金鳳大餐廳 (山林道)

營業中

休息中

上次同朋友食飯經過山林道，見到間好多人嘅据扒餐廳，原來係老字號金鳳，有聽說過呢度以抵食夾大件見稱，呢日就叫男朋友陪我嚟試試。餐湯有紅湯白湯可以揀，我揀咗個白湯，味道唔錯，仲好夠熱。男朋友就加15蚊轉龍蝦湯，龍蝦湯入口香滑濃郁，仲有龍蝦肉喺入面，呢15蚊絕對抵加！兒時回憶嘅餐包仔，細個返學最鐘意食😋餐包暖笠笠，夠哂鬆軟，搽埋牛油，簡單得嚟已經好好味！🍴美國德州頂級西冷 $148可以揀鐵板或碟上。西冷軟腍易切，內裡肉質粉嫩，血水唔多，配埋黑椒汁好惹味！伴碟嘅薯格脆卜卜，正！🍴雜扒餐 $93重量級雜扒！啲扒仲大份過塊鐵板😂雜扒有豬扒/牛扒/腸仔/火腿，而且份量好多，一百蚊有找真係好抵食！豬扒，牛扒都比較厚切，肉質鬆軟，啖啖肉，啱哂食肉獸男朋友！加15蚊試下佢地嘅金蘋果汁，味道清新香甜，配肉食啱哂！凍檸茶不過不失，正常水準👍🏻

出尖沙咀攞完特區護照，行完街都差不多到六點。為咗避開晚飯等位人潮...決定去山林道間『金鳳』食個早飯。据個靚扒！我同家人分別叫咗一個$78鐵板雜扒同我既至愛...$82鐵板招牌牛枊七成熟加$2生蒜。個雜扒跟以往一樣有腸仔、厚火腿、豬扒、同大大塊既薄切牛扒。至於個牛柳...同之前一樣...好林好juicy！不過鐵板上面既薯條就比以前少咗好多。扒餐之前跟甜品有jelly或者雪糕，但依家已經取消咗𡃤。如果要雪糕要額外加$10。餐飲就由原本細細杯轉咗用大杯。扒餐仍然做得不錯！👍👍👍不過服務方面就大不如前！落錯單order溜單之餘...服務態度又欠佳！

上星期五在老趙吃過晚飯，離開時仍然看見人群在對面的金鳳門外等侯，勾起從前對灣仔金鳳牛扒的滋味，所以趁著今晚有空，重返山林道，再次品嚐金鳳扒餐。可能今天是星期一的晚上，不需輪侯便可以入座，而且還有卡位，少了嘈雜人聲，多了安寧舒適。飯後或多或少總算尋回點點對金鳳的記憶，就是＂大件夾抵食＂ 餐包--正宗微波爐番叮麵包，乾身兼硬，塗上牛油和伴著餐湯一起吃下，還算可以 粟米湯--頗為大碗，湯身有點稠濃，湯內盛著點點瘦肉和粟米粒，可惜味道清淡，粟米味和肉味均欠奉 公司沙律--沙律由不同蔬果拼湊而成，賣相不錯，除了一般的生果蔬菜，芝士和沙律，還有燒牛肉，燒雞肉和火腿，份量相當多，牛和雞的肉質頗為鬆化，沒甚肉渣，而且尚算入味，至於沙律，生果當然不是新鮮製成，主要是罐頭食品，不過不失 雜扒--由一大塊可以比美A5大小的豬扒，兩塊足半吋厚的牛扒，腸仔，火腿和薯菜組成，份量毋容置疑，熱騰騰香噴噴的置於鐵板奉上面前，由於份量太多，只能勉強淋上有限的黑椒汁，豬扒和牛扒的肉質鬆軟，口感完全不韌，啖啖肉感在咀裡咀嚼時，十分滿足，總括來說只是欠了點點肉味 凍奶茶--餐飲原來是細杯裝的，加三元可以換成大杯裝，稱為加大，