影片
更多
2011-06-06
216 瀏覽
大好嘅星期日，竟然要去聽talk。報名時真係好想聽，不過到咗當天又唔多想去，人就是這樣。唯一嘅好處係可以同朋友去太平館食晏。早一日已同朋友傾定去邊度食，由於佢11點先開，而我地嗰個時間又唔係break，加上友人話12點應該唔太多人，所以無訂到位。一放lunch，我地就衝過去。都有少許人喎，同埋間舖都幾細，枱唔多。我地一行五人，坐唔落卡位，所以坐咗卡位隔離嘅四人枱再加多張櫈。一人點一樣食物，瑞士雞翼、瑞士牛河、咖哩牛腩飯、烚鹹牛脷同鮮茄蝦球飯。所有食物份量都幾多，我地都食唔晒。不過呢度嘅阿叔服務態度真係好搞笑，卡位嘅客人(都係我地嘅fds不過分開坐)未點食物就每人有個餐包。相反，我地落完單都無包食，於是就問佢啦，佢話瑞士雞翼先有包，但其實卡位嘅客人係無叫瑞士雞翼囉。最後佢都有拎番包俾我地，但只得2個，2個包五個人分...瑞士雞翼都有幾多隻喎。雞翼連雞翼尖，唔食雞翼尖嘅朋友或許食嘅時候有難度切走隻尖。雞翼隻隻都幾肥美，上色均勻。瑞士汁濃味，又帶甜，很香很入味，肉質好嫩滑。瑞士牛河very good~牛河顏色炒得均勻，瑞士汁剛好，唔會太杰。河粉質素好好，炒完之後都唔易碎，仲有點彈力，真係好食
唯一嘅好處係可以同朋友去太平館食晏。早一日已同朋友傾定去邊度食，由於佢11點先開，而我地嗰個時間又唔係break，加上友人話12點應該唔太多人，所以無訂到位。
一放lunch，我地就衝過去。都有少許人喎，同埋間舖都幾細，枱唔多。
我地一行五人，坐唔落卡位，所以坐咗卡位隔離嘅四人枱再加多張櫈。
一人點一樣食物，瑞士雞翼、瑞士牛河、咖哩牛腩飯、烚鹹牛脷同鮮茄蝦球飯。
所有食物份量都幾多，我地都食唔晒。
不過呢度嘅阿叔服務態度真係好搞笑，卡位嘅客人(都係我地嘅fds不過分開坐)未點食物就每人有個餐包。
相反，我地落完單都無包食，於是就問佢啦，佢話瑞士雞翼先有包，但其實卡位嘅客人係無叫瑞士雞翼囉。最後佢都有拎番包俾我地，但只得2個，2個包五個人分...
瑞士雞翼
都有幾多隻喎。雞翼連雞翼尖，唔食雞翼尖嘅朋友或許食嘅時候有難度切走隻尖。
雞翼隻隻都幾肥美，上色均勻。
瑞士汁濃味，又帶甜，很香很入味，肉質好嫩滑。
瑞士牛河very good~牛河顏色炒得均勻，瑞士汁剛好，唔會太杰。
河粉質素好好，炒完之後都唔易碎，仲有點彈力，真係好食。
甜甜嘅醬汁，又唔會炒得太肥喎，碟底無咩油，難得的唔太oily~
牛肉就較遜色，嗱過，所以一定淋滑。
咖哩牛腩飯咖哩勁大兜，撈飯都撈唔晒。
有洋蔥、薯仔、牛筋同牛腩。牛腩同牛筋好淋亦好入味。
不過咖哩味唔算特出，食唔出椰奶香，反而食到有麻辣味，奇怪。
烚鹹牛脷賣相真係唔係個個人都受到。因為真係好raw，無任何獻汁，白烚完就上枱，碟度仲有好多水。
四大片牛脷，切得厚厚的，牛脷愛好者會覺得好正。
咸味都幾夠，食多兩、三舊會覺得幾咸。不過牛脷質素甚佳，好正，部份係較稔，部份帶點咬口，非常好吃！
鮮茄蝦球飯呢個唔係招牌野，所以真係無咁好食。
飯炒底，有蛋絲，不過飯好淋，d飯唔係粒粒分明。
鮮茄都幾多，juicy，我無試蝦球。
食物質素不錯，尤其係招牌菜。
不過環境同服務就一般。
張貼
