臻麵饍 (已結業)

原來石門京瑞廣場二期都好多嘢食，一樓嗰層好有葵廣feel，行吓行吓見到呢間標榜無味精清雞湯，清清哋就試吓你。招牌湯麵（$64）改米粉有大蝦（2隻，爽口）、豚肉（2片，正常，唔嚡）、雞絲（唔肥唔嚡）、豬肚（有𡁻口）、蟲草花、木耳、腐皮、翡翠苗、杞子（酸酸甜甜），有咁多配料，啱哂貪心鬼的我。湯底清，微甜，微溫（如果熱啲會更好），味道唔錯（一小時多後，仍沒有口渴徵狀）。米粉有咬口，比較啱我口味。隻碗好大，份量好足，夠哂飽肚。蟲草花豬肚雞絲湯麵（$48）麵條比較糊身，唔太啱我口味。整體感覺幾好，食完覺得好健康（自我感覺良好），間唔中食吓呢啲清清哋都唔錯。

▪️ 蟲草花豬肚雞絲湯麵 💲46最近腸胃都唔係咁好，朝早想食得清淡一點，就去左間主打養生健康路線，店員有心思殷勤介紹，仲話有得免費加麵，充滿人情味既小店😚呢個有蟲草花、好甜杞子、腐皮、豆苗、木耳絲、乾淨爽口既豬肚、似係手撕雞咁滑身而非乾嚡既雞絲🐔原本想要米粉，但係無返到貨，唯有要返麵，但係質地就比較軟腍糊口🙈本身見個湯咁透明，好驚會無味，不過原來有啖啖溫和雞湯味，加上蔥花，會不自覺飲曬成個湯，無咩味精食完唔會口渴🤣🔎 整體評分（7/10）

其實搵食通常都係响一期果邊, 食肆多d又大間d, 不過呢間因為佢响邊位, 樓下行過望上去就望到, 上個月諗住試, 但滿座, 今晚再去, 竟然有張牆邊2人位, 非常適合我地唔鍾意搭枱的人~我估果張枱都係剛剛走無耐, 連枱都未執, 不過個叔叔見到我地入去, 即刻話幫我地執咗枱先, 不過我地梗係坐低等佢執, 好過企响門口等啦~ 咪等陣比d西人一下唔覺意鼠咗入去坐, 咁我地咪好蝕~通常我地食嘢都會叫兩樣唔同, 然後share食, 但今次大家不約而同睇中想食同一樣嘢, 咁唯有一個食湯麵, 一個食撈麵, 咁都叫做試到兩種唔同麵的食法丫~ 跟住再一人選一個小食, 咁就夠哂數喇~呢度屬於小店經營, 所以裝修都好簡單, 全部用木枱, 掛d燈籠, 咁就已經好有中國色彩~ 而人手方面, 我眼見只有2個人, 1個負責店面落單、上菜、執枱、斟水等招呼客人的角色, 另1個當然留响廚房負責所有煮麵、整小食等的大廚角色~好彩大部份食客都比我地早落單, 好多都已經食緊, 所以叫做唔係等得好耐, 我估唔超過10分鐘, 雖然只係簡簡單單的菜式, 不過得一個人去整, 而又唔係求其的話, 係要有番咁上下時間~ 蟲草花豬肚雞絲撈

高質抵食湯麵👍🏻因為喉嚨勁痛所以專登叫個清清底，點知黎到真係🤤🤤🤤🤤湯底夠鮮唔油膩，而且睇得出佢足料，真係可以飲曬碗湯！呢隻麵身本身偏淋，個人黎講覺得質感Ok ，唔差，如果唔鍾意食淋身麵可以轉米線！另外佢仲可以免費加底，唔洗驚唔飽。見到都多人叫川味牛肉麵個個，叫到牛腩都大份唔會比好少你，應該試得過！.呢到鋪頭細細，一眼望曬間鋪，服務👍🏻👍🏻👍🏻👍🏻👍🏻會係咁自動幫你加水，超抵贊！.