太平館餐廳

營業中

休息中

1860年在廣州創業，成為廣州最早出現的西餐廳，1937年在香港開設新店後輾轉營運至今的太平館，是一間港式西餐廳。而今天到訪的佐敦店也是自1964年開始營業至今，可謂歷史悠久。這餐廳其中最著名的「瑞士汁」乃當年翻譯之誤（Sweet 被誤會是Swiss，所以甜豉油汁就變成了今天的瑞士汁），無論如何，瑞士汁雞翼和瑞士汁炒牛河，還有燒乳鴿，岑味牛脷，和煙䱽魚等都是必吃之選，而最後來個必吃甜品，焗巨型梳乎利就更完滿了。

朋友相約午餐在佐敦，話由筆者決定，突然心血來潮想食豉油⋯⋯決定去太平館。由於飯市沒有預訂服務，自行來到，先到先得。今天陽光普照，中午一時許，還需等幾張枱，在門外沒有冷氣情況下等都幾係野⋯⋯幸好等15分鐘已可以安排入坐。一坐下來，看一看午餐餐牌，心裡有數，即時叫店員落單。羅宋湯~午餐包括餐湯，大家都選羅宋湯，香葉味濃，啖啖喝出那陣陣檸檬皮味道，這就是懷舊港式西餐的味道，筆者大愛。砵酒焗牛脷飯$84~午飯時間上菜快，加上友人肚餓，吃了一大半才記起拍照，故1/4 面相無論甘荀和牛脷頗腍，下次可以帶老人家來吃。瑞士汁牛河$86~其實筆者會較為喜歡干炒牛河多一點，但友人喜歡瑞士汁，只能二選一，牛肉夠腍，瑞士汁點點甜。曾有段日子，筆者想學這道菜，特意跑到銅鑼灣一老店醬油舖買那支醬酒，炒出來已近似，但一大輪功夫，忙一餐之後，也欠其神韻，之後就決定以後再想吃，不如過來吃，免得做餐懵。瑞士雞翼四隻配飯$92~反正特意過來食豉油，當然要再下一成，吃瑞士雞翼最完滿。梳乎厘$148~店員明白我們午飯時間有限，所以知道要點梳乎厘時，由於製作需時，店員已替我們預設時間，飯後甜品時間配合剛剛好，一讚。這個大大的招牌

久久沒有在這裏進餐，經過見到午餐餐牌不錯便入內試試。點了瑞士汁炒牛河，想不到午餐份量比正常少很多，不過由於醬汁比較濃，所以其實分量亦算合適。可惜的是現在的太平館環境比以往實在相差太遠，由於下午人數非常之多，每一桌都有一位至數位中年女士在高聲談話，另一桌又有一組人再慶祝，令餐廳的環境比酒樓或茶餐廳更為嘈吵，無論是說話或是聽朋友說話，都非常困難。總括而言，沒有什麼特別事，都不會再去這間餐廳午餐，這樣的價錢和食物有很多更好的地方可以選擇。

我記得三年前我食過，但今日再同朋友過嚟食，佢嘅味道同服務對顯著退步以佢三款最多人推介嘅菜式來講，只有一款係能夠保持水準先睇一睇張單，加埋服務，一句講晒「唔值」同出邊茶餐廳、大排檔今日水平差唔多，唯一分別係牛肉大塊啲同多啲我黎太平館就係為咗食呢個瑞士雞翼，可惜同我三年前比較已經退步左好多，雞翼細隻咗雞翼唔入味呢個係唯一保持水準嘅菜式，我相信呢一次係我最後一次嚟幫襯太平館建議：食懷舊嘅感覺，食一次已經足夠

黎到老字號的西餐廳,一定要試下佢既招牌菜分別叫左一個二人餐,同一個雙脾餐二人餐揀左海龍皇湯入面有蝦,蝦是爽口的,但食得出係用雪蝦,冇鮮味,而湯好濃好咸但二人餐佢只係比左一個湯我地 二人餐既主食係瑞士汁炒牛河牛河份量唔大,屬一人份量,若二人食其實唔會夠飽不過就有香濃既瑞士汁味,牛肉亦好腍不過二人餐佢比少左個煙肉炒雜菜,事後先發現唔怪得食完都唔飽,因為個餐跟本唔齊另外亦叫左個雙脾餐,雙脾係指豬仔脾同牛仔脾賣相唔係太討好,不過牛仔脾較腍,好味啲豬仔脾就薄薄地一片,冇咩咬口味道偏咸小食方面叫左瑞士雞翼呢度最出名既野食之一,雞翼係用左雞全翼,隻隻都又大又多肉,好嫩滑瑞士汁偏甜,而雞翼完全吸收哂瑞士汁既味道二人餐既甜品係啫喱味道係提子味,食落似利賓立既味道好懷舊既甜品,啫喱做到震騰騰既效果,唔錯不過就甜左少少甜品一定要食巨型梳乎厘佢既size比正常既大3-4倍,仲大過個頭,分量夠2-3人食雖然大,但佢整得好好,梳乎厘升到好高好鬆軟,輕飄飄咁,不過食完一定飽外皮金黃微脆,裡面蛋香味濃,甜而不膩而最底佢雖然有少少濃左,不過燒焦部分連埋中間既部分一齊食亦好好味梳乎厘製作需時30分鐘,所以一開始落單就好叫

大好嘅星期日，竟然要去聽talk。報名時真係好想聽，不過到咗當天又唔多想去，人就是這樣。唯一嘅好處係可以同朋友去太平館食晏。早一日已同朋友傾定去邊度食，由於佢11點先開，而我地嗰個時間又唔係break，加上友人話12點應該唔太多人，所以無訂到位。一放lunch，我地就衝過去。都有少許人喎，同埋間舖都幾細，枱唔多。我地一行五人，坐唔落卡位，所以坐咗卡位隔離嘅四人枱再加多張櫈。一人點一樣食物，瑞士雞翼、瑞士牛河、咖哩牛腩飯、烚鹹牛脷同鮮茄蝦球飯。所有食物份量都幾多，我地都食唔晒。不過呢度嘅阿叔服務態度真係好搞笑，卡位嘅客人(都係我地嘅fds不過分開坐)未點食物就每人有個餐包。相反，我地落完單都無包食，於是就問佢啦，佢話瑞士雞翼先有包，但其實卡位嘅客人係無叫瑞士雞翼囉。最後佢都有拎番包俾我地，但只得2個，2個包五個人分...瑞士雞翼都有幾多隻喎。雞翼連雞翼尖，唔食雞翼尖嘅朋友或許食嘅時候有難度切走隻尖。雞翼隻隻都幾肥美，上色均勻。瑞士汁濃味，又帶甜，很香很入味，肉質好嫩滑。瑞士牛河very good~牛河顏色炒得均勻，瑞士汁剛好，唔會太杰。河粉質素好好，炒完之後都唔易碎，仲有點彈力，真係好食