반찬앤쿡 Banchan and Cook (太古城中心)

營業中

休息中

又想食西餐又想食韓國菜？這間餐廳結合西式和韓式輕食文化，主打多款Fusion菜式！可惜太古分店採用即棄餐具，不太環保～🍳泡菜炒五花肉蛋包飯 Omurice with Kimchi and Pork Belly ($98)蛋包飯配以韓式五花肉，一次過滿足兩個願望！滑蛋口感嫩滑，泡菜惹味十足，夾著五花肉一齊食，口感層次極豐富！🦐青醬大蝦意粉 Prawn Pasta with Pesto Sauce ($135)香煎大蝦特別香口，配上青醬的濃烈羅勒香氣，清新又惹味～🍯蜜糖炸雞 Honey Fried Chicken ($108)無骨炸雞皮脆肉嫩，每口都是啖啖肉；薯條熱辣辣，即叫即炸，每一口充滿香甜的蜜糖滋味，滋味大滿足！🍵濟州綠茶鮮奶 Jeju Green Tea Milk ($42)☕️伯爵茶鮮奶咖啡 Earl Grey Caffé Latte ($48)

honey chicken 年糕吃落軟糯, 味道係蜜糖薯片個個味。  但吃雞脾位, 嚿肉柴左點, 似係炸耐左。 炸雞個面灑吾少嘅糖粉, 咸甜咸甜甘。 薯條都好吃, 咸味薯條配埋糖粉, 都幾平衡。 不過同行話有糖粉太甜。豬腳沙律 豬腳肉好厚, 但吾硬亦吾柴, 個皮仲有彈性添, 好吃。 豬腳上面鋪左紫蘇葉絲, 夾埋一齊吃嘅話會清爽點, 無左肉嘅肥膩感。 側邊伴左點沙律, 個沙律醬偏酸, 應該都係想消膩, 但我覺得太酸。 泡菜燉豬肉蛋包飯 個飯係炒飯底, 似係用蕃茄醬加韓國辣醬炒。 個蛋煮到好滑, 配飯吃好好吃。 佢用泡菜包住好厚嘅五花肉, 酸泡菜會辣但依然爽口, 不過嚿肉好柴, 仲有點豬騷味。豬皮嘅毛未清曬。吾建議。兩個人叫依3樣太多, 應該可以3個人吃, 因為每樣菜都大份。

之前行街見到呢間반찬앤쿡 Banchan and Cook次次都係排大隊，難得今日平日夜晚嚟，見冇乜人排隊，就決定試吓。最鍾意見到啲圖文並茂嘅餐牌，一目了然，對於第一次嚟嘅食客嚟講真係好清晰。朋友話想食韓式生菜包，所以就揀咗燒醬油黑毛豬白切肉配大醬生菜，黑毛豬白切肉切得夠薄身，而且經過醬燒烤出多餘脂肪，所以雖然有肥肉，但感覺又唔會太油膩。生菜有兩款，放上白切肉後再加上秘製醬汁同泡菜等配料，口感非常香口。食韓國菜當然要食炸雞，呢度嘅炸雞總共有六款口味，有辣有唔辣，亦可以選擇有骨同無骨嘅炸雞。而呢個蜜糖無骨炸雞嘅配搭真係冇得輸，首先佢嘅炸雞肉質非常嫩滑而且充滿肉汁，然後佢嘅炸雞仲會配搭埋韓式年糕同薯條，年糕仍能保持軟糯，而薯條亦新鮮炸起外脆內軟，三種食物沾上蜜糖之後真係好好味😋。炸雞仲會配埋是日沙律。今日沙律款式係薯仔沙律，上面加咗蛋粒同蟹籽，味道亦唔錯。韓式卡邦尼意粉麵條夠彈牙，卡邦尼醬汁亦夠香濃，最緊要係份量夠晒大，呢個價錢來講其實都幾抵食。飲品我哋就揀咗濟州綠茶鮮奶同溶化朱古力，味道濃郁，而且充滿奶香。最後當然要食埋甜品，呢個韓式雜莓牛角包窩夫嘅窩夫真係超好食，新鮮熱辣嘅時候非常鬆軟