金滿庭京川滬菜館 (德福廣場2期)

營業中

休息中

我哋有一個「細胞小組」老友，相識超過廿年，好一段日子無出嚟搞過飯局，所以就趁啲過時過節日子一行16人食番餐。因為依家啲餐廳都比較少一啲大圓枱，難得搵到九龍灣呢間「金滿庭」，有張16人大枱，啱啱好，一枱坐晒咁多人，方便大家傾偈，比起要房又平好多。都曾經幫襯過「金滿庭」其他分店，但都已經喺好耐之前嘅事，而呢間九龍灣分店就第一次到訪，感覺上跟鑽石山分店差唔多，但就比佢奧海城分店細。但我哋好好彩，被安排餐廳尾嘅一張大枱，有少少自成一角，同埋少咗一個人，最後得15個人，所以坐落更加鬆動。由於今次無乜準備，又唔想阻大家夾餸，都喺求其搵手機快攝，相片質素一般般。子薑水晶淆肉 $108呢一道喺經典嘅上海冷盤，睇見都感覺到冰涼清爽，頭尾嘅凍膏清爽有點柔滑感，中間嘅豬蹄肉佔比多，入口有種鬆化感，沾上鎮江醋添一份酸香味，整體做得幾有水準。花雕醉雞 $106另一款頗鍾意嘅上海冷盤就喺花雕醉雞，因為含花雕酒香，確喺甚有特色嘅冷盤，加上啲雞件做得皮爽肉滑，微微酒香滲出嚟 ，唔嗆喉，的確好食。鮮肉小籠包 $96你話好想食小籠包咩，又唔算，但喺嚟到無食咩，又好似爭咗啲，所以，叫咗兩客鮮肉小籠包，一客8隻，夠晒我哋咁多

香港首間糅合京菜, 川菜同上海菜嘅京川滬菜館✨大眾化價錢 就食到高質京川滬地道美食🥹.📌茶水巾芥 $16試左人參烏龍同碧螺春 茶底好香醇 比中式茶樓提供嘅茶款有特色🍵.📌皮蛋口水雞 $108係冷盤凍食 雞肉皮爽肉嫩 冇雪藏味🐓加埋香辣口水醬 惹味開胃🌶️皮蛋有驚喜 蛋黃綿滑 冇石灰味 蛋香夠爽彈🩶.📌巴蜀十三香雞(半隻) $168原來係炸過嘅 好似炸子雞咁🔥雞皮好脆 乾身唔油膩 雞肉嫩滑 仲好有雞味 就咁食都好正🍗調味粉似孜然粉 沾少少更濃香🌿.📌和尚戴帽（跟叉子燒餅) $128第一次見呢款特色菜 好特別✨面頭係煎蛋皮 唔算太乾🍳底下係雜菜粉絲 配料有豆乾, 冬菇片, 豆芽菜, 木耳絲同大白菜 口感好豐富 滑捋捋又爽口 再用埋醬油炒 即使係素菜 味道都唔dry👍🏻叉子燒餅脆口酥化 加埋雜菜粉絲 另有一番風味 推薦💯.📌招牌松子魚 $238滬菜必食松子魚 原條魚炸到金黃色 脆卜卜🐟魚頭魚尾到魚骨都炸得好通透 可以嚼爛吞 勁香口😍魚肉唔乾鞋 有鮮味 淋上酸酸甜甜嘅醬汁 食炸野都好開胃🧡.📌紫心番薯浸豆苗 $128紫心番薯味道清甜 較硬身 冇煮到淋晒💜豆苗幼嫩唔老 雖然係湯浸 但應該有走油爆香

其實依照地點、裝修、服務，金滿庭又不是特別貴。北京烤鴨- 片皮鴨質素不錯，皮脆肉嫩，肥瘦適中，配料亦足。美中不足是薄餅太像越南春卷皮般太有彈性，又近乎沒味。生菜鴨崧- 叫北京烤鴨再加$78的第二道菜，炒得味道一流，但生菜份量有點不夠。砂鍋雲吞雞- 比起吃過的所有砂鍋雲吞雞都驚喜很多，首先只係半隻雞都好大鍋，大約分到十個細碗十隻雲吞。湯味好濃、菜味好甜、雲吞彈牙、連"湯渣"的雞肉都夠味不乾。看到餐牌另有四份一隻版本，相信二至四人都可試試。招牌燻魚- 醋味較重，雖然煙燻味不重，但因為魚件夠大，都算好食。雞絲粉皮- 醬味濃的普通雞絲粉皮，價格及份量偏向是一味小菜。脆皮素鵝- 份量多，燻香味重，但外皮沒其他餐廳的脆。鮮肉小籠包- 肉的口感及湯汁味道都不錯。嫩雞煨麵- 夠大碗，夠味夠料。只是我在JADE吃過更好味的，比起金滿庭，JADE的連麵都入味及湯底極濃。豆沙鍋餅- 奉送免費的，外皮沒其他餐廳的脆。薑茶湯圓- 奉送免費的，薑味非常香濃，湯丸煙韌。

金滿庭閒日比較鬆動，但到星期六日就勁墟冚。個人認為德福店無論環境同食物味道都比荷里活嗰間略勝一籌，不過呢啲見人見智啦，總之兩間分店門口通常都人山人海。以前叫開碧螺春，但近年推出咗玄米茶，陣陣米香，真係一試就愛上。砂窩雲吞雞 — 半隻雞盛惠二百幾蚊，有十幾粒雲吞。湯底好飲，唔係味精湯越飲越口渴。隻雞就老咗啲，連雞髀都嚡口無乜味。紅油抄手 — So far 金滿庭調嘅汁係我暫時食過最好食嘅一間，唔會辣到咩味都食唔到。京燒羊腩 — 一上枱就係咁嘅樣… 賣相核突咗啲，不過堅係羊腩，肉質鬆軟帶羶味，正！豆沙鍋餅 — 以前食過高力豆沙，個皮超厚但餡極少（某山莊整得好食好多）。所以轉點豆沙鍋餅，外皮鬆脆，紅豆綿滑。年初推出咗現金券，跟住就加咗價，加幅都幾勁 (粗略估計近 15-20%)。不過好食兼水準穩定嘅上海菜真係買少見少喇，所以都會繼續食

太座大姊牛一，揀選了這家店食生日飯，假日食飯又要被規限食六點至八點，店內裝修尚算雅致，但擺位就十分擠迫，我們訂了九位準時去到，見有個八人套餐，就盡快點了這套餐，以免要食到尾時趕到甩肺。三前菜，雞絲粉皮，粉皮順滑，麻醬清香，加上青瓜，混合入口，味道清香，口感清爽；餚肉，肉凍清爽不膩口，瘦肉也不鞋口，甘香清甜；海蜇，略嫌味道不足，十分清淡無味，但入口尚算爽口。龍井蝦仁，龍井茶葉味太淡，但河蝦仁就非常新鮮，入口蝦味鮮甜，蝦肉彈牙，清爽味美。芙蓉賽螃蟹，蛋白十分嫩滑，入口味道清甜，口感細膩，清香順滑而不覺油膩，加醋一齊食更是鮮味無比。砂鍋雲吞雞，材料十足，火喉也足，湯味濃郁而鮮甜，雲吞大小適中，雲吞餡料更是菜肉比例恰到好處，入口噬口十足，味道又甜美。北京烤鴨，鴨肉鬆軟而又有咬口，味道香濃，包上餅皮加入醬料更是美味絕倫，同時不得不提的是這店的醬料中多了一款蒜蓉醬，配以烤鴨進食我還是第一次，但就即時愛上了此配搭，蒜香配合鴨香，頓時變化出一種創新的口味。招牌松子魚，真正色香味俱全的一道菜，上檯外觀美麗，甜酸汁醬非常惹味，魚的外皮炸得非常香脆，魚肉就保持嫩滑，入味道甜酸適中，口感脆中帶滑，真正開胃又惹