粥底

餐廳：蟹仙海鮮蒸碢大公館地點：銅鑼灣謝斐道（入口喺地下，之後要行樓梯上去）菜式：蒸海鮮餐牌：呢度餐牌有多款海鮮套餐，包唔同種類數量海鮮，價錢當然唔同，另加一同其他雜費。星期五，六，日同公衆假期及前夕每位要加$28，粥底同醬油費每位加$15。餐牌仲有拼盤，小食，追加配料，飲品，酒類。醬料有蒜蓉，蔥花，辣椒，炸蒜同豉油。我地揀左入門既尊貴海鮮套餐，包10款野食。每位$449。罕有藻食綠膏蟹/野生膏仔蟹奄仔蟹係呢度主打，真係超多膏，由泰國入口，蟹膏好滑又香，肉質鮮甜，無泥味，都有唔少肉食。太平洋饅頭蟹/韓國釜山野生鰻魚2選1我地都揀左鰻魚，面頭加上薑絲，下底墊有生菜，食落塊皮同肉都好彈牙，得微微骨頭，可以配豉油同日式芥末食。野生琵琶龍蝦/澳洲青年龍蝦2選1我地每隻各一。青年龍蝦就大隻d，膏多d，蝦肉彈牙鮮甜。琵琶龍蝦就無乜膏，不過肉質都係彈牙鮮甜。最鍾意龍蝦！秘製原隻南非乾鮑乾鮑暖暖地即刻食得，有咬口，味道唔會太鹹。伴有冬菇一件。蟶子今日無大西洋野生青口，變左蟶子，肉質爽口唔韌，好鮮甜，我地自己加左蒜蓉調味。加拿大野生海虎蝦蝦頭有汁，都鮮味。韓國釜山蠔超大隻，蒸熟左之後都仲好大隻，好鮮味而唔會過鹹。紐西蘭刀貝蚌/黃金翡翠螺/蟹皇大元貝三款有兩款黃金翡翠螺肉質好有咬口，唔錯唔錯。蟹皇大元貝肉質都唔錯，加左少少蟹皇令味道更好，我地自己加左蒜蓉，其實都唔洗。有機蔬菜籃：有生菜，娃娃菜同粟米。蒸爐有計時器，服務員會過黎幫你蒸食物，由淡味到濃味食用。服務員先問我哋要唔要蔥花同菜脯加落粥底。粥底有每人三碗，滾到好熱，粥料有豬骨，栗米，芋頭粒同薑片，加左鹹菜脯好味，食完成個餐都飽wor。椰汁燕窩：呢個送嘅。梛汁好飲而勁多燕窩，凍凍地正！總括而言，海鮮質素高，蟹真係特別正，呢個價錢抵食。兩人佔四人座位，環境正常。…查看更多

好鍾意「蟹仙」理念，將每日捕獲野生海鮮由世界各地空運至港，確保新鮮和生猛。蒸煮過程不加任何調味料，每一口來自海鮮嘅自然鮮味，店員會幫手放海鮮入蒸爐，坐定定等食就得。尊貴海鮮套餐野生膏仔蟹：蟹肉質鮮美且汁水充盈，咬落口蟹肉鮮甜美，膏脂濃郁。韓國釜山野生鰻魚：蒸熟咗嘅鰻魚肉質彈牙柔滑，沾少許豉油、蒜蓉調味更鮮。加拿大野生海虎蝦：肉質緊實，每一口都充滿自然嘅甘甜味道。野生琵琶龍蝦：琵琶龍蝦肉質鮮嫩多汁，口感豐富清新，充滿鮮甜味道。秘製原隻南非乾鮑：乾鮑口感嚼勁十足，非常彈牙，用咗秘製醬汁整，乾鮑好入味。大西洋野生青口：青口肉質鮮嫩細膩，口感滑順，帶著海水嘅鹹香味。韓國釜山蠔：肉質滑嫩，帶著海水的鮮咸味。紐西蘭刀貝蚌：肉質緊實而細嫩，味道鮮甜多汁，口感滑順。蟹皇大元貝：元貝大大隻，加左好多蟹皇，肉質鮮甜。粥底本身用豬骨煲咗，濃稠滑順，吸收左海鮮嘅鮮味，味道一流。…查看更多

🙋🏻‍♂️餓底探員去咗銅鑼灣調查呢間海鮮蒸氣鍋，餐廳老闆做海鮮批發，供應多款野生海鮮係出面好少食到，食材高質新鮮，店員仲會幫忙蒸海鮮，服務周到🦞🦀尊貴海鮮套餐 $449🦪秘製原隻南非乾鮑🙋🏻‍♂️表示乾鮑配上香菇，口感煙韌，味道鮮香🐟韓國釜山野生鰻魚｜🦐加拿大野生海虎蝦🙋🏻‍♂️表示鰻魚肉質厚實，食落啖啖肉，有鮮味，虎蝦鮮甜，口感彈牙🦪蟹皇大元貝｜🦪韓國釜山蠔🙋🏻‍♂️表示元貝爽口配上濃厚蟹皇，食落鮮甜甘香，釜山蠔口感嫩滑，有淡淡海水味🐚大西洋野生青口｜🐚紐西蘭刀貝蚌🙋🏻‍♂️表示青口充滿濃郁海水味，口感柔軟，刀貝食落爽口，味道鮮甜🦞野生琵琶龍蝦｜🦀罕有藻食綠膏蟹🙋🏻‍♂️表示琵琶龍蝦外形好似條魚咁，好可愛，肉質彈牙，味道鮮甜，綠膏蟹主要食海藻，所以啲蟹膏係綠色，蟹身啖啖肉好有口感，超多蟹膏，食落甘香味鮮🥬有機蔬菜籃🙋🏻‍♂️表示蔬菜就咁蒸，吸收咗海鮮嘅精華，唔需要調味都好清甜，粟米食落爽口鮮甜🍚粥底 +$15🙋🏻‍♂️表示個粥份量好多，加咗粟米，芋頭同排骨等配料，吸收咗海鮮嘅精華，食落充滿鮮味，口感軟綿📈吃貨指數😋好味度 9/10🔙返啅度 9/10…查看更多

連續幾日放假，如果你問這幾日假期邊餐最深刻，一定係今餐。食了幾日西餐聖誕餐，今日食一餐海鮮餐，真係相當之正。佢餐牌上有幾個餐2人餐4人餐，不同價錢不同海鮮，當然亦可以加錢升級個別海鮮。大赤蝦，鮑魚，蚌，珍珠蠔，大元貝，白刀貝刀背蚌，白刀貝- 店員千叮萬囑無需點醬油，的確兩款海鮮都好正，有海水味加貝類鮮甜。大元貝-扇貝個鮮味， 平日食開蒜蓉蒸粉絲，今日清蒸，好鮮味。珍珠蠔-鮮味有餘，好鐘意店員既貼心服務，吾會只係比個timer 及指引你，叫你自己蒸，而是幫你蒸，基本上等食就可以。另外十分欣賞佢既蟹 蝦蟹一齊上一隻開了兩邊，膏仔蟹，十分多膏，真係幾足料，而且隻蟹夠新鮮，實肉，仲相當鮮甜。最後仲有個蔬菜盤，如果食海鮮吾夠食埋菜就差不多。最後仲有粥底，將海鮮既精華都留曬落去，寶物沈底。今日仲叫左個水蜜桃茶，甜甜地，又吾太重味，配蒸海鮮吾錯…查看更多

今日十分開心 帶埋兩老一齊食蒸海鮮，好好孝敬下父母。蒸海鮮就是有個好處，不會油膩。蒸一蒸，直接食海鮮原味道，就是咁，海鮮質量需要更高，更加新鮮。叫到魚缸裡面既海鮮游來游去，哈哈，好快就有新鮮海鮮餐食。加上父母不喜歡食西餐，蒸海鮮就係一個好選擇。今日叫既尊貴海鮮套餐每位$449 一共有10款之多10款會分開上，然後由店員協助分批蒸。首先就係：深海石斑一夜干魚肉鮮味之極少量薑蔥再蒸，魚肉相當之滑。因為本身吾係好識食多骨既魚，所以就岩岩好。 吾需要太擔心。第一批既海鮮拼盤1）日本野生大赤蝦2）台灣鮑魚3）紐西蘭刀背蚌4）韓國珍珠蠔5）日本大元貝基本上每一款都無需沾醬油大赤蝦- 這款大赤蝦，蝦頭的蝦膏真係好正，超多膏，鮮味。而蝦肉也相當彈牙。台灣鮑魚- 基本上煮熟之後即使縮左少少水都勁大隻。 因為個蒸既時間岩岩好，完全食到新鮮鮑魚既爽滑。彈牙之後上既係蟹同龍蝦野生龍蝦一隻龍蝦開兩邊。充滿膏， 超級滿足。 最後係一個粥底， 由頭到尾既海鮮精華滴入個粥底，食得十分滿足。…查看更多

Happy Friday！收工之後當然要食返餐好既！今晚去左蟹仙海鮮蒸碢大公館食蒸氣火鍋。早個幾鐘打電話訂位都有位。入口喺地下，之後要行樓梯上去，滿座咁滯，超旺。呢度餐牌有四款海鮮套餐，分別包8，10，13，同10款貴d既海鮮，價錢分別係每位$329，$439，$549，同$758，另加一同其他雜費。亦有二人套餐，包18款食物，兩位共$1099。星期五，六，日同公衆假期及前夕每位要加$28，粥底同醬油費每位加$15。餐牌仲有拼盤，小食，追加配料，飲品，酒類。配料自己喺個移動架度攞，有蒜蓉，蔥花，辣椒，炸蒜。我地最後揀左二人套餐。香辣海蜇青瓜：少少辣，正常自家制照燒魚皮：呢個小食送嘅，堅脆又唔鹹，好味罕有大黃奄蟹：膏唔算多，肉都有得食吓，係鮮甜嘅，原本諗住升級增量大蟹每位加$138，唔知點解冇幫我哋加到凍蟹：可以澳洲青年龍蝦：有膏，膏好鮮甜，肉都鮮甜嘅，不過可以再好啲罕有琵琶龍蝦：有籽食，不過得個鹹字同少少脆。呢啲肉仲好食過澳洲青年龍蝦，不過膏少好多越南大虎蝦：唔夠大隻，質素麻麻啦，蝦頭係有汁台灣九孔鮑魚：質感合格，不過欠缺鮮味，太淡紐西蘭刀貝蚌：好大隻，鮮甜嫩口，海水味濃大西洋野生青口：大隻，質感食得出新鮮，不過超鹹日本大元貝：我哋自己加左蒜蓉同蔥花落去蒸，即刻鮮甜啲。蒸完縮左水，質感唔韌韓國慶南珍珠蠔：超鮮甜，蠔汁又豐富，正黑安格斯牛肉：七塊，味道可以，質感就稍韌濟州黑毛豬肉：六塊，好韌喎蟲草花雞件：五件，連皮，真係有蟲草花，嫩口而已經調好味芝心小籠包：三粒，原來係好似芝士魚蛋不過形狀少少似小籠包，芝士堅流心，外皮就麻麻哋星爺爆漿瀨尿牛丸：三粒，真係爆汁，味道少少羶蟹仙蝦蟹棗：三粒，食完以爲係炸魚蛋豬骨濃汁貢丸：三粒，正常有機蔬菜籃：有唐生菜，娃娃菜同粟米。唐生菜好多黑洞。不過娃娃菜同粟米好鮮甜蒸爐有計時器，枱上又有紙仔寫低建議食物煮食時間，好方便。服務員間中會過黎幫你蒸食物。服務員先問我哋要唔要蔥花同菜脯加落粥底。粥底有每人三碗，滾到好熱，不過好浠，似潮州粥，食落味道啖啖咁，不過粥料有豬骨，栗米同芋頭粒，加左鹹菜脯就好味好多。椰汁燕窩：呢個送嘅。梛汁好飲而勁多燕窩。總括而言，食物質素參差，海鮮稍為好啲。兩人佔四人座位，環境正常，人多都幾嘈。冷氣超勁。服務員主動幫手蒸野食，服務唔錯。價錢堅貴，見服務好就勉強俾個笑面啦。…查看更多