瘋狂小面 (佳德商業大廈)

放工約左朋友去中環行下donki， 又吾想食快餐店，於是周圍搵下有咩食。呢間小面係正donki附近，食完去行donki一流雖然要行入去商業大廈上樓先見到間鋪，但是係地下樓梯旁邊就有一張指示入去既牌，跟住行上樓梯再搭1層樓電梯，一出電梯就係呢間瘋狂小面了。呢間瘋狂小面主打既係重慶小面，對於我曾經去過大陸食過吾知算吾算正宗既重慶小面既人黎講，的確係有一定既吸引力，因為都好耐無食過了。碗雜面係我的最愛，但是我今日卻想簡個湯面試下，本來想試下燒白面，因為見到佢講一日限量15碗，然後睇圖好似好好食甘樣，但係今晚去得遲了，應該是中午時間去先有機會試到，下次搵日試下中午黎試下燒白面先~套餐有分三種: (一種係單叫面)A+B 面加飲品A+B+C/D面加飲品加小食或甜品A+B+C+D 面加飲品加小食加甜品我地叫既係ABCD,咩都想試下😂😂面我就簡左個大排面，大排也即係比較大塊既排骨，食落還可以，肉還算多，重點係個面，簡紅湯可以簡辣同麻，由於我怕食吾到太辣，所以只敢試BB辣同BB辣，事實證明我係岩既，佢既辣度相對其他出面餐廳既辣係要再辣一點，平時我食辣可以食到少辣或者係通常講開既5小辣(比大家個參考，到時要叫咩辣度，其實我也沒想像中甘食得辣。。。)麻味相對吾算好出，辣味比較突出，面也可以掛到湯，但吾會話吸曬辣味而食吾到其他味道，咸香之餘，又帶點香辣好岩食得辣既人去食。菜單上面仲可以簡要蔥吾要蔥，要吾要芫茜，岩曬依家香港人未必食芫茜蔥既選擇，雖然我兩樣都鐘意食，不得不提既係，佢哋既青蔥食落感覺吾係平既蔥花，也吾會有種整好左好耐既感覺，食落好新鮮，仲吾辣，青蔥的味道也令我對呢碗面加左好多分，雖然係小小既配菜，但是餐廳也無馬虎處理好值得加分。面既分量適中，吾會好多或好少，適當地掛湯，面食軟硬適中，食落質感順口，吾會有過量麵粉質感，加埋兩條岩岩好熟成既菜心，甜得黎又中和返個辣味，正正係吾會多左一分又吾會少左咩野既感覺朋友食既蕃茄牛肉面係可以簡吾辣，吾食得辣既朋友都可以同食辣既朋友一齊黎😁😁蕃茄牛肉面既蕃茄味吾錯，牛肉也可以，就係吾辣差了點什麼東西似的☺☺小食我地就叫左個棒棒雞(套餐外再加+38蚊)同埋蒜蓉青瓜，蒜蓉青瓜係吾辣既，蒜味十足，如果係蒜泥可能感覺蒜味會更濃郁。棒棒雞相對青瓜黎講就比較濃味，咸味麻辣味比較重，鐘意重口味既朋友仔必試，我就覺得棒棒雞的雞件相對切得比較細，入味程度會比較高，我就比較推薦要同面一齊食會比較好中和兩者既味道，麻味比較辣味重一點，入口感覺麻既味道更多，辣味相對比較低，我比較接受呢種麻麻香香又帶有芝麻香既麻辣味道，份量相對還可以，如果呢個汁加上青瓜一齊又會係一道吾錯既小食😁😁飲品方面我地就簡左相對睇落比較養生既羅漢果冬瓜茶，飲落口順滑，吾會好甜，可惜沒有凍既選擇其他凍飲也是常見的飲品，如果有更有特色既飲品就會更吸引。甜品不得不說，我毫不猶豫的簡了冰粉，我覺得食重慶四川口味的東西係吾可以吾食冰粉去中和返個口入面既辣味，冰粉食落冰冰涼涼甜甜蜜蜜，上面既配料吾算太多，有提子乾花生山楂乾芝麻等等既配料，為冰粉既單調感提高了另一層面上既口感，除了冰粉的冰冰涼涼滑滑同爽口既口感，仲有咬開芝麻既芝麻香味，山渣既酸味中和甜膩，提子乾又增加了冰粉既香甜味。總言而之，總體感覺質量吾錯，份量適中，價錢吾算太貴，去開中環果邊可以再試多次，試下其他未食既過既野，我見到有缽缽雞又有鱸魚下次去可以試下，也希望下次去有新菜單可以試😀😀。…查看更多

跟疲累的一天說再見，加上天氣開始轉涼，真希望吃點辣的🌶! 中環的辣麵選擇不多，選了平時午飯時間人流絡繹不絕的瘋狂小麵。許多內地同事都大力推薦過話夠地道，有信心保証!👍今日主打係二人餐的瘋狂缽缽雞(藤椒熱湯)! 真係大鄉裡出城，原來可選凍湯或熱湯。我地無特登叫小辣，入口麻麻辣辣的感覺即刻滿足晒🥰，過足癮。30串的肉有我最愛的蓮藕和魷魚，其口感配上藤椒湯更正。除了菜、菇、肉和海鮮串之外，最特別是連鴨舌、豬軟骨的款式都有，非常豐富。辣到性起，追加多一碗豌雜麵，一碗豬肝麵，一份鐘水餃同兩杯羅漢果冬瓜茶。鐘水餃細小但夠辣夠惹味，是一份出色的小食。羅漢果冬瓜茶最適合吃辣時飲用，雖是熱飲，但吃得太多辣時可以下火，即時可以繼續吃辣。豌雜面雖是豌豆，肉碎，醬汁，和冷麵，但成件事mix埋一齊同麻辣出真係奇地夾👍朋友點的豬肝麵是熱湯麵, 嚐嚐豬肝很嫩, 麵索埋湯汁, 重點要講多次: 夠辣(真的很重要呢🤣)辣, 容易。但要瘋狂小麵咁辣得好味又過癮就真係唔係咁容易。…查看更多

放工唔知食咩好，同事話附近有間川菜小面，麻辣鮮香，受不住麻辣誘惑的我跟著地圖就上左來。餐廳裝修好有復古風，暗暗的燈光都幾有情調。「瘋狂小面」梗係主打「麻辣小面」。呢個套餐安排幾合理，大食細食有得揀，價錢都幾合理。我地兩條友，咩都想食，叫左A+B+C+D😂老闆推介呢個豬手湯，美容養顏，膠原蛋白豐富，份量都啱啱好兩個人食，見到個menu幾吸引，可惜我地想留個肚食缽缽雞。下次再來食呢個晚市推介豬手湯！【瘋狂擔擔麵】配菜豐富，肉末，花生，小菜，同埋各種鮮香麻辣的醬料，撈一撈佢，每一條面都好入味。雖然冇面湯，啲醬料真係神來之筆。【夫妻肺片】+【拍青瓜】滿滿一碗辣油，上面漂著芝麻，賣相滿分！雖然睇黎好似好辣，但食落辣度啱啱好，入面啲牛肉都好足料，薄切易入口。青瓜就係唔辣嘅，蒜蓉淡下口都好，唔係全部都係辣。【成都老冰粉】第一次見有埋黑白芝麻，花生，酒釀，提子乾，紅糖的冰粉，好多料！食落又唔會太甜，解辣正好！終於到了期待已久的【缽缽雞】叫左中辣，雖然睇落好辣，食落卻唔會燒胃，因為係凍食（其實係常溫）所以冇咁辣。特別係，個湯底叫麻辣真係有麻有辣，唔似有啲餐廳麻辣得個辣字。不過要食到最後先發覺，原來都幾麻配菜已配搭好，有葷有素，一支支咁食幾得意。上菜後店員提醒浸多5分鐘再食，會入味啲。呢個缽缽雞我地好滿意，下次再來食過！…查看更多

在上個月某weekday，朋友仔訂了檯在此食生日晚餐，原來仲要走上了一條長樓梯先到。入到餐廳，幾乎清一色國語人，就知道無來錯，地方坐得舒服。我們叫了缽缽雞、雪豆蹄花湯、酸辣粉，仲有冰粉。缽缽雞是藤椒湯底，麻勁重，仲係凍湯，咁先有當地風味，我鐘意。雪豆蹄花湯，係店員姐姐大力推介。雪豆係靚食材，飲完呢碗湯係會覺得養顏。豬手唔肥，可以盡情食。最後要多謝老闆請食甜品，個名係怪懂的，唔記得。多謝你咁用心，會再幫襯！…查看更多

收工後決定約埋朋友一齊試下呢間來自中國既大型連鎖四川菜 瘋狂小面🍜餐廳位於中環商廈一樓，裝修特別，融入了中國風味係網上見到好多人叫缽缽雞，於是我地都叫左個兩人份量黎試下，係由30串肉同30串素蔬所組成，選配了藤椒湯，辣度選了小辣。店員說正宗食法其實是配凍湯，但亦可以選擇加熱，由於天氣凍 我們選擇了暖湯🍵湯底係由豬骨同雞骨每天新鮮熬製數小時，所以味道十足！每款食物都有兩串，好貼心。廚房特意把食材薄切，讓食物吸收湯底精華，每口都是麻辣香，吃個不停，而且辣度適合我呢個唔食得辣既人另外叫左個瘋狂套餐，選了干撈麵類中的: 瘋狂豌雜麵🍜另加了大排，牛肚和滷蛋🥚干撈麵條口感煙韌，配上蔥花 芫荽 花生，好惹味！又讓人吃個不停小食揀左蒸蛋🍳非常嫩滑飲品則選了雪梨菊花茶，清甜潤喉的雪梨菊花，不會太甜，好好飲為美味的晚飯畫上完美句號平時返工中午都會再黎食…查看更多

中環Buddy 4人 Random , 耐冇見諗諗下不如係中環附近搵個地方食下辣野, OPENRICE 隨便揀左揀就揀左呢間。餐廳大廈係入口尚算明顥, 樓上餐廳大門都幾企理舒服, 四周環境燈光悠和, 氣氛輕鬆適合聚舊。叫左個4人份(60串)既麻辣中辣既缽缽雞開心SHARE,  呢款食物夠就叫缽缽雞, 但真正係雞既串就得一半左右, 其餘都係蔬菜類既食物, 有蓮藕, 青瓜, 菇等等。而每一個食材既切片都好薄, 所以食起上尼唔爽, 但又因為每片都薄, 所以麻辣汁既味道就入哂去D食物度, 加上麻辣食落味道有辣味有小小咁多甜幾有層次。所以細食會食得好滿足, 大食既要叫白飯撈埋汁先夠皮另外都叫左一碗瘋狂肥腸面, 同缽缽雞既麻辣味又係另一個STORY, 拉面口感幾好, 但辣既味道仍然係香, 但冇乜層次感, 而且辣味同油份都比較重, 所以食開辣野既人會好爽, 味道好濃烈。最後食完辣野ORDER左個成都老冰粉, 成碗野透明既令人完全估唔到佢會係咩味。呢碗野味道非常之咁淡, 冷凍既口感, 小小甜既味道, 食落味覺享受不多, 但由於食左成晚辣野, 呢個老冰粉都幾解辣解油, 感覺幾得意。…查看更多

星期五too good its Friday😜醒起之前有朋友介紹過中環有間瘋狂小面, 星期五放工就同男朋友嚟瘋狂一下。呢到嘅位置唔算太容易搵, 招牌唔算太明顯。星期五八點入到去, 未算完全滿座, 但都好多客人。我地點左以下嘅嘢:未食過以下呢個缽缽雞, 唔可以話自己食過瘋狂小面。首先我雖然好鍾意食辣, 但又同好多人一樣, 唔算好食得辣。嗌左bb辣, 一見倒一盤紅油嗰時有少少擔心, 但係食落麻而不辣😍辣度同麻度都岩岩好😋 而且食落只覺得好香, 冇好油膩嘅感覺。佢有30枝肉30枝素。好似尋寶咁一枝一枝咁隊嚟食好過癮~呢個係卤水拼盤。望落去有少少乾, 本身以為唔記得加卤水汁。 之後朋友叫咗侍應過來問佢係唔係唔記得落鹵水汁。之後侍應答正宗川菜嘅滷水係咁嘅樣 : 乾食再沾點隔離辣辣哋嘅粉。同我哋廣東食開嗰種濕食嘅方法有唔同。呢個鹵水拼盤就咁食其實唔差, 有鹵水嘅香味但係又未至於太咸。 不過我實在太鐘意食缽缽雞嘅麻辣湯。食到最尾我將鹵水拼盤入面嘅料都浸落個麻辣湯食。 嗰種麻辣嘅感覺唔會嗆胃, 但係嗰種刺激感係好正!最尾呢個成都老冰粉。呢個老冰粉一啲都唔老, 仲好fresh..冰粉本身係冇味, 但係佢上面有個湯汁, 梅子味咁酸酸甜甜..有少少提子乾同埋花生, 好清香舒服。總括而言, 川菜原來都幾好味。下次帶其他朋友同屋企人嚟試下。…查看更多

香港食辣嘅地方有好多，款式又多，例如：酸辣、麻辣....但係「籐辣」呢款....我响香港未聽過，今次總算試到新嘢！呢間瘋狂小面，主力賣四川麵同小食今次同兩個朋友唻食，叫咗豌雜拌麵、酸辣粉、紅油耳片、棒棒雞、蒜泥青瓜、涼拌木耳、缽缽雞同埋冰粉。豌雜拌麵，係豌豆加豬肉碎撈四川麵，麵煮得啱啱好，撈起麵上唻唔會爛晒，碗底又唔會太多水份整到啲汁稀晒！好正！酸辣粉，竟然食到濃濃嘅酸菜味，唔會一味得個辣字，啱晒鍾意食酸菜嘅我！至於幾款小食都相當唔錯！紅油耳片同棒棒雞好香花生味，涼拌木耳同蒜泥青瓜又夠入味，尤其青瓜勁解辣！另外，缽缽雞最啱三五知己坐埋一邊食一邊傾，我地今次揀咗「藤辣」，最初以為湯底會好似火鍋咁熱住食，點知埋到枱先知個湯係凍嘅，又以為凍食唔會好辣，點知原來個辣唻得慢，食多幾串就會覺得好辣，結果我地要點個成都老冰粉解辣！呢個冰粉有點似涼粉，不過透明嘅，少少甜，入口透心涼，相當解辣，食咗咁多辣嘢，以冰粉作為終結，十分完滿！…查看更多

週五晚選擇同朋友黎左呢間喺中環嘅四川小麵試下，曾經喺ig上都睇過唔少人打卡，被店名「瘋狂小麵」吸引，都要睇睇到底有幾瘋狂。個人未有去過四川、重慶呢啲地方，一直以來對於川菜嘅概念都係辣、辣同埋辣。睇番唔少介紹都話呢間小麵嘅口味正宗，今日一訪都算長知識了入座時間尚早，未見很多客人，以麵店黎計，空間非常大，位置多，有卡位坐得舒適，裝潢都花過唔少心思，磚牆木屏風木枱配上紅色椅子，以幾塊面譜造型修飾員工房間，走點中國風路線。餐牌供應湯麵、干撈麵、小食、甜品，仲有不能錯過的缽缽雞，定價合理。晚市黎到依然係「午市組合」嘅餐牌，可選麵、飲品、小食、甜品，定價$68/78/88，以中環價黎講，都相當可以接受，所以聽聞佢地午市好旺場。下午茶時間更加有8折。麵食方面選擇頗多，有牛肉、肥腸、豬肝、酸辣粉、豬肚、擔擔麵等，可選紅湯/白湯，辣度自選，可bb辣、小辣、加辣。唔食辣嘅亦都好多人揀蕃茄湯底麵。瘋狂牛肉麵 $78（配飲品+甜品）因為第一次黎唔知呢度嘅辣度如何，所以只係點左少辣試下，如果食得辣嘅不妨點正常辣/加辣。牛肉嫩腍冇筋，份量適中比較特別係麵底，第一次食呢種麵，麵質爽身彈牙，後來店員話呢種麵係為佢埥嘅店特製的，當然第二度唔會食到。因為我同朋友都唔算太肚餓，只係share左個麵食，然後點左一份缽缽雞。缽缽雞 $238/份（二人，30串肉，30串素）每次番到國內我都必食串串香，呢個缽缽雞異曲同工，不過屬於四川嘅民間菜餚，呢度湯底可選麻辣味/藤椒味，湯度亦可自選。串串選擇豐富，可葷可素，例如有牛舌、牛肚、豬肚、鵪鶉蛋、丸類、木耳、海帶、蔬菜等常見款式。比較特別嘅有牛黃喉、雞肝、雞心等呢啲罕見部位。全部用竹籤串好，雖然看似簡單，其實串起各種材料，處理食材相當費時，亦都唔係好多食店會供應。如果想淺嚐，亦可每串$3/$5計算，不過湯底會收取$48，其實如果有兩個人，食二人份份量都唔會太多，而且價錢已包括湯底，比自己單點抵食。本來按口味，較正宗相信會選擇藤椒湯底，不過朋友唔算好食得辣，所以都係點左少麻少辣，有機會自己再黎則會試試滕椒底，口味會較清爽，而且麻香濃郁。我地揀嘅麻辣湯底都係過癮，菇菌、木耳都好入味。比較特別係我地食左無骨雞爪同「掌中寶」，前者係去骨嘅鳳爪，已經好花工夫，配合麻辣，都好入味。後者更加係少見，不過據說係四川人獨有嘅做法，將鳳爪去骨後保留雞軟骨組織，口感一流佢地嘅肥腸亦係推介之一，亦都相當費時，清理乾淨，而且冇底層嘅肥膏，入口更爽牛黃喉曾經食牛火鍋嘅時候都點，有嚼勁，可以一試。成都老冰粉 絕對係為呢餐飯劃上完美句號，食完麻辣，黎一客老冰粉，瞬間消除口感嘅麻麻辣辣。呢類民間小食口感有啲係啫喱，質地有啲似涼粉，不易分割。材料豐富，有香口花生、酸酸甜甜嘅山渣、酒糟、芝麻、葡萄乾，口感十分豐富，甜度唔高，食完冰冰涼涼，清爽去辣藍蝶花雪梨 +$8、冰糖雪梨汁 +$5去到晚飯時間，客人都陸續多，不過以外省人為主，咁隱蔽嘅位置，佢地都搵到，相信味道都頗正宗。我個人唔追求正宗與否，但求啱口味，呢間頗對胃餐牌：…查看更多