第一叉：不愧係招牌！豬肉好嫩，而且真係有豬味。陳皮醬甜而不膩，唔會蓋過豬肉香味。一碟只有5舊，但每舊都好厚身，食落好滿足，就算咁厚啲肉都依然咁嫩，正！
薄荷蒙古羊肉：唔錯，羊肉冇乜羊騷味，不過咸咗少少，建議配飯食。本身以為佢係落薄荷醬，原來直頭係成塊薄荷葉一齊炒，薄荷味好清新。
牛骨髓鍋：呢鍋入面有牛骨髓、魷魚同蝦，味道都ok，點埋佢嘅辣醬會更惹味（呢到嘅辣醬好辣🥵）
山葵海蜇頭：好爽脆，仲同山葵味好夾，唔錯
冰花蛋球（沙翁）：非常失望……估唔到衰收尾……
齋睇個樣，已經覺得佢入面唔夠鬆化。食落口，直頭似馬拉糕咁實……我家長者話傳統沙翁唔應該係咁嘅口感
都未擺入口，淨係擺近個鼻都已經聞到有陣亞摩尼亞味，應該係膨脹劑嗰類野落得太多（？）
食落口就冇亞摩尼亞味嘅，但除咗表面嘅砂糖之後，成舊糕係一啲味都冇……麵粉味/蛋味係零，唔知自己食緊乜
桃膠蓮子紅棗糖水（送嘅）：質素仲好過$58一份嘅沙翁
服務：親切有禮
環境：呢個價錢黎講，坐得有啲逼
價錢：9百幾
希望下次可以試下飲茶食點心，但希望啲點心唔會似個沙翁咁
