香江花月 (百誠大廈)

營業中

休息中

哩間火鍋店好多宣傳，主打港女打卡必去，裝修係幾靚嘅，食物就一般，CP值唔太高。訂咗6點，入座已經講明8點要還枱。坐咗冇耐侍應已經問我地要咩湯底，最後揀咗牛乳玫瑰鍋味道有啲似淡嘅忌廉湯，都算好味，但飲得出幾重味精...另外叫咗：- 手切肥牛 - 墨魚滑- 三色餃- 桂花蚌- 海鮮菇- 金粒豆腐- 萵荀金粒豆腐幾好食不過，酥炸香脆，肥牛就有啲韌，三色餃黃色好食、黑色普通、綠色怪怪地，其他食物一般，整體嚟講食物定價偏貴。瑰洛月，個名好好聽，其實係洛神花蘋果茶。有啲太甜，冇咩酸味。舊玫瑰冰等咗超過半個鐘都未溶...已經係咁篤篤篤，完全攻破唔到，飲到要還枱仲未溶，同侍應講咗句，佢都繼續俾我地坐，最後舊冰等咗成粒鐘（加埋係咁篤）先溶哂。建議想order嘅記得早啲叫...另外有個扮team lab 嘅小房子，都for 係港女打卡為主。最後埋單每人大概$5xx，其實唔係叫咗好多嘢... 最誇張係醬錢收咗每人$40，出面係有個自助醬料corner，但係都係普通醬料（XO醬都冇😠），咁都$40會唔會有啲過份⋯⋯*總結*：打卡一流，但係CP不高。樓下係大家樂，可想而知呢度租金可以有幾貴... 油麻地地區，收

「香江花月」係一間位於佐敦新開嘅特色打卡火鍋店。餐廳裝修走香港50年代懷舊風格，場景華麗優雅，連侍應嘅都制服有配合個主題，氣氛好好，而且空間感超大。除此之外，依間餐廳仲有一個吸引位係餐廳內設有一間波波燈池鏡室可以供人打卡影下相。 唔止餐廳裝修靚，食物都好靚。各樣食物嘅賣相都超精緻，擺盤好講究，比人感覺唔似係食火鍋，更似係食緊精緻嘅酒店下午茶。🧡牛乳玫瑰鍋（$168）第一次見火鍋湯底都可以做到咁靚，唔止賣相好睇，味道都好唔錯，奶味好香濃。🧡花滿園（$228）將肉片卷成一朵朵花，用雀籠擺盤，我覺得依個創意滿分。價錢合理，肉嘅質素都唔錯，係由豬同羊組成嘅拼盤，份量都幾多。🧡美國安格斯肥牛-細（$168）肥瘦分佈均勻，牛味好出，價錢同質素相等！🧡自製三色墨魚丸（$78）分別係鹹蛋黃、黑鬆露同蟹籽，味道都幾特別，同埋夠彈牙！🧡三色餃（$88）黑色係黑松露長腳蟹餃、橙色係芝士鮮菌餃、米黃色係野生松茸餃，食材嘅味道都幾出，幾過癮，一次可以食到三種唔同味道嘅餃！🧡冬甩墨魚菓子（$78）係造型似冬甩嘅墨魚丸。🧡花花綠綠（$98）唔講會真係以為佢係用嚟擺設嘅盆栽，但實際佢係一個蔬菜拼盤。依個蔬菜拼盤超誇張