崟

營業中

休息中

遙遠的天空之城，第一次去，也是第一次聽到呢個地方，一下車濃厚元朗國味。選了午餐$268和$298兩個餐。✅ 鐵板燒能夠充分顯示日本的專誠服務，比預約時間遲了十分鐘到達，感覺其他人在等待，有點不好意思。✅ $300蚊可以食到鐵板絕對是超值，唔想太貴，又想食下個風味，一流之選！ ✅ 食物質素整體不錯，食得出食材本身唔差。⚠️ 待應好想懇勤，間中把吉碟子擺上給師傅，然後唔知點解又把吉碟放返落枱。 對於有潔癖的食客，都介意呢啲無謂既接觸。太偏遠，去一次無妨😃

平日少去元朗，原來除了 Yoho Town 之外，村屋都有新區，第一次到錦田高埔村，感覺非常良好，三層村屋規劃現代，樓下餐廳樓上租房，更設有規劃車位，我們駕車到來，就停在餐廳對面，只需幾步路的腳程。住在附近的朋友告知，這家日本餐廳在區內頗有名氣，遠道而來，我們亦特別抱有期待，見到魚缸內的龍蝦及鮑魚，心中有數。有一個小酒吧在角落，若然有日本清酒或威士忌相配自然更完美，可惜駕駛者免問！餐具以金色黑色為主色調，盡顯日式的瑰麗高雅。特上鐵板餐二人前有兩款，價錢同是$1980，鮑魚或龍蝦兩者中，我們毫不猶豫選伊勢海老。先付及前菜送來開胃小吃，北海道白粟米及溫室野菜沙律。粟米清甜爽口，沙律清爽輕盈，酸甜開胃。配備岩鹽、海鮮汁、芝麻汁，其實都唔需要多用，雖然佢哋味道都好好。我們的龍蝦餐材料，龍蝦色澤繽紛漂亮，爪腳仍在動，非常生猛。日本響螺金黃亮麗的笠貝，極之爽甜，因為夠好夠份量，口感相當好，味道已經足夠，無需蘸任何醬汁。北海道帆立貝帆立貝以新鮮紫菜煮，真是個好煮意，味道鮮甜，色調亦靚，再配上橙色的三文魚子及紫蘇花，拼出一幅美麗的圖案。煎至半熟的帶子，香甜鮮嫩；自浸三文魚子唔會腥；紫蘇花記得吃花不吃枝

今日女朋友生日，上網見到元朗有間新開嘅穩世日本高級鐵板燒，兩人餐要$1980，就專登去睇下有乜咁好食，結果大吃一驚，非常值回票價。第一道係前菜，有沙律同東風螺，好新鮮，但未算最正。之後就真係黎料luu，廚師走左出黎喺我地面前開始”表演”。第二道菜係日本響螺，廚師將響螺切到好細，方便入口，非常有海水味，完全唔洗點任何配料都好好食。果然食料新鮮比所有野都重要。第三道菜係帆立貝，廚師將帆立貝切開一半，再加啲湯喺底，簡直係絕配。第四道係白甘鯛，依個真係重點，廚師先用油將魚鱗炸到鬆脆，再放上鐵板剪香，咬上魚鱗索索聲，但魚肉好多汁好嫩滑，完全唔似係煎過咁，好好食！第五道菜係全晚最貴嘅龍蝦，廚師拆肉非常熟手，一睇就知係老江湖。佢將龍蝦膏同肉一齊煎香，好濃郁嘅味道，完全唔洗加醬料都好夠味好好食。第六道菜係日本A5和牛，和牛當然冇得同喺日本食到嘅比，但喺香港黎講已經係中上水平。第七道菜係一個西多士，廚師喺鐵板上用糖同牛油剪香麵包，麵包上仲有個”崟”字，好特別，好脆好香口。最後有個炒飯炒芽菜，炒得好香好好食！仲有個鯛魚湯，味道好濃郁，同喺出面飲到嘅好唔同。甜品係奶凍，自家出品，用北海度3.6牛乳造，好重奶

><近年元朗錦田嗰邊起咗好多新樓盤有人氣嘅地方自然有美食🤤識食嘅朋友帶我去試新野 食元朗少見嘅高質鐵板燒兩個人食咗二人前set- 特上活鮑鐵板燒 ($1980)首先黎左個沙律+東風螺前菜有我至愛嘅冰菜😍 東風螺有酒味好香師傅炮製海鮮之前 先俾d 新鮮海鮮引下我地先隻鮑魚仲識郁㗎第二道係北海道帆立貝紫菜高湯同三文魚籽帶出帆立貝嘅鮮甜下一道係白甘鯛配黑松露薯泥師傅用油炸一炸魚鱗 同焗熟魚身所以魚肉好滑 魚鱗脆卜卜得嚟唔油膩之後就到重頭戲燒澳洲活鮑魚唔同烹煮方式兩種食法：淋身&爽口 嘆完海鮮就食法國鵝肝好滑好多油脂 好細心安排咗一小口青檸啫喱清一清油膩感終於到我最期待嘅A5 鹿兒島野崎和牛😍厚切和牛油脂分佈均勻 配角嘅蒜片係即炒 非常香脆 無油膉味食完牛之後 有鐵板燒必備嘅炒飯值得一提係個鯛魚湯有驚喜非常香濃嘅魚味同豆腐味最後有雪糕作結 我揀左蕃薯味 好滿足呀🤩><><><><><><><><><><崟元朗錦田高埔村1

我好佩服自己，竟然因為一個朋友話元朗一候村入面開咗間鐵板燒，叫我陪佢黎食，經過重重嘅交通考驗，終於嚟到呢度，還好冇令我失望。鍾意搵隱世小店嘅原因，就係因為小店總係會用200%嘅心機去做出同一到時菜式。叫咗個二人套餐，由佢拎嗰舊鮑魚出嚟嘅時候已經覺得冇揀錯，系好新鮮嘅感覺。鮑魚新鮮炎熱最特別嘅係佢個鮑魚肝嘅醬汁，師傅自己打嘅，完全唔會覺得太腥，仲越點越想繼續食，越點越多完全上咗癮。先來一個燒白甘鯛， 一塊一塊反起嘅鱗片令到賣相非常美觀，食落都好滑好甜，加埋個底有少少黑松露薯蓉，係師傅特別調製嘅，好夾。清酒煮蜆嘅蜆肉非常大粒，一人分配到四至五隻，食完先甜嘅蜆肉飲埋個清酒湯，天大嘅享受。中場休息，師傅整咗個焦糖多士俾我哋過吓口癮，師傅話基本上每個客人去到都會整一個俾佢，可以話佢係佢嘅拿手小菜。跟住嚟到重頭戲燒美國特級牛樓同埋日本黑豚肉，咁嘅我自己比較欣賞黑臀肉卷，因為佢加咗少少薑同葱，令到成件事好清新。牛柳切片食，肉質緊緊鎖住，好有牛味，食完真係好飽。你到我最期待嘅炒飯環節，望住師傅係鐵板上面炒出一粒粒分明嘅炒飯，非常非常治癒，而且有櫻花蝦去吊起炒飯既味道，無論視覺上定係味覺上都得到滿足。炒

一直覺得元朗已經有多隱蔽好餐廳，但其實行遠少少既錦田一樣有好多美食。入錦田自己揸車會比較方便但亦有巴士小巴可以入去，今次就跟朋友車，闖一下錦田既餐廳。呢間日式鐵板餐廳行過個門面就立即決定要食，叫左個特上活鮑魚鐵板燒二人餐，彌補近排工作壓力大～一路睇住師傅煮一路聞住食物香味慢慢四處飄散，真係好正白甘鯛。第一次魚會連鱗食，鱗炸到好脆，配上嫩滑魚肉，口感好豐富，底部嘅醬係支豆薯蓉配黑松露，支豆同黑松露味道清淡唔會影響魚嘅鮮味。日本鮑魚。鮑魚爽口唔會過老，最欣賞個鮑魚肝醬，師傅話係將鮑魚肝蒸熟再製作成醬，勁濃既肝味但完全無苦澀味。清酒煮蜆。蜆勁大隻勁鮮味，見師傅煮既時候落好多酒，但個湯一啲都唔濃烈，好溫和好鮮甜。美國牛柳+黑豚薄燒。牛柳叫左5成熟，睇住師傅燒真係好享受，牛柳一口一件，肉質好嫩又唔會太生。黑豚中間包住薑同蔥，好衝擊嘅味道，肉質好嫩一啲都唔老，可見師傅功力十足。激邪惡多士！見師傅整焦糖多士以為係其他客人order，點知係請我地食，見師傅落勁多白砂糖以為會好甜，但焦糖化左既焦糖味勁正！師傅話menu無架，每位想食就試下問問師傅。炒野菜，炒飯。芽菜好甜，去到最後令個口有啲小清新。炒飯配

朋友話今日帶食好野，去左元朗高埔村果邊，餐廳係位置係爾巒對面，果度有一條美食街，有清楚既地圖指出每間餐廳既位置，所以唔算難搵！餐廳有set dinner 或者散叫，由或者可以試Omakase，而我地最後揀左活鮑2人前！$1980+10%，由於太多相嘅關係，餐牌同餐廳環境分開upload左！首先由前菜開始，今日既前菜係煮花螺，配埋新鮮沙律菜，味道唔錯！而係開始介紹其他主菜時想講下個醬汁先，分別係幼鹽加胡椒，西芹蕃茄醬同埋芝麻醬，後2種醬汁都係餐廳自家制，材料純天然，連醬汁都咁一絲不苟，可以睇得出餐廳真係用心製作！（成餐飯不停問師傅d食物係咩黎，好彩佢冇嫌我煩仲好耐心解釋比我知）師傅首先係廚房拎左個set裡面既食物出黎擺係我地面前，逐一解紹左每一樣食物既名！第一道菜就係北海道帆立貝，鐵板燒既調味離唔開牛油，鹽同胡椒，我起初以為都係呢幾樣調味，估唔到師傅將帆立貝煎完，會將佢放係一個加左魚湯既殻度，上面再加左三文魚籽同紫蘇花，紫蘇葉聽得多，紫蘇花真係第一次聽！店員提醒我地整走左紫色花先食，果然好香紫蘇味，魚湯清甜，帆立貝鮮甜，所有調味夾埋一齊真係好好食！好特別呀！第二道菜就係白甘鯛，師傅話呢道