幸屋

營業中

休息中

呢間之前食過好多次 我諗應該都有10幾次 真係整得好好食 好高質👍我同媽媽叫咗二人前套餐 有二選一嘅沙津 二選一嘅小食 選四串串燒拼盤 自選拉麵/丼兩碗 同埋甜品/汽水 價錢都係$288 仲要免加一 而且店員好nice 服務態度超級好軟殼蟹沙津 次次嚟到都係叫呢個沙津 軟殼蟹大大隻 整得又脆卜卜 食落有鮮甜嘅味道 而旁邊會俾沙律汁 自己鍾意倒幾多就幾多 好多菜 洋葱 粟米 仲有蕃茄仔 好fresh好健康🙈和風餃子呢個必食 超正超好食 食過一次再食其他餃子 完全返唔到轉頭 呢間嘅餃子係世界級好味🤯🤤餃子熱辣辣 仲要裏面嘅肉餡好鮮甜入味 而且餃子上面嘅米漿超級香脆可口 真係勁好食 暫時仲未食到比呢間更加好味嘅餃子 所以嚟到呢度都係叫呢個 下次有機會再出灣仔 會試下芝麻手羽串燒拼盤 今次叫咗鹽燒牛舌 燒鯖魚 燒冬菇 同埋燒茄子 款款各有特色 燒得都好入味 不過我覺得以前整得好食啲 可能今次整得唔夠熱 令到落差有一段距離黑武士媽媽揀咗呢碗拉麵 我之前食過係好濃嘅山藥湯麵亦都整得唔錯 而叉燒方面揀咗御屋 可以試到兩款唔同嘅口味道 仲有一大粒糖心蛋 好好味吖🤤🥰金武士第一次試呢個湯底 湯嘅味道偏淡

灣仔有不少横街窄巷，當中有不少獨立經營的小食店，今晚原本想去間街坊小館食港式小炒，點知小公主話 dirty …… 公主病發作唔肯入去 。唯有到對面這間門面較為光鮮整齊的日式拉麵店【幸屋】。【幸屋】被鐵皮排檔遮住，一不留神便錯過，幸好門口有大紅燈籠高高掛，才吸引到筆者。甫入拉麵店，裝潢簡約，勝在樓底高，環境氣氛都不錯。【幸屋】雖然是間不太出名又細細間拉麵店，但食物款式比想像中多，除拉麵外還有丼、串燒及小食。當中有個2人套餐（$278）非常抵食，有蟹籽或軟殻蟹沙律 + 串燒4串 + 餃子6只 + 自選拉麵/丼 2款+飲品。非常足夠，而且免加一！【軟殻蟹沙律】炸得酥香的軟殼蟹，連殼都不用剝，一口咬下，蟹肉和外層軟殼在嘴裡交融，螃蟹滋味特別濃厚。下面放了些生菜，不過新鮮度麻麻，比較乾身。【自家製餃子】底部金黄如紙般薄，餃子皮厚度適中，內外都煎得不太乾身，餃子內餡還會流出微微湯汁。味道不錯的餃子！串燒有多款選擇，筆者揀了燒雞翼、燒粟米、鹽燒牛舌及燒雞肉。味道都不錯!【幸屋】主打九州博多豚骨，有胡麻王(芝麻豚骨)、金武士（原味豚骨）、黑武士（黑蒜油)、赤武士（地獄）、蝦味噌、銀武士（味噌）、限定王

一個寒冷的晚上，完成了一整天的活動，於灣仔的橫街窄巷中，吃一碗幸屋拉麵。樓面姐姐非常好客，給了我們一杯熱水及煎茶包，飲了一啖熱茶，整個人馬上䁔起來。先來一個小食，要了汁煮牛脷。牛脷是日式炆煮，非常腍滑不硬，味道不會太濃太鹹，清新香濃。選了最基本的金武士($78)，即博多系豬骨湯。配料的叉燒併豚角，非常出色，肉脂充足，鬆化肉滑，醃料味美。湯底濃度剛好，麵條可硬一點點更好。醬油蛋入味，徧甜。我則點了限定王，今天是鰻魚沾麵。鰻魚燒得香脆，肉質彈牙。麵條沾上了濃魚湯，味道立即吸進麵條之中。店家還提供我最愛的 Suntory Premium Melt's，很想飲，但今日有點病，要等下次來的時候再試。

良久沒有吃日式拉麵有點想念今次來到拉麵戰區旁的灣仔點了經典博多豬骨湯拉麵和鰻魚飯小食方面有炸一口炸雞及鹽燒牛肩肉店家設計的落單紙相當有心思提醒食客湯底濃度的口味有次貪心點了特濃結果稠得發膩這次我就選清一色普通只有多蔥多香油拉麵沒有芽菜反而有同份量椰菜木耳湯底味道香醇清爽不油膩原隻溏心蛋溏心效果良好蛋味濃郁御都mix同時有叉燒及豚角煮豚角煮脂肪入口即化叉燒肉質鬆化脂肪爽口太麵掛湯一流口感極佳配合椰菜木耳一口接一口吃不停鰻魚飯有兩整條鰻魚口感佳但有仍點乾飯粒軟綿是上佳品質本來想點唐揚豆腐不巧店家無貨牛肩肉一串有四件外層燒得稍硬但咬下去仍有肉汁一口炸雞怎看都不像一口大小剛炸好連同蛋黃醬上檯外皮鬆脆油份肉汁都鎖在裡面在食物和服務都看到店家的用心用心的餐廳客人是感受得到的

月尾註定係一個要OT嘅日子🤷🏻‍♀️同事話去灣仔買水果同食個靚飯為OT fighting! 買完水果發現水果鋪後面有間拉麵店😍係門口望一望餐牌發現唔係好貴價錢比起其他灣仔拉麵店平👏🏻而且當時店內入面都有一定數量食客👍🏻好! 一於試試😤餐牌十分簡潔分為拉麵、丼、小食同飲品同博多X風堂一樣有辣辣芽菜免費無限添食😋偏辣 但芽菜好爽甜醒胃一流👍🏻同事叫左金武士豬骨湯底十分香👍🏻👍🏻👍🏻而且本身已經配有溫泉蛋、紫菜同木耳👍🏻加上辣辣芽菜可以話分量超足😋我就叫左燒黑豚丼😋😋黑豚燒到少少脆超香超好味😌而且一啲油膩嘅感覺都無👍🏻仲要有埋溫泉蛋😍😍😍真係不得了我地仲叫左個軟殻蟹沙律軟殻蟹超大隻😱😱😱😱好抵食！！係爭在唔係用羅馬生菜如果用埋羅馬生菜就真係滿分♥️同事仲叫左一串燒墨魚咀同事話幾爽甜但一串得6粒太少了表示唔夠喉喎🤷🏻‍♀️***特別要一讚餐廳嘅服務員👍🏻超細心不停自動波加水👍🏻

由於朋友在附近工作所以很熟路，不是她介紹也不會知道原來這條充滿茶記的街道藏了一間拉麵店，而且食物充滿驚喜呢門口不大，很容易錯過了，旁邊是一間機舖。進去是一間小店，但樓底十分高，感覺很空曠，相比平常的小拉麵店沒有壓逼感和焗促感。選擇不少，最大路的豬骨湯，較少見的黑蒜油，湯麵沾麵都有。跟坊間一樣，可自選軟硬度和配料。其實這裡不只做拉麵，連丼都有較特別是它連居酒屋的串燒部份都涉獵叫了巨峰提子，入邊有提子肉，好喝金武士其實是原味豚骨湯。我選了淡味但於我來說都覺得足夠濃味，證明湯底絕不欺場呢。湯內亦有芝麻增加口感。糖心蛋尚算流心。豬肉很夠味但未算出色。麵條我選了最硬，不算太硬，掛湯能力不錯。朋友選的沾麵比較出色是冷沾麵，十分特別！麵上有明太子，店員特意提醒先搞云才吃。配料甚豐富，有肉碎亦有整隻糖心蛋。叫了數條串燒。點了茄子串燒，汁燒豬頸肉，豚肉秋葵和牛肩肉串燒。茄子還以為是原條燒那款，原來是這款茄子，無妨。都頗甜幾多汁。豚肉秋葵的豚肉肥瘦均稱，但秋葵略嫌太淋身，沒了秋葵獨有的爽脆口感。串燒總體來說有點太油膩。埋單每人百多元，很飽肚，拉麵值得一試，還有很多其他食物是其特出的地方，而且比起普通拉麵店

是日與男友在灣仔街頭覓食，被「幸屋」外的紅紅燈籠所吸引，又見店內有不少人，便選定在此用餐相比連鎖拉麵店，這間小店多了一份温暖甫入店便得有店員的熱心招待，也從他們與其他客人的交流中看到他們的熱誠這裡供應拉麵、沾麵、丼飯和串燒小食，各適其式如其他拉麵店，拉麵/沾麵的湯底、麵條和配料等都可以按喜好組合。這裡的食物不貴，我們各點了一個麵和小食，人均$100以內不想喝水或茶的話可另點飲料~玄武士($78)：是冷沾麵，起初以為「冷」是指麵條，但其實是指沾麵的汁沾麵汁冷冷的、酸酸的，十分開胃沾麵十分足料，麵量多之餘配料也很多。黑蒜油很香，溏沁蛋很滑又甜甜的配料上放有明太子，拌入沾麵中吃，提升味道層次肉方面我選了御屋mix，有肉碎和燒豚角。豚角燒至焦香肥肉不會過多，但肉質又不會乾身枱上有不少調味料，愛吃重口味的我忍不住加了點蒜蓉入沾麵汁中金武士($78)：是男友點的拉麵，豬骨湯底，香濃得來不會過鹹，拉麵軟硬適中叉燒肉質軟嫩~黑豚秋葵($20)及燒帶子($20)：很愛吃秋葵的我從餐牌上看到這小食二話不說就點了比起用煙肉包著蔬菜的串燒，使用黑豚讓油膩感大減另外，帶子燒得不乾不硬，配上微甜的燒汁，不錯呀

幾次飯聚之後, 我才知道這位朋友很喜歡吃拉麵, 而且都幾有心得和講究, 一於跟他吃返餐拉麵, 聽下佢有咩心得, 學下野先。他身為九龍人, 但今晚卻帶我來到港島覓食, 反而更方便我, 謝謝喎! 店子門口掛上紅色大燈籠和一道紅色布簾, 很有日本feel。內裏位座不多, 但勝在樓底高, 空間感足。右邊是面牆的單人座, 約有十個座位; 而左邊則是一排長沙發座配四人枱, 總共有四張枱子; 最入端便是廚房重地。牆上貼了餐牌, 而枱上亦放齊餐具、調味料、餐牌和點菜紙。調味料分別有辣油、醋、七味料, 還有較少見的拉麵胡椒。而配料則有爽口的辣大芽豆, 辣辣地好醒胃, 配在拉麵中也不錯。小店供應七款拉麵, 其中一款是沾麵, 另外還有九款配料追加。除拉麵外, 也有三款丼、多款串燒、幾款沙律、小食、飲品和甜品供大家選擇。吃拉麵當然要用圈出自己所需, 先揀要邊款拉麵, 再要求麵條類型、軟硬度、湯的濃度、濃香油程度、叉燒選擇、青蔥和椰菜的所需, 都幾細緻。******************************我就要了一碗胡麻王 Sesame ($78), 揀白麵、正常軟硬度、正常湯濃度和無濃香油, 配叉燒、

今日同老友約左收工去灣仔睇玩具同電腦, 6點半係灣仔地鐵站集合, 可能因為美食節關係, 超級多人。因為我地係即興約, 所以冇諗過食咩, 時間尚早又未算太肚餓, 所以上Openrice睇睇附近有咩拉麵好食而又未食過, 結果搵到呢間網上好評如潮的幸屋。幸屋係機利臣街, 門面裝修好富有日式風格, 掛滿紅紅的燈籠, 係呢條舊街當中好突出。門面有塊牌推介緊拉麵套餐, $88自選拉麵+炸雞/餃子+汽水, 價錢都好吸引。 我同老友分別點左一碗玄武王同金武士, 小食揀左炸雞, 一人一杯汽水, 我另點左一串牛舌。我碗玄武王其實係黑蒜王沾麵, 麵質好彈牙, 我揀左軟身麵配濃湯, 湯汁帶微微酸味好醒胃, 肉的份量好多, 肉質軟腍好入味, 配上溫泉蛋, Very Good.👍幼麵掛上沾麵汁好惹味, 而且我揀左多蔥, 超香。老友點的金武士係原味豚骨湯, 我試左啖湯, 好濃郁豚骨味好膠口, 老友話個麵都好好食。😋拉麵套餐即係拉麵價加$10就有炸雞同汽水, 抵食。我另外點的串燒牛舌, 牛舌夠入味而且爽口。幸屋的服務都幾貼心, 每位客人入座店員都好親切咁問客人要熱水定熱茶。😄拉麵餐牌

灣仔，大家會諗到咩？囍帖街？會展？我M佬就梗係諗起關於食啦，就係拉麵啦！點解？大家真係有所不知，灣仔真係有唔少拉麵店，好似每條小街巷仔都有一間，彷如拉麵天堂。今次決定去試新嘢，行到去機利臣街，見到呢間幸屋拉麵。出面嘅紅色燈籠同招牌，都有啲日風味。金武士呢度拉麵主打博多豚骨，分別係金武士（原味豚骨）、黑武士（黑蒜油）、赤武士（地獄）、銀武士（味噌）同限定王（嗰日係魚介）。每次第一次食都一定係試佢嘅原味，咁先知道佢嘅真功夫吖嘛。唔該，畀嗰金武士我吖！拉麵好足料，有木耳、紫菜、半熟蛋、椰菜、蔥同兩塊叉燒。第一時間就梗係飲下嗰湯先，我揀咗濃湯，非常香豚骨味呀，正！叉燒我揀咗御屋，即係雙併，有肥身啲嘅豚角煮同瘦啲嘅普通叉燒，我就鍾意豚角煮多啲，有啲脂肪，香口好多。麵條就揀咗白麵，比較粗身，入口好滑，掛湯能力都唔錯！蒲燒鰻魚丼A姐又點咗佢嘅至愛——鰻魚飯。嘩！！係原條鰻魚分兩份，燒得啱啱好，又香口又肥美厚肉，食落無骨同無泥味。鹽燒牛舌牛舌雖然唔係唔係厚切，不過味道搭夠，好香海鹽同黑椒味！黑豚秋葵串黑豚包住秋葵，黑豚就燒到有少少焦，一啖一舊，正。配合膠質豐富嘅秋葵，幾特別！茄子串燒平時食多數都係原條

我不是「食」拉麵逹人，不懂如何分析日本當地拉麵店與香港拉麵店的分野，而且每個人的味蕾也有不同，什麼是好，什麼是差，其實真的很主觀，只不過當很多人的主觀感受也一致時，就會形成大熱的拉麵店。在灣仔，拉麵店不下十數間。最近有一間十分大熱的拉麵店已有很多好評，這個遲一點再去試試。反而我有興趣去一些新餐廳，或少評論的餐廳，以一試究竟。這間在機利臣街的新拉麵店，因為它前面有很多固定露天街舖，有時候路過也不知道。既然今天發現了這店，就進內一試。看看佈置，牆上貼著幾張日本電影的海報。店內一邊是幾張四人枱，而另一邊則是高椅為主，不像黑龍或一虎般會有吧台位置坐在廚師面前，這裡，煮麵的師傅是躲在廚房裡的。店員先介紹這裡有數款拉麵，分別為「金武士（豬骨）」、「黑武士（忘了）」、「赤武士（辣味）」、「銀武士（味噌）」和「限定王（今天是蝦）」，第一次試就點「金武士」吧！麵等一會便送上，可以看到外觀是像樣的，有木耳、紫菜、半熟蛋、蔥、兩塊叉燒，有點黑蒜油。我點了幼麵，因為不喜歡粗麵會令我十分飽肚，而且食完也很「滯」呢！先試一口麵，麵本身也有掛湯的能力，但因為我點了正常的湯濃度，所以食下去時，麵雖沾有少少的豬骨湯味，