崟

這間鐵板燒位於錦田食街天空之城，門口已經有免費泊車位，交通10分方便。這次一行12人來慶祝食飯，包了全店的鐵板燒坐枱位置，入邊有兩個爐，是日兩位師傅幫手招呼。環境：店內設計簡單，有日式小店風格，店面不大，但有種親切感，如果開派對或節日來包場，也是10分熱鬧適合的。服務：由於是小店的關係，老闆及職員們都10分熱情，間中會與我們聊天，酒水也是有很多選擇，所以最好也是不揸車來。食物：鐵板燒着重的是食物食材的新鮮度，尤其是海鮮，龍蝦、鮑魚、鵝肝、和牛等食材10分新鮮，而配上廚師的純熟烹調手法，令這次晚宴大滿足。…查看更多

老公生日，咁啱係星期一blue Monday，又唔想去太遠食，之前食早餐經過門口都幾企理，所以揀咗呢間餐廳慶祝，2000幾蚊兩個人晚餐，有新鮮澳洲龍蝦，食到有鮮甜味，有鮑魚，有和牛，有鵝肝，有鱈魚，有帆立貝，尤其係鱈魚做到好香脆，個人幾鍾意，仲要好多免費車位，絕對係抵食之選。因為我哋曾經去過山林道食鐵板燒，兩個人仲要比5000先埋到單，只有波士頓細龍蝦，泊車係街邊咪錶代客泊車都要100蚊tips，以後唔會再去尖沙嘴食鐵板燒，去錦田呢間性價比高太多。…查看更多

二人世界下先，食材新鮮美味，廚師手法熟練，令人回味無窮！每一次食完都會好掛著，今次試個和牛，入口即溶，唔需要去日本都可以食到好滿足😌！下次晚飯要再試龍蝦🦞！！…查看更多

走進這家鐵板燒，原來味覺旅程可以咁刺激！前菜嘅涼拌小龍蝦，肉嫩而且清新，個沙律都酸酸甜甜好開胃🥗。杋立貝鮮到爆炸，一啖落肚已經覺得這趟路冇白走。甘鯛煎到表層微脆，卻保持肉質水潤，配上黑松露薯蓉汁，正到無話可說😋。話說番個鮑魚，簿切到透光又爽滑，配上自家鮑魚肝醬，味道層次分明。再個鵝肝多士，烤到表皮香脆，內裏卻溫軟細滑，搞到我一邊食一邊點頭。甜品部分，焦糖多士啲糖漿燶得嚟脆得嚟甜，而青檸啫哩則夠酸爽清新，喺飽滯中帶來一絲清爽🍮。最後嗰碟A4和牛，佢嘅油花分佈得均勻，熱辣辣嘅肉質鬆化又多汁，真係有種內心狂歡嘅感覺！食物到服務都一流，如果你想揾一個味蕾上嘅驚喜，記住要mark實這家鐵板燒。轉角遇到愛嘅感覺，原來係鐵板上跳舞嘅火花同埋煙味間發現嘅。👌🔥…查看更多

今年結婚周年紀念又嚟食鐵板燒！今次叫普通午餐但加咗隻虎蝦，埋單啱啱好一千蚊左右，今次同上次比，食物味道全部都升級咗（本身都好味㗎啦！）沙律新鮮好味，我唔食魚所以轉咗豚肉薄燒，老公個魚都燒得好靚，跟餐隻蝦同加嗰隻虎蝦都整得好香、薄燒牛肉好好味，炒飯非常之夠鑊氣，味噌湯好足料，雪糕今次比較特別，係開心果雪糕，唔係一般食店嘅綠茶或者芝麻，以前食評已經好詳細講過食物質素，所以今次就唔咁長氣，整體連服務全部都好滿意，屋企人都話想試，下次會同埋佢哋一齊嚟，值得一試及支持。…查看更多