大圍小館

常聽到同事說起此餐廳的叉燒和流心糯米雞，某日路經此地，特意入內一試。同事超推必試的「第一叉」，一客六件，但每件都肥厚巨型！上枱後，店員會在食客面前先塗抹蜜芽糖在其上，再用火槍燒焦外層，即燒即食，好不吸引！焦香甜美的外層脆而不硬，梅頭肉肥瘦相間，甘香的油脂混在鬆軟的肉之間，單是肉質已令人迷倒！流心糯米雞其實是一顆蛋黃加煎糯米雞的合體，挺有趣。糯米雞的直徑足有一隻食飯碗，有需要可以請店員剪開。煎了的糯米雞底部是輕微的脆，糯米煙煙靭靭，餡料也夠多夠濕潤。惟那隻蛋黃流下去又沒甚麼蛋香，有點畫蛇添足的感覺。叉燒是好食的，但流心糯米雞似乎是以噱頭為主，所以笑面只是給叉燒的。…查看更多

呢間有米芝蓮加持既中菜館，晚市分兩輪，基本上無Walk In，朋友提醒預早訂位做第一輪，否則啲名物可能會賣曬🤨▪️ 第一叉 （8/10）💲228（6件）上檯見到咁厚切真係嚇親，侍應塗上麥芽糖，再用火槍燒，燶邊帶點焦香，肉質腍身，肥瘦相間，油脂同肉香並存😳▪️ 椒鹽鮮魷 （7.5/10）💲168炸粉厚薄適中，入口酥脆，魷魚爽彈，帶有椒鹽既鹹香，撈飯就最好不過🍚▪️蠔王花菇紅燒豆腐（7.5/10）💲158呢個比預期中有驚喜，豆腐非常滑嫩，吸滿曬個醬汁，又唔會太鹹，配蔬菜同菇菌🍄▪️ 特濃芝麻卷（6.5/10）💲48（3條）食落比較軟黏，芝麻香唔算濃，有啲失望🫨▪️ 冰花蛋球 沙翁（7/10）💲58又係好巨型，夠四至六個人分，佈滿砂糖，外皮脆身，裡面有少少乾，不過富有蛋香🥚▪️ 薏米白果腐竹糖水（7/10）原來最尾仲會送一碗糖水，質地比較稠身，有超級多薏米同埋白果，去水腫一流🤣🔎 整體評分（7.5/10）…查看更多

真實自費食評今次係第二次食大圍呢間分店，而元朗分店都食過兩次，但大圍分店質素好似真係有啲下滑。今次係訂到8:15pm既時段，店員都知道天氣比較熱，喺8:00pm就已經可以俾客人入去涼下冷氣，至少老人家唔洗好熱咁喺門口等。店員都好好咁問飲咩茶，亦都會問你有啲菜得返一個限額問你要唔要，但因為唔適合所以無要到，但因為知道啲菜式賣哂就可能無，所以落一兩樣先，但呢到啲店員有啲係你未講完佢就轉身走左，所以會諗究竟佢有無同你落到單。呢樣希望佢地可以改進下。今次都叫左唔少菜式，因為多人食可以試多啲。第一叉 $188之前食既時候係叫勾魂叉，底鋪左脆米，又會喺面上搽菠蘿醬再用火鎗喺面到燒一燒。但依家只係好普通咁上菜，但就可能少左佢地想推薦呢個喺屬於佢地signature既賣點。叉燒係好厚切既，雖然舊數比較少，但其實覺得厚再切半都好夠食，都係肥叉既質素，所以好適合食肥叉既人試呢個菜。一口金磚 $78以為個名係豆腐，但食落原來係蘿蔔糕，都幾有驚喜嘅係因為佢個外皮係用鹹蛋黃去炸，所以食落好香口，呢個菜式都好飽肚。鮮山葵海蜇頭 $128因為好鍾意食海蜇頭既關係，呢個菜係我每次黎都必點既，而且配山葵少少辣辣地係一個好開胃既菜式。脆皮黑鬃鵝 $168其實係燒鵝，唔係太多肉但個外皮都有少少脆口一缽魚腸 $168個蛋會比較實，魚腸都算多，一定要配胡椒粉食，因為係會有少少腥。冰梅咸檸骨 $208個外皮唔會炸得好勁，係半肥肉，但會有根未必咬得開，個咸檸骨汗都較得好岩味。豬油炒飯 $158可以講既係飯粒粒分明唔會痴埋一堆。砂鍋蝦頭膏炒飯 $228一黎到店員會打開個蓋再幫手兜兩下，黎既時候好香，不過食落無乜蝦既味。本身店俾左少少菜單可以早幾日訂菜式，黑鬃鵝喺菜單裡面可以揀，仲有全隻半隻例牌去選擇，但當同店員預訂嘅時候，話一定要訂半隻。但我喺張可以訂既菜單又見唔到咁寫，咁就問店員點解一定要訂半隻，但店員突然又話唔洗訂半隻，話到時嚟到仲有例牌就可以要。咁其實早啲比客訂，但又冇寫到明要定半隻起，其實被店員搞到好混亂。希望佢地可以跟進下呢啲情況式或update下啲俾人早啲訂既菜式。整體黎講，我覺得元朗分店係出色啲，因為試過元朗既晚飯同飲茶，元朗分店既店員都會推薦啲合式既菜式，同埋元朗店既店員好似親近啲，呢間好似同啲人講野無乜反應咁。而價錢，如果呢啲份量既話係真係略貴，亦都因為佢係列入米芝蓮推介餐廳，但其實質素只係可以話OK，未去到有一啲菜式真係好超級特別推介。如果仍然想列入為米芝蓮推薦餐廳，需要再用心一點。…查看更多

久聞大名的大圍小館﹐在網上看過不少食評﹐適逢家母生日約齊家人一齊去試試﹐於十日前訂座了晚飯20:15。當晚8點去到餐廳﹐已有大批人在等候﹐入座前會先安排枱號時間一到就全部人一齊入座﹐流程暢順。餐前小食有一碟話梅醃苦瓜﹐味道像酸菜完全無苦味。另外普洱茶也不錯。功夫八實鴨:  鴨身去骨填入黑糯米，牛肝菌，乾瑤柱，腩肉，栗子，蓮子， 鮮筍，蝦米及咸旦王，好味又飽肚，醬汁沾菜非常好食。脆皮黑鬃鵝(半隻):  皮脆肉嫩還不算貴，推薦。花旗蔘烏雞湯:  是日老火湯，甘甘地幾好飲，湯渣會分開上。茶薰雞 & 豉油雞:  雞有雞味，十分嫩滑，據說是用新鮮農場雞，豉油雞味道清甜比較好吃，茶薰雞煙薰味太重個人不太喜歡。第一叉:  鎮店菜式，肉味蜜味焦香味俱全，肉質非常軟淋。如意欖蒸肉餅:  混入了類似涼果甘草欖的甜味肉餅，不是人人能接受。椒鹽鮮魷 & 馬拉盞蝦乾肉末生啫芥蘭煲 & 惹味海蝦干小炒王:  正常小菜，沒太特別。冰花蛋球 ( 沙翁 ):  很大一個沙翁，蛋香味濃。冰糖雪耳桃膠糖水:  奉送的糖水，清甜多料。整體味道不錯，但要懂得選菜式，應多選擇特色的菜式，質素算是對得起價錢。…查看更多

第一叉 - $188呢個係必食之選！本身呢嚿叉燒已經切開咗但佢係厚切 所以可以再切開用咗梅頭肉同麥芽糖燒製成個邊係脆燶邊嚟上到枱店員仲會搽多一層柚子醬然後再用火槍燒一燒令到叉燒外皮更加香甜脆口口感係外脆內軟叉燒好淋好軟熟 接近喺入口即溶嘅感覺食完雖然覺得好邪惡但絕對可以令人食唔停口花菇吊魷鮮肉燒賣 - $52作為燒賣愛好者去到飲茶點會唔嗌燒賣燒賣俾想像中更加大粒而且好實淨花菇大大粒唔會好硬吊魷都好有鮮味呢個燒賣嘅配搭都幾特別古早味牛骨髓 - $52牛骨髓個口感好好滑嘟嘟咁唔係好洗點咬已經係個口度溶化咗不過略嫌整得未夠入味要靠點多啲汁先至食到個味灌湯餃 - $68夠晒大隻個皮唔算太厚入面都好足料湯汁清甜 店員仲建議我哋唔好落任何調味因為要食真啲佢個原味醬王金錢肚 - $44金錢肚好大塊整得好入味好淋少少辣咁好惹味側邊啲魚蛋都好彈牙嫲嫲芥蘭粿 - $33個人本身對於呢啲菜餃都好有興趣呢個芥蘭粿都無令我失望成粒脹卜卜咁個皮都好薄 好通透食完都感覺冇乜負擔煙燻鵝肉卷 - $98一啖一粒都幾方便進食煙燻味好重好香未上到枱已經聞到呢陣味入邊有唔同嘅蔬菜好有咬口流心煎糯米雞 - $52呢個煎糯米雞對我嚟講都幾新奇因為我未食過咁樣整嘅糯米雞剪開嘅時候上面個蛋黃流晒心令到隻糯米雞唔會好乾而且煎過個外層令到糯米除咗有煙靭嘅口感同時又會有脆嘅口感都幾得意三色腸 - $52一碟有齊蝦腸，牛肉腸同鯪魚肉腸粉啱晒想試多啲款式嘅朋友蝦腸啲蝦好大隻好爽口鯪魚肉都幾結實牛肉腸正常發揮…查看更多

Finally i can try this michelin restaurant, it was great and good service for sure.This is my first time to be there, i booked the table 3 weeks ago, it was quite full so please make sure you book it earlyFirst dish I highly recommended is Char siu, it was so juicy and unforgettable, and the citron sauce is a perfect match for the pork, and the staff used the gas lighter to melted the Char Siu fat, it was so yummy!And second one we ordered baked crab butter rice, the crab butter is so fresh and creamy, and the rice is a claypot rice, the texture is like a mixture of soft and hard, it was so surprise! And this is winter special, so please check before you be there.Because we go there for celebration the new year, so we also order some lucky meaning dish, like this one is call 發財瑤柱甫, it’s scallop with nostoc mixed Oyster sauce, the chef make it not too salty but also can put the umami from the ingredientsNowadays roast goose you can’t easy to find in Hong Kong, but finally can see the whole goose in this restaurant, the staff said they used the orange sauce to pickled all night long, and dry it 7 days, before serving the chef take out extra fat and skin, and used the home made sauce to enrich the dishes…查看更多

之前大圍小館得walk-in 排隊，宜家就開放左預約，想試嘅話記得提早book左枱先。佢同坊間嘅茶樓唔同，主打失傳同懷舊菜，所以可以選擇嘅點心種類唔多，但每道菜都可以感受到師傅嘅技藝。每張枱都會送上佢地自家製嘅辣椒油同辣椒醬，非常惹味，鍾意食辣嘅可以試試。我地兩個人點左6道菜，份量都幾多，好彩最後食得曬。要留意嘅係呢度嘅菜式好快就售罄，建議第一輪就點曬想食嘅菜先。今次比較可惜嘅係想試嘅酸薑皮蛋酥已經賣曬。先介紹餐廳招牌菜第一叉。厚切嘅叉燒色澤鮮艷亮麗，選用上梅頭肉，肥瘦勻稱，以特製麥芽糖燒製。咬落去充滿油脂嘅香味同肉味，麥芽糖醬嘅味道有幾種層次，唔係單一嘅甜味。糯米雞有蛋黃香，外皮酥黃香脆，冬菇同糯米香味濃郁。店員會幫手剪開沙翁，上面有滿滿糖霜，如果怕太甜，建議整走少少糖霜先食。沙翁有好重蛋香味，內層鬆軟，就算我地擺左一陣先食，表面仲保留到酥脆嘅口感。我係第一次食灌湯餃，店員提醒我地將灌湯餃放喺碗嘅時候要小心唔好整穿餃子皮。餃子皮非常薄，入面用嘅餡料都幾用心，有瑤柱、帶子、蝦、花菇同金華火腿，湯汁鮮美。蝦餃就比較普通，蝦餃皮稍稍蒸過火，蝦肉餡有比較重嘅胡椒味，遮蓋左蝦肉本身嘅鮮味。我地喺menu見到宮廷荷花酥嘅相，覺得幾精緻，所以就諗住試食下。從佢嘅賣相都睇得出呢道菜好考師傅手藝。不過味道實在太甜，唔太啱我口味。…查看更多

食物：第一叉：不愧係招牌！豬肉好嫩，而且真係有豬味。陳皮醬甜而不膩，唔會蓋過豬肉香味。一碟只有5舊，但每舊都好厚身，食落好滿足，就算咁厚啲肉都依然咁嫩，正！薄荷蒙古羊肉：唔錯，羊肉冇乜羊騷味，不過咸咗少少，建議配飯食。本身以為佢係落薄荷醬，原來直頭係成塊薄荷葉一齊炒，薄荷味好清新。牛骨髓鍋：呢鍋入面有牛骨髓、魷魚同蝦，味道都ok，點埋佢嘅辣醬會更惹味（呢到嘅辣醬好辣🥵）山葵海蜇頭：好爽脆，仲同山葵味好夾，唔錯冰花蛋球（沙翁）：非常失望……估唔到衰收尾……齋睇個樣，已經覺得佢入面唔夠鬆化。食落口，直頭似馬拉糕咁實……我家長者話傳統沙翁唔應該係咁嘅口感都未擺入口，淨係擺近個鼻都已經聞到有陣亞摩尼亞味，應該係膨脹劑嗰類野落得太多（？）食落口就冇亞摩尼亞味嘅，但除咗表面嘅砂糖之後，成舊糕係一啲味都冇……麵粉味/蛋味係零，唔知自己食緊乜桃膠蓮子紅棗糖水（送嘅）：質素仲好過$58一份嘅沙翁服務：親切有禮環境：呢個價錢黎講，坐得有啲逼價錢：9百幾希望下次可以試下飲茶食點心，但希望啲點心唔會似個沙翁咁…查看更多

見到門口勁多人就有D想縮沙，好彩友人們早到了，攞完飛仲有20張枱先到我地，但眨下眼半小時就有位，原因係入座只限90分鐘。其中黑松落露醬松子仁蛋炒飯同第一叉令我最深刻，第一叉勁厚咬睇落似乾叉但食落去好鬆軟好香好出色！黑松落露醬松子仁蛋炒飯粒粒分明，大量松子仁（松子仁有很多益處，其中護心減疲勞、潤燥滋陰等），一啖果仁一啖飯口感十足。鮮山葵海蜇頭足料，夠大粒，爽口，係鮮山葵令到我個腦有2秒休克。推介！至於點心就大大件，但因為想試好多唔同懷舊精緻菜，所以下次有機會再試多D唔同點心。明燼脆皮燒鵝小許失色，上網睇好似好正，睇落都好似好好食，但肉稍為靱，有點失望。四個人除番開都係二百幾蚊，撫心自問食物咁高質又唔使周圍搶位排隊，唔使上網指定日期狂禁F5，唔使靠關係先食到既餐廳真係少之有少。…查看更多

米芝蓮中菜，10點半開門，10點後攞飛已經要11點先入到，可見受歡迎程度，晚上食中菜，早上食點心第一叉🐷叉燒係大圍小館名物，基本上每枱都會有一碟，厚切叉燒好軟腍唔乾身，半肥瘦再加埋麥芽糖醬，令人一試難忘。夜晚仲有另一食法，名為勾魂叉，個人覺得麻麻地，下次再同大家介紹一口金磚🥚🥕一碟得六舊，未食過既會以為係豆腐，但實情係鹹蛋黃蘿蔔糕，鹹香鹹香好惹味，大大舊好有滿足感嘴炮流沙包🥚🥖每一次黎都係唔同字樣既流沙包，每一次都好好食，裏面既餡係流沙奶黃，唔似其他酒樓似流非流或者好水狀，大圍小館既包係好杰身，要好小心咁食，唔係就易流到成手都係，仲食得出有少少鹹蛋黃味韮菜粿🥟出面好多既韮菜制品都冇咩韮菜味，呢一間不單之好多韮菜，仲好香韮菜味，煎到香香脆脆，令人一啖接一啖咁食除此之外，仲有好多好懷舊既點心，例如豬腳筋，牛骨髓，糯米包都好值得一試🤩…查看更多

-{大圍米芝連推介飲茶🫖}🤤 冰花蛋球 🤤 ($33)係沙翁嘅放大版 超值😍😍😍好多層😚又夠酥脆😎超多糖粒勁邪惡😂😂😂👖褲評: 8.8/10🤤第一叉🤤 ($158)半份黎 比上一次實淨啲又juicy啲🥰好好食😙👖褲評: 8.8/10🤤 沙爹炆豬蹄筋 🤤 ($62)牛筋嗰種好腍嘅質感🥰而沙爹醬沾滿嚿筋好濃郁😍👖褲評: 8/10🤤 叉燒餐包 🤤 ($33)同平時嘅差不多 上面淋上蜜糖咁😂普通啲喇👖褲評: 7/10🤤 糯米包 🤤 ($40)好食過上次試嘅香煎糯米雞好多！！！外皮有啲似燒賣皮咁 少少臘腸好香🥰👖褲評: 8.5/10🤤 香煎韭菜粿 🤤 ($33)都係普通啲嘅一款 味道正常啦 未去到好重口味嗰種 食落唔算油👖褲評: 7/10🤤 奶皇千層糕 🤤 ($36)好重奶黃味 質感好沙 但食1/4都有啲濟😢👖褲評: 5/10🤤 擂沙湯圓 🤤 ($33)個皮偏厚 不過芝麻都幾流心同埋幾香😎👖褲評: 7.5/10又book左幾個月後嘅枱 個蛋花球真係好出色😚好值得一試😙性價比: 7.5/10服務: 8/10環境: 8.5/10🚩 大圍小館 🚩地址: 大圍積福街92號地舖 #fuudjai #fuudjai中菜 #fuudjai大圍 …查看更多

📍大圍 𝚃𝚊𝚒 𝚆𝚊𝚒❝二訪大圍小館飲早茶😋🥢早2個月訂位!終於食到蛋球沙翁!❤️Menu多款新品🔥❞🍞冰花蛋球(沙翁) $33 (4.5/5)為左佢而特登再黎 仲要10:30am開門就黎☺️每日限量供應 上次1pm黎就冇晒🥺每枱限叫一份! 好大個 好好食! 外脆內軟綿綿 中間好多層 蛋香都重 我覺得外面既糖粒🐷叉燒餐包 $33 (4/5)新品! 外面微脆 包軟熟 中間既餡都足夠 好食但冇咩驚喜🤣🥢第一叉(半份) $158 (4.5/5)再次encore既叉燒 今次叫半份有5舊極厚切叉燒 一人一舊都好滿足🤤好軟腍香口 係多肉少肥膏既叉燒 豬肉味香濃🥳麥芽糖醬汁沾滿晒叉燒面 香甜黏口🥰🍳奶皇千層糕 $36 (3.5/5)上次冇叫到但都想試🙈比想像中濕黏 鹹蛋黃香為主😗🖤擂沙湯丸 $33 (3.5/5)新品! 好大粒🤣中間流心芝麻餡 皮夠薄同煙韌! 但芝麻餡淡味左d同偏水 勝在夠天然唔會太甜咁🤔🍙糯米包 $40 (4/5)新品! 係薄腐皮包住糯米飯 煙靭飽肚 冇咩驚喜 個人覺得上次試既煎糯米雞特別d!🌱煎韭菜粿 $33 (4/5)上次食唔到🥺3大塊 超多韭菜啖啖都係 皮好薄近乎食唔到質感 主要食一大堆韭菜 香味爆發😆🐖沙嗲炆豬蹄筋 $62 (4/5)豬腳筋好似花膠咁 軟腍充滿膠質😋惹味! 份量比想像中多☺️꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍 大圍小館大圍積福街92號地舖🗺𝘐𝘯 𝘵𝘩𝘦 𝘴𝘢𝘮𝘦 𝘭𝘰𝘤𝘢𝘵𝘪𝘰𝘯…#joys_大圍🔖𝘔𝘰𝘳𝘦 𝘴𝘪𝘮𝘪𝘭𝘢𝘳 𝘤𝘶𝘪𝘴𝘪𝘯𝘦 /𝘧𝘰𝘰𝘥…#joys_中菜…查看更多

大圍小館 (大圍)📍大圍積福街92號地舖之前去大圍踩單車嘅時候都發現呢間餐廳任何時候都排長龍，後來發現大圍小館今年榮獲米芝蓮推介！所以最鍾意食點心嘅我哋就揀咗平日一嘗米芝蓮點心嘅威力！當日10:00已經到達，眼見已經一大條長龍都擔心食唔到！好彩當時派緊飛仔，我哋先至及時可以攞到最後一張枱！估唔到咁多忠粉們係會提早30 分鐘以上過嚟排隊等開門！點心款式選擇多，而且價錢合理經濟！大中小點都係分別$40 / $36 / $33。而且出示長者咭可以免茶費，惠澤社群嘅表現，難怪有一批忠實支持者早起排隊等飲茶！難得咁遠黎到，當然要叫多啲特色點心！我地叫咗9個點心同小食，真係捧住個肚走！😂👩‍🍳第一叉 $268 / $158半份🤤🤤🤤🤤🤤「第一叉」呢個名其實係形容叉燒嘅部位，行內人會稱之為「第一刀」，即係豬頸背向天嘅位置，亦都係梅頭中上肉嘅意思！（我哋好奇問，職員亦好耐心咁解釋）職員亦都表示佢哋都會堅持用呢個部位來做叉燒，用料非常優質！大大嚿叉燒，色澤鮮明，軟嫩多汁，肥瘦適中，配搭蜜汁甜而不膩，醬汁更可以帶出肉嘅甜味！難怪佢哋對自己嘅叉燒咁有信心，因為試過就知，佢真係可以稱得上我咁大個女食過最好味嘅叉燒！（淨係呢一度菜都真心值得排隊…）👩‍🍳意大利黑醋伴米茄子 $62🤤🤤🤤🤤🤤炸茄子配意大利黑醋，第一次試！呢個絕對係一個開胃小菜，茄子，雖然酥炸過，但一啲油膩感都冇，再配上意大利黑醋，酸酸甜甜絕對係一個佳餚！難得食中式點心可以食到呢一種菜式！👩‍🍳冰花蛋球（沙翁）小點 🤤🤤🤤🤤🤤大大個沙翁用日本蛋做，蛋味十分之香濃，而且size係拳頭咁大！基本上一上菜必定會「嘩」一聲！😆沙翁來講真係我食過最好味！佢除咗蛋味香濃之外質地亦都係少少煙韌！呢個係必叫點心！👩‍🍳鮮荀蝦餃 小點 2粒🤤🤤🤤🤤🤤蝦餃皮薄餡靚，入邊有大大隻蝦，彈牙又鮮甜！最好係可以叫2粒，就算兩個人嚟都可以叫多款點心！👩‍🍳香茜牛肉腸 特點🤤🤤🤤睇到張相就知芫荽比例有幾重！芫荽控就一定好高興！腸粉皮亦都非常之滑又煙韌！👩‍🍳煎韭菜粿 小點🤤🤤🤤🤤意外地好食！其實佢係一個豬肉加韭菜煎製而成嘅餅，韭菜比例非常之多，而且表面亦煎得好香脆，如果鍾意韭菜嘅話真係值得試！👩‍🍳鮮肉燒賣 小點 2粒🤤🤤🤤🤤🤤由新鮮豬肉打製而成，大大粒豬肉餡咬落亦都彈牙！上面仲要加咗一個大大粒嘅香菇都依然係小點，真係抵食！👩‍🍳懷舊煎糯米雞 特點🤤🤤🤤🤤糯米雞大大舊表面煎得非常香脆！內裏亦都保持傳統又大粒走油嘅鹹蛋黃，糯米亦都煙靭，非常足料！👩‍🍳叉燒餐包 小點 🤤🤤🤤🤤🤤叉燒餐包細細個已經鍾意食！佢哋採用咗第一叉做叉燒餐包嘅餡料！仲要係粒粒叉燒肉，而唔係好似坊間一般嘅肥豬膏！醬汁亦唔會過咸，真係好好味！❤️ 總括嚟講睇得出大圍小館對選材嘅要求非常之高，所以做出嚟嘅食物都特別優質！雖然材料上盛，但點心來講收費算係合理同經濟，相比之下真係非常之抵食，坦白講酒店中菜廳都俾唔到呢種質素。所以就算排幾耐隊我都會再次光顧！最後亦都想稱讚一下佢哋嘅職員，個個都非常有禮好客，亦都好樂意去介紹招牌菜嘅特色！其實職員嘅介紹真係好緊要，食客對食物了解多咗，感受亦都會深刻，而將食物放入口嘅時候亦都會加倍細味品嘗！米芝蓮點心以前都食過，但呢間真心出色👍🏻👍🏻👍🏻👍🏻👍🏻…查看更多

每次無論咩時間經過「大圍小館」門口都見到有人排隊，為左求證啲間首奪米之蓮一星嘅餐廳有咩咁巴閉，今日一於專誠過嚟幫襯下😇店鋪10:30先開門，我哋10點到已經見到有人排隊，好在早到拎定飛，未夠10:15分已經表示已full😛 早起的鳥兒有蟲吃，如果大家想朝聖記得要早啲到/一早book定枱。店舖唔算大，裝修非常別緻，充滿濃厚嘅中國色彩。我哋雖然2個人，但竟然安排去一張大枱，原因係因為佢哋不設搭枱，可見店主對服務質素有一定堅持👍🏻茶位要$18位真係好貴，但原來選用嘅茶葉都好講究。我哋隨便叫左水仙，飲落先發現同平時酒樓飲嘅水仙完全唔同。翻查先知原來佢哋選用左老欉水仙，而且係經過烘焙，有濃厚嘅煙燻木香味，甘香細味👍🏻👍🏻 第一叉 （半份）$158 👍🏻👍🏻👍🏻👍🏻👍🏻招牌菜果然係名不虛傳，從來未食過咁好食嘅叉燒🤤🤤🤤，肥瘦適中，肉質淋滑，纖維細緻。叫第一叉係因為豬肉挑選咗「第一刀」嘅部位。所謂第一刀係指豬隻被送到豬肉檔時，第一刀斬落去嘅豬肉，亦即豬嘅頸椎、豬頭對下嘅一小部分，又名為梅頭咀，一隻豬只有一塊，非常矜貴。再加上香甜嘅蜂蜜作為蜜汁，好味程度簡直係驚為天人，叫佢「世一」叉燒絕對唔過份。未試過真係要試吓！🔥🔥🔥鮮筍蝦餃2粒（小點）$33 👍🏻👍🏻👍🏻👍🏻👍🏻點心做得好唔好，睇佢個蝦餃就知。蝦餃皮薄餡靚，蝦肉飽滿爽彈有鮮味，絕對係出色。另外抵讚嘅係佢可以叫兩粒，啱晒兩個人。鮮肉燒賣2粒(小點）$33 👍🏻👍🏻👍🏻👍🏻👍🏻職員表示所謂「鮮肉」就係指選用左新鮮豬肉。我先醒覺原來平時一般嘅燒賣唔係用新鮮豬好肉架咩？😆 一食先發現，原來真係唔同架喎😳 肉質係特別爽彈有口感，再配合菇味濃郁嘅香菇，先發現原來燒賣喺可以咁好食😛香茜牛肉腸（特點）$43 👍🏻👍🏻👍🏻👍🏻👍🏻腸粉煙靭幼滑，牛肉配合大量嘅芫茜（我至愛），冇得頂。不過同行友人唔食芫茜，就覺得唔啱食了，唔食芫茜嘅朋友要注意。意大利黑醋伴米茄子 $62👍🏻👍🏻👍🏻👍🏻👍🏻米茄子同一般茄子唔同，多汁又軟嫩而且不帶草青味。茄子切開沾上炸粉酥炸，再配合甜甜酸酸嘅意大利黑醋，係勁。好。味。🤤🤤🤤冰花蛋球（小點）$33👍🏻👍🏻👍🏻👍🏻👍🏻啲個又係必叫，其實即係沙翁。侍應剪開四舊之後，其實每一邊係等於1個完整嘅沙翁，份量非常之大，建議4人食😆 而呢個沙翁係我食過咁多沙翁當中最好食，蛋味超級香濃，外層鬆脆，內層軟熟，正👍🏻懷舊煎糯米雞(特點）$43👍🏻👍🏻👍🏻👍🏻一般糯米雞都係用荷葉包住嚟蒸，煎糯米雞第一次見，賣相都幾討好，侍應會幫你剪開四件。外脆內軟，糯米夠煙韌，餡料充足的，鹹蛋黃香甜，幾有特色。叉燒餐包 （小點）$33👍🏻👍🏻👍🏻👍🏻餐包係用左第一叉嘅叉燒黎做餡料，亦加入左少量洋蔥，口感豐富味道濃郁，唔錯。煎韭菜粿 (小點) $33👍🏻👍🏻👍🏻👍🏻厚厚嘅豬肉韭菜餡料，食落啖啖韭菜，兩面都煎得好香，唔錯嘅選擇。總結：一星米芝蓮的確係當之無愧，比起同等係一星米之蓮嘅點心連鎖店，完全係唔同層次。第一叉必食，其他點心都係水準之上，服務亦都非常講究，侍應服務殷勤細心，質素拍得住酒店中菜廳，而價錢係非常相宜。下次要試吓晚市小菜！😎食物：❇️❇️❇️❇️❇️環境：❇️❇️❇️❇️服務：❇️❇️❇️❇️❇️價錢：❇️❇️❇️❇️翻兜指數：❇️❇️❇️❇️❇️…查看更多

大圍小館今年榮登米芝連銜頭，開業4年，一向都人頭湧湧，而最具人氣叉燒 [第一叉] ，又係我鍾意食嘅，一定要推薦俾大家啦！餐廳裝修雅致，帶中式風格，環境闊落舒適，店員服務非常有禮，招呼周到，廚窗掛滿各式燒味，真的很誘人呀！看看餐紙先，原來這裏出品的點心是非一般的茶樓出品，新派創意點心，甚有心思，好吃又好看。第一叉   $158店舖人氣叉燒  "第一叉"，擺盤已經夠吸引！而每一塊叉燒都好厚，燶邊焦香，肉質非常鮮嫩，啖啖肉無筋，肉味香濃鬆化，充滿肉汁，覺得係最好味嘅叉燒，食完真係太滿足，值得推廌俾大家！冰花蛋球     $33太邪惡既美食！比想像中還要大嘅蛋球，好大個呢 ~ 外層沾滿沙糖，炸得好香脆，內裡鬆軟，蛋味非常香濃，依款甜點好特式，現時已較罕有，真的一試難忘！百花蟹肉竹笙卷    $46這點心賣相精美，鮮竹笙包住蟹肉，竹笙爽脆，蟹肉鮮甜，加上蟹籽，鮮味更突出！推薦！懷舊淮山雞扎    $46用上爽口淮山，比起腐皮還有質感，包住滑滑魚肚，軟綿綿，吸入晒湯汁，花菇好厚肉，菇味十分濃，好爽口，以及嫩滑雞肉，經典美點。古早味牛骨髓    $46近幾年在酒樓已經好少見到有牛骨髓出現，嚟到大圍小館重拾懷舊經典點心好滋味！牛骨髓肉質嫩滑而肉味香濃，鵪鶉蛋細細粒，食起嚟一口一個，口感好，珍珠筍爽脆清甜，所有食材吸收晒滷水汁，大大提升味道，好吃。鮮筍蝦餃    $33筍尖係傳統製作，相配鮮爽蝦肉，入口鮮甜，筍絲清爽，蝦餃可口又美味。鮮肉燒賣    $33面層舖上厚肉花菇，肉爽滑，有咬口，而餡料係食得出新鮮豬肉嘅甜味同咬勁，以Q彈外皮包起嚟，肉質鮮嫩，爽口有彈性，鮮味滿分。…查看更多