影片
更多
2019-05-27
481 瀏覽
其實搵食通常都係响一期果邊, 食肆多d又大間d, 不過呢間因為佢响邊位, 樓下行過望上去就望到, 上個月諗住試, 但滿座, 今晚再去, 竟然有張牆邊2人位, 非常適合我地唔鍾意搭枱的人~我估果張枱都係剛剛走無耐, 連枱都未執, 不過個叔叔見到我地入去, 即刻話幫我地執咗枱先, 不過我地梗係坐低等佢執, 好過企响門口等啦~ 咪等陣比d西人一下唔覺意鼠咗入去坐, 咁我地咪好蝕~通常我地食嘢都會叫兩樣唔同, 然後share食, 但今次大家不約而同睇中想食同一樣嘢, 咁唯有一個食湯麵, 一個食撈麵, 咁都叫做試到兩種唔同麵的食法丫~ 跟住再一人選一個小食, 咁就夠哂數喇~呢度屬於小店經營, 所以裝修都好簡單, 全部用木枱, 掛d燈籠, 咁就已經好有中國色彩~ 而人手方面, 我眼見只有2個人, 1個負責店面落單、上菜、執枱、斟水等招呼客人的角色, 另1個當然留响廚房負責所有煮麵、整小食等的大廚角色~好彩大部份食客都比我地早落單, 好多都已經食緊, 所以叫做唔係等得好耐, 我估唔超過10分鐘, 雖然只係簡簡單單的菜式, 不過得一個人去整, 而又唔係求其的話, 係要有番咁上下時間~ 蟲草花豬肚雞絲撈
我估果張枱都係剛剛走無耐, 連枱都未執, 不過個叔叔見到我地入去, 即刻話幫我地執咗枱先, 不過我地梗係坐低等佢執, 好過企响門口等啦~ 咪等陣比d西人一下唔覺意鼠咗入去坐, 咁我地咪好蝕~
通常我地食嘢都會叫兩樣唔同, 然後share食, 但今次大家不約而同睇中想食同一樣嘢, 咁唯有一個食湯麵, 一個食撈麵, 咁都叫做試到兩種唔同麵的食法丫~ 跟住再一人選一個小食, 咁就夠哂數喇~
呢度屬於小店經營, 所以裝修都好簡單, 全部用木枱, 掛d燈籠, 咁就已經好有中國色彩~ 而人手方面, 我眼見只有2個人, 1個負責店面落單、上菜、執枱、斟水等招呼客人的角色, 另1個當然留响廚房負責所有煮麵、整小食等的大廚角色~
好彩大部份食客都比我地早落單, 好多都已經食緊, 所以叫做唔係等得好耐, 我估唔超過10分鐘, 雖然只係簡簡單單的菜式, 不過得一個人去整, 而又唔係求其的話, 係要有番咁上下時間~
蟲草花豬肚雞絲撈麵
蟲草花豬肚雞絲撈麵
25 瀏覽
0 讚好
0 留言
撈麵汁可選豉油同麻辣, 我地都唔係好食得辣, 所以選咗豉油, 原來佢唔係普通豉油, 係有藥材味的豉油, 但唔會話好勁藥材味, 開頭都唔敢落哂咁多豉油, 但試過唔係好鹹, 所以最終都係全部倒哂落去一齊撈~
麵質都係一般食開果d白麵, 鍾意食彈牙果d就一定唔啱喇~ 雖然我老公都唔鍾意食大陸麵, 但都覺得OK, 不過如果再淋就唔係咁好食, 會一pet嘢咁~
蟲草花都係平時食果d, 冇乜特別, 豬肚切到好幼細, 唔會好難咬, 雞絲啖啖肉, 而且似係雞脾肉, 所以好滑, 係有少少肥咁啦~
仲有腐皮絲、杞子同溫室豆苗做配菜, 即係再健康咗, 又覺得補埋身, 超理想健康綜合麵~
蟲草花豬肚雞絲湯麵
蟲草花豬肚雞絲湯麵
27 瀏覽
0 讚好
0 留言
不過由於d麵被熱湯浸住, 所以麵質比撈麵果d偏淋少少, 但未至於係一pet嘢, 尚可接受的~
炸花枝丸 + 炸魚腐
炸花枝丸 + 炸魚腐
17 瀏覽
0 讚好
0 留言
一人有3粒炸魚腐, 平時食魚腐都係食米線果陣, 不過基本上都少食, 因為覺得佢太淋, 唔知係咪次次都浸住米線d湯上, 所以一d都唔實淨, 但原來炸咗係咁好食, 即刻令肉質結實咗, 又夠彈牙, 原來魚腐係要再炸至好食架~
雖然最想試果d今日都試咗, 但如果下次晚飯路過見到有位的話, 都會再入去試埋其他嘢, 希望另一驚喜~ 而且一直都鍾意支持小店, 夠人情味同有心思, 最主要係連平時唔鍾意食大陸麵的老公都話可以encore, 證明係唔差啦~
張貼
