金園茶餐廳

營業中

休息中

因為最近看了一個電視節目，令我慕名而來想走去長沙灣試試這兩間歷史悠久的港式茶餐廳，分別是金園茶餐廳和新華茶餐廳。 現在首先就去試試金園茶餐廳嘅蛋撻、熱奶茶、特餐的火腿奄列和沙嗲牛肉麵先!金源茶餐廳有兩個相連舖位，我們去咗老舖， 剛啱有張卡位， 伙記姐姐好有禮貌幫我地落單；另一邊廂，就不停聽到街客叫蛋撻、及其他飽點外賣，感覺好有老香港情懷!等了一陣，我們點的食物已到! 個特餐 嘅火腿奄列加餐包，個餐包鬆軟，奄列就同一般茶餐廳沒有太大分別。個沙嗲牛肉麵就不錯，麵是用大光麵，爽口彈牙，牛肉腍，再加埋沙茶醬，好有水準，無得輸!至於個蛋撻就好新鮮，酥皮鬆化，鬆軟度恰到好處，蛋槳好有蛋味，一個字形容「正」!杯熱奶茶，本人就覺得茶底有少許澀，但整體醇道和味道也可以!食飽飽後埋單，雖價錢不算平，但價錢與味道也非常合理，值得走一倘去光顧屹立半世紀嘅香港地道茶記!

講起蛋撻，唔知大家鍾意食牛油皮定酥皮😎我自己其實就鍾意食牛油皮多啲嘅，但係金園茶餐廳蛋撻，簡直打破咗我對酥皮嘅印象，我可以話佢係神級嘅酥皮蛋撻。認真講茶餐廳就冇咩裝修㗎啦，但佢哋啲冷氣好夠凍，飲熱嘢都冇問題，每次坐低一陣，就會見到佢瘋狂推出一爐爐嘅酥皮蛋撻，嗰種牛油味，簡直係邪惡嘅極致，減肥路上最大嘅障礙。所以我決定喺度跌倒，食返個蛋撻配奶茶😂😂食得中式酥皮，都知道佢中間嗰啲係無數嘅豬油堆砌而成，但係佢個酥皮真係好香好鬆化㗎，配埋熱辣辣又香滑又嫩口嘅蛋漿，勁想瘋狂叫足半打😱😱😱溫馨提示，一定要食蛋撻！！！完😎

終於可以嚟到朝聖，試一試酥皮蛋撻。大約11點嚟到，可以直接入座。無論早餐、午餐、快餐定係特餐，都係全日供應。呢度嘅米粉唔會好似鐵線咁㗎，雪菜肉絲唔會得個咸字，都幾好食。好鍾意食鬆軟嘅牛油餐包，大大個見到都開心。真係非常鬆軟，好香甜。識識吓就見到師傅推住一大盆出爐嘅蛋撻，完全抵擋唔住誘惑，即刻叫個嚟食。蛋漿好口，而且好滑溜，啱啱出爐熱辣辣，蛋香唔算十分濃，但係質地非常香滑。酥皮無敵酥脆，真係非常滿足。

終於食到呢間世一，就係呢個凍冰冰既日子終於無咩人排隊~~~一買買左4個~ 蛋撻呢個酥皮度我覺得都可以~ 但個蛋味就可以再勁多DD然後個甜度就真心PERFECT但係呢個蛋撻我都係會比100分因為我最後TOTAL買左4個食左2個，返到屋企加熱返~ 依然係咁正XD

三點三又夠鐘食下午茶啦🕒蛋撻都係都係下午茶之選長沙灣有兩大出名嘅蛋撻其實兩間只相隔一條路仔🔛試過兩間個人比較鍾意金園多啲✨✨*❣️傳統酥皮蛋撻 $8一直食蛋撻都只會食曲奇皮嘅我令到我對酥皮改觀待諗暫時應該都係得呢間🥺能夠令到一個唔鍾意食酥皮嘅人都會食食多幾次都得 比例太好啦實在💓蛋漿又軟滑 啲酥皮又鬆化🥚🥚🥚又唔係太甜 厚酥皮諗起都覺得正 想即刻再整返件😍🥰每次行過經過必買必買其實已經食過好多次 encore再encore🤣一盤又一盤新鮮出爐可能係因為賣得太快手差唔多件件食落都係熱辣辣🔥🔥見親件件蛋撻都係脹卜卜

金園依個名對於住係長沙灣嘅人嚟講係一個耳孰能詳，成日都會幫襯嘅一間茶餐廳嚟。近日因為FB嘅香港蛋撻關注組嘅熱捧，唔止長沙灣居民，全港喜愛食蛋撻嘅人都擁埋嚟依間地區小店，作為一個係當區返工，幫襯咗佢超過10年嘅食客，講真，食過佢同同區嘅另一間金華嘅蛋撻真係食唔返轉頭，遲啲會再講下金華，今日主要就係講下依間係香港蛋撻關注組排名第一嘅金園佢哋出品嘅蛋撻有幾咁好食。先講講佢嘅賣相，其實齋睇樣你就知佢無得輸，酥皮 - 底厚多層，原因店家係用兩種唔同嘅皮底，外層焗得較硬身及做得酥脆，內層脆口，咬落有層次，加上皮底係加豬油，食落好香口得嚟又完會唔會搶走蛋香，重食得到酥皮香味添。之於佢嘅蛋味唔係太甜果隻，主要食其蛋香，焗得脹卜卜剛剛好，同佢嘅酥好皮底好夾，兩者平衡做得非常好，食落完全唔油膩，食完好滿足。作為一個作成咗名嘅店，佢哋嘅服務無變差到不特止，重KEEP得到果種街坊鋪嘅親切感，無加價，就算你堂食淨係食件蛋撻佢都係咁歡迎你。抵老闆娘您發嘅。

自小都會閒逛的九龍青山道，潛藏的美食直到今天才知道不是幼小的我所能認知。這家金園以黑椒和蛋撻聞名，試過後真覺得名不虛傳！以前怱怱路過的一間不起眼的茶餐廳，現在才認識其實力內涵之所在。黑椒乾炒意粉是這店的招牌菜，聽聞是經餐廳老闆特意選取優質黑椒精心炮製。蛋撻是另一名物，進店前已見門口長長的人龍在等候一打半打的買。餐廳裝潢明亮光鮮，間隔亦算寬敞，沒有侷促的感覺。下午茶時間不用等就能馬上入座。奶茶是全港茶餐廳飲過最好之一，特色是茶味濃，回甘長久但不澀不苦，茶奶比例好口感順滑，滿分。名物黑椒香味撲鼻但不鹹不涸，意粉入口清新不覺肥膩。豬扒表面的粉炸得酥香但亦不肥膩，肉質鬆軟雖然肉味稍欠。我不愛吃甜品但也不得不讚這蛋撻，酥皮鬆化入口即溶，蛋漿的蛋味蛋香亦足。但個人覺得奶味過濃有少許喧賓奪主的感覺。不能否認，忘卻卡路里膽固醇反式脂肪，這是製作水準極高的一個甜品。豐富滿足的一頓，晚飯可以不用吃。

香港蛋撻關注組推介既酥皮蛋撻，外賣大排長龍😰但我既目標除咗蛋撻，仲有黑椒炒意粉，堂食好快就有位酥皮蛋撻 $8新鮮出籠熱辣辣，酥皮一層層，好酥脆，咬落去唔會散哂，蛋醬亦都好細滑，一定要食呀！黑椒豬扒炒意粉 $45個人覺得炒意粉先係皇牌，港式炒意粉唔係個個識欣賞，我就非常鐘意😍黑椒味好濃，意粉炒得剛剛好，唔會太濕亦唔會太乾，味道比較辣，豬扒都炸得好juicy，唔食得辣可以試普通既炒意粉網上好多食評都覺得店主冇咩禮貌，但我要平反一下，大聲唔代表佢哋無禮貌，佢哋只係用對朋友既語氣對客人，有啲人會覺得無禮貌，有啲人會覺得呢啲就係老香港既人情味味道:★★★★★性價比:★★★★☆🤜🏻雀仔胃拒絕向嘥位食物說得#hkfoodie #hkfoodblogger #hkfood #foodstagram #長沙灣 #長沙灣美食 #香港美食 #蛋撻 #金園 #香港蛋撻關注組 #美食推薦 #食評

近排被人名為”全港最好食蛋撻”，專程走入長沙灣試試佢🥚一去到就見到分左右2條人龍，左係堂食，右係麵包蛋撻隊。我地純買蛋撻，所以排右。當日星期六，排到隔離粥鋪門口附近，前面大概十幾人，排左10-15分鐘。蛋撻新鮮出爐超熱，皮好鬆化，咬落去shap shap聲，蛋香味濃。

金園的蛋撻最近成為網紅食物，很多人排隊要一試它的味道和打卡。📸其實金園茶餐廳已經開了好一段時間，也是區來受歡迎的老牌茶餐廳，一直以來都是很多客仔。說到推介的食物，少不了港式下午茶名物—蛋撻。金園的蛋撻是酥皮蛋撻，食下去十分香口及鬆化。中間的蛋漿十分足料，除了有甜甜的雞蛋漿外，還有啖啖的蛋香。除了蛋撻外，熱奶茶也是必試的名物之一，十分香滑。港式下午茶有蛋撻，點可以少了熱奶茶呢！除了以上兩樣推介的食，以下是雷物。我們分別叫了一個沙爹牛肉炒河粉（上），一個乾炒牛肉河粉（下）。看得出師傅炒得十分求其，每條河粉都是幾條痴在一起。碟底可見反哂油光，一定是拿油當汁用。雖然炒牛河多油是必然，但也不用多到這樣吧。不浪費食物的我們都盡量把它吃完，吃到有點反胃...總括來說，推介金園的蛋撻和熱奶茶。其他食物就小心中伏。

〰️〰️〰️〰️〰️〰️〰️〰️〰️〰️〰️〰️〰️〰️🥧傳統酥皮蛋撻 $8〰️〰️〰️〰️〰️〰️〰️〰️〰️〰️〰️〰️〰️〰️特登去到長沙灣嘅金園茶餐廳買蛋撻，離遠已經見到人龍，佢有分堂食同埋外賣兩條人龍我去到排左10分鐘左右，店員就話上round賣哂、等出爐，10分鐘後又有兩盤出左爐，我買左半打試下🥧傳統酥皮蛋撻 $8個皮真係勁厚☺️☺️, 新鮮出爐咬落勁鬆化，蛋唔會好甜買左返屋企，屋企人都好鍾意，食到同出面嘅蛋撻唔同但係你話唔順路都特登搭車去買，依樣我有保留，順路嘅話可以買埋嘅😌

妳是我最愛的蛋撻皇！ 妳屈就在蛋撻名店新華茶餐廳的附近，同一條青山道，一山不能藏二撻 ；同是姓蛋名撻，命運完全不同；相差20個門牌，名氣相差200倍。只歎妳出生遲，沒有對方是60後的幸運。名氣和懷舊閣樓令對方成為食之廟堂，香客擠滿。有麝自然香只適用於藥材，不適用於蛋撻。香飄一里，敵不過一種無情風－跟風，街坊去前者較多。 妳是生於1998年的90後，戀床，晚起，在下午約1時許才開始出爐，不和「他」鬥早。妳比「他」身價偏偏貴1元，不鬥便宜，正如梁山好漢，這熱烘烘只賣予識貨的。 妳面上沒有絲絲皺紋，水汪欲滴，桃花緣卻不旺，來排隊的多是來食黝黑的黑椒大哥。你看！一店兩人龍，左長右短，我為蛋小姐妳抱不平啊！ 妳是孫悟空，不服氣被壓在權威之下，在火爐煅出酥皮滑面，蛋盪如湖，一個變身已可收服萬千饞蟲。酥皮千層，何止72變？比四川變臉還多。此店是由西餅師創辦，故整餅功力何止20年？現由上圖此老師傅操作，酥皮和水油皮製作講究。前幾年路過，見此店停業數日，以為是裝修，原來是修理厨房和雪櫃，可見對工場要求高。樓面卻不裝修，保持香港回歸前後的茶記時代感，比新華光潔。感覺似佐敦的燉蛋名店，一片黃色的裝修，誘惑你

是日要到長沙灣一趟，回去時特意經過這間老牌茶餐廳，事關之前到此區時家人曾推介這家蛋撻～經過時酥皮蛋撻剛好新鮮出爐，很幸運！雖然隔著膠袋拿著蛋撻但仍感受到其熱力，充滿期待下吃第一口，隨即湧出很香濃的蛋味，有點甜，蛋餡質地滑溜，酥皮很脆但餅底若能焗久一點、厚一點可能更佳。吃完後大滿足，簡簡單單的蛋撻也可以很滋味

原本是去杜鵑的，誰知假日休息，幸好我已有兩手準備。KC所講同一街有兩間相似的茶記，已去過新華，今次選擇金園。茶餐有叉燒湯意、餐包雙蛋。餐包大大個，不是新鮮出爐，仍保持鬆軟；太陽蛋煎得水汪汪很有光澤，蛋白周邊又煎得脆口，師博技術不錯；幾片薄薄的叉燒，沒有口感，但意粉就出奇地彈牙。奶茶唔錯，茶味夠香濃。老公的早餐，只是腿通及叉燒意的分別，但價錢比我茶餐平$2。見有蛋撻新鮮出爐，中間的燉蛋脹卜卜，口感較為實了少少不滑嫩，而酥皮用得出色，一層層夠晒甘香鬆化。