泰濃麵 (樂道)

營業中

休息中

放工約了友人食飯，大家就腳之下到尖沙咀食，凍凍地想食粉麵，係IG見到有間泰濃麵幾正就試下，平日食飯時段7點幾都幾多人要排隊，等左10分鐘到有位。餐廳不論裝潢及格局都似港式，只係牆上掛有關於泰國船麵嘅相。餐牌。香茅班蘭梳打，$29，香茅味清新醒神，爽。頂級安格斯牛肉船麵，$94。都幾大碗，湯底味道香濃，微微的辛辣帶鮮甜，要了薯粉，口感煙韌又入味，內有牛肉、魚蛋、炸豬皮及蘿蔔等，份量十足，牛肉軟腍，炸豬皮脆口，十分豐富。泰式炸蝦餅，$49，有3件，口感香脆彈牙，醮上泰式辣醬酸甜辣好惹味。食物味道不俗，有機再戰。

泰濃麵主打船麵，喺尖沙咀、銅鑼灣都有分店。每碗船麵都大大碗，足料又好味！價錢$68起，性價比極高！難怪下午都坐無虛席！😀1.黑豚肉金邊粉-冬陰功湯除左黑豚肉，仲有蝦、蟹柳、菇，好足料！冬陰功湯好正宗，又夠辣，好過癮。金邊粉好滑好彈牙😋2.頂級安格斯牛肉金邊粉-船湯船湯真係有驚喜！好濃郁、易入口，好好飲！😋😋😋安格斯牛肉好軟滑，有牛味！3.泰式小食拼盤炸雞翼好香，炸芝士雲吞好煙韌😋唯獨炸蝦餅可以炸得再脆d😀4.汽水+$5；特飲+$18（香茅班蘭梳打）非常解渴😋😋

喺I Square睇完戲，落到地面出口就見到呢一間泰國麵店。老公見到有船麵就嚷著要試下，坐低睇睇餐牌 ，每款麵都有三個湯底，有船湯、冬陰公湯、清湯，我就揀咗飛驒和牛船湯配金邊粉 。 佢地既湯加左豬血，所以色澤比較深，亦係傳統既做法! 先呷一口船湯，濃得黎唔咸，味道幾正宗~船麵比人既感覺比較草根，今次配上和牛頓時update咗! 薄切既飛驒和牛，肉質細膩，入口牛香濃郁！除左主角和牛，其他配菜亦出色。彈牙軟滑既魚蛋，香脆既炸豬皮就算浸淋左都好好食，唔韌又索哂d湯～仲有豬潤、秋葵，連蘿白都入哂味！ 金邊粉亦唔例外，配船湯簡直係perfect match!! 老公點左黑豚肉船湯黃麵，黃麵即係油麵，亦很掛湯。黑豚肉片片爽口，其他配料都係豬潤、炸豬皮、魚蛋等等！　起初唔知道每一碗麵都有炸豬皮，我地見$18一份炸豬皮仲另外點左做小食，不過其脆口真係食唔停，食落又唔會覺得多!叫埋香茅班蘭梳打，減輕熱氣感覺～　先黎半杯香茅班蘭汁，再比一枝泰國梳打加入去，好清香!!  仲有枝香茅做攪拌捧，飲到尾都仲咁fresh ！！見泰式糕點拼盤有最愛既千層糕又忍唔住想試～微熱既千層糕，令班蘭味更加清香，熱熱地更加容易一

今日放假訓到自然醒然後扮靚靚一個人出尖沙咀行街街，出到去成兩點，揾個地方醫肚先，食飽先有力去血拼嘛行過樂道見到尼間泰濃麵門面幾sharp醒，而且竟然有船麵食，自從上年去泰國旅行食過船麵之後，一直都想找回果種味道，就入去試試吧店面設計好有泰國🇹🇭特色，帶小小懷舊feel，播放著泰文歌，牆壁上貼滿令人垂涎🤤嘅食物油畫，為環境增加不少色彩雖然已過午市時間，仍然非常旺場剛好有卡位客人離坐，我一個人獨坐4人卡位，非常舒適餐具擺放整齊，仲有幾種調味料供應餐牌簡單而清晰，湯麵分六款口味（豬牛雞海鮮一應俱全），三款湯底（船湯，冬蔭公湯或清湯），另可選配四款麵類或白飯多款泰式小食，甜品🍮及特飲任君選擇飛彈和牛船麵配金邊粉，個名好勁啫，貴小小都想試試大大碗，賣相吸引，香氣撲鼻材料有兩款魚蛋，一粒白一粒炸，豬潤，秋葵，仲有大大塊和牛片，好重牛味，仲好林好滑湯底香濃，金邊粉夠爽滑，真係同泰國食嘅船麵一樣味道，好正宗香茅班蘭梳打，成支香茅上，唔重味就奇，加上即開嘅有氣梳打水，真係超爽快，激爽快即開即沖，爽YY埋單$146，我覺得以尼個質素黎講非常值，唔洗飛泰國🇹🇭都食到泰國🇹🇭船麵咼！大家有機會一定要試試啊！