GAIJIN

營業中

休息中

餐廳裝修一貫沉實低調，門口既石牆展現出粗獷既感覺，同入面既精緻餐點形成強烈對比。由桌椅、餐桌布到餐具都顯示出餐廳老闆係好有要求，全部都做到一絲不苟👍🏻可以選擇叫set dinner或者5-course ，我就叫一份5 course，由法式餐包開始呢次美食之旅☺️Five course menu $698/person時令生蠔生蠔擺得好精緻，相當肥美😍店員一早就比定濕紙巾我地，建議我地用手食才能食出滋味，的確一口食哂係好滿足🤤生蠔加左柚子汁同蘋果蓉，酸酸甜甜，而蠔本身仲好滑好creamy，海水咸味唔會好重日本白海老刺身用左乾冰去點綴，做出煙霧彌漫效果，打卡就岩哂👍🏻白海老以粒狀呈上，加左蘋果醋啫喱和新鮮芒果，味道清新，仲有三文魚籽鮮味香煎日本帶子單睇帶子既外型，以為去左酒店食fine dining🤣泡沫狀既青口忌廉汁相當美味，唔會蓋過帶子本身既鮮甜，北海道珍寶帶子夠大隻，煎到金黃而入面仲係好嫩，火喉好好燒匈牙利捲毛豬扒豬扒配搭火箭蘋果、焦糖菠蘿、法式雜莓醬，蘋果用左紅酒去燴，已經好腍，豬扒本身比較瘦唔會好油膩，口感較厚實，同埋已經切好哂一件件方便客人食用，不過肉汁唔算多，感覺有少少乾同埋燒

屋企人結婚週年，阿媽中意試新野，搵搵下見到Gaijin，評價幾好Opeerice訂仲要有折喎，就試吓佢啦！訂位講左係慶祝結婚週年，所以佢哋安排左房仔入面近窗嘅位比我哋，一黎嘅麵包已經好好食，原來係佢哋自家製，佢哋話今日有個新嘅鮑魚仔，未上Menu嘅問我地試唔試下，有新野咁就試下啦，入口好嫩滑好好食，之後黎左怪物蠔，一上台個size大到嚇親人，一試左佢果然正，成個sauce 好夾，唔會遮左蠔嘅鮮味又好refreshing! 其他嘅都keep住好高水準，超有驚喜，估唔到小店都咁掂長話短說，料靚有心機，服務亦好好，值得推薦！

有種癮是喜歡發掘新餐廳，經濟不景氣，少了很多中價位的新餐廳。這家餐廳環境燈光柔和，裝潢沉實穩重，放置放置了復古黑膠唱片機。這裡還有vip房，適合朋友聚會。餐牌所見，晚餐非常豐富，平均都有幾道菜。我點了一份five course menu$698。店員送上麵包和cream cheese。麵包熱呼呼的，配上軟滑cream cheese令人滿意。⭐️世界各地精選時令生蠔前菜是日本岩手縣生蠔，生蠔大大一隻，極為肥美，胖墩墩的奶白肉身配上日本青蘋果粒和日本醬油，口感奶滑甘甜清香。⭐️日本白海老刺身玻璃器皿飄散煙霧，原來是蝦肉刺身登場。橙黃晶瑩的三文魚子襯托剔透的蝦肉，入口爽脆清甜。⭐️香煎日本帶子肥厚的帶子配上奶泡和三文魚籽。帶子入口軟嫩，三文魚子帶上鮮美的口感。⭐️香煎銀鱈魚銀鱈魚底下泡著是香檳忌廉汁，銀鱈魚頂層點綴著海膽。銀鱈魚魚肉超嫩，配上海膽令味蕾有多點享受，甘甜的海膽提出鮮味，一塊實在吃不夠！⭐️精選甜品仿佛星空流星般的甜品，粉紅色的覆盆子甜品，裡面是慕斯蛋糕，甜甜酸酸的，精緻又迷人。▫️菜式設計很用心，令平凡的菜式變得不平凡！

平時好少食法餐，但於都市中急促嘅生活真係需要歇息嘅時光，就相約朋友放假去嘗試吓呢間新餐廳，感受慢活嘅節奏啊！位置幾方便，餐廳唔算好大但同朋友一齊食餐飯傾吓計都幾寫意。一坐低好快就奉上麵包，兩款包嘅size唔會太大，填補少少飽足感嘅同時唔會太佔肚量。牛角包散發牛油香，食落酥脆。而比較特別嘅忌廉芝士包，估唔到好柔軟，想一食再食嘅味道。前菜係蟹肉沙律，分開咗菜同蟹肉部分，明顯睇到蟹肉份量都幾多，夾埋沙律菜同脆卜卜蟹籽一齊食好清爽。之後仲有道香煎日本帶子，大大顆帶子真係好厚肉，上面有杏奶泡、側邊淋上青口忌廉汁，仲擺上炸紫蘇葉點綴。帶子配上三文魚子鮮味疊加上去，帶子食落仲嫩，刺身級數嘅帶子當然高質啲，配合醬汁等配搭好用心。燒鹿兒島白豚豬扒豬扒已經切好一塊塊，十分貼心！肉質好多汁，肉汁閃爍誘人，食落腍嫩味道剛剛好。肉配上旁邊嘅黑松露燒汁，蘸上味道更提昇了！除咗食肉之外，不忘食蔬菜保持均衡飲食啊！呢度嘅配菜好豐富㗎，不可以錯過邪惡嘅忌廉芝士千層焗薯，薯仔切片加上忌廉同香濃芝士，愈邪惡愈愛吃！另外仲有煙肉炒雜菌、香蒜欖油炒荷蘭豆，配搭都唔錯！ 甜品超吸睛，用貝殼盛載太fancy了！蛋糕圓圓的酷似一顆大

GaiJin今個月先係銅鑼灣永光中心開店，是一間法國日式餐廳，供應不同fusion菜式，午市去免加一依家仲有8折優惠，食物同服務質素遠遠高於價錢，非常推介餐廳－－－－－－前菜餐包三味三款麵包都可以再refill，當中牛角包真係好好味，雖然外圍氣孔比較大，但分佈平均同密集，外層夠脆且乾身，唔會滿手油光，口感輕盈鬆化日本油甘魚刺身用左柚子做底汁，油甘魚上加左橙做既啫喱作點綴，味道清新開胃，而魚質油分幾重，肉地紮實爽口蟹肉沙律沙律有蟹肉、蟹籽同沙律菜，配搭和風柚子油醋汁，擺盤相當精美，醬汁唔會過多，沙律菜仍保持爽脆，蟹肉鮮甜令和之怪物蠔北海道當做生蠔，上面放左魚子醬、三文魚籽，中間有醃製左澳洲青蘋果，下面就有柚子醋油啫喱，口感非常豐富，本身生蠔已經好滑嫩creamy，肉質飽滿，蠔味留下餘韻，而柚子啫喱更是錦上添花，相當美味香煎日本帶子北海道珍寶帶子配有醬油漬三文魚籽同青口忌廉汁，好有心思一道菜，兩邊煎至金黃，邊位仲有焦脆，但肉質仍是軟嫩，青口忌廉汁提到帶子鮮甜香煎日本銀鱈魚煎香的銀鱈魚香味撲鼻。加上北海道海膽格外貴氣，因為銀鱈魚油脂感較高，所以配上豆芽苗去中和膩道，肉質加上香檳忌廉汁香口嫩滑