火鍋隨意門

營業中

休息中

回頭指數: ⭐️⭐️⭐️食物質素: 🌮🌮🌮服務質素: ☺️☺️☺️消費指數: 💰💰(TTL $1136，人均消費$568)環境質素: ☘️☘️☘️天氣凍想打邊爐，但夏天都想想打邊爐🙈而咁岩銅鑼灣發現呢間幾有特色既火鍋店。特色卜卜蜆鍋 ($228)湯底充滿蒜香，而且有好多大大粒既沙白蜆，煮既時候蜆都有發岀「卜卜」聲，怪唔得有人都叫佢做卜卜蜆。整體配合埋蒜蓉&辣椒，好香而且提升左沙白蜆既鮮味。。本地牛頸脊 ($368)牛頸脊佈滿適量既雪花紋，而肉質比較肥厚，所以煮完之後有濃郁既牛味，而且口感柔軟。。澳洲帶子片 ($98)抵食之選，份量多，而且每粒都好大好彈牙，鮮味十足。餃子拼盤（10粒）($148)裝飾好特別而且有動感，感覺好似餃子不停叫人食佢裹面有蟹皇豚肉餃、韭菜豬肉餃、足料鮮蝦雲吞、白松露野菌豬肉餃，全部大大粒、好足料。特盛蔬菜拼盤 ($128)Drinks。蜂蜜菊花烏龍茶 ($78)份量多，2個人飲平均都飲到3杯+，有清熱既感覺同類餐廳#cocofood_localhk同區餐廳 #cocofood_銅鑼灣如果你鍾意我既分享，按右上角🔔，就可以睇到我所有既update

無論幾時，都鍾意去火鍋！呢間火鍋店6月限定有折扣，證件上有「turkey」字就有最高8折！❣️花膠湯底真係有好多三黃雞雞件，雞湯底好濃香，雞件嫩滑，推介！❣️呢到仲可以對住土耳其景打邊爐，食景都一流🍲招牌花膠雞湯鍋（半隻）$318 （推介！）- 雖然只係點湯底，但都好多野食！火鍋前可以先飲湯，湯底好香濃，配上半隻三黃雞，淥幾分鐘後雞肉嫩得來雞味濃，肉質幾新鮮- 湯底仲有厚厚花膠，難得唔油唔鹹。🥟餃子拼盤（10粒）$148- 擺盤精緻，有齊好多款餃子🥟餃子粒粒都皮薄滑身，入面好足料！- 個人最鍾意蟹皇豚肉餃，入面滿滿蟹膏香，超級正；足料鮮蝦雲吞蝦肉彈口，粒粒餃子都好用心足料🐷伊比利亞橡果豬$188- 高水準之選，豬肉肥瘦均勻，肉質juicy滿滿油脂香🐟脆肉鯇魚$98- 有腩同肉，腩部夠juicy 肥美🔸竹庶茅根$78- 真係大大瓶好夠幾個人share來邊食邊飲！難得銅鑼灣開得夜又有水準嘅火鍋店，已經bookmark入fav list❣️

約咗朋友放工後去銅鑼灣行街兼食晚飯，我同佢都勁鍾意打邊爐🤣於是我地又揾吓附近有咩地方打邊爐🍲有見「火鍋隨意門」個名咁得意，裝修有土耳其風特色，仲有多款湯底可以揀，決定試試！揀咗個勁正嘅湯底，就係雞味香濃又清甜嘅秘製消暑椰漿雞濃湯鍋($298)🍲好多鮮椰片，好香椰子味🥥加埋椰青水，更加清熱。採用三黃雞，雞皮勁香，雞肉鮮嫩，成個湯底勁正呀！忍唔忍飲完又飲，加咗幾次湯🤣手切頂級安格斯牛肉(細) $298————————————其實都有好多片，2-4人都夠食。每片油花都好靚呀，肉質比較結實，有嚼勁但唔會太韌。餃子拼盤(10粒) $148————————————每款餃子有兩粒🥟，五種口味，唔怕食厭🤣分別有新鮮菜苗帶子餃、韭菜豬肉餃、黑松露蟹肉餃、蟹黃豚肉餃同鳳尾鮮蝦餃，我自己最鍾意係蟹黃豚肉餃，成個蟹黃橙色嘅餡又大又飽滿，入口勁香呀！蔬菜拼盤 $98————————————打邊爐落蔬菜，吸晒湯嘅鮮味真係好正！依個拼盤都好抵食，有油麥菜、生菜、金菇、娃娃菜等等嘅蔬菜，唔洗每款菜都散叫又可以食唔同類型嘅菜。蜂蜜菊花烏龍茶 $78————————————打邊爐真係需要清熱清爽嘅飲品，依個咁可愛嘅茶真係

話咁快又去到冬天嘅尾聲啦，梗係要捉緊時間同一班朋友一齊去食多幾次食火鍋，不過喺香港一年四季都可以食火鍋嘅😂今日約咗個朋友去到銅鑼灣嘅一間樓上火鍋店-火鍋隨意門；隨意門？可想而知應該同旅行及世界各地有關✈️🌏🗺️餐廳一共有兩個主題，一個係中國風，而另一個係土耳其，而今次就去咗具有土耳其風格嘅area到食火鍋，一入到去就見到天花板上掛住唔同顏色嘅土耳其燈，而牆上嘅圖案都係以熱氣球為主，加上民族風格嘅抱枕同織布嘅配搭，民族特色比較濃厚！⭐️ 消暑冬瓜瑤柱脯湯 $218除咗賣相非常吸引之外，冬瓜湯都加入左肉粒、雞粒、瑤柱及蝦球等等，令成個湯底嘅鮮味更足😋火鍋一嚟到就已經有好多煙喺湯底種散發出嚟，感覺好仙氣，店員建議我哋去打邊爐，似要試一試個湯底😋⭐️ 手切頂級安格斯牛肉（細）$298賣相非常之精緻，安格斯牛肉取自牛骨隻的前胸肋骨部位，油花分布均勻，而肉質結實得來特別香嫩😋⭐️ 餃子拼盤（10粒）$148一共有五款餃子，黑松露蟹肉餃、蟹皇豚肉餃、韭菜豬肉餃、足料鮮蝦雲吞、最後一款應該係黃金沙葛餃/新鮮菜苗帶子餃😂餐廳有多款餡料選擇，每一粒餃子都有滿滿嘅餡料，超滿足😋⭐️ 特盛蔬菜拼盤 $128蔬菜種類都唔少