好湯好麵

營業中

休息中

上次嚟大圍已經想試吓，可惜撞啱中場休息🥹今次計好時間，目標一開門就入去食😆點知原來好多人同我哋有同一諗法🫣好彩都比我哋做到第一輪最後一枱客😙後來發現原來仲有2樓，不過都好快坐滿，門外已經要大排長龍😨😨以湯麵嚟講佢嘅定價都幾進取🫢但都仍然做到座無虛席，相信湯麵係有一定質素🤔見呢度唔同餸會配唔同湯底，而有幾款湯麵係限量供應，而且真係好快賣哂😨本身想食嘅牛肉牛湯麵，晚市第一輪都食唔到🫨之後都一路聽到有唔同麵款售罄😅所以都要有心理準備唔一定會食到最想食嗰款😢🏆迷你佛跳牆 ($150) 估唔到都幾大碗幾多料😲材料有鮑魚、海參、素翅、魚肚、北海道刺生帶子、日本地雞肉、雲腿絲同花菇😍鮑魚，海參同魚肚都炆得夠軟腍入味，一啲都唔馬虎👍🏻所有湯麵都係用陽春麵做麵底，闊身麵質唔會太淋又可掛汁😋麵同高湯成為完美配合，就好似店舖名🤭🐏 雙冬羊肉 ($108) 湯麵以羊肉高湯做湯底😋仲要配合埋腐乳，就好似變成湯麵版嘅羊腩煲😆羊肉味濃得嚟又唔覺鹹😋花菇同支竹吸哂湯汁勁好食🤤唯一不足之處就係羊肉片太碎同太少，如果可以多少少羊肉片，或者係羊腩就正啦😍😍😍🥒北寄貝配柚子醋漬青瓜 ($59) 青瓜切絲後以柚子醋漬好清新，北

好湯好麵有幾咁好食,  一路都只係聽過,   無機會試.      今次終於有機會喇,   位置係喺好多老牌食店嘅積存街,  油站對面,   六點幾去到,   已經要排隊喇,  可能咁啱頭輪入晒去,  所以等嘅時間都幾耐,  加上37度高溫,   唔係講笑..    反而走嘅時候係無人排+有吉枱嘅,   但係就已經有款式售罄,   如果唔係必要食某幾款的話可能夜少少去都得. 入去前已經有店員落晒單,  坐低好快就有野食喇,   好鍾意食牛羊,  最後揀左雙冬羊肉,   份量都幾好,   有羊肉片, 冬菇冬筍, 枝竹 同埋肩扁陽春麵,     先講湯底,  係羊腩煲果啲嚟但無咁渴,  但係一啲都唔稀嘅,  濃味,  如果鍾意食羊腩煲應該唔會有投訴,    兩冬都好腍好入味,  羊肉片係比一般邊爐料厚啲,  好食嘅但係係幾乎唔羶嘅.   但係佢跟上嘅「羊醬」(腐乳?) 就真係扣分,   儀式感係大過味道昇華,  因為羊肉片本身唔肥唔羶,  所以配上腐乳味嘅醬其實唔係好夾,   唔蘸醬我覺得好食好多.  再嚟就係蠔皇豬豬,   廣島蠔, 蝦配黑豚五花腩片,  都係配扁陽春麵,    佢個湯亦

🇭🇰好湯好麵·呢間我地想黎食好耐架啦 但係次次都超級多人 今次下奏黎等左大概20分鐘終於食到啦😍😍·黑口黑麵$86 l 迷你佛跳牆$138 l 雙冬羊肉$102 l 好頭好尾$104今次我地總共嗌左4碗 大家一齊分 開心🥳佢個黑口黑麵係墨魚湯底既 飲落去個湯好鮮 而且超級掛麵 之後佢個墨魚滑超大舊 好彈牙 我自己幾中意🦑之後佢個佛跳牆超級足料 入面好多鮑魚 海參 魚肚咁 全部都炆到好淋 加埋佢啲素翅口感好好 而且佢個湯係好似燉湯咁 飲落好舒服 超足料🥰🥰之後佢個雙冬羊肉係真係好似食緊羊腩煲咁 真係好多羊肉 不過我自己就覺得佢啲羊肉有少少騷🤭最後個好頭好尾係牛骨湯底既 呢個都唔錯既 牛面頰口感唔錯 不過就好似無其他幾碗咁有特色🤣🤣·📍大圍積存街20號地舖

呢間米芝蓮推介的湯麵一向一條隊係門口，最近終於同飯腳去一試，果然有料到海龍皇湯麵 - 個湯基本上係超濃的西式龍蝦海鮮湯咁，加上蝦頭油，十分之香。雖然有層油係面，但都忍唔住要飲個湯棉花雞我覺得超驚喜。個湯完全係之前去某名店食的魚翅雞煲的湯底一樣，非常濃郁又背點膠質感覺的雞湯。雞肉鮮嫩，魚肚吸晒湯汁超正😋😋😋。個湯真係唔飲晒都唔得冬旬雙羊加上支竹，味道是羊腩煲咁，但羊肉係薄切，我個人比較鐘意好似羊腩煲咁一塊塊，更有口感。三款湯麵我個人覺得最正係棉花雞。去食咗三次，三次食完飲埋湯都唔會覺得口渴👍🏻，好明顯係真材實料無味精。食日本拉麵我都只會飲少少湯，因為大部分太油又咸，但呢個湯麵一試真係唔飲湯唔得。下次可能會買外賣，免卻排隊等候。

：寫左咁多篇尖沙咀，終於轉下寫其他地方先😂 前排仲有堂食時成日都大排長龍😂 今次終於食到啦棉花雞 ($92)湯底係豬骨高湯配陽春麵，魚肚索曬個湯底，超級好食😋😋粒冬菇都好厚肉，雞肉粒變成雞件會更好，湯底好濃唔會油，好味到成碗飲曬🤤🤤雙冬羊肉 ($100)個湯底好似羊腩煲咁，不得了😆有羊肉片、冬菇、支竹，冬天必食👍🏼👍🏼男人既浪漫都可以好好食😂😂冷泡凍頂烏龍茶 （$30）好有驚喜😆冷泡茶飲落非常甘香哩到主打超足料湯頭，絕無味精，非常濃郁👍🏼👍🏼每個湯底都係因應食材去煮、成碗飲曬都無問題😌😂絕對係高質小店，大推😆👍🏼

從網上推介認識此店，被那聲名大噪的貴價的中式麵食吸引，晚餐便來試試他是否言過其實。店舖雖不近車站，但出口直行便到。店內裝修簡單整潔。餐牌食物比廣告中多花款，亦有相對平價選擇(60到150)，相信廣告中的價值嚇倒了很多人。和朋友叫了雙冬羊肉和海龍皇。前者湯頭味道和羊腩煲類近濃郁但清不帶油，羊肉幼嫩配菜入味。海龍皇湯頭龍蝦味爆燈，亦是清不帶油，不像m記龍蝦湯那種化學質感，實是真材實料，海蝦帶子也很鮮甜。總結，好湯好麵改得好，湯決定了麵的大部份分數，加上真材實料，精心的配菜，實在值得支持。

多年前於灣仔食過成百蚊一碗嘅麵，當時去食都係慕一位知名食家撰文而去。嗰次嘅體驗之後覺得上咗人生寶貴一課。時至今日大圍出現百元的龍蝦湯麵亦未有因媒體報導貿然前往光顧。直至友人親嚐之後極力推薦才考慮前往，最終集八人成行，就算真係名過於實起碼都係一次嘻哈聚餐。由傳媒及朋友表述得知此店湯麵賣點著重於湯底。除真材實料仲個個都熬足七八個鐘。多人一齊去食就有呢個好處，每人試一款己經可以試多個唔同味道嘅湯。因麵底一樣大家響品嚐自己嗰份之前就分享吓個湯底試試味；第一口試好頭好尾的牛肉湯，湯嘅超濃郁感已經肯定熬咗好多個鐘頭，而味道就好似用咗幾擔牛骨再加入牛奶咁，牛味由牛骨一點一滴嘅精華滲出之後再濃縮，滑口感與牛奶入口無大分別。跟住是棉花雞湯底，味道完全同濃郁嘅雞燉翅雞湯味一樣，漿口嘅膠著口感估計源於大量雞軟骨長時間文火煲煮，溶化出來嘅成果。到自己碗雙冬羊湯，最簡單嘅味道形容就係一個炆煮一天羊腩煲嘅湯汁味道，只要鍾愛羊騷香嘅道友一聞到肯定會食指動加口水流。最後試嘅海龍皇湯一飲就知返唔到轉頭，因為蝦嘅濃香味可以連前一啖嘅羊肉湯都會俾佢蓋過，假若餐廳只以一般蝦頭及蝦肉烹煮而並非現時標示以龍蝦熬出，可以肯定此湯都