SuperNormal (淘大商場2期)

營業中

休息中

放工好鍾意同事去呢間餐廳鬆一鬆，呢度工業風嘅裝修，好特別，又有氣氛。每次喺度用餐都坐得好舒服，食得好開心。柚子脆皮豬手：這道菜融合了柚子的酸甜和豬手的嫩滑，油炸後外皮酥脆，內裏入口即化，非常美味。豬手經過慢煮後入口軟嫩，帶出豬油的香醇，係難忘的好滋味。燒焦糖菠蘿：菠蘿的酸甜剛好中和了焦糖的濃郁，經過烘烤後菠蘿外皮微焦，內裏仍然保持水嫩多汁，相當出色。燒羊架：以簡單的烤制方式呈現出羊肉的本味，羊肉肥瘦適中，外皮微焦內裏鮮嫩多汁，肉質柔軟可口。搭配簡單的調料，讓羊肉本身的香氣得以充分展現。香煎露荀鵝肝牛肝菌燉飯：鵝肝和牛肝菌的醇厚與露荀的清香相得益彰，煎制後外層酥脆內裡柔嫩，與燉飯的綿密質地相映成趣。米飯煮制恰到好處，既不會過硬也不會過軟，口感層次豐富。菠蘿雪梨四季春茶：將菠蘿、雪梨和四季春茶葉巧妙融合，飲起來酸甜適中，回甘有餘，清爽解渴。

聞名不如見面🤣終於黎到食呢個咁出名嘅德國脆皮豬手！-麥啤浸泰式秘製汁脆皮德國鹹豬手🐷啲皮真係超級脆！而豬皮係有足夠嘅厚度，咬落去油脂分布亦都好均勻！豬手肉嘅部份，亦都好嫩滑！而且調味方面，肉嘅鹹味啱啱好！可以點埋個醬汁，感覺冇咁油膩，另外再配埋啤酒簡直係一流🤞🏻🤤-串燒全部都好夠火喉，超濃炭燒味！而且調味料只係用咗鹽同黑椒簡單嘅配搭，可以食得出食品本身嘅鮮味👍🏻👍🏻🥰-雞腎同雞軟骨係最出色🐥-日本番薯真係好甜🤤-和牛好淋，好重牛肉味😎-羊架真係要重點讚，肥瘦啱啱好！大概燒到有五成熟，所以啲肉質都好鮮嫩，一啲都唔難咬，同埋一啲蘇味都冇🥹👍🏻👍🏻-手工啤選擇極多🍺呢一餐飯都已經飲咗3枝唔同款🤣3枝都係揀咗麥味極濃，好好飲！食豬手同食串燒，識飲一定係飲啤酒🍻

之前幫襯過呢間位於淘大嘅西餐，主打食德國豬手😋 最近又去食，食物味道依然出色，而家豬手有特價好抵食！環境唔大，裝修幾有特色，平日夜晚差唔多滿座，想食記得book位啦～🔸芥末燒牛肉沙律 $88而家出街食飯都會想叫個沙律，食多啲菜！呢個沙律比想像中好食！牛肉完全唔嚡口，平時燒牛肉沙律嘅牛肉都會比較乾，但呢塊牛肉幾嫩，有嚼勁又唔會太熟，肉味幾濃～ 沙律菜好新鮮，沙律汁清新帶芥末味，唔會太濃，幾清爽！🔸燒羊架(2件) $76呢度除咗大路西餐菜式，仲有好多串燒選擇～ 試咗燒羊架，燒得幾好，羊肉好多汁，唔會乾柴，肉質厚實易咬～ 多黑椒調味，唔會太膻，幾好食！🔸麥啤浸柚子脆皮德國鹹豬手 特價$178主菜一定要叫豬手！用麥啤慢煮24小時，肉質嫩滑又富肉汁，而且豬手皮超脆卜卜！非常好食！豬手起咗肉，好方便食～ 配下酸菜、芥末醬一齊食，可解膩～ 呢個價錢好抵食，仲有款辣味好似都好正！🔸三重芝士安格斯牛肉漢堡 $106呢個芝士牛肉漢堡都係中上水準，牛肉煎得唔錯，唔會太熟，肉汁豐富，麵包鬆軟，食材仲有生菜、番茄～ 芝士量如果再多啲就好！叫漢堡會配埋薯條，份量多，薯味濃，幾好！