這裡的格局有點像酒吧 店外有露天茶座 都幾浪漫㗎
可惜二人檯有點小 一次過點太多食物會唔夠位放
幸好上菜很快 大家不妨分幾次落單 
先來一杯熱辣辣的蜜桃茶 聞落有濃烈的桃味 起初擔心太甜味道會好假 誰知是徹頭徹尾的茶味 非常適合喝慣傳統茶葉的朋友
主菜有煙肉芝士牛肉漢堡 煙肉有兩塊 芝士的色澤金黃... 至於牛肉 果然一分錢一分貨！唔會好似連鎖店的漢堡扒咁得個鹹字 而係有牛肉的鮮味.... 麵包與餡料的比例很適中 兩塊包加埋都無啲餡咁厚 絕對足料
最後追加一客薯絲蝦 一共5件 蝦碌去殼後以長長的薯仔絲繞著炸香... 雖然薯絲好幼 但亦做到外脆內軟
大蝦則啖啖肉！
