蟹仙海鮮蒸碢大公館

澳洲琵琶龍蝦、野生菲律賓奄仔蟹，聽落幾特別喎，邊度有得食？銅鑼灣的「蟹仙海鮮蒸碢大公館」。以蒸碢清蒸海鮮是健康美味的吃法，多年前曾經盛行一時，唔知點解，現在香港就沒有幾多間這樣的店，認識的就只有「蟹仙海鮮蒸碢」，全港有四間分店，對我來說，銅鑼灣店最方便。同伴早有準備，預先在 OpenRice 購買優惠券，56折享用海鮮龍皇套餐。海鮮龍皇套餐 $428/位 (原價$778），共13款食品，相比其他套餐，海鮮之外，尚有肉，而且有刺身。久違了的草帽、是用來蓋着蒸鍋的蓋，當年首次遇見覺得非常特色，優點是有很多氣孔方便蒸氣冒出，因為材料新鮮，實在無需醬料，備以豉油、炸蒜、生蒜、青蔥、紅辣椒粒，添香辛。蟹黃脆魚皮非常酥脆不油膩的黃金魚皮，亮點是配合自家製蟹黃醬，味道昇華。英格蘭帶子刺身．加拿大野生大赤蝦刺身材料非常新鮮，大只肉厚，味道鮮甜無比，赤蝦蝦頭可留下來煲粥。全程由服務員代蒸，時間拿捏得非常準確，依以下次序吃了：黃金翡翠螺韓國釜山蠔 - 保持生嫩的口感蟹皇大元貝大西洋野生青口 - 本味鮮甜野生琵琶龍蝦(半隻) 來自澳洲，本地人都未必食得到的靚貨，因為主要出口，有不少膏，肉質爽口，與別不同！菲律賓野生奄仔蟹若非海鮮老闆是做批發，難得如此價錢吃到這質素的蟹，蟹膏甘香，蟹肉亦不錯。無激素雞件．黑格斯牛肩脊這樣蒸，竟然一點也不嚡，尤其雞肉很滑。有機蔬菜籃排骨芋頭粟米粥底 (加蟹黃)+$38*2 非常棉滑，吸收了海鮮精華，非一般的白粥，竹內有少許芋頭粒及排骨，沒有忘記刺身的蝦頭；加些蔥花或蟹黃，更上一層樓。椰汁燉越南雪燕清澈冰涼，清甜可口。若然並非享用此套餐，用現金找數可免費獲贈。甜橙蘋果紅茶 $38養生飲品，紅茶減壓，有助消化，有點果甜，熱騰騰，頗可口，飲完可以加熱水再泡。位於一樓，要走樓梯先運動，環境寬敞舒適，窗台的蟹仔佈置很特色。…查看更多

入門口就見到勁大隻蟹，食蒸氣鍋真係唔可以少咗蟹同埋龍蝦。餐廳嘅食材極新鮮，講明係生劏，你睇啲膏嘅顏色都知係真，唔會搵啲冰鮮貨敷衍你。雖然餐廳有豉油俾你點，但老實講食豉油都只係冚住浸味。食完覺得自己健康咗，最正係個粥吸收晒啲精華，食得出一啲味精都冇，但係真係食唔晒打包返屋企。最後不得不提餐廳送嘅甜品椰汁燉雪燕，真係要讚返一句「唔係好甜」，入口舒服。‣ 尊貴海鮮套餐 $449· 野生膏仔蟹膏仔蟹嘅蟹膏濃郁得嚟唔膩，真係每一啖都係享受。蟹肉嫩滑多汁，蒸完之後真係令人食指大動，同朋友兩個人都唔出聲好努力咁樣拆蟹慢慢食。· 韓國釜山野生鰻魚蒸鰻魚真係比較少食啲，本身都好擔心會唔會好腥，但結果都幾出乎意料，會食到鰻魚本身嘅油脂香，主要都係點Wasabi食。· 澳洲青年龍蝦個龍蝦真係不得了，特別係個膏，相當之香。龍蝦肉結實鮮甜，又蒸得啱啱好。見到隔離枱嗌咗個龍蝦刺身，望到覺得勁吸引，下次嚟應該會試吓。· 秘製原隻南非乾鮑雖然係乾鮑，燉得都尚算軟腍入味，咬落去有啲嚼勁又唔會好硬。· 加拿大野生海虎蝦虎蝦就真係相當新鮮，肉質彈牙我諗都唔使再重覆講，唔建議點豉油食，就咁食先對得住佢。· 黃金翡翠螺翡翠螺真係算得上啖啖肉，計好晒時間蒸出嚟，所以口感彈牙又唔會話覺得好嚡，唔會浪費咗個螺，亦絕對唔需要你咬得好辛苦，又帶啲天然嘅海水鹹香。· 蟹皇大元貝由於我唔食蠔，所以餐廳俾多咗兩隻大元貝我，我好慶幸我係揀咗大元貝，蟹嘅鮮味極之濃郁，而元貝嘅貝肉好甜。雖然大部份人都唔會食元貝嘅內臟部份，但係我覺得嗰個部份超好食，見到個元貝咁乾淨，最後我決定連埋裙邊一齊食。· 有機蔬菜籃食晒啲海鮮就會開始蒸蔬菜，都係不外乎娃娃菜、唐生菜、粟米等等呢啲大家都一定鍾意食嘅蔬菜，蔬菜本身都好新鮮，最後連埋啲粥一齊食真係冇得彈。…查看更多

新鮮海鮮當然係蒸先食到食原汁原味😋最喜歡嘅主菜😆 龍蝦啖啖肉結實又彈牙仲好鮮甜🦞😋店員先送上6款新鮮海鮮：🔸加拿大野生海虎蝦🔸黃金翡翠螺🔸蟹皇大元貝🔸野生青口🔸韓國釜山蠔🔸野生鰻魚頭盤係自家製南非乾鮑，鮑魚結實味道偏淡，可以一試。全程由店員主理，我哋只係負責坐響到食😆時間同温度由店員控制，食緊嘅同時蒸下一款，熱辣辣出爐👍🏻🔸蟹皇大元貝自家製蟹皇醬超鮮甜！配搭大元貝上鮮味倍增😋🔸野生青口店員話青唔呢條鬚鬚「足絲」係野生青口嘅象徵，因為青口要抓實堅硬嘅物件防止被海水沖走。食落真係充滿海水味，完全唔洗點豉油~最後兩道海鮮：🔸澳洲龍蝦🦞🔸菲律賓奄仔蟹🦀🔸菲律賓奄仔蟹🦀大大隻奄仔蟹肉鮮嫩唔會蒸過龍，蟹膏仲好甘香。跟餐有少少蔬菜🥬，食到呢到已經好飽🤭全晚蒸海鮮嘅精華就響晒呢煲粥到🤩 用豬骨、粟米、粟子同頭先蒸嘅海鮮精華煲成嘅粥。男友仲特登拆埋隻蟹腳做海鮮粥😆 飽都食咗兩碗🤭海鮮蒸鍋有唔同價位，今次我哋食$449一位嘅套餐，以新鮮海鮮、服務親切又全程唔洗自己落手蒸嚟講，可以返轉頭👍🏻🐾貓奴足跡🐾🌐蟹仙海鮮蒸碢大公館 (銅鑼灣)📍銅鑼灣謝斐道500號維安商業大廈地下至1樓…查看更多

蟹仙海鮮蒸鍋大公館餐廳海鮮每日新鮮到港，時令海會因應當日空到港為準，經OpenRice訂枱，仲有刺身餸尊貴海鮮套餐原價898，緊特價每位449 ，半價嘅優惠，性價比極高，仲有九款食材，食完海鮮之後仲有好鮮甜嘅排骨粥底野生膏奄仔蟹（菲律賓野生奄仔蟹）肉質潔白細緻，口感滑嫩帶彈性，鮮甜中透出淡淡海水鹹香，野生環境以藻類為食，蟹膏呈淡青綠色，質地綿密如乳酪，入口即化，味道濃郁甘香，帶有藻類的清新，毫無腥膩感，原汁原味，蟹肉鮮甜與綠膏醇厚， 尤其綠膏奄仔蟹更是季節限定的珍稀之選韓國釜山野生鰻魚鰻魚厚身，肉質緊緻彈牙，油脂豐潤如凝脂，入口鮮甜濃郁帶海味，內裡嫩滑多汁，脂香鮮嫩，肉感更紮實，無需醬汁，齒頰留香原汁原味澳洲青年龍蝦肉質雪白飽滿，口感爽脆彈牙，甘甜與濃郁鮮味，蝦膏豐腴醇厚，帶奶油般滑順質地，餘韻綿長，清蒸時汁水清甜，澳龍肉質更緊實秘製原隻南非乾鮑鮑魚厚實軟嫩，吸飽秘製醬汁的精華，入口鮮香濃郁，帶有淡淡的海味甘甜，冬菇肥厚多汁，鮑魚的鮮美，質地柔滑細膩，醬汁醇厚馥郁，層次豐富大西洋野生青口肉質飽滿肥嫩，入口鮮甜爆汁，帶有鮮甜回甘味，貝肉彈牙爽脆，野生風味更濃郁，清蒸非常清甜加拿大野生海虎蝦蝦肉結實飽滿，口感爽脆彈牙，自帶濃郁鮮甜與淡淡海水甘香，蝦膏豐腴醇厚，肉質更緊實，鮮味更純，簡單清蒸已足顯霸氣鮮美韓國釜山蠔蠔肉肥嫩飽滿，入口即爆鮮甜汁液，帶有海水鹹鮮，清蒸後保留原汁原味，肉質滑嫩如豆腐，蠔肉緊實彈牙，蠔香新鮮回甘黃金翡翠螺翡翠螺肉厚肥實，螺味濃郁，口感爽脆，帶有微微嘅海水味，配埋豉油一齊食，能夠增添風味蟹黃大元貝元貝鮮味十足，肥嫩又大粒，肉質滑嫩彈牙，頂部蟹膏甘醇濃郁，鮮味層層疊加，入口先嚐到元貝的清甜，後湧現蟹膏的豐腴，鮮上加鮮有機蔬菜籃娃娃菜翠嫩清甜，菜葉柔軟無渣，蒸煮後汁水飽滿，生菜，口感爽脆多汁，清蒸後還保留脆度，粟米，顆粒飽滿金黃，甜脆多汁，蒸煮後甜味濃郁粥底有排骨粒，蔥花菜譜，粟米粒，芋頭粒，粥底綿密如綢，飽吸龍蝦，蟹膏等海鮮蒸製時滴落的原汁精華，每一口都蘊含海洋鮮甜，米粒熬至開花，入口先嘗到粥水的海鮮醇厚鮮味…查看更多

周末跟老友聚會，食好嘢當然要品嘗蒸氣石鍋海鮮，所有海鮮都非常新鮮，包括：蟹、龍蝦、蠔、元貝、青口、蝦、蟶子、鮑魚、魚片等，鮮甜美味，齒頰留香，簡直無懈可擊，最後所有海鮮清蒸後所煮好的粥，完全是海鮮的精華，粥既香又綿，即使吃完所有海鮮，也忍不住吃了兩碗粥👍🏻👍🏻👏🏻👏🏻😋😋而且店員服務貼心，更會為客人介紹和詳細說明🙌🏻，老闆每天親自挑選新鮮食材，更是值得推介！此外，小食如鹽酥雞、青瓜海蜇都非常好味，值得一試👍🏻👍🏻…查看更多

禾稈冚珍珠，依到就係一粒珍珠🙈門面平平無奇，坐低試完就知佢咩料😝🙈蒸海蝦🦞（海蝦大隻彈牙）翡翠螺（大隻厚肉彈牙爽口）龍蝦🦞（肉爽口&頭有膏）青口（夠曬新鮮）大閘蟹（膏夠濃&蟹肉清甜）青蟹（膏好濃海水味&肉好有彈性）蒸雞（時間岩岩好，好滑）私心（一定要加蟹皇粥）蟹皇好香+好濃令粥底好好味正所謂打邊爐，最緊要從來都唔係食材最重要‼️係個「爐」而蒸海鮮🦞，最緊要係佢地既同事（令仔經理哥哥）佢地超級細心，計好曬時間佢地忡因為擔心一蒸起太多蒸氣所以佢地會幫手起個冚防止食客被蒸氣整親依份小小既細心位，會令到我地好有印象再次多謝🙏🏻您地真心好味依間餐廳🍴值得多d人知道！！期待下次再尼食！！…查看更多

第一輪嘅澳洲龍蝦真係震撼登場！橙紅色蝦膏多到湧出嚟，蝦肉爽脆彈牙到不得了，簡單蒸煮已經鮮甜到一個點～跟住嘅奄仔蟹同樣精彩，金黃蟹膏濃郁到似食緊海膽，蟹肉仲帶住絲絲海水鹹香，正到犯規！最驚喜係佢哋嘅日本蠔，足足有成隻手掌咁大！蒸完之後蠔肉飽滿多汁，入口即化嘅口感真係令人難忘。仲有鮑魚、扇貝、蟶子...全部海鮮都係即撈即蒸，店員會幫你計時，確保每樣食材都蒸到最佳狀態。最後個粥底簡直係神級！吸盡龍蝦、蟹、貝類精華，加入芋頭粒同菜脯，綿滑得嚟每啖都係海洋嘅鮮甜，我哋成班人爭住添碗啊！…查看更多

同屋企人慶祝生日，特登book咗銅鑼灣呢間蟹仙試佢個尊貴海鮮套餐，果然無令人失望！一入座已經見到個超霸氣嘅蒸氣鍋，即刻期待感滿分～個套餐包羅萬有，由原隻龍蝦到奄仔蟹都有齊！第一輪蒸嘅係澳洲青年龍蝦，一開蓋香氣撲鼻～龍蝦肉爽脆彈牙到不得了，鮮甜到好似喺海入面游緊水咁！跟住輪到重頭戲奄仔蟹，揭開蟹蓋真係哇一聲——滿瀉嘅金黃蟹膏多到漏油，入口甘香豐腴，仲帶住淡淡海水鹹香，正到犯規！其他海鮮都係高水準，鮑魚上枱仲識郁，蒸熟後嫩滑彈牙；蟶子王有成隻手掌咁長，肉厚多汁；仲有扇貝、海蝦、蜆，全部鮮甜到唔使點豉油！最貼心係有店員幫手計時蒸煮，每樣海鮮都保持到最完美熟度～最後個粥底先係神來之筆！吸盡所有海鮮精華，加入菜脯、芋頭粒同芫荽， 新鮮到爆炸！…查看更多

這次終於品嚐到「尊貴海鮮套餐」的蒸氣鍋，一上桌就被豐富的海鮮陣容吸引！套餐包括澳洲青年龍蝦、野生菲律賓蟹、秘製南非乾鮑等，每一款都鮮活足料，真材實料看得見。蒸氣鍋的烹調方式完美保留了海鮮的原汁原味，龍蝦肉質彈牙，蟹肉鮮甜，乾鮑入味軟糯，每一口都是海洋的饋贈。特別喜歡大西洋野生青口和加拿大海虎蝦，入口鮮美不帶腥，蘸上少許Wasabi醬油更顯風味。除了海鮮，還有黃金翡翠螺、蟹皇大元貝等貝類，以及清甜的有機蔬菜籃，平衡了整體口感，吃得滿足又不膩口。以$449的價錢，能品嚐到如此高質的海鮮盛宴，實在物超所值！無論是家庭聚餐還是好友共賞，這裡都是絕佳選擇。推薦給所有愛海鮮、追求原味的美食愛好者！…查看更多

一踏入「蟹仙」就已經聞到陣陣海洋嘅鮮味，成個人都即刻期待起上嚟！今次試咗佢哋嘅招牌海鮮蒸鍋，由店員幫手計時蒸煮，每樣海鮮都係啱啱熟嘅黃金時刻，鮮味完全鎖住，真係將「原汁原味」發揮到極致！第一輪嘅「日本元貝」一開蓋就已經驚艷全場！貝肉厚身得嚟非常飽滿，蒸完之後個汁精華全部留咗係殼底，飲一啖鮮甜到不得了！元貝肉質爽彈，點少少自家製蒜蓉醬油，鮮味更加突出，真係食到唔停得口！跟住登場嘅「澳洲龍蝦」絕對係全晚高潮！開邊龍蝦鋪滿咗金銀蒜，蒸熟後蒜香同龍蝦鮮味完美融合。龍蝦肉結實彈牙，一啖咬落去，鮮甜嘅肉汁係口腔入面爆發，加上邪惡嘅蝦膏濃香，個種滿足感真係難以形容！最後嘅「奄仔蟹」雖然細細隻，但蟹膏甘香豐腴，蟹肉鮮甜到一個點！蒸嘅時間掌握得啱啱好，蟹肉一梳梳咁容易拆，蘸少少浙醋已經係極品享受。食到底層個粥底，吸收晒所有海鮮精華，每一啖都係濃縮咗嘅海洋風味！…查看更多

好耐冇出街食飯, 難得約左朋友, 梗係要食返餐好喇~之前係九龍城都見過呢間鋪頭, 原來CWB都有~海鮮蒸氣鍋叫左個$449 套餐~海鮮都未到, 已經來左每人一份秘製原隻南非乾鮑, 口感嫩滑彈牙, 平時真係好少機會食到成個sets 有8款新鮮海鮮加拿大野生海虎蝦🦐, 得1隻, 真係唔夠候呀😆韓國釜山蠔🦪, 個蠔冇得輸, 勁鮮甜韓國釜山野生鰻魚🐟, 肉質好嫩滑野生奄仔蟹🦀, 勁多膏，好後悔無將d膏加落個粥到🤤最後個粥底, 配埋本來有既豬骨、栗米粒、芋頭粒, 超級鮮甜, 我仲食左2碗添真係要讚下一直幫我地處理蒸海鮮既員工, 全程幫我地搞點所有野唔洗自己落手, 真係坐係度等食就得, 仲會提點我地每款海鮮應該配豉油定wasabi, 又或者就咁食已經食到好鮮味…查看更多

為愛吃海鮮的摯友慶生，特意預訂了蟹仙慶祝，以一場海鮮蒸氣鍋盛宴，用最純粹的鮮甜滋味封存美好夜晚。第一爐：· 大蝦，蟶子，扇貝，青口，韓國鱔，生蠔，肉蟹，有幸今日有琵琶蝦，每一道海鮮都不需調味，活跳海鮮，浪花在舌尖綻放。第二爐：· 無激素雞，蒸後柔嫩不柴，吸附海鮮蒸氣後竟帶有淡淡海洋氣息。· 粟米，娃娃菜在爐中保留清甜，解膩之餘更突顯食材本味。第三爐：·粥底，鮮味結晶，盛宴句點經過多輪蒸煮，海鮮與肉類的精華全數滴入底層的米粥。自己調配蔥同菜脯，攪拌瞬間香氣撲鼻。粥品綿滑，每一口都是整晚的滋味濃縮，本應飽到食唔落都忍唔住食咗2碗。---慶生彩蛋：隱藏版甜點與暖心服務正當我們以為盛宴落幕，服務生突然端出壽包，體貼程度簡直係五粒星。…查看更多

最近好想食海鮮 突然醒起蟹仙呢間餐廳 就約咗朋友一齊食 yeah一嚟到服務員就講餐廳老闆係做野生海鮮入口 所以海鮮特別靚 的而且確 我就係覺得佢好好食，所以我先返嚟！我哋今次叫咗尊貴海鮮套餐 有9款海鮮 加菜籃 再加粥底 好飽！ 服務員話如果俾現金嘅話仲會有甜品送添喺食咗嘅海鮮入面 我覺得鰻魚 蟹 龍蝦 同埋蟹黃元貝最好食 鰻魚就係我未食過蒸鰻魚 肉質彈牙 味道鮮甜蟹龍蝦就係又有膏 d肉有好食 唔使調味直接食原味😋蟹黃元貝一開頭唔知佢係加咗蟹黃 係咁諗點解元貝會有膏嘅？ haha 好夾同好好食。總括而言，成餐都好味，服務員服務好好，基本上好似食緊蒸海鮮版omakase。餐廳人流適中，可以慢慢坐同傾偈。有機會不妨一試!…查看更多

主打蒸氣火鍋，配以各種新鮮的海鮮，當中以「刁鑽海鮮套餐」最為吸引，包括東星斑、龍蝦、鮑魚、貴妃蚌等，十分豪華今次揀咗最平嘅【尊貴海鮮套餐】一位449開餐前店員開蒸汽將餐具高溫殺菌, 再係鍋中加入米飯, 待食完蒸海鮮後食。 全程由店員逐款放上蒸爐, set好蒸煮時間, 唔怕蒸過龍加拿大野生海虎蝦: 蝦肉肥美爽甜蒸完仲有蝦膏係入面鮮味十足蟹皇大元貝: 元貝上加了蟹皇，令到本身清淡既元貝加添左一份濃郁蒸完之後口感好豐富，仲可以加蒜泥更加好食大西洋野生青口: 青口以清蒸既做法比較少因為青口比較淡味會需要其他調味去提鮮但呢隻野生青口既鮮味都好重 咁去用清蒸就岩啦蟶子：蟶子口感好爽因為以清蒸既方法會令容易可以令蟶子唔會太韌食落反而十分鮮嫩 加少少蒜頭同醬油更好食食到最後仲有一個充滿海鮮鮮味既粥作完結，十分滿足個人最鐘意食呢度蟶子，野生海虎蝦…查看更多

超正！回味無窮嘅蒸海鮮體驗！海鮮新鮮到不得了，每樣都係即叫即蒸，完全保留咗原汁原味，鮮甜得嚟又唔腥，食落去真係超滿足！每一樣都蒸得啱啱好，唔會過熟，肉質彈牙又多汁。最驚喜係佢哋用蒸海鮮嘅湯汁嚟煮粥，最後嗰碗海鮮粥真係精華所在，香濃到爆！環境乾淨企理，服務員又有禮貌，介紹得好詳細，仲會幫手控制蒸嘅時間，完全唔使自己煩。下次一定會再嚟，仲會帶埋朋友一齊嚟試！鍾意食海鮮嘅朋友，呢間真係唔可以錯過！唯獨粟米唔夠甜…查看更多