Burgeroom (Fashion Walk)

話說前幾日上網見到劣食觀世音報道過呢間漢堡包有幾好味～睇到心郁郁擇日不如撞日就同左好姊妹嚟試吓係唔係真係咁好味～座位充足唔使擔心繁忙時間搵唔到位～咁岩係下午茶歡樂時光～的確幾抵食仲包一杯嘢飲❤️但係本身已經有目標食乜嘢所以冇叫到😌好特別呢度有粉紅色嘅石榴有汽果汁/同埋朋友話好好味嘅薑啤不過不失嘅炸魚手指薯絲蝦：我覺得幾好食但係朋友話有點兒油膩其實幾特別出邊冇乜嘢地方有得食終於輪到主角出場就係鵝肝牛肉漢堡：首先講下佢個包本身用牛油煎香所以好好味同埋非常之軟熟同劣食觀世音講嘅一樣之後佢哋嘅醬汁都好好味非常之夾啲牛肉同埋鵝肝重點牛肉煎得啱啱好肉質好豐富亦唔會太過油淋淋所以係好好味完全可以話係我響香港食過數一數二好味嘅漢堡包🍔二上面插着嘅兩塊鵝肝亦都煎得好香服務非常之好算係半自助形式要自己出去叫嘢食同俾錢…查看更多

漢堡包，自從八十年代由"牡丹樓"這著名美式快餐店首次引入香港 之後，美式漢堡開始為大眾所接受並大行其道，逐漸融入我們的日常飯餐當中。而近年香港經濟起飛，大家對漢堡包的質素及要求亦相對提高，很多主打用料上乘，創新特色的漢堡專門店應運而生，什麽和牛漢堡，軟殼蟹漢堡比比皆是，對於筆者這個牛肉控來說當然是個天大的喜訊，而在銅鑼灣有一間美式漢堡專門店，筆者自2009年第一次，在加路連山道舊鋪試過這小店的漢堡之後，便深深愛上了，不時都會去回味一番，直至近年小店轉戰去了Fashion Walk食街中繼續營業，筆者就比較少去了。最近去到銅鑼灣，筆者相隔了一段時間再到這間小店，由於位置格調 的不同，感覺大氣闊落了，員工亦較以前多上數倍，裝修沿用類似美式餐室風格，泛黃亮麗的燈光，原木餐桌椅，餐廳外一張張的戶外茶座，感覺簡潔舒服，唯一無變的仍是座無虛席，氣氛熱鬧。這店點餐一如既往以半自助形式營運，客人要先到收銀處下單，店員隨後便會送上所點的食物，而上餐的速度都算頗具效率。筆者這肉食系達人以前來到必點Double decker漢堡，皆因這裡的漢堡扒足有成寸厚，一次過打孖來實在令人興奮滿足到極點！但今時唔同往日，胃口已大不如前，所以今次點了一直都想試的鵝肝牛肉漢堡，而朋友則要了菠蘿煙肉牛肉漢堡， 我們還另加了薯絲蝦和黑松露芝士薯條作為佐酒小食。鵝肝牛肉漢堡，顧名思義，鵝肝當然少不了，這點童叟無欺，兩大片煎得微焦的鵝肝放在厚厚的牛肉漢堡扒之上，中間夾著番茄、生菜、芝士和醬汁，單是看上去就令人口水直流。一啖咬下去，包身鬆軟，鵝肝濃香肉厚，滲出淡淡的鵝香，配上肉味濃郁，充滿肉汁的牛肉漢 堡扒，口感甘香嫩滑，微溶的芝士加上獨特酸甜醬汁令味道更加濃厚，而生菜和番茄則帶來一點點的清新，紓解了部分油膩感。整個包濃香滋味，餘韻悠長，而廚師還放了一些菜蔬沙律作為伴碟，新鮮翠綠，感覺健康，讓客人吃完這邪惡好味的漢堡包之後，來一點清新， 清一清味蕾，減低了一點罪疚感。菠蘿煙肉牛肉漢堡，烤過的菠蘿特別蜜甜，配上煎得粉嫩厚厚的牛肉漢堡扒，加上煙肉的煙熏鹹香，還有新鮮的生菜和番茄，層層疊疊，份量十足厚到幾乎不能一啖咬下去。整個包味道複雜，甜中帶鹹，層次豐富，牛肉漢堡扒依舊的肉汁豐盈，結實彈牙，多年來都沒有退步過，抵讚！薯絲蝦，薯仔刨絲後捲著小蝦炸香，薯絲炸得外脆內爽帶咬口，而餡料蝦肉雖不太爽口，但仍帶蝦香，蘸上泰式甜辣醬汁，風味不俗。黑松露芝士薯條，炸得香脆的薯條，淋上熱辣辣的芝士溶漿，芝士醬中的黑色點點應是黑松露碎吧。趁熱食芝士微溶拉絲，奶香味濃，遇上帶咬口的粗身薯條，惹味之極，唯黑松露味道不夠突出，完全被芝士的濃郁掩蓋了，感覺不太貼題，有點失望，但其實味道還是不錯的，佐酒一流。這麼多年後此店的滋味依舊不變，用料十足，熱辣新鮮，款式更是多樣化，加上地方比舊店舒適多了，而價錢只有些微調整，難怪今次坐了個多小時，仍見客似雲來，高朋滿座，筆者樂見小店能創出一片天空，期望它繼續能夠精益求精，為我們帶來更多好味美食啦。…查看更多

講到漢堡包，點都要嚟到呢間試一試，雖然每次都看到門口有人龍，但點都要食囉！薯絲蝦這個是頗特別而不錯的小食！外層脆卜卜的薯絲包著蝦肉，非常香口！菠蘿燒烤醬牛肉漢堡去到食漢堡包，我都是喜歡傳統的牛肉漢堡，但又想有少許特別，就選了 「菠蘿燒烤醬牛肉漢堡」大大個漢堡包，我的口怎能食一口可以咬下去呢？麵包內部是煎過的，質感香口也較鬆軟整個漢堡都很juicy，非常yummy！Snapple食漢堡好難唔點埋飲品，就點SnappleGrapeade，浪漫柴色，非常迷人，也很開胃！…查看更多

同朋友行完sogo,友人帶我來到這條食街,佢話好想食下這間漢堡,今次便和他排隊,等了約20分鐘,就可以進內,裏面環境好有美國feel,暗黃燈光有些吧枱,也有些卡位。這裏好似快餐店模式,要自己排隊買飛先,再由職員送餐。因友人只吃海鮮,所以我們叫了大烤菇鱈魚柳漢保 好高的漢堡, 好厚的魚柳,大烤菇好香菇味,生菜和洋蔥,但醬汁若多一些,魚柳就沒有那麼乾身,但就食到好脆口,食晒一個,真是好飽牛油果醬芝士薯條 好多牛油果醬伴以蕃茄蓉放在薯條上,紅,黃,綠加埋顏色好靚。牛油果醬說真沒有太重的味道,但薯條沾滿晒果醬一起食,口感好正,沒有沾蕃茄醬的掛常口味,好特別。洋蔥圈 42炸得好金黃,大大圈的洋蔥圈,咬下去,好香口。亦一望就知不是用千年油炸的薯絲蝦 全隻蝦被薯絲包圍住,只突出蝦尾有5 件,好脆,香口,一絲絲薯絲,裏面真是全隻蝦,蝦肉好實,夠新鮮earl grey tea因大部份都是熱氣食物,所以叫了個茶包,解一解熱氣,友人就叫了可口可樂coca cola 食完美式漢堡真是比一般快餐店的很大差別,原來好味好多…查看更多

係門口人山人海，排左條龍，排入去試下先。門口有戶外位，坐得好舒服寫意 內裹在L位，其他坐位也寬敞💡💡 餐牌好多選擇，價格大眾化✨✨有分牛、海鮮（魚、龍蝦、帶子、軟殼蟹）、雞及鴨，另外有小食、沙律，總有一樣合適 叫左香脆鱈魚漢堡包 嘩！好巨型的漢堡！外面的包皮好香，又鬆又軟，入口有一陣牛油香味。車打芝士又軟又滑，半溶狀態夾在魚與漢堡中，魚係鱈魚，外面炸到好香脆,魚肉又厚又有鮮味。 中間的沙律醬汁，配合在蕃茄與青菜之中，混合一起味道多重，一口都咬不完 另外叫了薯絲蝦，呢個蝦應該係用薯仔絲切幼條包住外圍，炸完成個炸彈咁，估不到d薯仔條並不淋，反而食落有爽口的效果，令我意想不到。蝦好鮮甜，炸到連蝦尾殼都脆到食埋 又叫左軟殼蟹沙律，隻軟殼蟹係原隻上，從未吃過咁厚蟹肉的軟殼蟹，外脆鬆化，內蟹肉十分鮮甜，炸完仲保持到水份。沙律菜好乾淨好新鮮，配酸酸的柚子味醋，好淸新好消滯 食咁多炸嘢，點少得飲料。呢杯西瓜汁，我估新鮮楂，有西瓜蓉，正常果甜，應該冇加糖，好消暑好降熱氣總括，食物種類選擇多，食材新鮮配搭好，食完唔覺好口渴，有機下次再來臨😜😝😆 …查看更多

今日來到銅鑼灣名店坊的美食街光顧最近好hit的漢堡店 小妹7pm來到 未夠730pm左右已開始有長長人龍冒雨排隊...這裡的格局有點像酒吧 店外有露天茶座 都幾浪漫㗎可惜二人檯有點小 一次過點太多食物會唔夠位放 幸好上菜很快 大家不妨分幾次落單 先來一杯熱辣辣的蜜桃茶 聞落有濃烈的桃味 起初擔心太甜味道會好假 誰知是徹頭徹尾的茶味 非常適合喝慣傳統茶葉的朋友主菜有煙肉芝士牛肉漢堡 煙肉有兩塊 芝士的色澤金黃... 至於牛肉 果然一分錢一分貨！唔會好似連鎖店的漢堡扒咁得個鹹字 而係有牛肉的鮮味.... 麵包與餡料的比例很適中 兩塊包加埋都無啲餡咁厚 絕對足料最後追加一客薯絲蝦 一共5件 蝦碌去殼後以長長的薯仔絲繞著炸香... 雖然薯絲好幼 但亦做到外脆內軟 大蝦則啖啖肉！…查看更多

今日終於約到朋友食burgeroom , 期待已久!平日的夜晚6點幾來，好彩唔洗排隊!見到menu 樣樣都想試, 最後諗左好耐先揀到, 小食就點左薯絲蝦同牛油果醬芝士薯條, 而漢堡就選鵝肝牛肉漢堡。首先個薯絲蝦, 外層的薯絲好鬆脆, 入而的蝦肉滿滿的,好好食!至於個牛油果醬芝士薯條, 牛油果醬好清新, 伴上番茄蓉, 一d 都唔膩, 點薯條食, 正呀!到重點推介啦~ 鵝肝牛肉漢堡! 每大個飽呀, 1個人都食唔晒! 塊鵝肝好肥厚, 真材實料,外面內軟, 咬入口即溶, 屬靚鵝肝! 牛肉都好厚, 配埋芝士醬, 番茄, 生菜, 好美味呀, 有菜有肉, 配料均勻! 一試難忘!飲品方面, 店員推介了我飲“homemade iced tea”, 我就揀左Iced peach fruit tea”,甜度合適中, 仲有啖啖果肉! 清新可口!食完之後發現門口有好多人排除，好彩食早D!…查看更多

這一晚，又到我們為食姊妹三人組的聚會時間，今次我們決定來到銅鑼灣的 Burgeroom，食傳說中的巨型漢堡。雖然門口出面有好多露天座位，但當時仲係大熱天時，於是我們決定坐在裡面的座位，裡面的桌和座位感覺有點狹小，我們當時叫了許多東西，幾乎都放不下，所以每次都拿拿臨食晒 d 小食，大碟的漢堡才可以放置到。見到 menu 咁多野食，雖然明知漢堡會好巨型，但都忍唔住叫多幾款小食。呢桶薯絲蝦，我覺得一般啦，無錯中間件蝦球都幾大件，但出面的薯絲稍嫌較稔唔夠脆。呢桶粗薯條很粗切，外面炸到脆卜卜，裡面留有薯仔的粉糯，好味道。仲叫多碟帶子沙律，食番 d 菜吸下油先啦。沙律菜都相當清新，預先混入黑醋汁，酸酸甜甜好開胃，帶子稍微煎過都幾香，而且仲大過件五蚊銀，肉質都相當軟稔彈牙，份量都很多啊，最好都係同人 share。我們各自叫一款漢堡，然後才 share 裡面的餡。咁我就叫了鵝肝軟殼蟹漢堡，好大件，真的驚為天人！餡料叠到好高，應該都有 10cm 吧，除了手掌般大的鵝肝、大過手掌的炸軟殼蟹之外，仲有幾層沙律菜、鮮蕃茄、芝士等，一啖真係咬唔晒呀！最頂的漢堡包，稍為烘過，滿佈香口的芝麻，口感脆脆地好香口。鵝肝煎得頗為香脆，入口即溶，香甜的油脂在口裡溶化，心裡有種奢侈的感動~ 比手掌還大的炸軟殼蟹，雖然脆卜卜，但咬幾下便完全溶入口中，味道都幾鮮甜。另外朋友的龍蝦漢堡，我試了少許，亦都相當推介啊！切開蝦頭後，一大堆蝦子和蝦膏爆出來，感覺非常澎湃，可是我因為怕肥，所以沒有試過。朋友 share 給我一大隻龍蝦鉗肉，肉質相當鮮甜而彈牙。另一位朋友的吉列蠔芝土漢堡，上菜的時候，蠔還剛炸好，仍是熱辣辣的。飲品的叫了抹茶 Latte，味道有淡淡的抹茶及奶香，口感都幾綿滑，水準不錯。呢度的漢堡飽咁大件，獨食一定會易肥，我建議最好連同三五知己一起開心 share。我們三個叫了那麼多東西，已經食到非常飽，最後捧住個大肚皮出門口。…查看更多

為了慶祝某人甩左個客，找來一班好友大吃一場慶祝一下，最後決定來burgeroom，食個龍蝦漢堡都唔係好過份啫！難得我開心！七點幾到達已經人山人海了，我怕熱一早就躲進有冷氣的室內位置！第二次來，才發現有個Bar枱，除了樽裝飲品或汽水外，仲有啤酒供應！餐牌有數十款漢堡選擇，仔細看的話，會看到都是不同的食材互相配搭，所以先想好自己想食什麼饀，再去揀就會最快選到心頭好！小食我點了薯絲蝦，薯絲口感偏硬，好像未炸透似的，油份就在薯絲上閃閃發亮，感覺都幾油膩下，可幸蝦肉彈牙不梅，算是挽回不少分數！帶子沙律，帶子挺大粒的，直徑差不多有五元的大小，輕煎過的帶子面層帶少少焦脆感，沙律菜以黑醋簡單調味，入口酸酸甜甜，份量都幾多下，堆得如一個餐盤的大小主角來了--龍蝦漢堡，原隻不經煎炸的龍蝦上場，鉗位已經起肉方便食用，原汁原味龍蝦肉上放左芝士醬，應該是襯餡料還熱辣辣時放上芝士，凍了後就好像用芝士包著龍蝦肉了，另外配菜生菜片，熟成度剛好的牛油果，為漢堡帶來一絲的清新感覺，醬汁用新鮮番茄碎而做成，味道酸甜有致，整體都唔會太膩蝦頭入面有大量的蝦膏，輕輕一刮就已經如小山丘，味道鮮甜，膽固醇也要放在一邊了！今次是第二次來，新鮮感自是沒有第一次的大，然而，味道方面好像也沒有上次的wow一聲，可能真的太巨型，吃不完時有點覺得浪費！建議普通食量的朋友可二人點一個另加小食，因為真的好巨型的喔！ …查看更多

識食嘅一定係跟實openrice去食～ 之前推介過呢間餐廳，加上近排大興burger熱，連McDonald's 都有create your taste 覓食梗係唔少得呢間burgeroom 嘅餐廳啦！去完Line store，就順便去呢間餐廳，環境好優雅，勁岩傾偈～ 服務周到有禮，印象已經一流:):)坐底就嗌左龍蝦漢堡（$188），薯絲蝦（$42），芝士旋風薯條（$48）龍蝦漢堡一上枱我已經好surprise，真係成個龍蝦咁上，擺盤又靚，龍蝦無經煎同炸，保持佢原有嘅鮮味，漢堡上龍蝦身配上芝士，令蝦肉更香更滋味，配菜有牛油果，生菜，醬汁係新鮮番茄碎而做成，酸甜口味，成個漢堡好健康，菜同牛油果都好新鮮，清新口感加上少少酸甜，中和芝士嘅味重之餘，配合返蝦肉新鮮嘅感覺～ 令人更食出蝦嘅味美漢堡除左餡料值得欣賞之外，面包都令人欣賞，烘得非常脆口～抵讚！薯絲蝦係d薯仔刨絲再包住蝦肉去炸，熱辣辣上枱，食果時真係要小心睇熱～ 炸得非常脆口，薯絲幼細，條條薯絲都非常明顯，蝦肉並唔老，嫩身之餘，彈牙，口感十足芝士旋風薯條芝士味夠，料都足，薯條脆口之餘，夠厚身，薯味突出嗌左杯iced peach fruit tea（$38），以為蜜桃茶有蜜桃味就算，點知佢連果肉都有，粒粒果肉又多～ 蜜桃味香又重之餘，連口感都好豐富，雙重享受，飲品都一流！…查看更多

黎食生日飯, 選Burgeroom只因係openrice 高例前矛同埋冇限時坐.. 之前打電話過去問可否book 枱同埋有冇限時, book 枱係冇既, 但冇限時, 而且要等齊人先可以入坐.我地本身都簡左第二間, 都係一樣, 冇得book 枱, 但限時個半鐘, 因為我地唔想趕住食, 想傾計, 所以簡左Burgeroom.星期五放工6:20pm 一早就黎到Burgeroom lu, 等埋朋友 (齊人先可以入坐), 大約6:45 入得去坐, 果陣條dragon 已經幾長, 因為個個都係等人齊.得返可以坐bar 枱或者坐向個廁所隔離…我地簡左廁所隔離, d 人出出入入, 不過都算啦, 因為地方真係唔多, 裏面只可以坐30人到, 而外裏都大約坐20人, 裏面有bar 枱比人客選, 但大多數都唔會坐, 可能坐得唔舒服掛.Menu 既Burger 主要分三大類:　雞，牛同魚。每類都有唔同配答，如：菠蘿雞，菠蘿牛，菠蘿魚。鵝肝雞，鵝肝牛，鵝肝魚。配答有大約6-7 種，都幾多架～出去比錢叫野食, 坐埋位, 好快就有人攞野食過黎。鵝肝牛肉漢堡 $158牛肉好厚好juicy, 煎得幾香, 鵝肝都唔細件架,但鵝肝未去到入口即溶, 但都叫合格。 你話係唔係平呢, 又唔係! 因為平時食好味既牛肉漢堡都只需$50, 所以有$100 既cost 係去左鵝肝到~菠蘿龍脷魚漢堡 ($85)好好味, 炸魚好脆, 魚肉滑, 個包好香芝麻味, 夾埋芝士同菠蘿一流。芝士薯條 ($48)薯條脆, 溶既芝士好味, 不過薯條唔係好多。依個價錢貴左d。薯絲蝦 , 共4件 ($38)超好味, 薯絲重, 炸得好脆, 又唔會好粉既感覺。但有d 貴。…查看更多

銅鑼灣真的超多推介食肆, 尤其是Fashion Walk那邊, 前晚我便帶朋友到Burgeroom吃大漢堡~7PM已開始多人了, 我覺得坐在high chair食big burger應該很有feel, 但朋友想坐貼牆的梳化位, 唯有遷就她~ 個人覺得坐室內比室外好, 因室外始終難避免煙味…Burger以牛肉、海鮮、雞肉來分類, 方便我這些不吃牛的人客, 直接跳看雞肉類. 當晚很想吃菠蘿, 看到菠蘿雞扒漢堡, 非常好, 但大磨菇是這裏必吃的, 所以也+$10 試試, 就這樣成就了這個半tailor-made的大漢堡. 這該是我吃到最大的一個包!!! 當然我不會傻的試著一口咬齊所有材料, 否則牙骹必脫…菠蘿是輕輕烤過的, 因此不會濕濕的弄爛漢堡, 但認為可烤得香口些; 大磨茹不錯啊~ 加入醃料處理, 超微辣的, 完全沒有菇那陣 ‘up’味, 而且口感很好, 還有汁哩~ 在沙律醬、蕃茄及其他味道覆蓋下, 雞排顯得平凡, 味道不突出, 但煎得夠金黃.點了薯絲蝦作小食, 賣相很好! 一份4隻, 看似炸得很夠火喉~以刀切開一半, 鬆脆的薯絲散下, 看見蝦肉份量其實不多, 但也算是好吃的.帶子沙律, 4粒大帶子伴洋葱及大量羅馬生菜, 沙律汁很淡味的, 幸好菜夠清甜爽脆, 在吃過大burger後再吃沙律, 很有消膩的作用.帶子大粒得很, 肉質夠實淨, 但…應該不是鮮帶子哩.不少得點杯飲品, 不想喝汽水, 喝咖啡又好像不太match, 不如配果汁, 點了一杯奇異果汁, 味道不太人工, 微甜的挺好. 薄荷葉…完全是裝飾而已, 對果汁的味道沒有起作用.…查看更多

位於銅鑼灣的Fashion Walk，不論是購物還是飲食都給予Wing高消費的感覺，走過都是看到名店的啦，但沒想過原來這裡也有性價比高的餐廳喔~Wing在說的就是在百德新街入口處附近不遠的Burgeroom~在外面看，感覺氣氛很Casual的，就是可以約三五知己在這裡把酒聊天那種吧~桌子跟椅子感覺也跟室內的整個設計很調和的，就是給人一個很放鬆的感覺~這裡還有酒吧台供客人使用的啦，還有圓台丫、方台丫，大家想怎樣坐就怎樣坐，真的很隨和~而點餐的時候就要到收銀處付款，買完之後就會有專人為大家奉上新鮮的食物啦~專人的服務態度是很好的，而且也很細心的說，這才是服務態度嘛~點餐以後等了大概五分鐘，食物就開始端上桌子啦，所以丫，在等的時候就拍拍照嚕XD小聲：其實Wing覺得這家Burgeroom的餐牌是蠻漂亮的啦，所以忍不住要拍下來~XP好啦，先說說今次的食物啦，這個是「雞肉沙律」($70)，看上去好像只有密鋪平面的份量，但食落才知道原來這個沙律的份量也蠻多的。吃得到菜上面有黑醋，也有橄欖油，但不知怎地，加上去之後就食到有點點的橙味=3=........但說真的..這個沙律是很開胃的~另外雞肉外面是煎得很脆的啦，切開入面卻是滑滑得雞扒啦，味道很香，雞肉是全入味的啦。就是嘛，兩個人食，總會想把對方的那份都搶過來據為己有的啦~XDDD「芝士薯條」($48)，Wing一打開餐牌看小食的時候就已經被這個名字吸引了~芝士是Wing很愛的食物嘛，所以丫，以芝士為主題的小食就會把Wing的眼球都吸引住的啦~這個芝士是溶化在薯條上面的，不是那個瘋薯的感覺啦，這個芝士比瘋薯的口感來得更實在更豐富~薯條放涼以後依然香脆，完全沒有放涼後會有油淋淋的情況出現~即使薯條放涼了，也跟新鮮的薯條口感是幾乎一樣的啦，就是少了那熱呼呼的感覺而已~所以丫。不用怕薯條涼了會失去了原本的味道喔~!!「薯絲蝦」($38)，就因為好奇，我們點了這個小食，感覺好像很細小的，每隻蝦都被一條條幼幼的薯仔絲包裹住的，然後再炸至金黃色，所以賣相是超吸引的啦~咬開一半這個薯絲蝦，看到蝦其實算是大隻的啦，咬落去是啖啖肉的，蝦該是用料不錯的吧，彈牙的，肉質仍然鮮嫩，而蝦尾也炸至脆脆的，是可以吃的那種啦，哈哈，其中一個原因是.....Wing忘了要除掉蝦尾才進食，但發現原完可以咬得開...所以就乾脆吃了它...小聲：是傻的嗎= =至於外層的薯絲呢...Wing覺得就是普通的炸薯仔味啦，炸得夠脆夠香口的，加上蝦以後，就為這個平平無奇的炸薯絲增添了不少的分數。在薯絲上加上點點茄汁的話，整個薯絲蝦的口感更豐富更令人喜愛~「特量芝士牛肉漢堡」($100)，其實初初想點的是「雙層牛肉芝士漢堡」($120)的，但收銀員看到我倆後，就建議我們該點「特量芝士牛肉漢堡」，因為雙層那個對我們來說太大了。聽到這點，Wing覺得他很貼心的啦，把最適合客人的食物都介紹給我們，讓我們能用最好的價錢吃到最適合我們的食物~這就是良心店啦...比那些只懂「落咀頭」讓客人付上高價選購不適合自己飲食份量的食店，這裡簡直就是天堂吧~話說回來，有看到漢堡包上芝士的份量嗎，這就是Wing很想要見到的東東啦，芝士夠多的，肉又夠厚~哈哈，別小看Wing的食量喔，對於這種充滿著芝士跟含有厚厚漢堡扒的漢堡，食半個絕對是輕鬆之事喔~漢堡包的包包兩邊是沒有想像般熱的，入口是剛剛好的那種溫熱，漢堡扒大概是七成熟吧，入口很Juicy的，一切開就已經看到肉汁流在碟上去，蕃茄就是新鮮的，甜甜的，加上新鮮的生菜，跟酸酸甜甜的千島醬。要是一口過吃到這幾樣食物，這就是最幸福的時候了~那個豐富的口感相信是非筆墨所能形容的~「軟殼蟹漢堡」($100)，這是大推的其中一樣食物啦，軟殼蟹就是突出一點點的。平日吃的軟殼蟹是單獨食用的，好像還沒有試過軟殼蟹放在漢堡入面的，就讓Wing今次試一試吧~!!!軟殼蟹加上千島醬其實是最佳拍檔啦~軟殼蟹夠香脆，而且味道剛剛好的，鹹味適中，加上蕃茄跟生菜，感覺就是多了一點清新的感覺~這次呢，Wing一口把軟殼蟹跟其餘的食物一次過放入口，感覺很不錯的啦。丫....吃這個漢堡的時候要小心喔，因為很難可以很優雅地吃，一切開軟殼蟹的時候，漢堡內的千島醬就會很快跑出來了，整個畫面就會變得有點點失控的啦。最後Wing還是把所有的食物分開再以刀把它們切開...這樣才可以把它們弄得美一點=3=儘管切完後賣相怎麼樣也好，味道就是太好，一定要一說再說才行喔~沒想過這樣子把軟殼蟹放在漢堡內會有這種莫名的美味的感覺，所以說這個是Wing大推的其中一樣食物啦~來到一定要試一試喔~!!! …查看更多