火夫

營業中

休息中

虎蝦濃濃麵 - $128建議嚟到之後即刻夾起隻虎蝦因為浸住啲湯汁會令到個炸皮變到好淋虎蝦夠晒大隻啲麵都好掛汁而且湯底好濃郁麵質軟硬度亦都好適中兩個人Share食就唔會變得好Heavy醬漬牡蠣帆立貝 - $68呢個醬漬唔會太鹹但又幾入味牡蠣夠晒肥美帆立貝都好厚身關東煮 - $46個蘿蔔好清甜湯底都唔錯其他配料就正常發揮蟹肉牡蠣 - $26放喺面嘅蟹肉都幾鮮甜牡蠣原來係炸過嘅不過咬開都係熱辣辣而且Keep到好Juicy土手燒 - $38一開頭都唔知呢個係咩嚟不過一場嚟到就試吓啦原來係牛筋牛筋炆得好淋好入味食吓一舊食吓又一嚿好快就食晒了蔥卷牛舌 - $26個樣同想像中都有啲出入不過味道都還好牛舌好厚身都幾彈牙多汁燒完都唔會好乾而且都食到有牛味蜜瓜牛卷 - $24又係好得意嘅口感個蜜瓜幾爽脆水果加牛肉呢個配搭都幾夾-葡萄鴨卷 - $24朋友大推嘅串燒出邊係鹹鹹地嘅鴨肉咬開入面粒葡萄勁多水標出嚟而且又甜甜地食落成個口感都幾得意-廣島蠔豚卷 - $28豚肉燒到好脆身廣島蠔陣味幾濃郁白燒活鱔 - $32本人係超級鍾意食鱔所以對呢個串燒都幾高期望白鱔外皮燒到好脆肉質嫩滑彈牙生燒牛挽肉 - $26原來係

呢間拉麵開業都有一段時間, 終於有時間去食! 黃埔都多好野食, 但呢間真係幾出色, 對拉麵冇乜特別喜好既我都忍唔住要讚一讚!! 😍😍Lunch set抵食，$138有三款前菜+自款兩款串燒+自款拉麵👍🏻👍🏻👍🏻1. 前菜: 雞肝多士、枝豆春卷、麥粒味噌青瓜前菜唔算特別，但勝在樣樣都有得食，唔洗揀，以清新為主，唔會好咸/重口味！2. 串燒: 蟹肉牡蠣+$2、雞腎蟹肉牡蠣蟹肉份量都幾多, 蠔都炸都好香脆, 放左一陣未食, 隻蠔都仲熱, 但蠔味唔算重, 但性價比高！雞腎就不過不失啦。3. 虎蝦濃湯拉麵+$50湯底超級濃郁！一飲就有濃濃既蝦味！個湯係濃到好似撈麵汁咁！完全冇誇張成份！但食完唔會覺得好口渴。雖然成碗麵得一隻蝦，但隻蝦好大隻！而且仲要滿滿既櫻花蝦包住隻虎蝦🦐🦐🦐絕對滿足到鐘意食蝦既朋友呀！(以上價錢未計加一服務費)利申：並冇任何試食活動/優惠！全部正價！(按餐廳MENU上價格付款)

前一日搵下紅磡有咩食，見到火夫好似d 相幾吸引，有拉麵又有串燒都係百零蚊，仲可以openrice 訂枱，就即刻book 左。睇過d 相見餐廳d 位有一半都會同另一枱客背貼背咁坐，因為同行有個bb，打電話問過餐廳冇bb 凳，但見佢都有d 背靠牆既位，就係openrice 訂位時remark 左。訂左星期六既1:45pm，去到門口都有兩三組人等位，由於訂左枱，我地都可以直接入座。兩大人加一bb，估唔到餐廳好好人咁安排左個6人卡位俾我地，有一邊係靠牆，咁就唔怕bb 會撞到人。假日週末都係$138起，仲包3個前菜，一個麵食，兩個條串物，加野飲，價錢黎講一d 都唔貴。但當然最熱門既虎蝦濃湯麵要另加$50。以下一品（前菜）都係以二人份上菜。估唔到青瓜同味噌都幾夾，唔會過咸。枝豆春卷既感覺好新奇，少脆既春卷皮包住成條枝豆。 雞肝醬冇左半身雞肝難入口既內臟味，容易入口。虎蝦濃湯麵（+$50)上菜速度非常快，上左青瓜之後，店員已經遞上呢個推介既虎蝦濃湯麵。可能因為差唔多枱枱都係食佢，餐廳都keep 住出。湯身好杰，用"醬"形容佢比用"湯"應該更貼切。杰身既關係，麵非常掛湯，亦食得出有濃濃蝦味同蕃茄味，但

朋友一直都想食呢間串燒店，六點幾舖頭出邊已經好多人圍住，好彩一早預定咗就有位😍我哋好快嗌定幾樣嘢，不過係要等一陣想食蠔都有唔同選擇，呢個係蟹肉牡蠣，蠔比較細隻，吉列嘅炸法😍配埋蟹肉☺️第二樣廣島蠔豚卷😋我鍾意呢個多啲，上面嗰個就比較常見豚肉包住蠔，啖啖肉，蠔汁都鎖住咗喺入面💫跟住就到呢兩款水果配肉卷，一款包住蜜瓜一款包住提子兩款都有驚喜😆跟住就係蔥卷牛舌，呢個就冇咩特別，牛舌同蔥味分開跟住就係活鱔，雖然我冇食到，但朋友都話好味，鱔肉嫰😋最後仲有呢個重頭戲，期待已久嘅虎蝦濃湯麵，濃湯係真嘅，亦都要趁熱食，我哋擺耐咗就有啲濃稠另外值得一讚就係即使舖頭好忙，員工嘅服務都係好好☺️☺️

因為住喺附近，所以都經常單拖去食呢間嘅虎蝦濃湯拉麵🤣今次終於試到佢嘅串燒啦！1. 🦐虎蝦濃湯拉麵 $128呢個拉麵絕對係火夫嘅招牌，令人食過返尋味😋湯底濃郁稠身而且味道剛好唔會太鹹；大隻虎蝦沾滿櫻花蝦再炸，脆香嘅外層包住結實嘅蝦肉，令整體口感昇華🥰最重要係掛湯嘅程度係滿分！！真係好滿足😆2. 🐂半熟牛肩胛撈麵 $98麵質彈牙，拌勻蛋黃、蔥花、鹹鹹甜甜嘅醬汁，好似食緊一個好豐富嘅香蔥拌麵咁🤤牛肩胛油脂分佈平均，食落好香牛味🫶🏻3. 串物 $48/2🍈蜜瓜牛卷蜜瓜好juicy😚牛肉呈現焦脆嘅狀態，充滿油香，蜜瓜令整體感覺清新點～🐮燒牛柳粒 (+$2)牛柳肉質唔錯，大概燒到七成熟，外表微焦但內裏少少粉嫩～🦀蟹肉牡蠣 (+$2)吉列牡蠣炸得香口之餘唔會好油，咬落去外脆內軟，配上蟹肉醬係perfect match🫶🏻🍗雞腿京蔥燒 (+$2)雞腿肉嫩滑多汁，雞皮微焦脆✨🍇葡提鴨卷一咬落去，被鴨肉包圍住嘅提子瞬間喺口入面爆開💦酸酸甜甜嘅提子中和鴨肉嘅鹹味，好清新喔🙌🏻🍆芝心茄子芝士嘅份量比茄子肉還要多🧀口腔充斥住滿滿嘅芝士味，反而唔係好食到茄子嘅味道，只係感覺到少量茄子皮同茄子肉🤣

❥虎蝦濃湯麵湯頭質地濃稠豐滿，味道超濃郁而且透出絲絲鮮味，每條麵夾起都會掛滿湯汁🤤虎蝦裹住數百粒櫻花蝦一齊炸，雙蝦齊下令口味同口感都別樹一格😍❥︎半熟卵明太子麵包糠脆皮裡面係一粒半熟蛋，咬開嘅時候蛋黃就會洶湧流出🤣配搭鮮鮮鹹鹹嘅明太子係好穩陣嘅味道❥蟹肉牡蠣炸蠔本人柔嫩冇腥味，上面放上一啖蟹肉絲同丁點沙律醬，味道平實，發揮正常😚❥麥粒味噌青瓜味噌味道好突出，但又吾係死鹹，同清爽嘅青瓜一齊食幾特別😍

黃埔其實新舊餐廳都好多.而百寶坊個邊就有唔少新餐廳.火夫一直bookmark 左好耐.食串燒之餘都有唔少拉麵既款式.居酒屋平日都有好多客人幫襯建議預先Book枱就唔洗排隊.同時門口幾個立食位~➿ 虎蝦濃湯麵一上枱就聞到好濃郁既蝦味.湯麵其實似拌麵多D.因為湯底極濃厚稠身.大大隻虎蝦被櫻花蝦同炸漿包住.加上個湯好似龍蝦湯咁.麵掛河.每一啖都有幾個層次既蝦味.但真係要同朋友Share➿ 明太子八爪魚撈麵尼一款麵其實都係飽肚拌麵系列😆但難得尼到要試埋~好鐘意廚師加埋紫蘇葉.同明太子一齊食.可以減輕飽膩感.但整體都係好易滯🤓➿ 麥粒味噌青瓜每枱都有既前菜.原來係麥粒味噌.由整顆麥粒發酵而成.非常有口感配青瓜食最好不過➿ 蟹肉牡蠣牡蠣加上面頭既蟹肉絕對貪心之選.係必點再Encore.火夫串燒有廿多款選擇.基本$48兩串.有部份要另加錢.➿ 蜜瓜牛卷牛肉同蜜瓜既甜味就好似提子配豚肉一樣清新合拍➿ 海葡萄鮪魚沙律當晚有點被忽略既沙律😆滿愛沙律入邊嘅吞拿魚刺身.但海葡萄就唔係平時食開嗰一款.有啲似海帶沙律.➿ 雞白湯關東煮本身以為雞白湯係近似平時拉麵店嗰種😆但食落係淡口味雞湯.配料入味但唔係特別推薦.

黃埔呢間人氣嘅日式串燒居酒屋「火夫」除咗有特色燒物 串炸同其他日式料理外最出名係呢個黃金色嘅超濃郁虎蝦拉麵(⁎⁍̴̛ᴗ⁍̴̛⁎)好多朋友仔都為咗佢慕名而來 （包括我）不論晏晝定夜晚都成日滿座而我經過三次ᴡᴀʟᴋ ɪɴ食唔到後今次有乖乖訂位終於食到啦(*´∇｀*)𓈒𓂃 𓈒𓌉◯𓇋𓂃 𓈒❀ 虎蝦濃湯麵 ‣ $𝟙𝟚𝟠♡作為呢度嘅招牌菜 食完之後都明點解咁出名雖然比起湯麵 湯嘅浠杰程度更加似醬汁但真係好濃濃濃蝦味 麵條偏淋身勁掛湯( ᵕᴗᵕ )炸虎蝦用咗櫻花蝦做炸衣 雙重口感而且好脆口❀ 串物 ‣ $𝟜𝟠/𝟚♡蜜瓜牛卷 / 蟹肉牡蠣 / 廣島蠔豚卷 / 芝心茄子呢度嘅串物好多款都係創意組合而唔係燒/炸單一食材 全部都燒得好香口 全部都係$48/2串 幾抵食特別推介蟹肉牡蠣同蜜瓜牛卷一絲絲嘅蟹肉號係炸蠔上面好鮮甜而蜜瓜加牛呢個配搭就有一種好清新嘅感覺❀ 雞肝多士 ‣ $𝟜𝟠迷你多士烘到非常脆 雞肝醬味道都算幾濃郁但味道相對單調普通 作為前菜不過不失❀ 雞白湯關東煮 ‣ $𝟜𝟞我地本身以為雞白湯同係平時拉麵店嗰種但食落先發現似係普通雞湯非常淡關東煮嘅腐皮同年糕福袋尚算入味 但其他配料都唔夠你入味 略嫌普通(

去開黃埔即刻諗起人氣居酒屋 - 🍤火夫Weekday Late Lunch唔洗排隊即可入座Order左$118 Lunch Set 有麵+2本串燒+飲品🌟午後奶茶 就係支裝嗰隻味道🌟蟹肉牡蠣（+$2）黎到時已經冧咗所以啲蔥散到一碟都係不過都無阻佢既美味蟹肉同炸蠔呢個組合可以咁鮮咁夾一冷一熱好滋味 必食！！！🌟燒雞胸骨（+$2）熱辣辣正常發揮🌟虎蝦濃湯麵（+$50）黎到火夫一定要試下佢地既名物蝦湯超級濃厚鮮甜 似撈麵多過湯麵食到後面會覺得滯 如果2個人share會好D虎蝦大隻肉質厚實 表面鋪滿櫻花蝦 非常酥脆 🍤火夫📍紅磡黃埔花園百寶坊三期地下29號舖

這間真的太多人推介了！我也收藏了很久😳終於在前陣子和朋友去試了🥰平日的午餐時段是可以預約的喔，那就不用排隊了～-🌟Weekday Lunch Set (麵食+串燒2本+飲品) $118-🎈虎蝦濃湯麵 +$50 真的太震驚了實在太好吃！❤️湯底超級濃稠，不知道為何可以弄得這麼濃厚🤤每一口都非常掛汁充滿著蝦的鮮甜味💫至於虎蝦很大隻，外皮是用櫻花蝦包著去炸的，挺有口感！不過因為就這樣放在湯麵上，未算太香脆有點位置被湯汁浸淋了一點～吃到最後其實感覺有點膩的，但還是很欣賞它家的湯底😍-🎈雞白湯素麵 +$10 朋友叫的雞白湯素麵，比較清淡一點也不heavy！-🎈白燒活鱔 +$8外皮香脆可口，肉質鮮嫩！-🎈蟹肉牡蠣 +$2 炸蠔上面配上豐富的蟹肉，兩者挺match🤩-🎈葡提鴨卷 挺特別的😚把燒香的鴨肉包著提子，吃起上來不會太膩，反而會有一種清新感！-🎈雞肝啡菇 +$2沒有太大記憶🤣🤣但印象這間的串燒整體都不錯的喔～-🔸火夫📍紅磡黃埔天地百寶坊(第3期)地下G29號舖

呢個街區雲集咗最文青最酷的特色餐廳，包括呢間長期人氣高企的日式居酒屋。門面以簡潔的反光玻璃窗和黑白灰色調牆壁，店內環境以木系色調配啡黃燈光，感覺好暖色，枱上坐滿人，非常熱鬧。我嚟過2次都係食午餐，都係揀HK$118 套餐，不過2次都發現店員計錯數🤦🏻‍♀️，建議要check張單才付款比較好。🦐🍜 虎蝦濃湯麵 (+HK$50)．湯麵上面的吉列炸蝦真係好巨型，外皮香脆，望近用的不是炸粉而係好多隻櫻花蝦做炸皮！不過味道偏鹹．蝦湯好濃郁而不膩，口感奶滑．伴的是蕎麥麵，比較腍身，如果係拉麵可能會硬身啲和更掛湯啲🍅🍜 黑醋番茄冷麵．冰涼的幼素麵，爽滑口感，每一口都食到酸甜醒胃的黑醋番茄凍湯．撈勻面頭啲雜菜粒 — 番茄、甜辣椒、洋蔥、紫蘇葉等等，豐富口感🍇🫔 葡提鴨卷．估唔到鴨肉卷住粒巳去皮嘅提子咁夾，鹹香和爆汁甜蜜味的衝擊，好正👍🏻*🦀🦪 蟹肉牡蠣 (+HK$2)．吉列炸蠔上面鋪滿厚厚一層蟹肉，一熱一凍、蘇脆和爽滑，口感豐富美味😋🍢 雞肝啡菇 (+HK$2)．幾特別的配搭，雞肝疊在啡菇上面一齊炸，咬一啖有粉口的雞肝和多肉汁的啡菇，好味呀😋*🥩 生蒜牛柳(+HK$2)．炸牛柳上面塗上生蒜醬，牛柳多汁，

前排終於比我食到呢間原來要book位方可入座無walk-in🥺Lunch $118 主食+兩款串燒+飲品🧡虎蝦濃湯麵+$50 真係好好食🤤💯有被驚艷到！！巨型虎蝦沾滿櫻花蝦，肉質厚實又彈牙。蝦湯好濃好鮮但唔會過咸 。因為湯好稠身，形容佢為撈麵/拌麵會更貼切。我一個人食晒，係100%飽（友人為我鼓掌😂）建議share食。如果個麵有櫻花蝦/其他配料，個層次會更好～半熟牛肩胛撈麵+$20呢個都好食！牛好好味，份量慷慨串燒：蟹肉牡蠣🦪 &葡提鴨卷兩款都唔錯又好夠熱

🙋🏻‍♂️餓底探員今晚去咗黃埔調查呢間居酒屋，一嚐佢嘅人氣虎蝦濃湯麵同串燒，餐廳真係好多客人幫襯，想食建議早啲嚟可以唔使點等位，晏咗就可能要排隊喇🥒麥粒味噌青瓜📸表示個味噌青瓜係贈送嘅，開頭望落以為係納豆，向店員查詢後先知道係味噌🙋🏻‍♂️表示個味噌味道濃郁，青瓜食落好清新🦪蟹肉牡蠣 $24+$2/串🐟白燒活鱔 $24+$8/串📸表示個牡蠣炸得好香脆，面頭有勁多蟹肉，個活鱔厚切好吸引，串燒有廿多款選擇，$48兩串，部份要加錢，所有串燒即叫即整，以確保熱度🙋🏻‍♂️表示個蟹肉牡蠣食落外脆內軟，蟹肉鮮甜，白燒活鱔食落啖啖肉，層皮燒到脆卜卜，充滿焦香🍤🍜虎蝦濃湯麵 $128📸表示碗麵一上枱就聞到濃郁嘅蝦味，湯底濃厚，完全將啲麵遮蓋住，面頭有大大隻虎蝦，灑上蔥花做點綴，賣相好吸睛🙋🏻‍♂️表示個湯底非常濃厚，味道好似飲緊龍蝦湯咁，濃郁鮮甜，麵質偏腍，非常掛汁，隻虎蝦炸得好脆口，個炸漿加咗櫻花蝦，食落好重蝦味，虎蝦肉質爽口彈牙，呢個虎蝦濃湯麵真心正，難怪人氣爆燈，必食推介👍🏻📈吃貨指數😋好味度 9/10🔙返啅度 9/10

百寶坊個邊真係好多好嘢食！當晚冇book枱，離遠已經見到有人係門外等位🫢同店員登記完攞籌可以去附近行下先，有位佢哋會打俾你，但係好記得個日等左1.5hrs先入到座😩😩所以一定一定一定要book枱呀！！🥲必試❗️虎蝦濃湯麵🍜基本上一坐低就會見到每枱都有依碗麵🤣出場率咁高就知佢唔簡單！佢嘅湯底真係超級濃郁，好重蝦味，但好在唔會係勁重口味個種~另外重頭戲係佢隻大虎蝦🍤外面唔係普通嘅天婦羅炸皮，仲有櫻花蝦係面，太脆卜卜怕熱氣又可以蘸埋個濃湯嚟食，抵佢咁受歡迎！☺️☺️我嘅另一推介係🐔雞肝多士，感覺比起鵝肝冇咁油膩，食落好香但係冇鵝肝咁重口味，原本唔太啱食內臟嘅我都覺得唔錯~😆居酒屋當然都少得串燒同串揚🍢，基本上都冇伏🤤，全部都係$48/2串，有部分就要加錢 (都係$2-$8)，串揚上親枱都好似出奇蛋咁，要咬開先知入面係咩🤣整體上cp值都好高，唯一略嫌嘅係醬漬牡蠣帆立貝實在太入味啦，我覺得就酸咗d，不過用嚟開胃就應該一流啦！🍜 虎蝦濃湯麵🥃 柚子梅酒🍹 巨峰冰串燒酎🐔 雞肝多士🍢 鹽燒手羽中🍢 生蒜牛柳🍢 蟹肉牡蠣🍢 雞肝啡菇🍢 葡提鴨卷🍢 沖繩燻肉卷🦪 醬漬牡蠣帆立貝

入座之後 每一枱都會有一份免費前菜 今次既前菜係味噌青瓜 青瓜爽脆開胃 但係同味噌就唔係太夾🙈🍴虎蝦濃湯麵 ($128)呢款湯麵差唔多枱枱都有叫🤣 個湯既蝦味十分香濃 同埋係超級creamy濃稠 感覺似係西式既龍蝦湯🦞 個湯雖然好濃 但係唔會好咸 食落亦唔會好滯👍🏻 虎蝦既炸粉好特別 佈滿左櫻花蝦🦐 虎蝦大大份之餘 蝦肉都好扎實👍🏻 建議儘快食左虎蝦先 如果唔係浸左湯就會無咁脆😌 另外拉麵都好掛湯👍🏻🍴串燒 ($48 兩串)🍢沖繩燻肉卷煙燻豬肉卷住玉子同埋香蔥 加埋甜甜既燒肉醬 十分惹味❤️🍢葡提鴨卷葡提既清甜中和左鴨肉既油膩感 加上柚子胡椒醬 咸咸甜甜咁 咬落去仲要爆汁😆🍢蟹肉牡蠣 (+$2)炸蠔加上蟹肉 鮮味十足 炸粉唔係太厚 蟹肉既份量亦都唔少👍🏻🍢生蒜牛柳 (+$2)炸粉既感覺似係串炸 牛柳都幾有牛味 加上生蒜醬都幾香口 不過份量略嫌少左d我地當日係平日夜晚7點左右walk-in 大概等左15分鐘就有位😆 不過其實依家openrice同佢地既網站都有得book位😌 我覺得佢地既串燒比起虎蝦濃湯麵更加驚豔 款式多又有特色 味道亦都十分不錯❤️ 串燒既話我推薦沖繩燻肉卷同蟹肉牡蠣🙋🏻‍