香香宮煮 (金輝大廈)

營業中

休息中

今日帶朋友去尖沙咀一間樓上餐廳「香香宮煮」食打邊爐🍲，我們二人叫了：1️⃣ 特色卜卜蜆鍋 ($198)卜卜蜆鍋 有大量沙白蜆，分量非常之多，新鮮而且大大隻，朋友食到停唔到口，哈哈2️⃣ 花花公主牛魔王拼盤 (大) ($498)牛魔王拼盤 有9款不同的牛食物，包括：1. 頂級安格斯牛肉：肉質細緻，肉味出眾2. 手切本地牛肉：食落口好有牛味3. 新鮮牛展：的確係新鮮4. 頂級雪花肥牛：肉質鮮嫩而又不油膩5. 日本和牛：肉質軟嫩，有入口即化的口感6. 牛黃喉：第一次食，估唔到非常爽口7. 牛肉粒：好有口感8. 牛舌花：原來用嚟打邊爐都唔錯9. 花雕酒浸牛肉：花雕醉雞就食得多，原來花雕酒浸牛肉都唔錯3️⃣ 即炸黃金炒響鈴即炸黃金炒響鈴 炸得好脆口，非常好食

去到尖沙咀，諗唔到食咩，咁岩向上望見到香香宮煮，好似幾特別就上左去！由於我係下午茶時間黎，無咩人，可以比我慢慢食！正！位置好闊落！仲有門面好特別，好靚，成個宮殿咁，仲有衫比係著黎打卡影相。坐低見到個餐牌，好特別！第一次餐牌都忍唔住影！以為自己接左聖旨！醬油都有心思，又係好靚！我叫左個卜卜蜆鍋！一黎到有啲失望，因為我唔食芫茜，點知成煲都係！眼見得幾粒蜆成煲茜！好彩同伴都唔好茜，大家好落力咁夾起哂啲茜！之後好驚喜！因為成個底都係蜆，多到最後係食唔哂！呢個湯底真係抵到喊！叫左個安格斯牛，又係驚喜之作，啲牛味好重，好嫩口，同伴腸胃唔好，食牛要碌到成個湯底都滾先敢食，但塊牛依然好好食，好嫩口！真心推薦！之後叫左魚唇，其實第一次食，黎到以為花膠啲fd，有啲失望，點知佢令到成個湯底勁鮮甜，口感仲好正，以後打邊爐都要識叫呢樣野！餃子拼盤預左係正野，因為手工餃子都唔會差，果然無錯！啲蟹肉餃係真係見到蟹肉，雲吞係成隻蝦！好好食！唯一無乜驚喜係個鴨血，係乜味！但都係好嫩滑！好似唔係叫好多野食，但最後係食唔哂！非常滿足既一餐！！！

火鍋迷嘅我唔知食咩好，最後都係揀咗打邊爐，香香宮煮非常古色古香，環境簡直係宮殿式，好似置身古代皇朝咁，別樹一幟🤩特色卜卜蜆鍋- 卜卜蜆近排好鍾意叫，卜卜蜆鍋非常有質素，湯底鮮甜，而且蜆肉新鮮大大粒，仲好足料🥰頂級雪花牛肉 (200g) - 雪花牛肉一上枱就已經好驚艷，牛肉切片厚薄適中，油脂分布又夠晒平均，煮熟後入口即融，食得超級滿足🤤手打蟹子鮮蝦丸- 手打丸果然夠晒彈牙，蟹子份量足，仲咬到啖啖鮮蝦，真心唔錯，每口都係享受，好味道啊☺️

餐廳嘅裝修係古代宮廷風卡位有唔同嘅宮殿名門口會有打卡位，有宮廷服龍椅呢啲道具 連餐牌都設計成聖旨咁樣醬料架係九宮格設計除咗醬油之外仲有炸蒜蔥芫荽芝麻辣椒等喺店員最推介下，我哋揀咗特色卜卜蜆鍋 ～特色卜卜蜆鍋 $198超足料！硯又新鮮加埋蔥同蒜 帶出到湯底嘅鮮味又惹味～手切本地牛肉 $238厚切，牛味濃有油香～酒香陳年花雕浸牛肉 $148酒香味味濃，淥完都都仲好大陣酒味 ～深海龍躉片 $128厚身爽口仲好新鮮～黑松露蟹肉餃$78/4有驚喜！超級足料 黑松露香加啖啖蟹肉勁好食～蓮藕片 $42超爽口～刀削麵 $38闊身面，夾埋湯底好味～自家製竹蔗茅根 $68都分到5-6杯，少少甜打住邊爐飲係爽嘅店員好有禮貌同會介紹食物整體唔錯，可以回頭

香香宮煮之前已經同朋友黎過，質素唔錯，見而家下午五點或之前入座都有58折，反正要清假，就搵個平日下午帶媽媽黎打邊爐。除左質素唔錯同做折，當然亦因為哩個打卡位，食客可以換上旁邊嘅格格裝扮下公主打卡。醬介$25/位。特色卜卜蜆鍋($198) - 上次食過泰式冬陰功卜卜蜆鍋，好惹味又鮮甜，因為媽媽唔食辣，我地今次就揀左特式卜卜蜆鍋，裡面有超多蜆同芹菜，所以好香芹菜味又鮮甜。見倒啲蜆打開就可以熄火，就算有部份未打開，寧願食左打開左嘅蜆之後再開返火，否則蜆肉會太老。蜆肉唔會太細隻都有啲睇頭，肉質鮮嫩冇沙，兩個人食每人都食倒好多隻。即炸響鈴($68) - 響鈴鬆化得黎唔易散，浸湯幾秒就食得。陳年花雕醉雞($78) - 醉雞建議早啲落，順便可以倒埋啲花雕酒入湯底度，令湯底多左酒香。醉雞淥熟左都仲食倒少少酒香味，肥瘦適中，唔錯。肉丸拼盤($128)  - 兩個人又想試多幾款肉丸，所以我地揀左拼盤。拼盤包左爽骨豬肉丸、鮮牛丸、松露芝心墨魚丸、蟹籽鮮蝦丸同蟹籽墨魚丸。五種丸各有特式，牛肉丸軟滑，有啲似食緊山竹牛肉，豬肉丸中間加左啲軟骨喺入面，所以食落有卜卜脆口感幾得意，墨魚丸同蝦丸都彈牙，不過兩者之間蝦丸

雖然疫情仲未完結，而且天氣又熱，但係無嘢能夠阻止我對打邊爐嘅熱愛😍 所以我今日依然都嚟到香香宮煮打！邊！爐！一入門口除咗見倒有龍椅之外，仲有好幾件龍袍提供俾客人著住嚟影相，霸氣到非常。而我哋今日就去咗儲秀宮。一開始就叫咗個卜卜蜆嘅湯底，好夠鮮味，而且呢個煲好勁好快就滾到d 卜卜蜆開哂，正！打邊爐點可以無牛，先嚟一個手切本地牛肉，好厚切，拎出嚟嘅時候仲有煙架，賣相一流！而且加落帶卜卜蜆味道嘅湯底真係無得輸。牛肉質素亦都好高，就算失手淥得耐咗都唔會好韌。值得推介。當然唔少得酒香陳年花雕浸牛肉，我覺得師傅應該將d牛肉用花雕浸咗好耐，點淥都唔會無咗d花雕嘅味，我哋亦都試過將手切本地牛肉點咗落d花雕度先再淥嚟食，真係好正好正！另外仲叫咗自家製即炸魚皮就好脆好乾身，一啲都唔油膩，亦都唔會好鹹。手打蟹子鮮蝦丸好彈牙；蘿蔔片好薄身好輕易就可以淥到冧哂😍總括嚟講食物質素同服務態度都好好，咁耐無得出嚟打邊爐，個儲秀宮真係坐得我哋好舒服😂