臻麵饍 (已結業)

原來石門京瑞廣場二期都好多嘢食，一樓嗰層好有葵廣feel，行吓行吓見到呢間標榜無味精清雞湯，清清哋就試吓你。招牌湯麵（$64）改米粉有大蝦（2隻，爽口）、豚肉（2片，正常，唔嚡）、雞絲（唔肥唔嚡）、豬肚（有𡁻口）、蟲草花、木耳、腐皮、翡翠苗、杞子（酸酸甜甜），有咁多配料，啱哂貪心鬼的我。湯底清，微甜，微溫（如果熱啲會更好），味道唔錯（一小時多後，仍沒有口渴徵狀）。米粉有咬口，比較啱我口味。隻碗好大，份量好足，夠哂飽肚。蟲草花豬肚雞絲湯麵（$48）麵條比較糊身，唔太啱我口味。整體感覺幾好，食完覺得好健康（自我感覺良好），間唔中食吓呢啲清清哋都唔錯。