感，好滋味。原隻大虎蝦未燒之前都幾大隻，大概有一般女生手掌大小，不過燒成後感覺縮水程度幾大XD!沒關係~好吃就好了~師傅會把蝦殼和蝦腸剔走，很細心，切成三粒再燒一燒即可。肉質都幾鮮嫩彈牙，帶有燒烤過的香口味，而蝦殼不是我所好，㗳幾下感受下就算。脆蒜片美國牛柳粒（五成熟）最期待的一道以前吃過某店的一口牛之後一試難忘(我忘記了在哪裡吃T_T)，每逢見到有粒狀的牛肉菜式都會忍不住叫，可惜未能尋回那種味道。至於這裡的牛柳粒，雖然都不及昔日那粒令人回味，但仍然很香口，咬落很軟嫩，因為燒烤過，肉汁不會太多，帶有香脆可口的蒜片調味，不用沾上醬汁已

午膳時間約了同事到秋田享用鐵板燒。午餐定食價錢依舊，只是百餘元的價格便可品嘗鐵板燒其實都頗實惠合理。 筆者要了一份櫻花定食，先來的是鮮三文魚籽蒸原殼蛋。三文魚籽確實味鮮鹹香，蒸蛋亦滑，但蛋香稍弱。 田園沙律是一般的麻醬雜蔬口味，用料都算爽鮮。 主菜原隻大虎蝦體型中等，燒香後口感結實，味道不俗。蝦頭部份也會同時燒製，但蝦羔份量不算豐盈，而且蝦殼也不能食用，還是炸製蝦頭風味更佳。另一主菜銀鱈魚柳，外層煎至微焦帶脆，配合香滑的魚肉，屬佳餚一道。 大蜆麵豉煮湯內含大蜆一隻，可惜無乜味。麵豉湯味道偏向淡身一類，同樣與大蜆交融度不明顯。 秋田特色炒飯內含櫻花蝦、魚子、菜絲等配料。炒飯都算炒得乾身，香口度普通喇！ 炒野菜以椰菜為主，是一併炒多碟的大堆頭製作，無乜特別。 最後以杯口味輕盈的熱咖啡作結，可回辦公室努力工作！

已有兩年多時間沒有光顧灣仔秋田鐵板燒，上回用餐體驗不俗，今次家庭聚餐，有人提議到訪秋田，心中暗喜。今次聚餐參與人數眾多，餐廳預留了三張鐵板燒枱給我們。相比晚市套餐，午市套餐相對上簡單一點，亦便宜很多，百餘元已有交易。首道菜是鮮三文魚籽蒸原殼蛋，用金屬器皿把原隻雞蛋置於鐵板上燒，待雞蛋熟透後，面上再放上三文魚籽。蒸蛋口感很滑溜，三文魚籽鹹香晶瑩，富點睛之效！田園沙律內含生菜、粟米、蕃茄等食材，面上加上芝麻醬，菜蔬用料生鮮，蕃茄多汁甜美，芝麻醬份量多，夠香口，正合吾意！接下來是燒海鮮時間，包括銀鱈魚柳及原隻大虎蝦。因未嚐銀鱈魚柳，不作評論。大虎蝦方面，師傅先分開蝦頭與蝦身，再把蝦肉去殼慢燒，蝦肉肉質結實彈牙，蝦香富足美味。蝦頭蝦羔比預期少，有點美中不足。緊接燒製香煎法國鵝肝，多士與鵝肝分開燒製，多士先以牛油燒香，再置鵝肝於上，多士夠脆，牛油與鵝肝味道滲透其中，甚為香口。鵝肝面層稍稍不夠脆，肝心則夠軟腍，肝香中規中矩。燒牛時間，先嚐脆蒜片美國牛柳粒，牛柳肉質鬆軟，肉汁份量不算很多，牛肉味道亦不算很突出，但計及價錢，用料都算合理。和牛脆蒜片青葱薄燒卷，五成熟度，基本上放於鐵板面上輕輕一燙已可放