究極堂 (永光中心)

營業中

休息中

慶幸另一半都係鍾意食日本嘢嘅人，所以我哋會周圍去試吓唔同嘅日本餐廳🥳 呢一間餐廳都係第一次嚟，冇諗過星期六都唔太多人，空間都幾大環境都裝修得幾舒服。店員都有禮貌～首先，試咗兩隻日本生蠔，都好甜好新鮮，鍾意食蠔嘅你可以試吓👍🏻🤤 然後黑松露牛油果軟殼蟹卷都幾特別幾好食，份量啱啱好。 而炸雞軟骨配海膽醬，睇軟骨外層嘅炸粉比較厚身同埋好似炸耐咗，比較硬厚少少。 另外，究極丼應該係比較經典嘅丼飯，因為都比較多配料，所以就叫嚟試吓，壽司飯我覺得比較硬身咗，唔夠醋味，其餘嘅配料都幾好食嘅，香甜 新鮮☺️半熟秘醬三文魚丼都吾太差，幾新鮮成碗清曬🤭👍🏻

今天碰巧在灣仔做嘢，便約好朋友在銅鑼灣吃午飯。朋友介紹，午飯套餐抵食，於是一試。一入餐廳，落地大玻璃，陽光充沛，開陽。有普通座位，又有吧枱。打開餐牌，感覺很多選擇，有魚生類的套餐，$100-200，又有蛋包飯套餐， $80有找，感覺餐廳照顧不同客人的需要，窩心！ 因為今日有較長午飯時間，朋友揀咗 signature 套餐，我揀咗刺身定食套餐，另外揀咗章魚泡菜芝士玉子燒，雞肉牛油果串物。首先玉子燒材料充足，估唔到章魚同蛋同芝士夾夾，朋友一路食，一路叫芝士好好味，賣相也很吸引。至於串物味道一般般，雞肉有點兒乾。主食先嚟究極丼，定食套餐有麵豉湯及沙律，飯上邊有各類魚生，仲有蛋黃撈飯，有七至八種魚生，海膽，拖羅都有，魚飯混在一起，味道不得了，唔怪得知係signature dish。 跟住魚生定食再上，擺盤非常宏偉，每種魚生有兩件，有三文魚，鮮蝦，帶子，吞拿魚，全部非常肥美，至少2cm厚度，每件魚生都很新鮮，大滿足。下次再encore。

喺網上見到呢間位於銅鑼灣嘅居酒屋極多好評，book 位試試氣氛極好，酒水、刺身等都係重點究極海鮮杯 ($98)刺身要大啖大啖食大推一人一杯究極海鮮杯 ，最新鮮同貴價刺身雲集，食得超滿足 打卡仲好好睇  杯底係水蜜桃啫喱，令海鮮杯好 refreshing 唔膩 <3海膽右口魚邊蝦卷 ($78)唔食都唔知中間嘅炸蝦餡咁脆，一咬落去咔嚓大聲響 海膽右口魚邊油脂好香好潤，撞埋炸蝦口感豐富又鮮美究極丼 ($218)真係超值  刺身全部厚切又新鮮，帶子、蝦原隻 size 尤其突出 加埋精緻海苔、卵黃同炸紫菜精緻配菜，誠意滿分蟹味噌蟹棒壽司 ($14) 風味獨特、蟹膏豆腐蟹肉壽司 ($20) 材料豐富實在、炙燒芝士鰻魚壽司 ($16) 滋味精美芝士甲羅燒 ($98)蟹膏蟹肉鮮香無比，配上咸香嘅拉絲芝士、黑魚子同飛魚子，鮮味爆滿  飛魚子嘅爽脆口感令道菜加好多分 一試愛上好食、價錢合理，仲可以喺氣氛好嘅環境邊傾計邊品嚐美食，食<究極堂>確係 good choice ^3^

今次來到位於銅鑼灣永光中心的究極堂，這餐廳不論是銅鑼灣還是炮台山分店都好有人氣，餐廳的食物質素、環境、氣氛都唔錯，仲有VIP包房，好適合一班朋友多人聚餐。👫👭👬🥢🍣究極丼（$218），整個丼飯盛載住滿滿的刺身，三文魚、油甘魚、帆立貝、三文魚籽、左口魚邊、海膽、拖羅蓉、牡丹蝦，刺身樣樣有，刺身好新鮮，尤其是食到牡丹蝦真係鮮嫩無比，蝦頭充滿濃香的膏，回味無窮，整碗丼飯絕無偷工減料。刺身食到一半後，撈上餐廳特製的蛋汁在丼飯裡，令味道更提鮮更滑溜。🍚🍣🐟究極海鮮杯（$98），整杯海鮮都是由不同頂級的食材堆砌出來，由上層的金箔、魚子、海膽、松葉蟹、拖羅蓉，層層新鮮。食到底層就是蜜柑蒟蒻，又咸食到甜，充滿驚喜。🥂🐟🦀🍊麻婆豆腐炸雞蛋包飯（$118），就咁睇個賣相仲以為咖喱炸雞蛋包飯，其實係結合港式男人的浪漫原素麻婆豆腐，豆腐好滑溜，混合了日式咖喱微微的辛辣，炸雞香脆可口，啖啖肉，蛋包飯包住了白飯用黎撈麻婆豆腐味道幾唔錯，創新度算是幾高的料理。🍛🥄避風塘炒枝豆（$38），枝豆同樣也是加入港式避風塘的元素，每條枝豆都會食到蒜香脆脆，同少量辣椒的味道，味道比起平時叫枝豆真是昇華了不少。🫛🧄海膽右口魚邊蝦

時代廣場對面的登龍街永光中心11樓全層日式簡潔裝潢 座位不大但枱面空間充足只得2張大枱如果多人一定要提前預留店員十分親切介紹當日最新鮮食材及特別菜單每款食物上枱亦會初步介紹 看似簡單但絕對加分價錢算係中上但材料亦相對優質新鮮特別係刺身既靈魂 唔咸豐涥既日本醬油及新鮮不嗆秋葵即使係五星級酒店既日餐都未必做到呢種精緻究極丼 $218價錢嚟講係絕對唔算平既 但各款食材的確上等主角係鮮甜既上等海膽及唔會死咸既三文魚籽加上厚切既油甘魚腩及三文魚腩 油感十足!仲有2隻處理十分得當既爆膏牡丹蝦刺身另外更有伴碟既蛋黃漬 撈埋軟熟既珍珠米真係絕配究極炎之丼 $138各款不同既火灸刺身火喉十分到位面層燒至焦香而中下層保持刺身既生感帶子、油甘魚及左口魚邊既油香逼晒出嚟燒芝士大蝦及吞拿魚蓉亦十分適合配米飯鐡板牛油帆立貝 配薯條 $884粒大大粒既帶裙邊帆立貝連埋大量芝士一齊烤焗味道偏淡及有大量既三色椒及粟米是食完主菜後十分滿足既COMFORT FOOD醬燒三文魚炸蝦卷 $58四重芝士炸蝦卷 $48兩款卷物都係以鬆脆炸蝦為基底無論係配上肥美既三文魚腩刺身或超濃厚既四重芝士都十分配合特別推薦三文魚卷同時享受外軟內

喺銅鑼灣行街，兜兜轉轉又係返去登龍街搵食！今次就揀咗食呢間究極堂，呢到連假日都有午市套餐供應，每個餐有沙律同麵豉湯，仲要價錢都好合理添！餐廳環境亦非常之舒適有格調，好適合慢慢品嚐呢到嘅日式精緻料理～(午市套餐)究極丼💰HK$208呢個究極丼超豐盛，有海膽、赤蝦、帶子、炙燒左口魚、三文魚、吞拿魚蓉、三文魚籽、油甘魚同紫菜天婦羅等等！其中三文魚同油甘魚都係超厚切！赤蝦兩大隻都有蝦膏，仲要係挑走哂啲蝦腸嘅，勁貼心，不得不讚～(午市套餐) 網燒頂級肉眼💰HK$138肉眼牛扒叫咗五成熟，簡單用咗鹽同黑椒去調味就已經好清楚咁品嚐到牛肉嘅原汁原味～味淋雞泡魚乾💰HK$78有嚼勁嘅雞泡魚乾味道甜甜哋，配埋沙律醬，風味十足～炸日本魷魚鬚💰HK$78魷魚鬚外脆內彈牙，點埋酸酸甜甜嘅他他醬，味道一流～原來呢間究極堂除咗銅鑼灣有分店之外，北角都有另一間分店，兩間分店都有提供私隱度高嘅VIP房，啱晒一大班人聚會！下次一定要捉埋啲朋友仔一齊體驗下呢到嘅VIP房先～

究極海鮮杯($98)，海鮮杯之前都有食過，用料食材大致上相同，但今次底層係用左柑肉做成既啫喱，有助解魚蓉既油膩感。究極丼($218)，可以一次過食到咁多款魚生，感覺好滿足，牡丹蝦和海膽較突出，蝦好大隻而且口感夠黏好新鮮，海膽鮮甜冇苦味而且順滑，另外配一個蛋黃紫菜汁，拌飯食一流。蟹皇丼($138)，蟹皇香味濃郁，炙燒過帶少少焦香更香口，整個飯攪勻之後，粒粒飯都沾有蟹皇既味道，另外將蟹皇飯放上鰹魚片上一齊食，口感層次增加左煙韌口感。海膽右口魚邊蝦卷($78)，軟綿綿入口即溶既右口魚，夾埋酥脆既炸蝦，形成一軟一脆口感。七味炙燒帆立貝($22)，海膽醬燒赤蝦($22)，炙燒過帶點焦香係我喜愛既口味，賣相都唔錯，色香味俱全，兩款壽司都好新鮮。

⌇究 極 丼“ 🎏 “ 究極丼 ( $ 2 0 8 )首先要介紹究極堂嘅招牌菜究極丼!一睇落去超級足料賣相爆燈🤩刺身有成十款咁多全部都新鮮鮮甜 包括赤蝦(重量級2大隻🦐!)油甘魚 三文魚 海膽 帆立貝 三文魚籽 蔥呑拿魚蓉 海膽 帆立貝 炙燒右口魚邊 再加上醬油漬蛋 滿足感滿滿 成為招牌菜實至名歸! 個人最喜歡三文魚籽 炙燒右口魚邊同埋葱呑拿魚蓉撈埋蛋漿口感好滿足 但又唔會覺得膩😋“ 🔥 “ 究極炎之丼 ( $ 1 2 8 )叫左另一款丼飯究極炎之丼 材料亦非常豐富 包括三文魚 帶子 赤蝦 右口魚裙邊 蟹膏醬 全部都經過火炙外面帶少少脆但入面保持鮮嫩入口即溶嘅感覺 🍣 蟹膏醬撈埋醋飯一流 刺身燒到入口即融嘅狀態 好食 但呢個飯最特別嘅地方係蟹膏醬 真係成個飯嘅亮點 撈落啲飯度一齊食 真係完全吾洗再落豉油 而且飯本身有飯素調味 味道夠曬豐富！“ 🦀 “ 溫泉蛋蟹肉沙律 ( $ 7 8 )“ 🦑 “ 炸日本魷魚鬚 ( $ 7 8 )究極丼🍥銅鑼灣登龍街28號永光中心11樓🍞#foodraah_cwb

星期日完左七人纜球賽, 同朋友係銅鑼灣搵間日本餐廳食飯。今次試左餐廳推介既究極丼, 佢既材料非常多, 有三文魚, 油甘魚, 赤蝦, 帆立貝, 海膽, 帶子和三文魚籽等, 其中赤蝦好鮮甜,每款刺身都好新鮮, 配合蛋黃拌飯幾好食。另外, 我哋叫左軟殼蟹卷, 軟殼蟹炸得好鬆脆, 配合牛油果味道好夾。我哋亦叫左魷魚肝醬配薯條, 魷魚好彈牙, 配合紫楊蔥和紅綠椒, 十分惹味, 用黎送酒一流。 原來餐廳北角也有分店, 下次如果有大班朋友gathering, 仲可以book VIP房食飯。

上星期去完銅鑼灣睇展覽後，經過食肆臨立嘅登龍街，見到間日本料理店性價比幾高，於是就同朋友入去試試。餐廳位於登龍街永光中心11樓，港鐵站步行約五分鐘就到，非常方便。入到餐廳空間感足夠，裝潢以木材質同高質感水泥為主調。座位大概分大廳同VIP房兩部分。用餐時間係平日晚上八點，餐廳大約八成滿。眼見客人源源不絕，如果想食早訂位較好。 - 究極丼²¹⁸究極丼表面鋪滿配搭豐富的刺身，分別有三文魚、油甘魚、赤蝦、帆立貝、炙燒左口魚裙邊、海膽、拖羅蓉以及三文魚子，食材新鮮份量十足！眾多刺身中最愛炙燒左口魚裙邊，口感肥美豐富，經火炙迫出魚油，味道濃郁鮮甜，味道令人難以抵擋！而丼飯底亦不普通，用上特色赤醋飯，味道濃香醇厚，酸度柔和。還附上醬油漬蛋黃，用來拌飯吃非常有蛋香。 - 九州槍魷魚（魷魚肝醬) 配薯條⁸⁸九州槍魷魚鐵板料理，用上魷魚肝醬烹調。個人第一次食魷魚肝醬，相當有驚喜！原來魷魚肝醬是這種味道。味道鹹香，香氣濃郁！另外還可配蒜蓉法包或薯條。相當抵食！ - 海膽右口魚邊蝦卷⁷⁸經火炙過的右口魚邊肉質滑溜，魚油脂豐潤。炸蝦新鮮炸起熱辣辣，蝦味鮮甜口感彈牙。而表面的海膽味道鮮甜，入口甘香！ - 蟹膏豆腐

星期五收工一定要去放鬆下！今日同事就帶我黎到究極堂食好西。😋 聽同事講究極堂仲有另一間分店，係炮台山，一大班朋友約飯係可以訂房嘅，下次一於試下。餐廳好乾淨企理，枱面無油漬，乾爽，十分舒服。蟹膏豆腐鱈魚乾 $58鱈魚乾燒過，好脆口，蟹膏同豆腐好夾，豆腐味好濃。海膽左口魚邊蝦卷 $78$78有三件，左口魚火炙後油香十足，炸蝦即炸後就被包成卷，所以入口非常熱，誠意之作；海膽鋪面，沈上芝麻，芝麻炒過十分香口。芝士年糕 $38$38兩件，同蝦卷嘅蝦一樣，都係即叫即炸，所以外脆內軟，軟腍腍嘅口感入面包住芝士。帶子他他 $38帶子炸過上面有他他醬，成粒一啖食咗佢，微酸嘅他他醬配合埋三文魚子都幾夾，口感豐富。究極丼 $218店員介紹玉子漬可加落個飯到一齊食，而刺身種類豐富，包括拖羅蓉，三文魚子，海膽，三文魚，油甘魚，赤蝦，帶子，炙燒左口魚和炸紫菜。據餐牌介紹，丼飯是赤醋飯，赤醋由熟成的酒粕發酵而成，混入米飯之中，味道濃香醇厚，酸度柔和。究極海鮮杯 $98由海鮮杯高至低數起，杯面有三片鱈魚片，黑松露和金箔。刺身有三文魚子，吞拿魚蓉，蟹肉，底部係橘子啫喱。我逐層食，食到最後甜甜地都幾好食。心形焦糖玉子 $

平時喺香港食居酒屋價錢都唔平😅今日發現到一間CP值好高嘅居酒屋選擇非常多😚有魚生到下酒小食到串燒都好豐富❤️ 重點係口味好正宗唔會好港式用料又高質😛 難怪夜晚都好熱鬧氣氛好好超受歡迎👏🏼⭐️ 究極丼 🍱 一款有晒唔同魚生例如三文魚吞拿魚🐠海膽甜蝦同埋帶子🐟超級豐富而且用料好高質充滿鮮味🌊配上玉子加埋海藻去調味🍳更加提起魚生嘅鮮甜⭐️ 薯蓉廣島蠔 🦪蠔肉每隻都好飽滿👍🏼咬落去爆汁好Juicy 配上芝士同薯蓉好香口同埋好濃郁🧡⭐️ 炸蝦芝士牛肉卷 🍣炸蝦同芝士意外地配合🍤Cream Cheese帶點微鹹提升了炸蝦既層次🥹火候岩岩好唔會太膩⭐️ 粟米天婦羅 🌽看似簡單但其實充滿技巧😛唔會過分乾保留了粟米既甜度💛配上海鹽既點綴岩岩好🧂⭐️ 海苔墨魚他他 🐙⭐️ 紫蘇梅醬軟骨雞肉🪻⭐️ 鹽燒白鱔 🐬炸串好有日本食到嘅風味唔會油膩🔥特別推薦雞肉串有種紫蘇葉嘅獨特香氣💜 墨魚他他就好爽脆有口感🦑 白鱔大點炭香唔加調味已經好新鮮

個friend公司附近幫襯過炮台山店話好正，我地喺度行街搵食，見Google 顯示原來附近都有分店，上左黎食，價位非常親民，仲好好食，可以話係用心煮料新鮮。一入門口見到有個幾grand嘅area，如果大班朋友gatherings，可以book VIP房。超正！我friend話一定要食魚生飯同甜品特飲：究極丼 - 必點！魚生舖滿，兩大隻牡丹蝦、海膽、三文魚子、厚切油甘魚、三文魚同帶子、吞拿魚蓉，仲有茶漬蛋撈飯同紫菜天婦羅，超正，豐盛又鮮味～韓式辣醬生赤蝦丼 - 又一舖滿，赤蝦好大隻好鮮好厚肉，估唔到同韓式醬咁夾，有少少大醬湯味又有少少辣醬味，仲有泡菜拌飯。雪糕班戟 - 平平無奇嘅名意想不到咁吸引，中間夾住紅豆同花生醬，有金薄喺雪糕面賣相吸引，食落好香pancake 味，味道層次好豐富好滿足。吉列廣島蠔幾十蚊有3隻厚肉，脆皮鮮味。我地飲左抹茶牛奶，一個配紅豆，一個配朱古力（有塊Oreo浸軟好好食），抹茶味香濃，高水準。女店員勤力有禮貌，好有heart，會再幫襯～

今日同朋友嚟到銅鑼灣呢間樓上居酒屋，意外收穫一頓豐富美味嘅晚餐，食材新鮮，用料充足，味道豐富，值得推介。 餐牌圖文並茂，食物種類選擇非常多，淨係睇相已經令人好有食慾。 究極丼（$218）呢個作為餐廳嘅招牌，當然要一試。一上枱已經令人垂涎欲滴，刺身係眼見嘅肥美新鮮，而且用料非常充足，包括海膽、帶子、油甘魚、三文魚、牡丹蝦、吞拿魚蓉以及三文魚籽等等，全部刺身都好高質，兩隻牡丹蝦超大隻，配上蟹膏，令味道更濃郁，帶子肉質鮮嫩滑潤，味道鮮甜，油甘魚同三文魚油脂非常豐溢，肉質細緻柔軟。另外，呢個丼飯仲配有餐廳自家製醬油漬蛋黃，加上原本嘅三文魚籽同埋吞拿魚蓉，撈飯簡直一流，將美味吏昇華。究極炎之丼（$138）呢個丼飯以石頭鍋作容器，刺身同樣切得好厚身好大片，食材包括炙燒赤海蝦，三文魚蓉、帶子、左口魚等等，全部食材經過調味，再以火炙嘅技巧，提升味道同口感。特別一提，餐廳嘅丼飯，係以赤醋作調味，酸味較溫和，更能突顯餐廳既用心。海鮮杯（$98）以酒杯作為盛載海鮮嘅容器，非常精美精緻。海鮮杯一上枱就俾人一種金光燦燦既感覺，好華麗好Grand。食材同樣新鮮豐富，包括黑魚子、甜蝦、蟹肉、吞拿魚蓉、三文魚籽等等，