長阪燒

營業中

休息中

通關之後有好多人都去咗日本旅行，朋友就帶我黎呢間餐廳，享用住日本既高質食材，以解思日之情。 我哋坐喺吧枱，面前就係各種嘅海鮮食材，可以即揀即切即刻品嚐刺身，正正因為材料新鮮，由日本直送，所以佢先敢放喺大家面前，任由大家挑選。餐廳最近做緊季節限定，有唔同嘅生蠔set，我哋揀咗四隻生蠔配乳酸梳打(或配一杯白酒)（$138）生蠔即叫即開，四隻生蠔都非常之大隻同肥美，食落好鮮甜好Creamy，亦保留住海水嘅天然鹹味，值得推介。海膽海鮮杯（$96/1）我哋叫咗兩杯，一人一杯，海膽杯嘅賣相好精緻，雖然睇落細細杯，但係材料好豐富，除咗有海膽之外，裏面仲有吞拿魚、三文魚籽、蟹肉等等。海膽既甘香又鮮甜，吞拿魚完全冇筋，口感味道都好好，三文魚籽唔會腥，蟹肉好新鮮鮮甜，配上杯底嘅壽司飯，更能突出食材嘅鮮味。釧路活海鰻（$158）呢個真係好有驚喜，係今晚全場嘅MVP。呢個活海鰻同平時一般食開嘅鰻魚分別非常大，平時食既鰻魚好軟好稔，好似食緊一堆脂肪咁，無咩口感。但呢個活海鰻，燒到外脆內軟，內軟係有口感既軟，魚肉肉質好彈牙，加上鰻魚獨有既香甜，令人欲罷不能。溫泉蛋沙律（$38）想食菜又見呢個沙律平平哋就叫咗，劃破

夜晚想食下日本野朋友就推介我試呢間長阪燒餐廳環境幾靚，仲有Bar枱位可以見到啲食物同師傅工作燒元貝連殼，食到有炭香味釧路活海鰻燒到魚皮脆身魚肉都爽彈，不過醬汁就濃味左少少如果可以淡味返D就Perfect日本雞肉大蔥串，肉質幾滑大蔥吸左雞油味幾香醬燒海苔年糕，燒得啱啱好好食到前後叫左兩次免治雞肉棒，有生蛋黃作為醬汁，味道正常廣島蠔串有三粒，蠔肉唔腥，算Juicy串燒帆立貝有兩粒，帆立貝大大粒最後仲叫叫咗清酒煮蜆、明太子雞翼燒雞皮，京蔥串同埋真鯛壽司，好滿足

呢餐廳絕對稱得上係近期去過環境最舒服 食物最精緻好味嘅日本居酒屋🏮 預早訂咗所以可以坐吧枱 吧枱前面仲放滿各式各樣既魚生食物 客人可以跟隨店員上前選擇自己想食嘅魚 師傅最即時切為刺身😍 亦都有其他食物可以選擇燒泥👍🏻 除咗吧枱亦都有卡位 想要私隱度嘅朋友就岩哂🥰店員介紹左是日抵食嘅魚生海鮮之後 我哋挑選左以下幾款食物：1. 生蠔🦪 有唔同set 我哋就揀咗四隻 仲送一杯白酒🥰 日本生蠔size唔係好大 不過就超級鮮甜 抵食👍🏻2. 松葉蟹膏多士 松葉蟹膏蟹膏味好濃郁 黃油十足 放喺香脆嘅多士上面食好正🤤3. 釧路活海鰻 海鰻超級新鮮 肉質好彈牙😻 鰻魚外皮燒到香脆 加上鰻魚汁味道一流😋4. 海膽壽司 海膽味道鮮甜 $98 2件好抵食🤩5. 火炙三文魚腩壽司 三文魚腩厚切好肥美👅6. 火炙平目魚背壽司 即係左口魚 超多魚油 火炙係 my favourite 🤤7. 雲丹天婦羅 紫菜包住海膽嘅天婦羅 價錢比平時餐廳食嘅平 但係海膽嘅質素都好唔錯 香濃無腥味😋8. 美國牛小排 肉質好腍好濃牛味 生熟程度啱啱好 醬汁味道同牛小排好夾👍🏻整體性價比高 想食好啲又多一個選擇🌟

友人推介試新嘢，慶祝生日🎂，經OpenRice 預早訂位，到達餐廳接待處時頗多人等候入座，門口全是人，只得一位接待，十項全能，還要聽電話、埋單、帶位，混亂至極安排位置仲要係厠所及廚房門口位，失望！當晚應該有3-4次推介鮑魚餐及生蠔，我們婉拒了，我們4人第一輪點了小食、得壽司、串燒……第二輪大多是熱食，牛扒、天婦羅、秋刀魚、三文魚餃、茶碗蒸等等。食物太多不能盡錄。食物質素新鮮合格，燒三文魚餃、釧路活海鰻、安格斯肉眼扒，較為特別好味松葉蟹膏多士（多士過燶、蟹膏偏咸）、燒明太子飯團（賣相吸引，但冇味）特別一提，壽司飯是醬油飯而不是白飯，味道較濃。熱鬧氣氛使人感覺身處日本🇯🇵喜歡熱鬧嘅朋友不妨一試。

一出lift第一印象就是樓底高很寬敞，空間感十足，和女朋友坐bar枱，可以望著廚師烹調海鮮，氣氛很好。雖說bar枱位，座位亦舒適，而且枱面都幾闊，足夠放食物。吃了個一百分的芥辣八爪魚，首先八爪魚切成一粒粒，呈半透明啫喱狀，口感煙韌，最令人齒頰留香是淡淡清香的芥末味，感覺新鮮又微微攻鼻，是罕有令我留下深刻印象的芥末八爪魚！釧路活海鰻燒汁味道不會太濃烈，海曼的鮮味是主體，而外皮燒得脆卜卜，魚肉就軟熟， 所以口感都幾強烈對比，真的很好吃，又不肥膩。推介的南非活鮑魚鮮味十足，在燒烤的時候加了檸檬鹽，味道更加清新令鮑魚鮮味更加突出，口感幾彈牙。北海道活元貝用了特別的燒汁，味道強勁，元貝本身鮮嫩，咬落有嚼勁，又是沒齒難忘呢！這次吃盡新鮮的海鮮，久違了日本的感覺，而且價錢適中絕對要再來。