三一餃子 (通菜街)

營業中

休息中

隱藏於女人街的餃子店，鋪仔細細，主打創新日式餃子🥟 個人認為不止餃子，小食都出色👍🏻.▪️日shake炸餃shake shake粉有麻辣和海苔味選擇，如果有選擇困難症的，可以揀雙併，兩隻味都試吓😋我自己揀了海苔味，好似shake薯條咁，將餃子放入紙袋內，shake幾下就大功告成，有多重口感，有創意得來又好味👍🏻.▪️湯餃湯底有落心機，有豆乳香，可以飲埋個湯😋選了韭黃墨醉雞餃 及 粟米豬肉餃，前者比較有驚喜👍🏻 帶陣陣酒香。.▪️無湯餃子實在太多口味選擇，所以試埋芫荽豬肉餃 + 黑白松露豬肉餃，兩款口味都正常，餡肉夠多，性價比高.▪️醉炸雞翼一上枱聞到陣陣酒香，炸到金黄色，完全係外脆內嫩，推介👍🏻👍🏻.▪️雞軟骨串呢個都好出色，雞軟骨大大粒，味粉完全係點睛，超級惹味.▪️吉列炸蠔炸粉厚度啱啱好，炸到好香脆，估唔到除咗餃子，全部小食都好高質👍🏻.▪️冷萃咖啡見食餃子都有咖啡飲😆試試佢咖啡口感順滑，味道不太苦澀，相信不喜歡咖啡苦味的人都適合飲.▪️日本清酒鮮榨生貯藏酒味道清新，好易入口，配埋炸餃食感覺好fresh

位於通菜街兩旁嘅小食店，都算近地鐵站出口。假日中午時段去，去到好彩咁啱都有幾個吉位，其餘都好快就滿座。煎餃 $52/10隻(+$4雙拼)選擇咗店內特色餃: 蒜芯豬肉餃&韭菜蝦皮豬肉餃🥟估唔到蒜芯拎嚟包餃子又幾好味！滿滿蒜芯嘅香，蒜芯亦keep到少少嘅爽口，加上豬肉本身都整得十分juicy，所以呢款餃好值得推介！至於韭菜蝦皮豬肉餃，唔太食到所謂嘅蝦皮，但當普通嘅煎韭菜豬肉餃子食一樣香口好味，係好穩陣嘅選擇！醉炸雞翼 $35/5隻如無意外係將醉雞雞翼拎去炸，所以食落會帶有少少嘅酒味！外皮炸得剛剛好，望落似茶餐廳嘅炸雞翼，都幾特別，值得一試！餃麵 $51餃子: 招牌餃子貳號，有5粒。湯底: 豆漿蝦湯麵: 烏冬唔太理解點解招牌餃子係招牌，可能因為煎招牌餃會特別少少，但放湯揀招牌餃就變普通餃子。而且只有5粒，感覺唔太夠食。不過對個豆漿蝦湯幾有驚喜，清清豆漿中帶有蝦油味！加上店舖選用日本烏冬，所以加湯食都好味！😋小總結💬所有餃子都算皮薄餡靚，最impressive 同推介係蒜芯餃！所有食物份量就唔算太多，細細份咁，但始終係小店，所以都值得一試！(滿分為🤤x5)好味指數: 🤤🤤🤤🤤抵食指數: 🤤🤤🤤

好耐無係呢條街搵食，今次經過來試下有趣的餃子！來到當然試佢signature 嘅特餃😜 餃子大板燒 $58 /10隻呢款我地揀咗招牌餃子貳號，餃子應該有椰菜的，煎得恰到好處，脆脆的皮，加上大板燒啲醬料，味道一流👍🏻👍🏻👍🏻 冰花抄手 $58/10隻呢款我地揀咗是日餃子底，有啲蒜蓉喺面少少辣仲帶有啲醋嘅味道，非常開胃👍🏻👍🏻 👍🏻 最後我地仲加了醉炸雞翼 $35/5隻有好香嘅酒味，炸香來食，真係太正了平時少食雞翼嘅我都食了3隻😏

三一餃子開分店去九龍區啦，位置正正係通菜街嘅一生懸麵隔離，好易搵到！餃子有8款，有啲好創新嘅款式，例如麻婆豆腐素肉餃同韭黃墨醉雞餃🤩 另外都仲有幾款小食🤤 •🥢餃子大阪燒 $56/10隻其實呢款就係喺冰花煎餃上面加咗沙律醬、燒汁、木魚絲同埋紫菜碎～ 呢款用咩餃好似係每日唔同😯 我哋嗰日食就係招牌之一嘅蒜芯豬肉餃（蒜芯其實係蒜嘅花莖，蒜味無蒜頭咁濃，無乜辛辣味～）蒜芯同豬肉比例相約，而蒜芯口感少少爽脆有啲似豆角，以餃子口味嚟講都幾唔錯👍🏼不過「大阪燒」嘅部份就有啲失色喇😢因我蒜芯豬肉餃嘅味道都幾出，加埋「大阪燒」就會有少少做多咗🤔 如果配其他餃嘅話，就可能沙律醬同燒汁都要落多啲同均勻啲先得喇，因為今次落得唔夠，令到個餃子唔夠「大阪燒」😬•🥢 韭菜蝦皮豬肉煎餃 $52/10隻呢到嘅煎餃都做到日式嘅冰花底😍 不過呢個方法得一面脆，好彩呢到嘅冰花嘅一面都好平均同幾大😌 煎餃揀咗韭菜蝦皮豬肉餃，韭菜同豬肉份量平均，但韭菜味一如概往嘅突出，蝦皮(蝦嘅幼苗)就被韭菜味蓋過咗喇😢•🥢 黑白松露豬肉餃 +上海麵 $51呢款都係濃味嘅餃子之一😛餃子皮厚薄剛好，餡料都幾juicy，而且黑白松露味都幾香濃，用

呢間小店由兩位80後港人主理，製作多款本土特色餃子，更首創餃子大阪燒🥟所有餃子自設工場製作，餃子皮更選用日產高級麵粉製成，確保食材質素🇭🇰💗雙拼湯餃 ($48/ 8隻)選用味噌蝦湯，有別於清湯底，味道更香濃鹹鮮👇🏼🌽粟米豬肉餃：鮮美豬肉餡配搭粟米粒，味道清淡香甜🥬韭菜蝦皮豬肉餃：新鮮豬肉餡配搭新鮮韭菜同預先炒香嘅蝦皮，絕對係經典口味💗雙拼煎餃 ($52/ 8隻)採用日式慢烤煎法，令底層形成鬆脆冰花脆皮👇🏼💎黑白松露豬肉餃：餃子加入大量黑松露同白松露油，入口充斥濃郁松露香，但豬肉餡略為乾，唔夠juicy🐙韭黃墨醉雞餃：嫩滑雞肉餡以醉雞汁同料理酒調味，配上彈牙墨魚漿，口感更豐富💗醉炸雞翼 ($35)雞翼炸得皮脆肉嫩，帶陣陣花雕酒香🥃💗絲網春卷 ($28)米網春卷炸得金黃酥脆，內餡簡單以豬肉碎、蘿蔔絲為主🫔

最近行經旺角通菜街，路邊嘅排檔越見稀疏，反而令街道兩旁嘅食肆多咗曝光，兩旁街道嘅食肆都各有特色，各有捧場客，人來人往相當熱鬧。「三一餃子」是我們今晚嘅目標食店，因為試過中環嘅總店，是我喜歡的餃子口味。旺角分店多了一些新口味和小食款式～貓貓頭嘅大碗好可愛，增添幾分日系風情😺煎餃：《招牌餃子1號》拼《麻婆豆腐素肉餃》一定要試吓佢嘅招牌煎餃子，心機慢火煎出又香又脆嘅餃子，乾身唔油膩，咬落仲有豐富肉汁，好吃到停唔到口！麻婆豆腐餡料好特別，好滑身，只係帶好輕微嘅麻辣。食餃子配豆漿係最good fit。熱柚子蜜味道清香～湯餃： 《蒜芯豬肉餃》🥟🥟蒜芯味道好突出，保持爽脆口感，豬肉餡夠juicy，餃子皮厚薄適中👍🏻湯餃：《韭黃墨醉雞餃》🥟🥟也是皇牌口味，餡料有醉雞嘅味道菜帶有韭黃嘅香，令人一試難忘嘅美味😋🌟《醉炸雞翼》雞翼皮烤得好脆，雞肉仲係好嫩滑juicy ，難得炸過還有淡淡的酒香，唔會醃得過鹹，果然冇介紹錯，絕對係招牌小食！😋《關東煮》秘製日式清湯底，亮點有隻流心水波蛋🥚，蛋汁流出更有風味。個人覺得大根係最好味，吸滿湯汁又冧又清甜！《吉列炸蠔》新鮮熱辣炸起，外皮酥脆不油膩。《甘煮野菜》湯底清甜，

大家有沒有想過不止可以去Cafe打卡，餃子原來都可以的喔！三一餃子 Trinity Dumpling - 除了常見的湯餃、煎餃，還有特色餃子而且口味也很有新意，其他的餃子店未必會吃得到！之前在港島中環都有吃過，最近在九龍旺角新開，那裡的座位看起來寬敞些。不過裝修都是走木系明亮的風格，另外樓底亦頗高的啊可能是試業中的原因!? 只有單點，如果有套餐的話應該會更開心！如果怕不夠飽要吃麵，這裡有 - 餃麵 ($51) 可自選餃子 + 湯底 + 麵我這碗的餃子選了 麻婆豆腐素肉餃印象中的 "麻婆" 應該好辣，但這個的辣勁很微弱而已，反而豆味較濃。湯底則選濃味首推的味噌蝦湯，然後配上海麵，上桌時就聞到很香的味道耶！香濃而不膩，但麵吸收湯的速度實在太快，不想吃口感太淋身的上海麵就要趕快吃！冰花抄手 ($56/10隻) - 吃過湯餃，那就來吃三一名物的特餃吧！我們選的是 蒜芯豬肉餃 來做這個特餃。因為有大量的蒜頭和蔥在餃子上面﹐所以不太看到冰花的部份，不過吃落夠香脆。辣油的辣勁倒是足夠強，再加上帶有辛辣的蒜頭，很惹味喔！內餡的蒜芯被比下去，但口感爽脆還是加分喇本來想試醉雞餃，最後放棄就變成點小食 -

位於中環人氣小店「三一餃子」近日開左新店👏🏻，進駐九龍旺角區添。為食既我當然要同大家先賭為快。分店位於通菜街，同地鐵🚇E出口好近，非常方便。今次新店帶嚟新「日式醬油」/「味噌蝦湯底」，味道比總店較濃身D添。餃子同總店一樣，都有好多選擇。我地就試左「蒜芯豬肉湯餃」，蒜芯味道香濃，配埋新鮮豬肉餡料，咬落都幾多肉汁添。呢到「三一餃子」，我最鐘意佢地既特餃。之前就試左「冰花餃子🥟」，加左辣椒油，味道幾開胃。今次就揀左「餃子大阪燒」，表頭加左木魚花、大阪燒醬汁，食落都幾惹味。表面麵粉漿煎到好脆口，好吸引添！我哋兩隻酒鬼仲試埋呢款「醉炸雞翼」。雞翼炸得外脆內嫩，加埋酒左醃製，食落酒味香濃。呢個口感唔錯👍🏻，如果味道有層次就更好！新分店除左有新湯底，仲有其他新飲品登場。例如有餐廳自家製冷萃咖啡，每日限量添呀！我覺得小店野食都唔錯。新店坐落於旺角區，價錢亦唔算貴，大家經過都可以嚟試吓～