香江花月 (百誠大廈)

營業中

休息中

今日同老公去撐枱腳，揀咗間主打精緻嘅火鍋試一試！餐廳氣派十足，裝修好精緻，每張枱都好有私人空間👍🏻一坐低就送上兩杯蘋果茶，淨係個杯都加曬分😍杯茶亦都好香甜清新👍🏻👍🏻佢哋湯底都有十幾款，款款都好吸引！最後我哋揀咗豚肉白菜鍋，個湯鍋中間有一大個切到成朵花咁樣嘅大白菜，旁邊加咗薄切嘅豚肉，淨係湯鍋都已經超打卡able!! 滾起後先飲兩碗湯，少少蕃茄嘅酸味配埋成個豬肉湯底，口感清爽但油膩，非常好飲！再嚟就到差唔多枱枱都叫嘅香江拼😍😍😍成個擺盤都好似藝術品咁，真係忍唔住影咗好多相先開動😂 呢個牛肉拼盤包括咗安格斯肥牛、牛小腿、牛柳粒、牛心頂、牛脷、手切肥牛、黑柏葉&牛白肉🤤 佢哋唔止賣相吸引，肉質亦都非常新鮮，最有驚喜係牛心頂，因為之前無試過～原來係咁爽口👍🏻 安格斯肥牛肉味濃郁，另外亦好鍾意牛柳粒同埋牛脷～跟埋餐廳提供嘅烹飪時間參考煮出嚟份外好味🤤🤤我哋仲叫咗白鱔同枝竹，白鱔夠厚切好肥美，枝竹就索晒湯嘅精華～兩個都係我哋打邊爐嘅好朋友😚呢間餐廳做咗好多打卡位，下次要同班girlfriend過嚟吹水食飯影靚相😍😍

啲人成日話鄰近城市嘅餐廳裝潢非常搶眼，但係其實有啲香港嘅餐廳都落好重本架，尤其是呢間響佐敦嘅「香江花月」，無論係裝修、餐具、服務、食材、擺盤都係將大眾對香港火鍋店嘅標準大大提高。首先講講個裝修，餐廳主打係老香港風格，雖然餐廳都係行緊類似裝修風格，但係可以做到復古而不失華麗嘅餐廳確實唔多。並未有如絕大部分香港餐廳一樣，將餐枱排到好擠迫，雖然未至於做到包廂效果，但係食客嘅私隱度都相對較高，冇咁容易可以俾隔離枱偷聽到傾計嘅內容。餐廳亦預留咗好多位置畀食客打卡，無論係大人定係小朋友，都適合影相留念。睇到呢度你或者會以為餐廳嘅食物，會被裝修比下去，但係好快你就會打消呢個念頭。我哋得兩個人去打邊爐，所以嗌嘅食物唔多。湯底我哋叫咗一個「豚肉白菜鍋」，餐廳好有心機咁將個白菜同豚肉砌成一朵花，再灑上花瓣，然後再將蕃茄加入湯底入面，成個畫面都好靚，店員一擺上枱，我哋都忍唔住要影一陣相先，然後店員就會幫我哋剪開朵「豚肉白菜花」。肉食方面我哋叫咗一個「香江拼」，「香江拼」其實係一個牛肉拼盤，包含咗多款上品嘅牛肉，當中有偏向濃味嘅安格斯肥牛、充滿油香嘅牛白肉、偏向腍身嘅牛柳粒、香濃牛味嘅手切肥牛、嫩滑爽口嘅牛心

🌺桂花杞子蘋果茶一坐低店員為我哋介紹菜單，及送上 welcome drinks，細細杯非常清甜又refresh。🌸豚肉白菜鍋原個白菜，配上食用花，雕花蘿蔔，成個藝術品咁。個湯本身酸酸甜甜，非常開胃。白菜吸收左湯汁，更加香甜，而且一啲都唔肥膩。🌼特色火鍋料: 華人塔有牛肉豬肉及海鮮類。牛肉片及豬肉片砌成玫瑰花型，除咗靚，豬肉牛肉都勁新鮮。海鮮種類豐富，有原隻花蟹，鮑魚，青口，大蝦，扇貝，花甲，蜆肉等貝類，新鮮火鍋配料點煮都咁好食。🌻火鍋配料: 七色餃七款顏色非常繽紛，每隻都有唔同口味。特別推介黑色餃，食得出係墨魚汁做外皮，入面有蟹粉，非常鮮味。🌷特飲: 鳯琉香（菠蘿特飲），桃花綠（桃味梳打）