FUMI (已搬遷) 新店位置

🙋🏻‍♂️餓底探員去咗中環調查呢間日式放題，餐廳位於蘭桂芳，逢星期六，日及公眾假期有晚市放題供應，超巨型蟹腳任食，仲有駐場魔術師表演魔術，同客人互動，相當有氣氛🍽️FUMI週末晚市放題 $850🙋🏻‍♂️表示晚市放題有日式前菜，刺身，卷物，燒物同北海道鱈場蟹腳，全部無限量供應，另包每人兩款自選主菜各一份，非常豐富🔁無限量供應🦀北海道原產鱈場蟹腳🙋🏻‍♂️表示蟹腳超巨型，肉質彈牙，鮮甜多汁，食落啖啖肉，無限量追加，encore必食推介👍🏻🥗日式前菜🙋🏻‍♂️表示有多款沙律前菜供應，蟹籽青瓜沙律清新鮮甜，日式泡菜辛辣惹味🐟刺身🙋🏻‍♂️表示有多款新鮮刺身，三文魚香軟肥美，油甘魚脂香細膩，馬刀貝爽口鮮嫩，餓底最愛八爪魚，鮮甜彈牙有嚼勁👍🏻🍣卷物🙋🏻‍♂️表示有4款卷物供應，A4宮崎和牛壽喜燒卷味道香濃，和牛香軟，表面嘅芝麻粒提升咗口感，火炙三文魚牛油果卷食落有香軟牛油果，三文魚經炙燒，入口即化又帶有焦香氣息，另外仲有雜錦辛香刺身太卷同加州卷🍖燒物🙋🏻‍♂️表示燒物有4款，鹽燒宮崎雞翼燒到焦脆，肉質嫩滑，明太子翠玉瓜口感爽脆，加入明太子增添惹味感，鮮冬菇口感香軟，味道鮮甜，仲有餓底最愛嘅鹽燒宮崎豚腩肉，肉質鬆

星期日到FUMI 食 Sunday Brunch，位於中環蘭桂坊德己立街30-32號加州大廈6樓。 店內環境優雅，📌每位$588+10％， 用餐時間由中午12至3。 有日式前菜、刺身、卷物、燒物、吸物、關東煮和甜品， 最正仲有超厚肉肥美鮮甜的北海道鱈場蟹腳，主菜加$28有A4熊本和牛鐵板燒， 入口即溶，牛肉味濃郁。厚厚的香煎鵝肝，煎得很焦香。銀雪魚西京燒麵豉漬肉質細緻，多汁甜美。 最後還有廚師精選甜品盤，賣相精美😊。 整體性價比高，服務好。 🏷️溫馨提示～ 整個用餐體驗均屬個人分享意見， 只作參考😊。 FUMI地址: 中環蘭桂坊德己立街30-32號加州大廈6樓

有同事話想試Fumi 好耐，應該係之前上網睇到人哋介紹。適逢呢個星期比較得閒，我哋成班同事星期六日去到Fumi 試下佢個A4宮崎和牛&松葉蟹腳放題（$588)。價錢方面，算係比較大路，附近嘅餐廳週末semi brunch buffet 都係收緊咁上下價錢。但係魔鬼在細節，原來A4和牛只係每人包一份，要加$188先變成任食🥲呢個套餐係包一款主食，其他就全部都係任食，主食坦白講就真係唔係太吸引，我就叫咗個迷你香蔥吞拿魚腩井。質素有啲驚喜，但係份量始終比較少，同埋今日嘅主角都唔係佢。等我同大家分析下任食部份松葉蟹腳（4.5/5)👏🏻鮮甜，新鮮，溶雪做得好，肉質爽口刺身（4/5)👍酒店級數，入口溫度適中壽司（3/5)冇咩特別，建議大家留肚食其他燒物（4/5)咸度適中，香口，幾款燒物水準都唔錯天婦羅（3.4/5)水準ok 的，但種類比較少，差唔多全部都係蔬菜甜品（4/5)哈根大師味道相信大家都熟悉，但佢展示手法用咗乾冰，咁就好岩大家係ig 打卡拍片😂總括而言，餐廳整體質素唔係差，但係呢個價錢嘅話就冇咩競爭力，因為無論係景觀，侍應服務態度都唔係特別出眾，咁樣又點可以令一種食客再回頭幫襯呢。

見到有松葉蟹任食，星期六日就黎左試下。整體來說，是有些微失望的。（可能有期望就有失望）。一入場就見到好多食客，頓有「全院滿座」之感，稍有「劈場」感覺，我會用「高級劈場」黎形容呢種形式嘅自座餐。重點之一的松葉蟹，肉質軟嫩，偏鹹（仿似一種海水咸），直到食蟹鉗，蟹鉗裏便啲肉都幾鮮甜。（但爆開蟹鉗嘅工程係相當之浩大），但就味道來說整體就好一般，我吾會用「美食」黎形容佢。最後埋單每人hkd$600左右，但同樣價錢可以食味道更好的美食，所以不建議九龍區的居民特登黎食。

因為我生日💛所以就帶咗男朋友黎蘭桂坊呢間FUMI食野❣️本身佢自己都好鍾意食日本嘢既然今年冇得去旅行就決定帶佢食好西🤤一開始入到去，waiter服務好好幫我哋量晒體溫，俾埋我哋搓手液去消毒之後安排咗個角落嘅座位俾我哋，我自己唔係幾鍾意咁嘈，所以覺得咁樣安排幾好☺️打開Menu先知道原來佢轉咗做Semi buffet😂不過都唔緊要，因為好多嘢揀Waiter好用心機去介紹各樣菜式俾我哋，同我哋講可以慢慢諗，晏啲再叫main course都得(平時最憎人哋催我🤣)因為驚帶太多食唔晒，所以每個item就帶咗兩三款。不過當中最好食梗係就係刺身同埋鱈場蟹🥰唔洗點豉油都已經笑到佢嘅鮮味本身係海鮮怪嘅我淨係食呢兩樣都已經好滿足❤️而且佢嘅炸物同埋燒物都係熱辣辣再配上適中嘅醬汁，唔會特別咸或者特別油之後到main dish嘅和牛烏冬平時食開讚岐或者其他手打烏冬就係粗粗嘅今次嘅冰件見烏冬就係幼嘅但同時亦都好彈牙同入味我決定以後淨係食冰件見烏冬🤣不過食食下突然之間有個waiter收野嘅時候打爛咗成盆玻璃碟同杯，嚇死我個甜品就正正常常，都係食返係日本嘅味道埋單兩個人唔使1000，所以我覺得好抵😍