ROJO

營業中

休息中

之前喺炮台山返工，都試過哩間餐廳嘅lunch。今晚就約左個成年冇見嘅朋友喺哩度聚一聚。我哩個朋友有啲麻煩，好多嘢都唔食。最後我哋叫咗一個炸菠菜芝士可樂餅，我見個名咁特別，就想試吓，老實講，係食唔出有菠菜，但係成個可樂餅做得好好食，芝士唔會好溜，而且細細件唔會覺得好滯。朋友提議食炸魷魚。魷魚好爽，炸粉好薄身，加埋特色醬簡直絕配，好想encore。燒乳豬亦都係我一個想食嘅主菜，乳豬燒得好脆，肉質好juicy, 亦都唔會好似中式燒肉咁鹹，配上蘋果蓉另有一番風味。西班牙肉桂油條喺香港真係好少地方有得食，所以都好想試吓哩間餐廳整成點。佢炸得好脆，配上雪糕同朱古力醬都唔錯。