Burgeroom (Fashion Walk)

假日chill一chill！銅鑼灣行行吓想坐下又想食個teaFashion walk食街就最適合「西一西」，一行入去已經好幾間西餐既bar restaurant揀，氣氛都相當唔錯暗暗地加啲蠟燭加杯啤酒就係吸引，揀左Burgeroom坐户外，幾舒服，餐牌以burger為主配以薯條炸雞等小食先黎杯啤酒爽一爽，Orion生啤無得輸又好飲，日式生啤清清地，$39/pint，痴線價好想食佢個芝士旋風薯條Melted cheese twister fries但賣晒，叫左Truffle Cheese Fries 黑菘露芝士薯條，賣相正既，粗薯條薯味濃，芝士同黑菘露味都好出大烤菇芝士牛肉漢堡，賣相一流，美式味道完美熔化芝士好吸晴，切開就見到肉汁好多，漢堡扒好濃牛味，烤菇無想像中咁香但都好多汁烤菇配芝士牛就係正，但燒烤味濃啲會更出眾配蜜桃冰茶，爽就係爽不過係因為佢凍，味道真係好普通，唔鮮又唔桃，相當有進步空間整體都正既，氣氛一流淨係飲野都正野食都above average，如果會有更特別既菜式會更想一層樓chill下歎下都係一個好唔錯既下午#Happyhour依度實在太平太正#1664係好飲但Orion太抵=酒徒…查看更多

打完風之後想好好食餐飯，揀左銅鑼灣嘅burgerroom係fashion walk 食街入面，即使係平日，都係最多人幫襯嘅餐廳店員會帶你入坐，揀完野食去cashier 落單，淨係漢堡都睇到花多眼亂！🍔大啡菇芝士牛肉漢堡加牛油果漢堡會自動一開為二，好啱同朋友share食，一個包嘅份量已經可以喂飽2個女仔！（如果唔想佢分開，記得落單時要講清楚）個漢堡扒超級超級juicy!真係食過數一數二好味多汁嘅漢堡扒，絕對一定要叫牛肉漢堡，食完返唔到轉頭架.芝士薯條可惜無晒旋風薯條，粗薯條配芝士一定無得輸，芝士醬多到好似唔洗錢咁，但一定要襯熱食，凍左就拉唔到絲.馬蘇里拉芝士條芝士控必叫！熱嘅時候拉絲拉到好長都得，超香濃滿足，相對芝士薯條，芝士味淡左少少蜜味辣雞翼蜜桃冰茶解熱氣一流，以為好平凡，飲落有驚喜，推薦Greentea latte…查看更多

大烤菇芝士牛肉漢堡🍔芝士味道濃郁🧀，漢堡牛肉多汁，又係夠香烤肉味。蘑菇香味十足。漢堡包咬落去，牛肉汁同埋芝士會bit出嚟💦! 漢堡包，上邊同下邊都烤過，脆脆地。中間嘅着嘅新鮮蕃茄蔬菜，適度調節。如果經過名店坊，真係不妨試一試下這個漢堡包🍔黑松露芝士醬薯條🧀🍟 個人非常推介嘅食物。薯仔香味新鮮可口，方角狀薯條炸得香脆，粗幼度適中，有卜卜趣嘅口感，入邊軟林林薯仔肉。成堆嘅美國芝士，一擁而上，淋落所有薯條。黑松露味雖然唔係好重，但係有香濃芝士先係主打，絕對唔馬虎。配合啤酒食用乃是佳品！六隻單骨炸雞翼炸得香脆可口，而且單骨雞翼啖啖肉，非常正。Orion 啤酒日本出名名牌啤酒，沖繩出品！仲有淡淡的麥芽香，味道清淡，清新爽快，苦味不明顯，適合任何人士享用！本土釀製啤酒 🍻雷公！⚡️大家盡量支持一下本地製作嘅啤酒！雷公呢個係系列入邊來講嘅啤酒係比較清淡，好爽口，新鮮清爽，水準拍得其他大牌子嘅淡啤。除咗響噹噹嘅醒目名字之外，仲有婀娜多姿嘅玻璃杯襯托，記得要試吓！…查看更多

最鍾意就是食漢堡包，再配上啤酒及芝士薯條實在係大滿足。以下同大家分享美食。兩個人點了兩支啤酒，有手工啤，當然要試一下清淡，容易入口，不過就普通了一點。我們還點了芝士薯條嘩！超正超多的芝士醬，與原薯出的薯條配合，天衣無縫！越食越想食。到主菜啦，先來一個煙肉牛肉漢堡煙肉香不會太乾身，入口有咬感，牛肉超香多汁，肉汁很美味，不會因為乾身而失去肉汁。惟蔬菜較少，要加蔬菜。整體很好，可以再食。我們還點了鵝肝牛肉漢堡，實在太正了！肥美多汁的鵝肝，入口即溶，再配合多汁的牛肉，還有流出來的芝士，正呀！餐廳係自助點菜，之後有人送上，運作似快餐店，但其裝潢不錯，都很舒適。以價錢來講有點貴，但物有所值，會再試！…查看更多

第二次啦！今次因為好肚餓，所以決定每人一個漢堡，再叫一份小食。最後大家都食唔曬，我都算女生界大胃啦，但都只係食左個漢堡既九成，飽到不得了，另外兩位朋友只係食左一半，因為漢堡包對於女仔來講實在太大，所以最好share，浪費食物就唔好啦！而且一個人食一個漢堡，就會覺得個漢堡其實唔好食，好寡味！對比第一次食完既感覺，完全冇甘好味，因為第一次係同朋友一齊share一個漢堡包，對於巨型漢堡包來講真係「少食多滋味」！！！芝士薯條只能夠話「OK啦」「一般般啦」～麵包超級厚實，食完都飽左兩成。雞肉扒超難食肉質粗糙，過於乾身，真係好難食！好難食！好難食！相對牛肉扒來講，牛肉會好好多千其唔可以叫雞肉漢堡…查看更多

都唔係第一次食，不過之前食果次間鋪仲喺丹麥餅店附近，搬左之後就未食過。雖然今日星期日，但可能我地早到啦，唔使排隊等一陣就入得。我叫左個Bacon cheeseburger, 同芝士薯條，仲有支pink lemonade。咁薯條同野飲黎先黎，薯條好食呀!! 但澱粉質會飽肚囉，仲要burger都未到😂 支pink lemonade我覺得係有啲甜，所以最後都飲唔哂。到個包黎啦! 哇超大個! 塊肉勁厚，其實睇到都超興奮😂二話不說就用手揸住食，sorry我個人唔係斯文type哈哈。聽過外國人講食burger係要用手按住夾扁個包先食，咁就唔會食食下散哂。係work既! 不過我都係食到成手都係哈哈。個包有芝士蕃茄生菜煙肉同勁大塊牛肉，食左一半其實都飽飽地，再食埋另一半……其實真係食唔哂🙈建議女仔黎食可以同人share一半啦，男仔就應該食得哂既! $80幾蚊咁大個包我覺得算抵食，咁當然唔可以同麥記比啦咁好食😂…查看更多

說真的，偷懶了很久終於再記錄番我既美食生活。今日去左一間聽就聽得多，但一直都未試過既餐廳。見今日放假，一於同新婚老公一齊去放鬆下。首先緊係飲番杯1664先啦。啤酒最重要係咩?! 一定係凍LOL，佢滿分呀!!!!芝士薯條: 芝士味唔夠濃，太杰身，個人較喜歡配搭粗薯條。下次唔會再試。試左好多人話好好味既牛肉菠蘿漢堡。先講個包，烘過，外脆內軟，好味。牛肉，多汁唔乾身，仲好足料。菠蘿，甜、多汁，我個人覺得係同漢堡係絕配。 …查看更多

8點去到都幾多人排隊都等左20分鐘先入到但朋友都好推薦食 所以都照排啦咁我個friend就話Soft Shell Crab Burger好正同好大個而我地2個女仔其實食左下午茶先黎所以決定點一個2個人分黎食本身都覺得＄108幾貴但見到咁大個而d蟹多到出曬黎就覺得勁足料佢仲幫我地分左2份 我最欣賞佢有用竹籤幫我地吉住哈哈唔會移走啊嘛個軟殼蟹炸得好脆個蟹仲好香配埋個多汁蕃茄同埋新鮮生菜加埋個包好好食完全覺得值返呢個價咁我地仲點多左個芝士薯條個汁超正 完全唔介意加多22蚊去換呢個汁個汁勁香好有芝士味 d薯條都食得係即炸因為仲好熱 亦都好脆總括黎講今餐係食得好好對細食ge女仔黎講一個burger 2人分都得 因為真係好大個雖則我無叫野飲 其實我都見佢好多種類因為有影到menu所以都share比大家要酒有酒 要茶有茶…查看更多

一直很想試試鵝肝漢堡，Burgeroom正評多，應該夠穩陣吧！鵝肝牛肉漢堡(HK$158)，份量大，兩個人share也足夠，牛肉很juicy，味道很濃，配上芝士簡直不得了，可惜略為蓋過了鵝肝的味道，令鵝肝味不突出，包包亦很鬆軟，所以整體其實不錯，不過下次我應該會試鵝肝軟殼蟹漢堡，必食指數：4粒星。芝士薯條(HK$48)，一看就知這個芝士薯條非常邪惡，吃了會有罪惡感，不知要做多少運動才能cover，豁出去一試，可惜味道普通，吃到最後薯條冷了芝士亦變硬，有點「溜」，必食指數：3粒星。辣雞翼(HK$48)，最初我以為來錯食物，因為「雞翼」我expect是雞中翼，但一看之下是雞鎚，問了侍應，他說一半半，雞肉嫩滑，可惜沒甚麼味道，沒有必食指數。下次一於試天后的Texas Burger！…查看更多

因為想吃牛肉漢堡，剛好銅鑼灣行街，變選定burgeroom~夜晚七點左右也不需要等位，outside inside都可以選擇，造兩個月一定坐outside，環境都很好，只是現在的溫度，實在太高了，坐在外面，恐怕只想喝啤酒算了~室內座位算是，很逼，走路要小心碰掉人家的漢堡，銅鑼灣這種租金的地方，座位逼都可以理解了~只是少了很多wild burger該有的感覺~~進店前打算吃最最樸實的classic beef burger，結果看到旁邊枱的鵝肝漢堡，實在抵不住厚切又大塊的鵝肝的誘惑，選定鵝肝牛肉漢堡~weekday 6pm前加28塊可以有套餐薯條同飲品，weekend 則是3pm前，普通薯條散叫只要二十幾塊，算來套餐便宜了一個飲料錢，差不多，所以也欣然接受。既然沒有套餐，所以認真看了一下小食menu~依然，被旁邊枱的只是薯條誘惑住！怎麼可以這樣，點單要坐懷不亂的嘛！叫了芝士薯條，四十幾塊~見到有tap water供應便沒有叫飲料~自助排隊買單拿號上餐算是慢一點的，漢堡就更慢了，不知道有沒有十分鐘，點杯啤酒等餐比較合適。先是薯條，芝士，味道非常一般，勝在夠黏，口感ok~下次應該不會給多20塊加芝士。鵝肝，真的是好大塊的鵝肝！鵝肝味道也夠香濃，火候也非常好！但是因為今天最想吃的是juicy 牛肉餅，所以覺得鵝肝有點礙事呢哈哈哈哈哈哈~鵝肝粘在芝士上，所以取不下來，一定要一起吃，結果就是！實在太厚了啦！有點狼狽的才吃完了，對我而言，如果鵝肝能夠取下來，我會很開心。牛肉餅就麻麻了，我的預期應該再多汁一點，生熟度也是沒得選的，不知道classic beef burger有沒得選呢。很抵食也很美味的鵝肝漢堡，但是因為這次的牛肉餅沒有達到預期，所以有小小遺憾。點單的時候受了誘惑，導致吃完還想試一下牛肉漢堡。記得牛肉漢堡只要75塊，我想我會在lunch time 常常來的~質素ok 價格不錯…查看更多

打電話問burgeroom無reservation 服務同埋time limitation.係出面等左15分鐘到就入去。好多款都好想食，但友人又唔想食海鮮咁唯有攻牛同雞喇！佢d burger very juicy ,好香好好味！下次再搵腳去食多次先得！…查看更多

BURGEROOM 的芝士薯條好出名，對愛吃芝士的我來說更是必要一試！芝士薯條 - 薯條可選粗薯條、圈圈薯條或薯角。相比起粗薯條，我更愛薯角，因為其口感更豐富。而且每個薯角都炸得香脆可口，令人停不了手。雖然份量看似不多，但吃了一半就已經覺得飽了，份量十足！…查看更多

因為正直晚餐時段黎食 所以要等位 呢度環境不錯 銅鑼灣鬧市入面都有咁休閒既地方 唔係有食評讚呢度都唔會識黎雙層芝士漢堡 有點兒heavy 好彩有人同我share唔係一定食唔哂 塊漢堡好juicy 一咬D肉汁爆哂出黎芝士真係好邪惡 配埋薯條perfect match…查看更多

以前在舊店的時候也有光顧過, 但來新店還是第一次。由於在星期五的歡樂時光來到, 所以等上半個小時也是在所難免的。入坐的時候, 侍應會先放下餐牌, 自己選好便可以到counter自行購買。burger的選擇有很多, 平到貴都有。上次已試了double鵝肝burger, 這次便試試看軟殼蟹burger ($100), 香辣雞翼 ($45), 芝士薯條 ($40) 和 普通薯條 ($20)。首先來的是香辣雞翼 ($45) 和 普通薯條 ($20)。雖然這是間專賣burger的店, 但它的雞翼還是很有水準的, 味道好不在話下, 炸得也十分香脆, 可知這是即點即炸的, 熱烘烘的令我們食的時候也要格外小心。普通薯條 和 芝士薯條的分別便是在於上面要$20的芝士醬, 但這個芝士醬也是令這普通薯條變得不平凡的原因。 一上檯的時候, 芝士是半溶, 和新鮮炸起的薯條放在一起, 確實是十分好吃。而在我而言, 食burger的時候一定要有配薯條, 否則根本就不是個完整的burger餐。不過可惜芝士醬只放了在上面, 下面的薯條卻完全沾不上, 有點失望。多點的普通薯條只是怕同行的友人食不飽, 但原來我們所點的食物不要這份薯條也已經很飽的。主角軟殼蟹burger也出場了, 份量很大很抵食, 只是一百元便可有整隻的炸軟殼蟹, 軟殼蟹炸得香脆, 夾在上下都十分軟熟的面包中間, 口感十分不錯。burgeroom的burger選擇真是十分的多, 就算來多幾次都不可能把餐牌上每一樣都試過, 而且價錢十分相宜, 正宗的大件夾抵食。 雖然轉了起碼大一倍的新店, 等候的時間也不見得短了, 但這裡的食物素質還是值得一等再等!…查看更多

黎食生日飯, 選Burgeroom只因係openrice 高例前矛同埋冇限時坐.. 之前打電話過去問可否book 枱同埋有冇限時, book 枱係冇既, 但冇限時, 而且要等齊人先可以入坐.我地本身都簡左第二間, 都係一樣, 冇得book 枱, 但限時個半鐘, 因為我地唔想趕住食, 想傾計, 所以簡左Burgeroom.星期五放工6:20pm 一早就黎到Burgeroom lu, 等埋朋友 (齊人先可以入坐), 大約6:45 入得去坐, 果陣條dragon 已經幾長, 因為個個都係等人齊.得返可以坐bar 枱或者坐向個廁所隔離…我地簡左廁所隔離, d 人出出入入, 不過都算啦, 因為地方真係唔多, 裏面只可以坐30人到, 而外裏都大約坐20人, 裏面有bar 枱比人客選, 但大多數都唔會坐, 可能坐得唔舒服掛.Menu 既Burger 主要分三大類:　雞，牛同魚。每類都有唔同配答，如：菠蘿雞，菠蘿牛，菠蘿魚。鵝肝雞，鵝肝牛，鵝肝魚。配答有大約6-7 種，都幾多架～出去比錢叫野食, 坐埋位, 好快就有人攞野食過黎。鵝肝牛肉漢堡 $158牛肉好厚好juicy, 煎得幾香, 鵝肝都唔細件架,但鵝肝未去到入口即溶, 但都叫合格。 你話係唔係平呢, 又唔係! 因為平時食好味既牛肉漢堡都只需$50, 所以有$100 既cost 係去左鵝肝到~菠蘿龍脷魚漢堡 ($85)好好味, 炸魚好脆, 魚肉滑, 個包好香芝麻味, 夾埋芝士同菠蘿一流。芝士薯條 ($48)薯條脆, 溶既芝士好味, 不過薯條唔係好多。依個價錢貴左d。薯絲蝦 , 共4件 ($38)超好味, 薯絲重, 炸得好脆, 又唔會好粉既感覺。但有d 貴。…查看更多