夏麵館 (始創中心)

營業中

休息中

又是與爸打的飯聚，我們相約到了旺角的夏麵館一會是也！爸打酷愛醉雞，先來一客，爸打食得好開心，但是小人覺得雖然雞皮香雞肉爽，惟獨酒味過濃，不大合意。蟹粉小籠包就好吃得多！皮又薄又摺得漂亮，一夾起已感受到裹面湯汁在搖晃！一口咬下，當然又燙又爆汁，小人甚為欣賞！蟹粉系列第二道乃是蟹粉蝦仁撈麵，蟹香不特止，蝦仁也是極之爽口，正所謂蝦有蝦味、蟹有蟹味，確實不錯！高力豆沙一客兩個，一口一粒，甜度適中，超樂也！大致上是可以的。

上海菜都算係我地成日食既，今次就去左位於太子始創中心既夏麵館蒸/炸銀絲卷 $26 1條 呢個絕對係指定必叫，炸得外脆內軟，入面唔會索晒啲油變淋。 其實重點係碟煉奶，唔夠仲可以要多一碟，試過有啲餐廳唔提供嬲死人。 蟹粉小籠包 $38 2隻有得揀叫兩件，咁就唔怕食唔晒，又可以試多啲其他菜式。 識食揀係揀蟹粉小籠包，除左濃郁肉汁，更有蟹肉跟蟹粉提升整體既鮮味皮尚算適中，入面包住大量嘅肉汁，食既時候記得要小心熱。 花雕醉雞 $66干扁四季豆 $58 炒得乾身，但唔會係乾哂個種，有肉碎/蝦米，豆夠嫩唔會有渣。 如果淨食會有少少鹹，但配上飯/麵食就岩岩好。 排骨擔擔麵 $65 除咗平時既上海麵，更可以免費轉淮山麵。 排骨啖啖肉，肉唔會痴牙，揀左小辣，湯底有花生醬味但略嫌唔夠濃厚。 仲有兩款朋友指定食嘅 高力豆沙$38 炸物確實幾出色，外層金黃色，外脆內軟。 豆沙夠細滑，唔會甜到牙痛。 酸辣湯 $30因為我唔食辣又唔好酸，慶幸有超貼心既1人份量，朋友就可以獨自享受。見到非常足料，朋友酸辣度好合適，非常開胃。 原來仲有網上限定菜式，記得預訂：https://bit.ly/2Y5ykBu

話咁快就已經開咗學半個月啦！趁功課、測驗既壓力未黎既時候，約咗朋友食個遲來既開SEM飯。今次約咗係始創中心一樓既夏麵館，粉藍色既外面望落增添唔少青春既感覺。入座之後，望見裏面既裝潢都係粉藍色，而且好多人已經開餐啦！我地都唔執輸，點菜開餐啦！上海醬鴨︰涼菜方面，我地叫咗碟上海醬鴨。從色澤方面，顏色頗深，每一件鴨肉都被醃得剛剛好，保存著肉汁，唔會鞋。雖然望落顏色頗深，但味道唔會太咸太濃。味道唔錯，果然係店內推介！鮮肉小籠包︰食上海野又點少得小籠包。雖然有其他口味既小籠包，但係最簡單、最基本既原味，就已經好好味，而且先最食得出廚師既真功夫。點一點醋，放入口一咬開，D肉汁立即溢出，皮薄餡靚！排骨擔擔麵︰食咗涼菜同埋點心之後，就叫咗個通常係上海菜館都有既擔擔麵。撈勻後夾起，每條麵條都沾上豬肉碎同埋醬汁。上海口味唔同四川口味，食落唔辣，滿有花生香味。配料揀咗排骨，酥炸過後仍然保存住肉汁，唔會好乾，外層更添香脆。XO醬炒年糕︰上海年糕好出名，鍾意食年糕既我都必點年糕，今次就點咗XO醬炒年糕。上海年糕炒完之後仍然好煙韌，唔會變得好硬。用XO醬炒完之後，更香口惹味，連配菜都變得好好味！高力豆沙︰食完主菜

突然想食上海菜，夏麵館 都係一個唔錯既選擇！二人餐 $308🔸蒜泥白肉厚切白肉，汁另上👍🏻🔸夏伯伯涼拌茄子🍆個涼拌汁好似日式燒汁🔸蔥爆牛肉爆多京蔥，少許薑絲可能想辟下牛肉味🔸津白肉絲炒年糕即叫即炒熱辣辣，年糕好鬆軟味道啱啱好！👍🏻🔸酸辣湯x2少許辣，好足料，筍絲好爽口😋🔸高力豆沙x2都係新鮮啱啱整起熱辣辣🤤份量都好大，不過3個人食又擔心唔夠叫多左個 濃湯滑津白，最後個個都食到好飽🤣

今日ot 到9:00 ，唔知食咩好，同事帶路黎食夏麵館，位於太子始創中心一樓，地方好就腳，我哋9:30入座，都仲有幾檯食客。間餐廳好大，裝修簡約，好舒服，我們兩個人座了一張卡位，非常大舒適，卡位之間還有一層玻璃間隔，私隱度好高。睇吓有咩食先，餐廳用點心紙的形式，一張是套餐，另一張是散叫，另外枱面還有一個新菜式推介牌，嘩，正呀貓山王高力，一定要試下。自選涼菜五小碟$115一共有八款涼菜俾你選擇，我們點了蒜蓉四季豆，雞絲粉皮，涼拌小木耳，鎮江水晶肉，糖醋小排五款雞絲粉皮超正，麻醬好香，粉皮非常爽滑，麻醬分量多，把粉皮完全撈埋一齊食，啖啖都好香口。鎮江水晶肉，食落好重啫喱口感，肉質鹹香，好清新。糖醋小排骨，值得推薦，糖醋味噌做到剛剛好，不會太甜，也不會偏酸，排骨非常入味，細細舊，但是啖啖肉，略嫌肉質偏乾，但是味道一流👍排骨擔擔麵$65一上枱時，真的覺得份量驚人，好大碗，上海麵底，比較煙韌，擔擔面做得不錯，小小辣，好惹味，豬扒是用麵粉包住炸的，但是表層不會太厚，肉汁都鎖住，外脆內軟。酸辣湯一碗$30非常足料的酸辣湯，好開胃，他的酸辣程度也是我喜歡的。鮮肉小籠包$38小籠包好抵食， $38有四粒

最近朋友轉了新地點上班，所以人比較累，故我們都選擇工作地方的中間點太子吃飯。我想吃得清淡些，夏麵館的點心，湯麵，湯羹最適合不過。雞絲粉皮絕對是一道開胃的涼菜，晶瑩的粉皮淋上濃濃的花生醬，芝麻，再與青瓜，絲涼拌，滑溜順口的粉皮瞬間變得香濃帶爽脆，讓人吃過不停。濃湯滑津白以雞湯，金華火腿經過慢火細燉營造出濃郁香純的濃湯，津白則提供蔬菜的鮮甜，兩者合二為一，形成銷魂難忘的好味道。鮮肉小籠包皮薄一夾即破，肉餡非常鮮美，飽滿細緻，毫不油膩，每咬一下小籠包都會不經意的從我無法預料的地方流出湯汁，湯匙都接不住湯汁。菜肉餛飩麵一看便知份量十足，菜肉餛飩餃皮厚薄度剛好，新鮮豬肉餡料散發著甘香，白菜增添鮮美風味。滿有彈性的麵條與清甜的湯頭結合，將菜肉餛飩麵細膩詮釋。三鮮豆腐羹我超級推薦大家品嚐，羹，講求的就是湯頭鮮度，滋味濃厚，可是豆腐本身滋味輕輕淡淡，所以就要靠其他食材來幫忙，這湯羹運用雞肉，蝦仁，火腿熬煮成湯羹，成了動人美味的湯品。高力豆沙令人驚艷萬分，外酥內軟彈的蛋白層以砂糖點綴，內裡包覆綿密的紅豆沙，濃濃豆香吃來甜而不膩，是晚最強甜品無誤。

今日放假同媽咪行街直落食埋晩飯，同老人家食飯就啱係要食清淡啲啦！上海菜應該係不二之選吧！聽同事講始創中心一樓新開左間上海菜館叫夏麵館，水準不錯，就帶媽咪上去試下吧門面光猛亮麗，感覺不錯當時正值晚飯時段，需要等位，店員話好快有位，就等等吧！反正門口有餐牌睇，就睇住等門口餐牌好吸引呀！有大閘蟹咼仲有貓山王榴槤高力，好特別呀等左十分鐘左右有位了，安排左我地坐二人細枱，枱有啲細，不過無辦法啦！店內真係坐無虛席，好旺場點餐紙簡單清晰，種類繁多，有涼菜，炒麵，小菜，點心，湯麵🍜，炒飯，湯羹，蟹粉菜式同甜品等，非常吸引鮮肉鍋貼，三大隻，漲卜卜，賣相吸引，平均嘅皺接盡顯師父嘅非凡手藝，皮薄，內䐄肉汁豐富雞絲粉皮，粉皮非常爽口旦牙，一條條晶瑩剔透麻醬味道剛好，杰度適中，剛剛好可以均勻掛上每條粉皮上，非常高質素老上海炒麵，即係上海粗炒，色澤均勻，料好足，調味恰到好處，而且不會過濕或過油，不錯粗麵夾起，碟底沒有多餘醬汁或油份，抵讚必點三鮮豆腐羹，尼個羹湯味道清清淡淡但非常足料，蝦粒，菜粒，雞粒，豆腐粒切得大細一致，羹湯濃度剛好，不會太稀太杰，水準好高大大隻蝦之餘仲有金華火腿粒提鮮，滋味無窮鮮肉小籠包，四大隻

又到星期三聚會日子，今天朋友想食上海菜，看見有間夏麵館在創興，應該開業只有數月，需然這間夏麵館有其它分店，但一直都未試過，今天終於可以去試試。我們大約晚上六點半到，可能時間尚早，店內不算太多人，點餐是以點心紙形式落單，點餐紙有數十款食物。我們最後點自選涼菜五小碟 $115- 四喜烤夫 (只看相已經想叫，來到果然不錯）- 雞絲粉皮（味道出眾）- 鎮江水晶肉（平日都不會吃水晶肉，但今日一試就改觀了）- 涼拌小木耳（酸酸的很開胃）- 糖醋小排（這個是最欣賞的，是我吃過最好吃的涼拌菜）賽螃蟹 $78 （份量比想像中多，蛋白夠滑，送飯一流）上海擔擔麵 $46（擔擔麵可能放耐一點，有點偏淋，不過湯底一流）蟹粉小籠包 $38（這個都很出色，有很多湯水在小籠包內，蟹粉鮮味出眾，要襯熱食）金牌菜肉炒飯 $60（米飯粒粒分明，抄得很香）高力豆沙 $36 （上檯還是很熱，豆沙餡不會太甜，100分）凍豆漿 $15（豆漿不夠凍，但豆味很濃）總評：服務不錯，旺角太子區上海菜首選

連鎖店嘅上海菜就想到這間夏麵館最抵吃兼有水準。 我們來到太子始創中心， 想食中菜但唔想去酒樓好花時間， 就揀咗夏麵館食上海嘢都唔錯。嫩雞煨麵$55先來一碗嫩雞煨麵， 湯碗都大大隻， 可以先呷一 口奶白色嘅湯， 有淡淡嘅奶香同蔬菜味道， 好滑好清，就因為清淡嘅味道， 突顯了嫩雞嘅甜味和蔬菜嘅清甜， 毫無花巧，飲到天然無添加嘅味道。 雞肉嫩滑， 麵質幼細幼滑。夏味鱔糊麵$70下一道菜就完全相反， 令人味覺顛倒。 不自覺讚賞自己先點煨麵， 味道由淡到濃。 鱔糊爆炒得蒜味香濃， 非常惹味， 伴以切得幼細嘅筍絲， 口感豐富。 配上一碗上海幼麵， 風味一流。酸辣湯每位$30雖則是每位份量， 但係小湯碗都 不容忽視。 味道濃郁， 酸辣平衡得宜， 小小嗆喉但係又夠酸， 勁多餡料豆乾，筍絲 ，木耳，冬菇， 又辣又豐富食越過癮。牛肉生煎飽(2隻)$30即叫即炸嘅生煎牛肉包， 放上枱已經聞到香氣撲鼻。 包嘅外皮煎得香脆，餡料熱辣辣， 剁得幼滑的牛肉 非常爆汁， 非常美味。鮮肉小籠包(4 隻)$36 價錢仍然非常實惠! 一客四隻， 皮薄餡肉夠多， 鮮肉肥瘦適中， 裏面嘅湯汁更加滋味， 夾嘅時候要輕輕力 小心

同朋友去旺角行街，之後順便過了去始創食晚餐，這間夏麵館應該是新開久，所有的碗碟都非常新淨。餐廳主要以上海菜為主，價錢抵食而且座位舒適，所以都幾爆。小食要了蒜泥白肉，豬腩片切成薄薄一片，肥瘦適中，淋上蒜汁去油膩感，另外下面墊著拍青瓜，清新爽脆。小籠包外皮煙韌有彈性，而且不易夾空田，裏面有豐富的湯汁，味道鮮甜有肉香。唐芹鮮肉水餃外皮比較厚而且糊口，一夾就穿，味道比較一般。老上海炒麵有些白菜仔及肉絲作配料，上海麵爽口煙韌，每條都沾上了老抽顏色，味道不會太咸，食到最後都唔會成碟底油。甜品高力豆沙新鮮熱辣炸起，蛋白鬆軟，入口溶化，豆沙餡適中，甜度適中。