Flames (黃埔天地)

營業中

休息中

約咗兩個朋友食晚飯傾下計，隨便揀咗呢間西餐試下，睇相環境都坐得舒服，OpenRice訂位又有折(正價餐牌7折)，所以就揀咗佢。但估唔到我一早訂咗位都要坐近門口，當晚仲要成間餐廳冇乜冷氣。入到去都full house，所以又熱又嘈，未食野先大打折扣。Menu選擇唔算多，我地小食、扒、意粉、pizza各叫一款share，再一人一杯mocktail 。黑松露薯條即炸嘅，但黑松露醬得好少，就係得面頭有味，所以食咗面頭果啲，後面就同普通薯條點茄汁冇分別。我個人偏向鍾意薯條還薯條，另外配黑松露醬黎點。蟹肉巴馬臣芝士脆脆蕃茄忌廉汁通粉通粉質地煙韌，蟹肉都幾多，蕃茄忌廉汁好啱配長通粉，另外面頭脆脆唔單止加咗口感，仲有微微咸香。意式辣肉腸薄餅薄餅質地似手工pizza，偏煙韌。即叫即焗，食落芝士可以拉絲，薄餅邊都脆。唯一佢每件pizza塊辣肉腸上面都加咗粒辣辣嘅蕃茄，唔食辣嘅要留意下。10安士肉眼扒配忌廉薯蓉先試薯蓉好滑好creamy。肉眼扒叫咗5成熟，小小肥，食落牛味算重，亦唔鞋口，熟到啱啱好。但都係普普通通嘅質素。整體環境都冇我想像中咁舒適，偏嘈，冷氣唔夠。食物質素就普普通通。如果冇折食，好貴，唔太值

黃埔花園一帶是餐廳集中地，距離公司很近所以放工後常來覓食，今天想找個舒適的環境邊吃飯邊聊天，經過這家餐廳便已看到裡面有好多圓圓的沙發卡位，看似舒適之餘又有私隱度，便選定了Flames～我們平日6:30左右入座仍有不少座位，怎料半小時後竟差不多全場坐滿了！我們的座位對著焗pizza及甜點櫃的位置，右邊則是開放式廚房，可以一直看到廚師們烹飪的姿態呢～左邊亦見到一個設備齊全的吧台，難怪飲品的選擇由紅酒﹑白酒到mocktail﹑milkshake及咖啡也能準備！已早早加入聖誕佈置呢我們單點了一份小食﹑一份意粉類及一份主菜，另外點了一杯飲品～先上枱的是避風塘雞翼，甫端上已聞到非常吸引的炸蒜香氣，雞翼外皮香脆，配上炸蒜﹑豆豉等調味，口感豐富之餘帶點微微香辣，十分惹味～蟹肉巴馬臣芝士脆脆蕃茄忌廉汁通粉是我今餐的mvp！蕃茄忌廉汁簡直令人吃不停口，全因creamy的忌廉汁配搭酸酸的蕃茄，完全中和了醬汁的膩，再配搭少許香濃的芝士提味，絕對是色香味俱全～蟹肉的份量非常多，拌勻後差不多每一口通粉都能吃到蟹肉，PENNE的口感亦煮得剛好不會過淋～壓軸出場的當然是主食的12安士紐西蘭安格斯肉眼扒配忌廉薯蓉！看上

今日約咗一個朋友喺黃埔附近聚下，行過見餐廳環境幾適合傾偈，可以坐得好闊落同埋舒服，所以我哋揀咗依間餐廳食晚餐。主菜: 新鮮黑松露蘑菇薄餅素食之選薄餅。Pizza啱啱嚟到，我哋就可以聞到好濃郁嘅黑松露味同埋芝士味🤤🤤薄餅芝士拉絲好吸引，食落口芝士味好濃郁，薄餅底偏厚身，所以食落口夠飽肚。主菜: 蟹肉巴馬臣芝士脆脆番茄忌廉汁通粉通粉好creamy, 食落唔會好漏，每一啖通粉都有滿滿嘅蟹肉味，加上啲脆脆，口感立即有提升。Mocktail: Flames Lemonada & Tropical Punch同朋友傾偈，點可以冇嘢飲。呢兩杯mocktail, 都各具特色。我鍾意偏甜，所以Tropical Punch 係一個唔錯嘅選擇。而朋友嘅Flames Lemonada 就偏向清新。小食: 香辣炸雞傾偈除咗嘢飲之外，小食都不可以缺。首先我哋叫咗依一個香辣炸雞。炸雞炸得好香脆，但裏面嘅雞肉仲好嫩，而且仲有好多肉汁。小食: 黑松露薯條另外我哋仲嗌左一個黑松露薯條。薯條炸得啱啱好，食落口唔會太硬，幾乾身，加上有好濃郁嘅黑松露，非常香口！👍🏻

到訪當日已經差唔多4點仲未食第一餐我餓到傻🥲見呢間openrice訂座主餐牌有六折就決定試下。（本來諗住食泓一點知勁多人排隊⋯）其實呢間都有bookmark過一排想試，不過分店地點唔係幾就腳就無再諗，結果依加都係誤打誤撞試左～-🥩12安士安格斯肉眼扒配忌廉薯蓉 $298排緊泓一嘅時候隔離nomad burger係到煎扒超級香，搞到我都想即刻鋸扒😂要左5成熟medium剛剛好，牛扒切開後內裡仲係粉嫩粉嫩的～口感軟嫩有肉汁，無乜脂肪食多幾件都唔覺膩口。忌廉薯蓉係最傳統加牛油原味版本，味道沒有很特別不過口感夠滑有分加🆙-🦀蟹肉巴馬臣芝士脆脆蕃茄忌廉汁通粉 $128蟹肉多，番茄醬酸酸甜甜好夠味又開胃，配合埋脆脆口感特別，整體算係有小驚喜。（不過食完走果陣發現呢個takeaway menu平好多😂）-🫕Soup of the day 跟餐+$15最初聽到係西芹忌廉湯有啲猶豫，西芹單食我ok，加落湯覺得好似怪怪的⋯抱住一試心態照要結果有驚喜😳完全唔見有西芹係入面而且都飲唔出，反而覺得好似加左啲芝士咁嘅味（可能打碎左西芹落忌廉湯係咁嘅味？）。忌廉湯口感非常濃郁，質地係偏杰身唔係稀到水咁果種，非常岩我

近排好多餐廳都推出咗好抵食嘅外賣餐單，Flames都唔例外，佢地嘅外賣自取優惠都係$48起👍🏻而且似乎評價都唔錯喎😃緊係要試試啦💁🏻‍♀️🐥葡式燒雞扒配香草蕃茄飯 ($48)個雞扒燒到有少少燶面，好靚好吸引😍雞嘅肉質嫩滑，味道岩岩好❤️d飯好夠味，有香草🌱嘅香味，加上蕃茄🍅嘅酸甜好醒胃，而且非常有咬口，食到停唔到口😋🦀蟹肉巴馬臣芝士脆脆蕃茄忌廉汁通粉 ($68)呢個通粉係今次lunch嘅一大驚喜🤩通粉非常有嚼勁，醬汁充滿大量蟹肉，芝士🧀同蕃茄🍅，豐富有層次，唔會太鹹，味道調得剛剛好😻而且蟹肉味濃郁突出，真係無可挑剔💯整體黎講今次真係好驚喜食得好開心🥰估唔到呢個價錢嘅外賣可以有如此優質嘅食物質素👏🏻下次絕對會再支持😃

今晚出到去黃埔呢邊食飯。平時都好少黎呢頭，行經見到呢間裝修得又幾有格調，餐牌款式又幾多，咁就入座試下先。由於係閒日晚同埋我都早入座，食客未算太多，不過到我地食飽飽時，見到餐廳已坐了好多食客了。果然大家都好識食。睇下餐牌，呢度一般既西式食物都有，pasta,salad,soup,dessert.....好多唔同野食。我們兩個人決定點幾款唔同既野食再一齊開心share...主日餐湯：蕃茄basil湯蕃茄濃濃好creamy好香。醒胃，為食正餐前提提神😍先講下個主食紅酒燴羊膝，唔係間間西餐廳會搵到呢個菜式，所多數有得食既，我都會點呢款紅酒燴羊膝。呢間餐廳都整得好好味，羊膝炆到好腍身，大大隻羊膝咁，上面好多肉，慢慢地切成一舊舊肉，可以方便食。每啖羊肉再沾多點汁醬，好濃郁好好味。羊又腍又啖啖肉，份量都唔少。味道岩岩好，好好味。除左肉外，仲有少少薯蓉同蔬菜，味道都不錯。另外點了一客炸魚薯條。呢款香口食物好好味，又熱辣辣脆卜卜。薯條炸到好脆，腍度又岩岩好，沾埋茄汁食perfect...另外件炸魚都相當之好味，外皮有薄薄的脆皮，中間魚肉都厚身，啖啖肉。炸得又不會太乾，岩岩好。加上小小檸檬汁，更為清新，之

為咗方便舊同事嘅放工地點，今次揀咗係黃埔同佢哋食飯兼慶生🎂，見呢間餐廳嘅氣氛環境都好似唔錯，仲要係新開張！就一於去試吓佢！😌我哋一行有四人，叫咗一個Family Set $988一齊share食～《Salad of the day》🥗有巴馬火腿、大量火箭菜、苦苣及生菜🥬，配少少巴馬臣芝士，比滿滿沙律醬的沙律更為清新和低卡路里。《1/2kg香草白酒煮青口配著條》🥂🐚🍟這道菜同為starter一道菜，小編覺得非常滿足，齋講份量都已經好抵，四個人每人都可以食到四至五隻，白酒🍶帶出青口嘅鮮甜，果然係貝殼類海鮮嘅絕配😋 《葡式香辣燒春雞配著條》🍗🐥燒春雞係呢度嘅主打菜式之一，外表烤到金黃色，微脆，肉質尚算鮮嫩多汁，但雞胸位始終略鞋，不過以春雞嚟講勝在夠大隻，啖啖肉，加上惹味香辣嘅醬汁，的確值得一試！著條係幼薯條🍟，澆滿BBQ粉，仲要超酥脆！唔洗點茄汁都已經好好味！《12安士安格斯肉眼扒配忌廉薯蓉》🐮🥩🥔安格斯肉眼扒，小編嘅朋友比較怕血淋淋，所以叫7成熟，肉眼扒超級厚身，👨🏼‍🍳大廚將火候拿捏得非常準確，七成熟的牛扒剛好冇血水，而肉質色澤仍保持到嫩嫩嘅粉紅色，入口食得出油花豐富，口感軟腍，肉汁豐富