西班牙燒乳豬

🍴 ROJO Set for 2 ($535)二人餐可以任選5款Tapas同一款主菜 仲有一款甜品🧆 Jamon Potato Salad黑毛豬火腿味道濃郁 幾好味😌蛋黃醬薯仔沙律就相對較為普通🧆Truffle Jamon Bikini多士烘得十分酥脆 半溶芝士加上黑毛豬火腿 鹹香十足黑松露亦都好香濃 推薦！😍🧆 Sauteed Mussel (+$18)青口隻隻都大大粒 好新鮮香檳忌廉汁相當好味 好味到係咁黎飲🤤同樣推薦！❤️🧆 Croquetas de Pumpkin Blue Crab Meat南瓜薯餅味道中規中矩同埋唔係好搵到蟹肉嘅蹤影比起其他tapas略為遜色一啲🥹🧆 Tortilla 店員好貼心咁等我影完相 再切開4份畀我地西班牙蛋餅嘅內餡有薯仔、軟臘肉腸 表層略嫌乾左少少切開中間會有流心蛋汁同邪惡芝士拉絲口感豐富 味道都唔錯👌🏻🐷 ROJO Suckling Pig (+$38)燒乳豬嘅豬皮十分香脆！😍切落去係會有“咔嚓”聲肉質軟嫩 帶點脂香就咁食或者蘸青蘋果蓉黎解下膩都同樣好味😋絕對推薦！！🙌🏻🍫 Churros甜品餐具以天鵝造型嘅器皿盛載 好靚Churros加上朱古力醬同雲呢拿雪糕 經典又好味☺️…查看更多

天后向來都多小店，今日同朋友仔來了木星街的ROJO 食西班牙菜，餐廳主推 融入亞洲元素的Fusion Tapas 同飲品，而Tapas及飲品為西班牙菜一個重要菜系及飲食文化。餐廳裝修以黑色為主調，簡約酒櫃做裝飾，環境好有氣氛，而且舒服，店員好新切，而且細心。🔸酥炸新鮮魷魚 | $82小魷魚表面沾上麵粉，用油炸，吃起來口感酥脆，且保留了小魷魚濃郁的海鮮味道，配椒汁微甜，讓人一口就愛上🔸西班牙蒜蓉蝦 | $88蝦仁鮮嫩爽口彈牙，橄欖油泡過蒜蓉，蒜香四溢，剩下的蝦油沾麵包吃一流🔸西班牙薯仔軟臘肉腸蛋餅 | $88蛋餅加入芝士辣肉腸，綴上細碎臘腸碎，淋上沙律汁及Tabasco醬汁，口感味道豐富🔸Daily Tapas + Estrella Damm Lemon (Bottle) | $68餐廳做緊推廣，以＄68優惠價即可響用，今日的Daily Tapas  係爆谷雞粒配炸洋蔥圈爆谷雞粒炸到金黃色，而且外脆內軟，雞粒可以保持鮮嫩，好惹味，配啤酒一流🔸Estrella Damm Lemon一款帶淡淡檸檬香氣、酸度平衡、清新易飲🔸西班牙燒乳豬 | $298乳豬皮被碳火烤成金黄，口感香脆，皮酥肉嫩，即使不沾醬直接吃已滋味無窮，配上青蘋果茸一齊食，可以解一解膩，配菜還有燒新薯最後附上菜單…查看更多

星期五放工想同朋友仔去 chilli 下，所以就咗位於天后的 ROJO 食西班牙菜，食下小食，傾下計。餐廳主推融入亞洲元素的Fusion Tapas同飲品，竟然係咁就當然要點 Tapas 啦【前菜】🐥爆谷雞粒($78)Chicken popcorn - 爆谷雞粒炸到金黃色，咬落外脆內軟，雞粒保持鮮嫩Juicy，十分惹味，好好吃，配啤酒一流。【飲品】1/2Pint Estrella Damm Draught Beer - 啤酒用來配爆谷雞粒一絕。【主菜】🐷燒豬肋骨, 粟米沙沙 ($228) Roasted Pork Ribs - 豬肋骨燒烤得剛好，肉質稔滑，表面有碳香味😋 個醬剛剛好唔會太鹹亦唔會太膩。配菜是粟米沙沙，粟米都好清甜，粟米沙沙裡還有洋蔥粒、蕃茄粒，十分清爽。🐷西班牙燒乳豬 🍏青蘋果蓉 🥔燒新薯 ($278) Suckling Pig - 外皮燒得非常香脆，有一種燒腩仔既口感，因爲係乳豬既關係，肉質好嫩滑，配上酸酸甜甜的青蘋果茸一齊食，另有一番風味，燒乳豬的配菜是燒新薯 ，唔知係咪因為新薯的關系，味道特別甜。📍ROJO (天后)天后炮台山木星街3號地下B舖…查看更多

係香港島做行街嘅女友小熊，話經過天后，見到有間餐廳有燒乳豬，於是訂咗枱，話慶祝我轉工成功.女友小熊清楚知道我口味，知道乳豬係我其中一款喜愛美食.ROJO 已經係第二次幫襯，上一次成四五年前，果次食 lunch 唔多覺 menu 有乳豬提供.入到餐廳之后，不停有客 walk in 入嚟，餐廳都話 full 哂，相信餐廳食物質素唔錯先 full 場吧.燒乳豬當然係必點，另外再點咗一客炸菠菜芝士可樂餅，西班牙海鮮飯.我唔多中意食菠菜，唔中意果隻菜菁味，但哩個菠菜芝士可樂餅菠菜味唔重，啱我口味，相信可樂餅剛炸起，所以好熱小心辣咀，外層極香極唔油膩，滿意！海鮮飯煮到底部有飯焦，驚喜，而且海鮮飯擺得有心思，海蝦新鮮彈牙，蜆肉鮮嫩.只係感覺份量略有不足，因為....好味嘅野總係嫌唔夠吧！主角上場啦！外皮香脆，肉質鮮嫩食落無渣，係我對乳豬嘅要求，哩兩點 ROJO 都達標，甚至連D豬骨我都可以咬碎食埋添.我食乳豬唔習慣點醬汁，單單乳豬已經醃得夠入味，女友小熊都食到吮手指.....喂！俾D儀態先得架！點帶你上上流社會呀！…查看更多

這間位處天后的西班牙餐廳好評如潮，星期五晚餐一枱難求，幸好試了第三次終於成功，奇怪的是侍應在電話中強調必須一個半小時離座，無論食客訂那個時間也不例外，這樣安排和這種表達方式令我對餐廳的幻想幾乎一掃而空。儘管如此，還是懷着戰戰兢兢的心情準時出席。餐廳不算寬敞，裝修簡單但也不失格調，可能樓底較低，感覺有點壓迫，而食客以本地人為主。Octopus carpaccio - 差不多每次到西班牙餐廳也會品嚐這道菜，這餐廳的八爪魚切得比較厚身，有質感，入口腍，也有豐富的八爪魚鮮味，青瓜蔬菜也算新鮮，用了日式柚子醋汁來提升味道，雖然與其他西班牙餐廳做法不同，但食材味道配合得好，整體味道不錯。Padron pepper 帕德龍青椒 - 份量很多，可惜入口太腍，也比較薄身，欠缺了青椒應有的質感和香味，而且有很多籽，在其他西班牙餐廳吃過多次，但也未吃過這樣的。西班牙比堅尼三文治 - 這個做法和一般西班牙餐廳差不多，風乾火腿是較厚身和較濃味的speck ，反而黑松露味道不突出，被鹹香味道遮蓋，至於麵包，不算很油膩，不錯。Apollo Chorizo - 感覺上沒有什麼特別烹調技巧，薯仔粒炒熟，加兩只太陽蛋和四片chorizo ，各有各煮熟（或加熱），然後放在一起，互不相干，誰也不會沾上誰的味道。Gambas 西班牙蒜蓉蝦 - 蝦不是新鮮彈牙那種，但蝦味也香濃，沒有豐富的橄欖油，不似一般西班牙餐廳的烹調方法，個人覺得有點像廣東小炒，特別的地方是用了金不換，味道較強，有fusion感覺，味道不錯。Croquetas 西班牙可樂餅 - 跟傳統不同，沒有肉類或風乾火腿，卻用上傳統不會用的芝士和波菜，入口比較清淡，值得一讚的是炸得乾身，不覺油膩。西班牙燒乳豬 - 賣相很粗獷，不似地道西班牙菜，四件方型乳豬配數件新薯、小量zucchini 和長椰菜，乳豬皮比較厚但燒得香脆，脂肪明顯較多，勝在皮脆肉嫩，多汁，亦燒得惹味，配菜也新鮮美味， 個人對青蘋果蓉興趣不大，如果用上較為皮簿和少點脂肪的乳豬會更佳。Sangria - 洒精較為清淡，鮮果也不多。House red - 飯友認為比較普通，入口較淡Estrella Draft - 爽口清涼…查看更多

食勻全世界第十三站同生日嘅男友一齊嚟到熱情嘅西班牙🇪🇸🎉兩個人叫咗一個小套餐、一個前菜、兩個主菜同一個甜品🍽🍾餐廳環境都幾舒服優惠套餐🤩$20有齊西班牙白毛豬風乾火腿、炸雞粒配蜜糖芥末醬同一杯紅酒，抵到爛🙌🏻🙌🏻🙌🏻炸雞粒嘅炸得香脆而且肉都仲keep住juicy👍🏼👍🏼👍🏼雖然好似好簡單嘅一道菜，不過都有驚喜，黑松露同火腿嘅味道幾夾份量幾足料，不過蝦略嫌唔夠大隻，整體味道普通🤔乳豬整得唔錯，同清甜嘅青蘋果醬一齊食一流！👏🏻👏🏻最後嘅重點-churros新鮮炸起熱辣辣嘅churros可以點雪糕食（冰火兩重天效果）又可以點朱古力醬～值得嘉許嘅係朱古力醬唔會太甜👍🏼…查看更多

尋找新獵物,openrice食評中，此間得到多人氣讚，經網上訂枱有特惠，一杯酒加當日tapa$88,但當日炸芝士，無興趣，所以無享用。打算點吞拿魚火箭菜沙律及 炭燒沙甸魚,餐牌無，看回食評，原來已是多年前。見到JWblack label，好似蟻見到蜜糖，但無貨，多人叫，被介绍ballantine 12year$42, 橡木甜味，較jack dannies好。48個月巴馬火腿$138，不太肥，比太陽由西班牙帶回來的比較，即深红接近豬肝色，油份足那種，就不夠甘香，但可食得過。Truffle bikini$98，多士夾松露醬，巴馬火腿,好香脆，松露醬夠濃，是多士薄些。海鮮西班牙飯$228， 飯薄到到底層，即飯少， 米直乜錢，加多的氹阿婆，飯硬焦，蝦鮮，墨魚鮮，青口咸些，海鮮賣相宿水，但價錢較Ole便宜, 所以貨式如此。西班牙燒乳豬4件$268，不大件，皮脆嫩，未及冰塊脆，始終香、味、嫩不及雲咸街葡國餐廳。蛋餅$82，西班牙火腿粒，因體積少，深度淺，芝士蛋黃汁流出，香，無薯仔感，跟舊相差的。…查看更多

之前喺炮台山返工，都試過哩間餐廳嘅lunch。今晚就約左個成年冇見嘅朋友喺哩度聚一聚。我哩個朋友有啲麻煩，好多嘢都唔食。最後我哋叫咗一個炸菠菜芝士可樂餅，我見個名咁特別，就想試吓，老實講，係食唔出有菠菜，但係成個可樂餅做得好好食，芝士唔會好溜，而且細細件唔會覺得好滯。朋友提議食炸魷魚。魷魚好爽，炸粉好薄身，加埋特色醬簡直絕配，好想encore。燒乳豬亦都係我一個想食嘅主菜，乳豬燒得好脆，肉質好juicy, 亦都唔會好似中式燒肉咁鹹，配上蘋果蓉另有一番風味。西班牙肉桂油條喺香港真係好少地方有得食，所以都好想試吓哩間餐廳整成點。佢炸得好脆，配上雪糕同朱古力醬都唔錯。…查看更多

今日下班到炮台山，約了舊同事食晚飯。訂了7:15pm，但我們6:45便到了餐廳，店員安排了一張2人檯給我們。看了看餐單，星期一有House Wine 買一送一，每杯$54，當然要試下啦。白酒容易入口，超值！今日我們點了兩個主食，來到西班牙餐廳，當然要點西班牙燒乳豬啦，我見都很多人點這個。另一個就是西京燒雪魚。西班牙燒乳豬 $268 分了4件，乳豬皮燒得香脆，肉質先嫩，可點青蘋果茸，配菜有薯仔粒，蕃茄仔等。西京燒雪魚 $288 這個比較有驚喜，煎得剛好，沒有過火，魚塊沒有腥味，嫩滑。配上扒露荀，紫菜天婦羅。整體上食物質素佳，暢談食飯好地方。…查看更多

約了朋友在Rojo晚餐，門外看到此餐廳很有特色，格局高尚。當我們正為選擇食物感到惆悵之際，店員主動向我們推薦菜色，令我們感受到店員的熱情及細心。首先來了兩杯飲品，朋友的是青瓜蘋果薄荷疏打，感覺清新，我的飲品是杏仁酒咖啡expresso，咖啡味濃郁，易入口，不知不覺間有飄飄然的感覺。食品方面，前菜是八爪魚牛油果，八爪魚爽口，牛油果及沙律菜配合，很適合夏天享受。我們還點了黑毛豬火腿手指，外表似炸魚手指，吃出香脆及黑毛豬的香味，很惹味之後來了一客西班牙小食拼盤，各樣小食也有2件，正合我樣樣也想試，但又怕太飽的心意。其中蟹肉多士及意大利凍湯令我一試難忘。主菜是西班牙燒乳豬，外皮極之香脆，乳豬不算肥膩。每一道菜店員也會詳細介紹，食完這餐後對西班牙菜色認識不少，欣賞店員熱情親切的態度…查看更多

環境: ok. 光暗剛好，冇曜眼射燈，適合傾計聚會！冷氣夠！外面冇街位，揸車既附近英皇道有爛地車場最近。服務: 讚！ 本來提供2人枱。經理見我地叫既食物較多，主動加大枱俾我地！埋單時又有留意卡主姓乜，好welcoming! 你地既service 我地一定會再返嚟！^^本人一向唔鍾意相機食先，但篇都冇相又唔係幾好～是但拍啲吧今次^^冇perfect angle冇美圖，請勿見怪～是次餐點list:飲品:Aussie Punchiced coffee湯:1) 意大利菜湯2) 海鮮周打湯頭盤1) 巴馬火煺哈蜜瓜2) 黑松露醬巴馬火腿芝士多士3) 西班牙臘肉腸4) 八爪鱼牛油果他他主菜:西班牙燒乳豬5分為滿分lol飲品:Iced coffee: 3.9 比一般香港餐廳ok! 夠濃香。Aussie Punch: 果味夠，酸甜balance 得好，唔太甜。配肉食可減油膩感。湯:1) 意大利雜菜湯: 4分。偏酸，thick 既菜湯底。唔錯。2) 海鮮周打湯: 4.6分。讚！似龍蝦湯，湯內海鮮用上新鮮蝦，肉質彈牙鮮甜！新鮮大蜆要大讚，煮得啱啱好！好滑好鮮，完全冇overcooked. 好多餐廳都做唔到！青口亦好嫩滑！頭盤:1) 巴馬火腿哈蜜瓜: 3.2分。 一般，哈蜜瓜唔甜切得太大舊，好難放入口。巴馬火腿味道唔香濃，應該係18個月的吧？2) 黑松露醬巴馬火腿芝士多士:3.2。一般，好一般既三文治多士。用上普通方包，改用法包可能會好啲。因為用上普通白麵包（好薄）面既巴馬火腿加芝士就會好咸。個松露醬只係為個冇乜特色既包加啲層次而已。3) 西班牙臘肉腸: 4分。係我鍾意既口味，咸香有肉既質感。可以既話唔好用咁多油去煎，減少油膩感就perfect.4) 八爪魚牛油果醬他他: 3。呢個係唯一食唔晒既，係好失望。八爪魚冇味，他他唔知去咗邊>< 如果有檸檬+olive oil就好了>< 個牛油果醬打得好creamy, 讚。但下面既一堆水煮瓜菜類，同個醬完全唔夾。口感又硬又冇味，sorry呢個堅唔掂。主菜:西班牙烤乳豬: 3.9分。肉質好嫩好滑！係唔夠咸味，多少少味就perfect. 皮鬆化香脆，中間既油層啱啱好燒溶晒。功夫幾好！如果可以既加多少少咸度會加好多分數。…查看更多

早前慶祝男友生日 因為唔想去銅鑼灣、尖沙咀呢D咁多人既地方就選擇左位於天后既Rojo天后其實真係好多隱世美食價錢又合理 又唔需要同人迫呢度既Staff都好有禮貌同好nice 先來個crab cake 呢個價錢有呢個質素算係好不錯了  之前係某酒店內西餐廳食都要幾百蚊!呢個crab cake都幾足料 食得出蟹味隔離配上既應該係沙律醬 貪心少少 如果個醬再特別點就好了 然後就係大家都強推既西班牙燒乳豬份量好大呀我本身係唔食乳豬 但係呢度既乳豬我食唔停口皮薄脆肉嫩仲要好juicy 輕輕已經可以撕到D肉出黎醬有兩款- 一個係辣醬一個係類似燒烤甜醬辣醬只係食到辣味唔夠香 配燒烤甜醬比較正 食完乳豬都飽飽地喇 再黎多個西班牙海鮮飯!呢個比較普通少少 可能食完個肉之後就覺得佢個味淡左少少~好處係 食多少少都唔會滯XD 總括黎講今餐好滿意呀~ 味道好 同埋絕對抵食!…查看更多

ROJO是位於木星街內，正正對住電車的木星街站，晚上巷內比較寧靜，只有零星行人，如果不是朋友介紹，都未必會知道會有間西班牙餐廳。餐廳人客不多，比較有情調。一至四有happy hour，放工可以去飲返杯。Sangria：傳統西班牙水果酒，是紅酒及切片水果製成，應該加了點橙汁，有淡淡的酒香及濃郁的果香味。西班牙小食拼盤：有蟹肉多士、沙丁魚多士、西班牙肉丸、西班牙凍湯及醃橄欖沙律。蟹肉多士：蟹肉十足，味道鮮甜，配上香脆的多士，非常好吃。沙丁魚多士：本身不喜吃沙丁魚，怕陣魚腥味，今次真令我一試難忘，沙丁魚燒得香脆，魚肉不腥，帶點魚的鮮甜，不過油份頗重，滲落去多士，令多士不會太乾。西班牙肉丸：肉丸比較實淨，但有肉汁，配上酸青瓜一起，減少飽滯感。西班牙凍湯：有香濃的蕃茄味，有蕃茄的酸味及雜菜的甜味，還帶有芹香味，有點似羅宋湯，非常開胃。醃橄欖沙律：本人覺得橄欖味很奇怪，所以一直都避開不吃，但今次這個醃橄欖卻叫我驚喜連連，橄欖本身有種很獨特的味道，但這個醃橄欖不知用了什麼方法，減輕了本身的味道，帶出了它的甜味，食落感覺不差。西班牙燒乳豬：外層燒成金黃色，原舊上枱，侍應說是新鮮焗起，要晾一晾後豬皮會更脆。下面的連皮焗薯角，還配有特製乳豬醬及茄醬。一切開外皮香脆，肉汁流出，雖然是連骨一起焗，但切起來一點也無難道。乳豬已焗得酥軟，肉質很腍，每啖都充滿肉汁，外皮非常脆口，跟香港酒樓的乳豬完全唔同風味，配上特製乳豬醬，更能帶出豬肉味道。總結：味道不俗，價錢中等，必食烤乳豬，見鄰座的客人點了西班牙海鮮炒飯，海鮮幾乎蓋住飯面，份量十足，下次會試。…查看更多

以前在炮台山返工，經常跟同事一起去木星街/水星街食午餐，裏面有幾間西式餐廳，價錢便宜有質素，只是因為地點不太就腳，所以人不算太多，而今晚我就約了朋友去了位於木星街的ROJO試一試餐廳的西班牙菜，ROJO位於木星街接近英皇道電車站的那邊，其實由炮台山站行過去都是數分鐘路程，不算太遠。餐廳地方很大，燈光柔和，每枱都會點上蠟蠋，客人並不算多，比較寧靜，適合情侶約會及朋友聚會的地方。有set lunch，每個星期都會轉。12:45埋單或13:45入座都有9折。星期一至四17:30-20:30是happy hour，大部份飲品都有特價。晚餐只有單點菜單，沒有套餐，但每樣價錢都不算貴。先點了一杯Virgin Mojito，飲品有點青檸檬及7-UP的味道，表面放上了一些薄荷葉，非常清新，帶有酸酸甜甜的味道，能去除油膩感。之後點了個小食西班牙蛋餅，蛋餅上面還有風乾煙肉做裝飾，配以沙律醬。蛋餅非常足料，除了有傳統的蛋、薯仔外，還加了一點西班牙臘腸在內，蛋餅外層煎得香口，裏面薯仔很腍，加上西班牙臘腸的咸香味，整體有蛋香肉香，非常好吃，表面的煙肉非常脆口，令蛋餅生色不少。不過因為整個都是澱粉質，所以比較滯。主菜是西班牙燒乳豬，是下單後即燒即焗，所以等待的時間較耐，大既要半小時，不過一邊吃前菜，一邊等，時間過得很快。上枱後店員解釋是剛焗起，所以最好等五分鐘後先切開，豬皮冷卻後會比較香脆。整個豬上脾，份量十足。肉厚帶骨，非常吸引，醬汁是蕃茄辣椒醬及特製乳豬醬。如果唔想煩，可以相機行先後，要求店員搵廚師代切，不過朋友對切肉拆骨太有硏究，所以自己慢慢切慢慢食。乳豬焗到呈金黃色，一切開表面聽到卜卜聲，肉汁大量滲出，望到我流口水。味道方面，乳豬皮脆肉嫩，肉汁非常豐富，配上特製乳豬醬，減少油膩感之餘，又令乳豬增添不少風味。甜品是木星街3號，名稱是以地址命名，原來是朱古力綠茶千層酥。外觀精緻，吸睛度高。表面舖上的生果，下面是脆朱古力片，中間是綠茶忌廉醬，最底層是千層酥。生果有紅苺、藍苺及龍珠果，還有一個空心的朱古力球，生果鮮甜，朱古力片薄薄一層，非常香脆，帶有一點朱古力的苦澀味；綠茶忌廉醬的甜度適中，忌廉中和了綠茶的苦澀味，打得非常幼滑；千層酥非常脆口，充滿酥香。總括而言，食物質素中上，款式很多，除了經常出現在西班牙餐廳的西班牙海鮮炒飯，大部份都是地道的西班牙菜，在外面比較少見；價錢方面，小食類普徧都是$50-$70，主菜$150-$250，在港島區來說不算貴，絕對值得一試。…查看更多

第一次約朋友到炮台山食飯，居然有新發現 ~ 型格西班牙餐廳！第一眼就被顏色鮮艷奪目的招牌所吸引，門口落地玻璃設計令人感覺開揚舒適。門外更放了一個非常別緻的煙灰缸方便客人抽煙，服務貼心！每人先來一杯Cocktail Rojo, 原來可以根據個人喜好，要求不同口味。Rose Rojo $68 ~ 充滿玫瑰花香，酒味香濃兼甜綿清香， 滿口散發陣陣花香餘韻！Passion Rojo $68 ~ 翠綠的薄荷葉為味蕾帶來清新感覺; 田園氣息濃厚，有點置身大自然的舒適感覺！Tapas platter西班牙小食併盤 $168，共有5款精緻小巧小食: Gazpacho, Olives, Crab Paste Toast, Grilled Sardines & Chorizo Meat Ball.5款小食各有特色，個人較喜歡有: Gazpacho 西班牙凍菜湯 ~ 份量不多但湯底香惹濃郁，內裡充滿細碎的菜粒。Crab Paste Toast 蟹肉多士~ 蟹肉香軟鮮嫩，配上香脆多士份外滋味！Chorizo Meat Ball 西班牙辣香腸肉丸 ~ 肉質香滑，出奇地清新不辣。輪到酒餚出場: Rojo Sucking Pig 西班牙燒乳豬 $248 ~ 乳豬經燒烤後外層略帶焦香，甫切開可見肉汁豐盈，保持嫩滑口感。 每一口都充滿脆嫩滋味，絲毫不覺肥膩！必食的Paella 西班牙海鮮飯 $198 ~ 用鑊代碟的海鮮飯用料豐富，多款不同海鮮滿滿的鋪在焦香的飯上, 增加整體的豐潤感覺, 視覺和味蕾同得享受！今時今日能以這樣價錢嘆一頓西班牙美食兼美酒，算是超值的了…查看更多